Оңтүстік Кореяның Гоянг-Сити қаласында ауыр атлетикадан әлем чемпионаты өтіп жатыр. Жанкүйер қауым осы додада Қазақстанның намысын жыртып, жүзден жүйрік шыққан Зүлфия Чиншанлоның алтын медаль жеңіп алғанынан..

Футболдан Қазақстан Республикасының XVIII чемпионаты жалауын түсірді. «Ақтөбе» командасы біріншіліктің аяқталуына бір тур қалғанда «Тобылды» жеңіп, төртінші рет чемпиондық тәжді «киді». Ақтөбе футболының дамуы үшін барлық жағдайды жасап, тек ойнай біліңдер деген облыс әкімі Елеусін Сағындықов берген тапсырма үдесінен шықты. Алғаш 2005 жылы чемпион атанғанымызда кездейсоқтық деп бағалаған сырт көздер болған.

25 қыркүйек күні 2009-2010 жж. Қазақстанның шайбалы хоккейден ашық чемпионаты басталды. Осы кезге дейін командалардың тым аздығынан шайбалы хоккей еліміздегі «кенже» спорт түрінің бірі болып келгені ешкімге құпия емес. Қазақстан командалары өзінің шеберлігін жетілдіру үшін біресе Ресей біріншілігіне жармасып, біресе Континенталды хоккей лигасының есігін қағуға мәжбүр болды. Сондықтан да  шайбалы хоккей жанкүйерлері үшін осындай толыққанды чемпионаттың өтуі айтулы оқиға екені анық.

Республикамыздың алғашқы чемпионатына сегіз команда: «Қазақмыс» (Сәтпаев), «Сарыарқа» (Қарағанды), «Горняк» (Рудный), «Ертіс-Павлодар» (Павлодар), «Барыс-2» (Астана), «Казцинк-Торпедо-2» (Өскемен), «Арлан» (Көкшетау) және «Бейбарыс» (Атырау) қатысады деп күтілуде. Чемпионатқа қатысушы командалар көктемге дейін сегіз айналымда өзара елу алты матч өткізіп, сәуір айында плей-офф сатысына шығады. Осы ақтық сыннан кейін Қазақстанның шайбалы хоккейден алғашқы турнирлік кестесі жасалып, ел чемпионы анықталады.

Қыркүйектің 21-жұлдызында Данияның Хернинг қаласында басталған күрес түрлерінен әлем чемпионатында еркін күрес шебері 66 келідегі Леонид Спиридонов қола медальға қол жеткізді.
Құрама штаттардың өкілі Трент Полсон, өзбек Алишох Вахидовты жеңген Спиридонов Иран балуанына есе жіберді. Егер,Мехди Керманидан айласын асырғанда алтынның да ауылы алыс емес еді. Үшінші орын үшін күресте украин Андрей Стадник пен түрік балуаны Мұхаммед Илханды  ұтқан Леонид Қазақстан құрамасының қоржынына сайыстағы тұңғыш медальды салды.

Қазақ футболының қарқыны қанша төмен десек те, ала допты аяғында ойнататын жастар жоқ емес. Кезекті жеңіліске куә болып, стадионнан көңілсіз қайтқан күннің өзінде келешекке иек артып, еңсемізді...

Дүниеден озған - Румынияның «Дунэря» клубының бар-жоғы 19 жастағы қақпашысы Александр Ятан. Ел біріншілігінің екінші дивизионында өнер көрсететін «Дунэря» оны бірінші дивизиондағы «Астра» клубынан жалға алған екен. Бірақ Ятан марқұм жаңа командасында жөндеп ойнап та үлгермеді.

Қазақ боксшылары Миландағы біріншілікті алтынсыз аяқтады! 11 боксшыдан жартылай финалға жалғыз жеткен Серік Сәпиев өз елінде де аса таныла қоймаған Андрей Замковойдан жеңіліп, әлемді үшінші рет бағындыру бақытынан айырылды.

Қазір барша әлемнің назары Италияның Милан қаласына ауды. Әдеттегідей, тамаша футбол көрінісіне емес, боксшылар бәсекесіне куә болу үшін. Араға екі жыл салып жалауын көтерген бокстан әлем чемпионатына жер шарының 133 елінен 554 спортшы қатысуда.

Биыл 17 шілдеден бастап 2 тамызға дейін Римде су спорты түрлерінен ХІІІ әлем чемпионаты өткен болатын. Осы чемпионат аясында су добынан да бүкіләлемдік біріншілік өтіп, онда Қазақстан құрамасы соңғы, 16-орынға табан тіреді.

Осыдан бірер жыл бұрын ғана еліміздегі футболшы атаулының барлығы «Қайраттың» сапында өнер көрсетуге әуес еді ғой. Тіпті қарсы команданың құрамында ойнағанның өзінде алматылық клубпен кездесе қалса, өздерін бар қырынан көрсетіп қалуға тырысатын. Алайда өкінішке қарай, бүгінде сол саңлақтардың ешқайсысы Қазақстан футболының бойтұмарының сапына ұмтылмайды. Ал алматылық клубтың сапында былтыр ойнаған ойыншылардың көбі команданы тастап қашып кеткені жасырын емес.