e-Конференция

Е-КОНФРЕНЦИЯ: ӘМІРЖАН ҚОСАНОВ (ТОЛЫҚ ЖАУАП)

Әріптің көлемі: Қалыпты
  • Қалыпты
  • Үлкен
  • Көлемді

Abai.kz ақпараттық порталы жүргізген e-Конфренция өз мәресіне жетті. Конференция қонағы, саясаткер, қоғам қайраткері Әміржан Қосанов мырза оқырманның сұрақтарына толығымен жауап берді. 

Қосанов Әміржан Сағидрахманұлы 1964 жылы 13 мамырда  Қызылорда облысы, Арал ауданы, Сапақ аулында дүниеге келген.  Қазақ және орыс тілдерінде қатар жазатын журналист, көсемсөзші, қоғам қайраткері, саясаткер. С.М. Киров атындағы Қазақ мемлекеттік университетінің журналистика факультетін тәмамдаған ол 1984-1991 жылдар аралығында СОКП мүшесі болды. 1989 жылы аталған оқу орнын бітірген соң республикалық «Социалистік Қазақстан» газетінде партия тұрмысы бөлімінде тілшілік қызмет атқарды. 1990 жылдан комсомол жұмысында болып Алматы қаласы Фрунзе ауданында, содан кейін  БЛКЖО ОК-да саяст бөліміне жетекшлік етті.  

 1991 жылы Қазақстан Республикасы Мемлекеттік комитетінде жастар ісі жөніндегі баспасөз және бұқаралық ақпарат құралдары бөлімін басқарды, 1993 жылы төрағаның орынбасары, 1994 жылы ҚР жастар ісі жөніндегі  Туризим және спорт министрлігінде вице-министр  қызметін атқарды.

1994 жылдың 14 қазанынан бастап 1997 жылдың қазан айына дейін ҚР Премьер-министрі  Ә.М. Қажыгелдиннің баспасөз-хатшысы , сондай-ақ Қазақстан Үкіметінің баспасөз қызметінің жетекшісі болды.

1998 жылы Кәсіпкерлер мен өнеркәсіпшілер Одағының баспасөз хатшысы, сонымен қатар «Реформа» әлеуметтік-экономикалық және қоғамдық-саяси орталығының президенті әм құрылтайшысы қызметін атқарды. Сол жылы Қажыгелдин құрған Қазақстан Республикасы Халықтық пртиясында төрағаның орынбасары; 2000 жылы партияның атқару қызметінің төрағасы, Қазақстанның демократиялық күштерінің Форумында теңтөраға болды.

Саяси партиялардың біріккен жобасы «Әділетті Қазақстан үшін» қозғалысына қатысты. 2005 жылы Қазақстанның жалпыхалықтық социал-демократиялық партиясы төрағасының орынбасары міндетін атқарды. 2006 жылы рұқсат етілмеген митинг ұйымдастырды деген сылтаумен  15 тәулікке жабылды.

2009 жылы 24 қазанда ЖСДП мен «Азат» партиясының серкелері Жармахан Тұяқбай мен Болат Әбілов  ЖСДП-«Азаттың» бас хатшылығына сайланған соң бірккен партия заңдық күшін жойды. Аталған партияны содан кейін ҚР Әділет министрлігі тіркеуге алмай қойды. 2013 жылы партия өзінің Х құрылтайын өткізген тұста партия басшылығы Әміржан Қосановты жиынға қатыстырмай, оны сыртынан партиядағы қызметінен босатып жіберді.  Партия кейін де ішінен жікке бөлініп, тарап кеткелі бері Ә. Қосанов партиялық қызмет атқармайды. Алайда, ол қоғамдық жұмыстардан қол үзген емес. Көзқарасын еркін білдіреді, ойын ортаға салады. Турасын айтқанда, бір өзі бір партияның жұмысын жасап келе жатқан азамат.

Осы интернет-конференция қонағы болғаны үшін Әміржан Қосановқа Abai.kz ақпараттық порталы алғыс айтады. 

62 пікір 6317 рет оқылды Қосылған: 22.11.15
    • #1
    • Текжан
    • жб, 22/11/2015 - 11:49

    Әбеке, Президент Назарбаевтың Батыстағы алпауыт екі елге жасаған сапары туралы не айтасыз? Батыстағы эмигранттар не деп жатыр? Батыс баспасөзі не жазды? Осы сауалдарға қысқаша тоқталып өтіңізші.

    • Жауап
    • сс, 24/11/2015 - 10:30

    Әрине, Қазақ елінің басшысы, шетелге шығып, елімізді насихаттауы – өте құптарлық нәрсе. Және де Ұлыбритания мен Франция секілді беделді мемлекеттердің төріне шығып, олардың басшыларымен терезесі тең келіссөз жүргізгеніне біз тек қуануымыз керек. Бірақ мұндай сапарлардың өзіндік бір түйткілдері болады. Ол бүкіл өркениетті әлем мойындаған әрі бұлжымас ережеге айналдырған демократиялық талаптарға келіп тіреледі. Яғни, Кэмерон да, Олланд та демократиялық процедуралар арқасында бас билікке келген басшылар. Аталған елдерде сайлау әділ әрі ашық бәсеке түрінде өтеді. Бір адамның ширек ғасыр бойына бір орнында отыруы деген нәрсе атымен жоқ. Осы тұрғыдан алғанда біздің бір кемшілігіміз о жақта көзге ұрып тұратынын ашық мойындауымыз керек. Ол жақта сөз бостандығы бар екенін өзіңіз білесіз. Сондықтан да Батыстағы БАҚ та осы сапар туралы еркін жазды. Мақтағандары да болды, Қазақстандағы адам құқы туралы сын айтқандар да болды. Ол мақалаларды Сіздің ғаламтордан тауып алуыңызға әбден болады.

    • #2
    • Ұлағат
    • жб, 22/11/2015 - 11:55

    Әміржан аға!
    Өзіңіз қатарлас журналистердің (курстас достарыңызды айтпай-ақ қойыңыз, өтірік мақтай жөнелеріңіз белгілі, бұл сіздің буынға тән ауру) арасынан дәл кімге қандай мақалалары үшін жоғары баға берер едіңіз? Жалпы, оппозиция қатарында болмаса да батыл сын айтып, жазатын әріптестеріңіз бар ма? Қазіргі қазақ баспасөзіне көңіліңіз тола ма?

    • Жауап
    • сс, 24/11/2015 - 10:44

    Курстастарымның бәрі мен сияқты ашықтан-ашық оппозицияға кетпеді деп ренжіп, оларды сол үшін сынап-мінеп жатқаным дұрыс болмас. Иә, бәріміз КазМУ-дің журфагының «шинелінен» шықтық, бір аудиторияда бір оқытушылардан дәріс алдық, бір жатақханада тұрдық, бір асханадан тамақ іштік.

    Бірақ менің жолым ол достарымнан бөлек боп шықты. Қайдам, «қырық кісі бір жақ, қыңыр кісі бір жақ» демекші, сол қыңыр мен боп шықтым ба, кім білсін...

    Курстастарымның дені биліктің бақылауындағы БАҚ-та қызмет жасап келеді. Ол қызметтің өзіндік талаптары мен стандарттары бар. Десек те, ішіндегі біраз азаматтар сол жүйенің ішінде жүріп те, ұлттық, халықтық мәселелерге белсене атсалысып жүр. О жағын да ұмытпауымыз керек! Кезінде қоғамдағы кемшіліктер туралы ашық ән-жыр жазған Табыл Досымовтың өзі бір төбе емес пе? Серік Абас-Шах, Арман Сқабылұлы секілді курстастарымның қазіргі таңда белсенділік танытып, көпті толғандырған көкейкесті мәселелерге батыл араласып, тура баға беріп жүргенін қайда қоясыз? Мен ондай курстастарыммен мақтанамын! Және де аймақтық БАҚ-та қоғамдық өмірге өз үлесін қосып жүрген басқа да курстастарым қаншама! Олар да шама –шарқынша ел қамын ойлап, айтарын айтып жүр.

    Ал жалпы қазақ баспасөзіне келсек, ол өзі - өз алдына бөлек әрі терең әңгіме. Қысқаша айтар болсам: қоғам қандай, оқырман қажеттілігі қандай – БАҚ та сондай болмақ! «Қазақ баспасөзі орыс тілді баспасөзден кенжелеп қалды!» деген баяғы байбаламды доғару керек! Ондай теріс тұжырымды көбінесе қазақша ұқпайтын шенеуніктер мен сарапшылар айтады.

    Иә, қазақ баспасөзінің дамуы жолында екі кедергі бар. Бірі – қаржылық, екіншісі – сыртқы және ішкі цензура. Уақыт келе екеуінен де арыламыз деп ойлаймын.

    Ал біз, оқырмандар, қазақ баспасөзіне қолдау көрсетуіміз қажет, яғни сол басылымдарға жазылу, оларды сатып алу арқылы рухани «инвестиция» жасайық! Оқитын болсақ, қазақ тіліндегі сайттарды оқиық, олардың статистикасын, оқырманының санын көбейтейік, сонда оларға жарнама берушілер де молынан қаржысын төгеді. Сол көмегімізді аямайық!  

    • #3
    • Мақсұт
    • жб, 22/11/2015 - 14:06

    "Ә.Қосановтың" есімін қоғамның тағдырына немқұрайлы емес азаматтардың бәрі дерлік біледі. Сондықтан Сіздер айтқан әр пікірде салмақ бар. Біздің әбден жаншылып, жасып қалған қазақ өздерінің көкейіндегі айта алмай жүрген мұң, мұқтажын Сіздердің ауыздарыңыздан естігісі, естірткісі келеді. Сіз әзірге айтып келесіз, бірақ халықтың қолдауынан үмітін үзген қаншама серіктеріңіз "Жартасқа барып, күнде айқай салып" көңілі қалғасын саясат сахнасынан шеттеп кетіп жатыр. Сіздің шыдам, төзіміңіз қалай, қаншаға шыдайсыз?

    • Жауап
    • сс, 24/11/2015 - 10:53

    Жылы лебізіңізге рахмет! Осындай бағалар адамға кәдімгідей қуат береді! Анам мені туғанда «міндетті түрде оппозиция болсын, сонда өмір-бақи қалсын" деп тумаған шығар.

    Оппозиция сияқты тар жол, тайғақ кешетін өмірге әр адам өз жолымен келеді. Және де өз жолымен, өз себебімен оның қатарынан кетеді. Біреулер абыроймен кетеді, ал біреулер кешегі әріптестерін қаралап, оларға күйе жағып кетеді. Оппозицияда жүргеніме 17 жыл болыпты. Осы уақыт ішінде бәрін көрдік: шынайы достықты да, сатқындықты да.

    Бір нәрсе анық: оппозиция курорт емес!

    Сондықтан да арамызда болған, кейін әртүрлі себептермен оппозиция қатарынан шығып қалғандарға түсіністікпен қарауға тырысамын. Мәселен, мен өзіне қысым жасағанда айтқанынан қайтпаған, бірақ жақын достарын соттаймыз дегенде оппозициядан кеткен адамдарды білемін. Оларды қалай сынайсың енді?

    Тек екі нәрсені кешіре алмаймын: бірлікке нұқсан келтіргендердің арам ісін және кешегі әріптестерін негізсіз сынап, жамандағандардың сасық әңгімесін!

    Өз басыма келсек. Кез келген адамның өзіндік ұстанымы, принциптері болуы керек деп ойлаймын. Принципсіз адамдар – ең қауіпті адамдар! Олар кез келген сәтте сатып кетуі мүмкін, құй билікті болсын, құй оппозицияны болсын!

    Мен де – қазақтың кәдімгі бір қара баласымын, мен де пендемін, менде де кемшілік артылып жатыр, бірақ ел алдында жария еткен принциптеріме мейлінше адал болуға тырысып жүрмін.

    Қалғанын уақыт көрсете жатар...

    • #4
    • Рахымғали
    • жб, 22/11/2015 - 14:13

    Жармахан Тұяқбай қайда? Болат Әбілов қайда жүр? Олармен қазір аралассасыз ба?
    "Жармахан Тұяқбай оппозицияның құрамына әдейі жіберілген адам" дейтін сөзге қалай қарайсыз?

    • Жауап
    • сс, 24/11/2015 - 10:52

    Бұрынғы екі әріптесімді ЖСДП «Азат» партиясын қақ жарып, саяси сепаратизмге салынған бір топтың 2013-жылы жасырын съезд өткізіп, бізді кіргізбей қойғанынан кейін көрген жоқпын. Мен оппозицияға бұл кісілерге дейін келіп, өз күресімді жүргізгенмін. Қазір олардың қайда жүргенін, өкінішке орай, білмеймін.

    Әрине, демократиялық күштер, соның ішінде ЖСДП және бірегей ЖСДП «Азат» қатарында қоян-қолтық жүріп, аға-інідей араласқан кездерді мен ұмытпаймын. Ол бір қайталанбас кездер ғой.

    Тұяқбай туралы әртүрлі әңгіме айтылды, қазір де айтылып жүр. Өзім қолмен ұстап көрмегесін, комментарий бере алмаймын. Реті келсе, өзіне осы сауалды қоярсыз.

    Мен ешқашан әріптестерімнің қара басын, адамдық, пенделік жеке мінездерін сынамаймын. Ол - әр адамның өз ісі. Бірақ саяси тұрғыдан баға беруден қашпаймын.

    Тұяқбай мырза біріккен ЖСДП «Азат» партиясын қақ жаруға ықпал етті. Онысын мен сынадым.

    Әбілев саясаттан кетті. Ол да оның өзі таңдауы. Бірақ ол «Азат» секілді беделді партияның жетекшісі ретінде осы ұйымның тағдырын анықтамай кетті. Біреулер оны жойылды дейді, ал біреулер – әлі де Орталық сайлау комиссиясының тізімінде тұр дейді. Партияның басшысы ретінде Әбілев  халыққа партияның тағдыры шынымен қалай болып тұрғаны турасында жақсылап түсіндіріп беруі керек деп ойлаймын.

    • #5
    • Жұмабай
    • жб, 22/11/2015 - 14:16

    Гүлжан Ерғалиеваның жақияновтар отбасымен соттасуы туралы не айтасыз? Гүлжандікі тапсырыс емес пе? Әйтпесе өзара шешетін қарыздың әңгімесін жұртқа жаймайтын еді ғой?

    • Жауап
    • сс, 24/11/2015 - 10:57

    Шынымен де бұл қақтығыс - екі жеке тұлғаның арасындағы мүдде қайшылығы деп ойлаймын. Өз басым осы жайтты осыншама жария етуге қарсы болдым. Оны Гүлжанға айттым. Жақияновтарға, өкінішке орай, хабарласа алмадым. Жанашырлық танытып, бір хабар бергенмін, бірақ жауап болмады.

    Менің ұстанымым мынадай: біреуден ақша алып, пәленше уақыттан кейін қайтарам дедің бе, қайтар.

    Өз басым соттағы жақияновтардың адвокатының: «Біз қайтарсақ, 2010-жылдың бағамы бойынша қайтарамыз» дегенін мүлдем құп көрмедім. Олай болса, қазіргі бағаммен Гүлжан бір миллион доллар емес, 600 мың доллардан кем ақша алады екен. Доллармен алдың, сол доллармен қайтару керек деп ойлаймын.

    Мен Жақияновты да, Ерғалиеваны да қадір тұтамын. Екеуі де мен үшін қымбат. Бірақ, уәдені қалай болса да орындау керек екені де белгілі емес пе?

    • #6
    • Бекнұр
    • жб, 22/11/2015 - 14:20

    Ресеймен Кедендік Одақ және Еуразиялық экономикалық одақ құрып, аталған одақтардың аясында өмір сүрмесек басқаша өмір сүру қиын ба еді? Әлдебір сарапшылардың сөзіне сенсек, осы одақтардың арқасында ғана РФ мен тәуір болып отырған көрінеміз. Есесіне санкциялардың қыспағында қалған РФ-мен бірге әлемдік дағдарыстың батпағына батып барамыз. Басқа жол жоқ па? Не айтасыз?

    • Жауап
    • сс, 24/11/2015 - 11:02

    Өз сауалыңызға өзіңіз жауап беріп жатырсыз-ау деймін.

    ЕАЭО – о баста тым асығыс құрылды, сондықтан оның бір қайнауы ішінде. Оны біз күнделікті экономикалық статистикадан-ақ көріп отырмыз. Бұл одақ, сонымен бірге, таза саяси конъюнктураға негізделген құрылым. Оның негізінде объективті себептер емес, субъективизм мен волюнтаризм жатыр. Сондықтан да алыс перспективада ол одақтың нарықтық және жаңа геосаяси жағдаяттарда болашағы жоқ.

    Батыстың Ресейге қолданған санкциялары өз нәтижесін беруде. Мәселен, Кудриннің айтуынша, ол Ресейдің ЖҰӨ-ін 1,5 пайызға төмендеткен. Бұл өзі үлкен көрсеткіш. Ол санкциялар ЕАЭО құрамындағы мемлекеттерге де  кесірін тигізіп жатыр. Мәселен, біздің үкімет Астанадағы қаржылық орталықта ресейлік компанияларды тіркеу туралы бастама көтерді. Яғни, олар осылайша Батыс санкцияларын айналып өтпекші. Ал Батыс елдері осы маневрді білмей отыр дейсіздер ме? Біледі, әрине! Ал оның өзі бізге қарсы қолданылатын санкцияларға әкеп соқтыруы әбден мүмкін емес пе?!

    Менің позициям мынадай: дағдарыс кезінде, әлемдік архитектураның жаңа нобайы қалыптасып жатқанда ешқандай одаққа кірудің қажеті жоқ!

    Әрине, 7 жарым мың шақырым ортақ шекарамыз бар Ресеймен тату-тәтті өмір сүру керек, сауда-саттық, басқа да қатынастарды дамытқан жөн. Осының бәрін көп нәрсеге міндеттейтін одаққа кірмей-ақ жүзеге асыруға болады емес пе?!

    • #7
    • Арын
    • жб, 22/11/2015 - 14:24

    Кәрім Мәсімовтен басқа Үкімет басқаратын адам қалмаған ба не? Бұл бір бездарный біреу, қолынан түк келмейді. тындырған ісі жоққа тән. Сонда да атқарушы биліктен бір кетпейді. Оның билікке бұт артып алуының себебі не? Қандай мәліметіңіз бар? Ортаға салңызшы біз де біле жүрелік.

    • Жауап
    • сс, 24/11/2015 - 11:07

    Өзім кезінде үкіметте істедім, одан кейін де талай премьерді көрдік. Жақсысы бар, жаманы бар дегендей.

    Атқарушы билікте атқара алмайтын көлденең іс туғанда олар үн-түнсіз отставкаға кете беретін. Ал мына премьердің жөні бөлек болып тұр. Қандай менеджерлік қасиеті үшін оны елбасы соншалықты қолдайтынын білмейді екенмін. Экономика болса, күннен күнге құлдырап барады, халықтың күн көрісі күрт нашарлап кетті, тіпті, елбасы өзі айтқандай, «осы күнге дейін үкімет дағдарысқа қарсы жоспар жасамапты»! Отставкаға кету үшін тағы нендей себеп болуы керек екен осы?!

    Мәсімовтың «мәңгілігінің» шынайы сырын президенттен басқа ешкім білмейді ғой. Менікі – өз жорамалым.

    Тәуелсіз сарапшылар осы мырзаның биліктегі біраз адамның шетелдегі, соның ішінде, Оңтүстік-Шығыс елдерінің банктерінде тығылып жатқан қаражаттарына қатысы бар дегенді айтып жүр (бұл әңгімелерді әлі ешкім жоққа шығара қойған жоқ). Мәселенің бір ұшы осында болуы мүмкін.

    Екіншіден, қазір биліктегі топаралық текетіресте осы мырзаның тобының жұлдызы жанып тұр және оның маңына біраз ықпалды тұлғалар мен күштер топтасты деген сөз бар.

    Үшіншіден, қазір президент үшін ең басты шаруа – өзінің мұрагерінің мәселесін шешу. Жұрттың айтуынша, осы мырза сол проблеманы ретке келтіруде шешуші роль атқарады.

    Қай жорамал рас, оны алдағы уақыт көрсете жатар.

    • #8
    • Дәрімбек Сейіт
    • жб, 22/11/2015 - 14:30

    Осы жылы Серке сайтында "Қосанов саяси банкрот болды" деген тақырыпта сізді қаралау сипатындағы мақала жарық көрген еді. Сол макаланы оқыған шығарсыз. Ештен кеш жаксы демекші аталған макала туралы сіздін пікірінізді білгіміз келеді, кімдер жаздыртты деп ойлайсыз? Серке сайты туралы өз ұстанымынызды білдіре кетсеніз?

    • Жауап
    • сс, 24/11/2015 - 11:12

    Марк Твен айтқан екен: «Слухи о моей смерти слишком преувеличены!» деп. Мен де соны қайталағым кеп отырғаны.

    Бұл өзі бір мейлінше лас технологияларды, өсек-аяңды пайдаланатын, көп жағдайда жиіркеніш сезімін тудыратын сайт. Және де көп адам біле бермейтін жайттарды «құбылтуына» қарағанда, ол сайттың белгілі бір ықпалды топтарға қатысы бар деген әңгіменің жаны бар секілді. Ал біреулер тіпті оны «үш әріппен» де байланыстырып жүр.

    Ал сол «үш әріп» билік туралы пікірін ашық айтып жүрген мені жек көрмегенде, кімді жек көреді? Сондықтан да осылай бықсыта береді де.

    Мәселен, егер де басқа бір сайт осы тұрпаттағы, адамның намысына тиетін мақалалар жазса, билік оны сол күні-ақ жауып тастар еді?! Ал бұл сайттың мұртын балта шаппайды. Яғни, ол сайттың билік тарапынан мықты қолдауы бар деген сөз!

    Тегінде қай саясаткердің шын мәнінде саяси банкрот екенін осындай сайттардағы тапсырыспен жазылған, авторлары бүркеншік ат жамылған мақалалар емес, ашық та әделетті сайлау, немесе тікелей эфирдегі дебат көрсетеді.

    Олай болса, «банкроттық» тәжірибе жасап көрелік. Ол үшін мен осы АБАЙ.КЗ сайты арқылы биліктегі кез келген саясаткерді сондай дебатқа шақырамын! Сол тікелей эфир көрсетсін кімнің банкрот екенін! 

    • #9
    • Seri
    • жб, 22/11/2015 - 14:35

    Өмірбаяныңызға қарап отырсам, Совет өкіметінің кезінде қызмет сатысымен өрлеп-ақ келе жатқан азаматтың бірі екенсіз.Осы күні сол Социализмді сағынып жүрген жоқсыз ба? Совет өкіметіне қайтып баруды қамыға ойлап, армандайтындардың қатарынан емессіз бе? Тек шыныңызды айтыңыз.

    • Жауап
    • сс, 24/11/2015 - 11:14

    Совет үкіметі тұсында өмір сүргенім рас. Оны қалай мойындамасқа?

    Мектеп пен университетті сол тұста бітірдік. Және жалғыз мен емес, миллиондаған менің құрдастарым осы жолмен жүріп өтті.

    Қазір болса, заман басқа. Тәуелсіз мемлекетте өмір сүріп жатырмыз.

    Бірақ, байқасаңыз, біздің саяси жүйе сол советтік заман кезіндегі дәстүрлерге жақындап келеді. Сол баяғы іс жүзіндегі бір партиялық жүйе, биліктің халықтан алшақтауы, сөз бостандығының жоқтығы, әділетсіз сайлау және де монополиялық жүйенің басқа да құбыжық белгілері өмір шындығына айналып бара жатқан жоқ па? Тіпті біздің билік қолдап жұрген ЕАЭО-ның өзі кей кезде КСРО-ны көз алыңызға елестетпей ме?

    Өз басым ондай тенденцияға үзілді-кесілді қарсымын! Және де советтік жүйенің адамға қарсы болмысы туралы, соның ішінде қазақ халқыныа келтірген сұмдық залалы туралы айта беру керек, айта беру керек!

    Санадағы тоталитаризмнен құтылмай, ешнәрсе өзгермейді!

    • #10
    • Төкен
    • жб, 22/11/2015 - 14:50

    Елбасы таққа отырған алғашқы жылдары, оппозиция керек, ол болмаса "жасау" керек деп қалғаны бар.Сол кезден бері біраз уақыт сырғыды. Содан бергілердің ішінде оппозициямыз деп жүргендердің "жасандысы" қайсы,шыны қайсы?

    • Жауап
    • сн, 25/11/2015 - 10:17

    Бізде бір қызық тенденция бар. Кезінде, 90-шы жылдардың аяғында жұрт «оппозициямын» деп айтудан қорқатын, одан қашатын. Қазір болса, «оппозициямын» деушілер баршылық. Оған да шүкір, яғни қоғамды жайлаған үрей сейіле бастағаны ғой. Сонымен бірге, бұл деген осы санатта болудың өзі ел алдында абырой береді, әрі осы істің болашағы бар деген сөз емес пе?

    Әрине, оппозиция қатарында болуға әркімнің-ақ  қақы бар. Ол іске монополия жоқ. Бізде кейде билік төрінде отырып, оппозицияны аяусыз жаншып, билікті сынаған адамдарды өлтіріп, ұрып-соққан адамдар да қызметінен кеткеннен кейін аяқ астынан «режимнің саяси қарсыласы» боп шыға келеді!

    Кез келген биліктің оппозициялық қозғалысты өз бақылауында, өз уысында ұстағысы келетіні белгілі әрі... түсінікті. Ол үшін өкімет әртүрлі құйтырқыларды пайдаланып, жасанды, оппозициясымақ партияларды құрады. Олардың атын өзіңіз білесіздер.

    Немесе, шын мәнінде оппозициялық қимыл-әрекет танытып, ел ішінде беделге ие бола бастаған партиялармен «тиісті жұмыс» жасайды. Не олардың басшыларына қоқан-лоққы көрсетеді, не арандатады, не сатып алады. Не болмаса, арасына іріткі салып, бөліп, ажыратып жатады.

    Бізде осының бәрі бар.

    Ал белгілі бір саяси күштің шын оппозиция ма, не жасанды ма, оны аңғару тіпті оңай.

    Ол үшін екі тест бар.

    Біріншісі – ол партияның бағдарламасына байланысты. Яғни, билікті сылап-сипап сынаған бола ма, әлде елдегі қалыптасқан  саяси жүйені түбегейлі өзгертуге шақыра ма? Бір гәп сонда.

    Екіншісі – елде болып жатқан теріс тенденциялар мен оқиғаларға дер кезінде принциптік баға бере ме? Өз басым жалған оппозиция мен шынайы халықшылдарды ажыратып беретін бір моральдық Рубикон – Жаңаөзен трагедиясы деп санаймын! Сол тұста халық жағында сөз сөйлемеген, бейбіт жұртты тапа-тал түсте атып, қырып салған билікті айыптамаған кез келген саяси күш не саясаткер – саяси өлік! 

    • #11
    • Арман
    • жб, 22/11/2015 - 16:45

    Болашақта билікте ауысу болары белгілі. Сол кезде билікке бару үшін бе, өзің үшін десе де болады, әлде шын халық үшін күресесің бе... Халық атынан деп, қалта мен билік балтасы қамымен кетесің бе.

    • Жауап
    • сн, 25/11/2015 - 10:21

    Меніңше, қазіргі бас билік жуық арада ауыспайды. Ал ауыса қалса, жаңадан келгендер қазіргі саясатты жалғастырушы ретінде ғана елбасының батасын ала алады. Сондықтан мемлекеттің ішкі және сыртқы саясаты да таяу арада өзгеруі неғайбыл.

    Билікке баруым не бармауым туралы.

    Біздің халықта бір үлкен педагогикалық кемшілік бар. Бала өсіп келе жатса, «министр болсын, әкім болсын, прокурор не сот болсын» деп бата беріп жатады. Яғни, бастық болсаң ғана, дегеніңе жетесің деген файлды біз о бастан баланың басындағы компьютерге салып қоямыз.

    Сондықтан да басқаша, өркениетті мұраттарға жетелейтін армандар тілегі ретінде үлкендер жағы жастарға: «Білімді бол, зерек бол, белгілі бір мамандық не кәсіптің шебері бол, ғалым бол, Нобель сыйлығын ал!» деп бата беруі керек сияқты.

    Ал мен өз басым «міндетті түрде билікте болуым керек» деген қағиданы ұстанған адам емеспін. Биліктің биігінде 28 жасымда болдым. Қызығын да, шыжығын да бір адамдай көрдім.

    Меніңше, әңгімені басқаша рәуіште айту керек. Яғни, мемлекетке қызмет ету, шенеунік болу ісінің ел алдындағы беделін арттыру керек. Сол кезде билікте болу соншалықты лас іс не ел мүддесін сатқандық боп саналмайды. Ол заманға да жетерміз келе-келе...

    • #12
    • Қызылордалық
    • жб, 22/11/2015 - 17:43

    Шынызды айтынызшы ? Елбасынын кандай касиеттерін жогары багалайсыз?

    • Жауап
    • сн, 25/11/2015 - 10:25

    Осы күнге дейін билікті, соның ішінде елбасын сынап келе жатқан қазақтың бірімін. Бірақ жеке басына тиісіп көрген жоқпын, тек саяси шешімдеріне қатысты пікір айтып келемін. Оның өзі өркениетті оппозицияның заңдарына толық сәйкес келеді деп ойлаймын.

    Сөз жоқ, президенттің адамды өзіне тартар, баурап алар қасиеттері баршылық.  «Қазақ осындай» деп басқа жұртқа көрсетуге болатындай сыртқы келбеті бар. Ел басқарудың таптырмас мектебінен өткен. Саясатты да терең меңгерген. Және де Қазақстанның жаңаша тарихында болған небір игілікті істерге оның тікелей қатысы бар. Мен оларды мүлдем жоққа шығармаймын. Және де жатып тұрып, жамандап, өмірлік дұшпаным санайтындай ол менің әкемді өлтірген жоқ қой.

    Бірақ «сүрінбейтін тұяқ, жаңылмайтын жақ болмайды» дейді атам қазақ.

    Президент те ет пен сүйектен жаралған адам.

    Мен әрқашан бізде 1995-жылдан бері қалыптасқан суперпрезиденттік жүйенің кемшіліктерін атап келемін. Олар – биліктің халықтан алшақтауы, жеке басқа табынушылықтың асқынуы, жемқорлық, қарапайым халықтың тұрмыс деңгейінің төмендеуі, сөз бостандығының жоқтығы, әділетсіз сайлаулар.

    Билік тізгінін өз қолына шоғырландырған елбасының да басқалармен бірге осы жайттарға тікелей қатысы бар деп санаймын.

    • #13
    • Нурбек Сайлаубек
    • жб, 22/11/2015 - 17:48

    Призидент сонгы уакытта іс сапармен коптеген елдерде болды.Сол сапарларда президент карызга акша сурап жур деген ангиме шыгып жур.Осы распа? Сиздин ойыныз кандай?

    • Жауап
    • сн, 25/11/2015 - 10:30

    Дағдарыстың бір «жемісі» сол – мемлекеттік бюджетті толтыратын қаржы сұйылып кетті, бюджеттің көптеген баптары аяусыз қысқартылып жатыр. Қолда болған қаржы жөнді игерілмеді. Ұлттық қордың өзі тесіліп қалған секілді. Қаншама ақша тиімсіз жұмсалып жатқанын үкіметтің кешегі кеңейтілген мәжілісінде президенттің өзі айтқан жоқ па? Ал ол айтпаған, қолды боп кеткен қаржы қаншама десеңізші!

    Сондықтан қаржы, сөзсіз, керек.

    Бірақ қазіргі қиын жағдайда «шетел инвестицияларын тарту керек» деген нарықтық талапты қайта қарау керек сияқты. Яғни, қарызды оңды-солды ала бермей, «ол қандай шартпен, қандай пайызбен, қанша уақытқа беріледі, ол қарыз қандай мақсаттарға жұмсалады?» деген сауалдарға жауап беруіміз керек. Әзірше мен үкімет тарапынан ондай ыждағатты әрі тиянақты тірлікті көріп отырған жоқпын.

    • #14
    • Алмас Алтай
    • жб, 22/11/2015 - 17:55

    Болашак призидент казирги елбасымыздын командасынан шыгуы мумкинба? Мыс.И.Тасмаганбетов, Қ. Тоқаев, А.Мырзахметов сиякты азаматтар.алде болашак призидентти ел али дурыс танымайма?

    • Жауап
    • сн, 25/11/2015 - 10:33

    Ол өзі беймәлім нәрсе. Елде қалыптасқан құқықтық әрі саяси жағдайға байланысты бәрі бір президенттің қолында. Тіпті күні ертең ешкімге беймәлім біреуді әкеліп, өз орнына отырғызып қоюына да оның барлық конституциялық, заңдық қақы мен мүмкіндігі бар.

    Мұрагер ретінде біраз адамның аты аталып жүр. Бірақ оның бәрі я жай жорамал, я белгілі бір тұлғаны мақтау не «көрдіңіз бе, ол бас билікке ұмтылып, өз-өзін насихаттап жатыр» деп, президент алдында беделін түсіру болуы әбден ықтимал.

    Сол пиар-науқанға қосылып, мен де ойымдағы тұлғаларды атамай-ақ қояйын. Шын мәнінде лайықты адамдарға сөзімнің салқыны тиіп кетуі мүмкін...

    • #15
    • Қамысбек
    • жб, 22/11/2015 - 18:01

    Әбеке ! Айтынызшы Экспо-17 кормесіне көзкарасыныз кандай? Бұл шара бізге кандай жаксылыктар акелуі мумкін?

    • Жауап
    • сн, 25/11/2015 - 10:40

    «Біреу тойып, ЭКСПО деп секіредінің» кері боп тұр ғой. Экономика осындай дағдарысқа ұшырап, мектеп оқушыларын тегін тамақтан айырып отырғанымызда өз басым көп қаржыны қажет ететін осындай іс-шараларға мораторий жариялау керек деп ойлаймын!

    Мәселенің тағы бір жағы бар. Мұндай көрмелер өткізу механизмін қазіргі заман талаптарына сай қайта қарау керек сияқты. Қыруар қаржы жұмсап, көрмеге арнайы дағарадай ғимарат салу, оның павильондарына жан-жақтан экспонат әкелу дәл бүгін, жоғарғы технологиялар, байланыс жасау, ақпарат бөлісудің озық түрлері бар кезде қажет пе? Мәселен, кез келген идея не жобамен ғаламтор арқылы да танысуға болады ғой. Осы жағын мықтап бір ойлану керек сияқты.

    Біздің биліктің ойы белгілі ғой: жан-жақтан қонақтар келеді, біздің елге келіп, дастарханнан дәм татқаннан кейін олар мәдениеттілік сақтап, біз туралы жылы сөз айтып қалады. Ал ол сөздерді біздің ресми БАҚ «шетелдіктер Қазақстан жүргізіп отырған ішкі және сыртқы саясатты толық қолдап жатыр!» деген тақырыппен жазады-ай кеп!  

    • #16
    • малика
    • жб, 22/11/2015 - 18:06

    Елімізде алдагы уакытта 90 жж дай карточкалык жуйе енгизилуи мумкин бе? Калай ойлайсыз?

    • Жауап
    • сн, 25/11/2015 - 10:44

    Құдай ондай талондардан сақтасын. Кезінде көрдік қой ол талондарды. Бірақ, мен әлі де үкіметтің президент айтқан «әлеуметтік жағдайы ауыр топтарға адрестік көмек беру» туралы тапсырмасын қалай орындайтыны жайлы ресми ақпарат естіген жоқпын. Сол қадамдардың ішінде талондық жүйеге көшу туралы шешім болмайтынына өз басым кепілдік бере алмаймын. 

    • #17
    • Абыл
    • жб, 22/11/2015 - 18:58

    Саламатсыз ба Әміржан аға,қазіргі еліміздегі дағдарыс ресеймен болған одақтын кесірінен болып жатыр деген уәжге келісесіз бе? Шынымен Еуразиялық одақтын әсерінен біз де дағдарысқа ұшырадық па?

    • Жауап
    • сн, 25/11/2015 - 10:46

    ЕАЭО – елдегі дағдарыстың бірден-бір себебі емес, әрине. Қазіргі қиын жағдайдың қалыптасуының себептері көп. Біразын жоғарыда айттым. Бірақ, осы одаққа кіруіміз, әсіресе, Ресейге қарсы Батыс елдерінің санкцияларынан кейінгі жаңа жағдайда Қазақстан экономикасының дамуына теріс әсерін тигізгені рас. Оны биліктің өзі де мойындауға мәжбүр.

    • #18
    • графен
    • жб, 22/11/2015 - 19:40

    Сіз оппозицияға кеткелі қазіргі билік сізге қызмет ұсынып көрді ма? Ұсынса неге бас тарттыңыз? Ал ұсынбаса ұсынған жағдайда барар ма едіңіз? Және қазір немен күн көріп жүрсіз?

    • Жауап
    • сн, 25/11/2015 - 10:49

    Бұл мәселені жариялай беруді өзім хош көрмейтін едім. Бірақ Сіз сұрақ қойғасын жауап берейін.

    Ұсыныстар болғаны рас. Бірақ ол әңгімелер жеке адамдармен қарым-қатынас деңгейінде болды да, белгілі себептермен мен ол жайттарды әзірше жария ете алмаймын.

    Оның үстіне өкіметті сынап жүрген мен сол өкіметтің ішінде өзімді өзім көз алдыма елестете алмаймын. Ол үшін не өкімет, не мен өзгеріум керек болар.

    Күн көруге келсек. Менің мамандығым – журналистика. Мені асырап отырған осы кәсібім. Жазу үшін міндетті түрде бір жерде штатта тұру шарт емес. Еркін жүріп те, шығармашылықпен айналысуға болады. Еркін жүрсең, ойың да еркін болады. Өйткені ешбір құрылтайшыға не басқаға тәуелді болмайсың. Ал қазір ашық пікір – нағыз дефицит! Әрі бар жағынан қымбат нәрсе.

    • #19
    • графен
    • жб, 22/11/2015 - 19:59

    Әблязов туралы не айтасыз? Оның БТА-ны жеп кеткені рас па? Жеп кетпесе неге қудаланып жүр? Неге экономикалық қылмыстармен сотталғандар Назарбаевтан кешірім сұраса жазадан құтыла қояды? Неге биліктегі экономикалық қылмыс жасап байығандардың бәрін емес, араларынан іріктеп алып жазалайды? Неге бизнес жасап байығандар саясатқа сәл араласа бастаса оларға қарсы мемлекеттік жазалаушы органдар іс қозғай бастайды?

    • Жауап
    • сн, 25/11/2015 - 10:51

    Әблязов – қарама-қайшылығы мол тұлға. Оның ДВК қозғалысының жетекшілерінің бірі ретінде әрі «Алға» партиясы мен бірқатар тәуелсіз БАҚ-ты қаржыландырып, еліміздің демократиялық дамуына өз үлесін қосқанын ешкім де жоққа шығара алмайды. Өз позициясы үшін түрмеге отырып шыққаны бар. Кез келген адам ондай сынға шыдамайды.

    БТА банкісінің қаржысына қатысты ол өз түсініктемесін берді. Мен оның сөзіне сенемін.

    Бізде жемқорлықпен күрес – билікке жақпайтын тұлғалардың көзін құрту, кланаралық соғыстың бір құралы болған да рас. Ондайды жою үшін жемқорлықпен күрес ашық та әділ түрде жүргізілуі тиіс! Ал ол үшін нағыз саяси ерік-жігер, саяси реформалар қажет!

    • #20
    • графен
    • жб, 22/11/2015 - 20:12

    Ең жоғарғы билікке ұмтылған адамның жауапкершіліктен қашу дұрыс па?

    • Жауап
    • сн, 25/11/2015 - 10:52

    Әрине, дұрыс емес! Жауапкершіліктен қашсаң, билікке ұмтылма!

    • #21
    • Мақсұт
    • жб, 22/11/2015 - 20:26

    Өткенде біраз ақпараттық каналдарда "Бізге де Саакашвилиді келтірсе ғой" деген сияқты қиял-арманға келетін пікірлер айтылып жатты. Себебі халық бүгінгі биліктің дәрменсіздігінен әбден түңіліп, үмітін үзгені ғой. Расында да 25 жылдан бері ат төбеліндей аз ғана топ төбемізден шыр айналып кетпей жүр. Сонда -қазақ ұлты кадрға соншалықты кедей ме? Неге айдаладағы Саакашвили? Біздің республикаға бара -бар келетін Кемерованы басқарып, орыстар айырылмай етегіне жабысып отырған А.Төлеев неге біздің бағымызға бұйырмады? Сұрақ -бізде Кім бар Елдің ертеңіне пана болатын??? (Төбемізде айналып ұшқан қарғалардай кәрілерді құдай құт қылмасын)

    • Жауап
    • бн, 26/11/2015 - 12:00

    Сіз қазіргі қоғам үшін аса маңызды мәселені көтеріп отырсыз.

    Шынымен де Астанаға да, облыс не ауданға да қарасаң, ылғи да сол баяғы ескі кадрлар. Бір жылы орыннан екінші жылы орынға ың-шыңсыз жылжып отырады. Не бұрынғы орнында не істеп, не қойды, сол туралы бір ауыз есеп беруге жарамайды, не жаңа орнында не істеп, не қоймақшы, ол да құпия! Осындай дәстүр елді мезі ғып, әбден шаршатқаны да рас!

    Қазақтың досы да, жауы да – өзі! Сол сияқты қазақты алға сүйрейтін де, артқа тартатын да – өзі!

    Шынымды айтсам, өз басым, белгілі бір салаға не ұлттық компанияға сырттан кадр әкеліп, оған қыруар ақша беріп, жұмыс жасату дегенді қабыл ала алмаймын! Өз арамызда кез келген жұмысты дөңгелетіп, алып кететін кадрлар жетеді!

    Сондықтан кадр мәселесінде де өркениетті бәсеке керек! Әйтпесе, біздің шенеуніктер өз қызметін әкесінен қалған мұрадай санайды. Бір отырса, орнынан қозғалту қиын! Содан барып, менменшілдік, менсінбеушілік, еш негізі жоқ көкірек пайда болады.

    Қолынан елге қызмет ету келмеген кез келген министр не әкімді орнынан алып тастасақ – өлмейді, әрқайсысының не әйеліне, не бала-шағасына жазып қойған бизнесі бар, сонымен күн көреді. Статитиска үшін де ол жақсы: елдегі шағын және орта бизнестің көрсеткіштері күрт жақсарады!

    • #22
    • Нұр
    • жб, 22/11/2015 - 21:21

    Әбеке еліміздегі діни ахуал туралы не айтасыз? Еліміздегі қанатын кең жайып келе жатқан уаххабизм-сәләфизмге қалай тосқауыл қоюға болады? Уаххабизм-сәләфизмнің елімізде таралуына аянбай еңбек етіп жүрген белгілі адамдарға не айтуға болады? Сол жат ағымның басшылары ең жоғарғы жақта деп айтады,сол рас па?

    • Жауап
    • бн, 26/11/2015 - 12:01

    Бізде бір жаман әдет бар: қасиетті Құранның бір-екі сүресін жаттап алып, дін тарихы туралы жалпылама, бір оқулық деңгейінде білім алған адамдар «дін мәселесінің маманы» боп шыға келеді. Меніңше, ең басты тосқауыл – дін туралы терең де жан-жақты білімнің жоқтығы!

    Қазақстан мұсылмандарының Діни басқармасы да өз жұмысын пәрменді әрі нәтижелі жүргізуі тиіс. Әйтпесе, әзірше ондағы имамдарды халық тек өлім-жітімде ғана көріп, естіп жүр. Олардың айтып жүрген уағыздарын да бір ретке келтіру керек секілді.

    Ал Сіз айтқан діни бағыттардың биліктегі өкілдерін билік білмейді емес, біледі. Ар жағын өзіңіз түсіне беріңіз...

    • #23
    • Әбіл Қайрат
    • жб, 22/11/2015 - 21:42

    "5.Жұмабайдың" сұрағына Ә.Қосанов мырза әділ жауап бере алмайды, себебі Г.Ерғалиеваның ғана айтқанын біледі, шындықты білмейді. Меніңше, оның да, Ерғалиеваны "сатқысы жоқ" басқалардың да ешқайсысы екінші жақпен - Жақияновтармен сөйлескен, мән-жайды білген емес, Ерғалиеваны бірден қолдап, фейсбуктарында, сайттарда Жақияновтарды айыптап жөнелді. Қайсысының ұйымдастарғынын білмеймін, Ж.Мамайдың "Трибуна" гәзетінде сондай солақай мақала да шықты. Ал бірінші сотта анықталғанындай, Қ.Жақиянова Г.Ерғалиевадан 2010-жылы 1 миллион доллар алғаны туралы қолхат берген, онда "қарызға алдым, пәлен жылы пәлен процентпен қайтарамын" деген сөздер жоқ. ал Ерғалиева: "Қарызға алды! Доллардың ол жылғы емес, 2014-жылғы құнымен және 180 мың доллар процентімен қайтарсын!" деп шықты. Меніңше, ол ақшаны беру мен алуда екі жақтың өзара сеніскен бір ауызша ма келісімі болған, содан кейін Ерғалиева әлдебір себеппен өзінше қимылға кіріскен. Әйтеуір, түсініксіз. Егер екі жақты бірдей көрсе, Қосанов та, басқа жақтаушылар да шындыққа көз жеткізуге тиіс еді. Олай болмады. Сүйенгендері мықты екеніне сенген соң шығар, Ерғалиева: "Жақиянов менен басқаларды да алдап кетті дей аламын", деген кеудемсоқтық жасап шыға келді. Ғалымжан Жақияновты билік жазықсыздан жазықсыз 7 жылға соттағанын, бүгінде де оны қара мылтығының қарауылында ұстап отырғанын жақсы білетін Қосанов және басқалар үндемеді. Орыстар: "молчание - знак согласия" дейді, яғни Ерғалиеваның ол кеудемсоқ сөздеріне: "Бұның қай сөзің? Бетпақ биліктің сойылын соқтың ғой?!" деп ашынбағандар үшін "Ғалымжан Жақиянов - шіріген жұмыртқа" болды... Мейілдері. "Ерғалиевалық 1 миллион доллар" туралы шындық айтылмай қалмас деп олаймын.

    • Жауап
    • бн, 26/11/2015 - 12:06

    Бұл сауалға жоғарыда жауап бергенмін. Ерғалиева мен Жақиянов –  басқалар секілді менің оппозициядағы талай жылғы серіктестерім. Сондықтан осы бір екеуіне де абырой бермейтін әңгімені одан әрі қазбалай беруді жөн санамаймын.

    Байқайсыз ба, Сіздің сауалыңызда менің позициямның байыбына бармай, бір жақты айыптау лебі сезіледі. Шынын айтайық, осы қақтығыс расында да оппозицияны қолдап жүрген жұртты екіге бөлді. Бірі – ерғалиевашылдар, екіншісі – жақияновшылар.

    Тағы да байқаңыз, көптеген қоғам қайраткерлері осы мәселеде бұғып қалды, позициясын ашық айтпады.

    Менің айыбым сол – өз көзқарасымды білдіргенім ғана.

    Әрі ертеректе өзім апталық бағана жүргізетін «Новая газета – Казахстан» газетінде өз пікірімді білдіргенмін. Оқып танысуыңызға болады. Сілтемесі мынау: http://novgaz.com/index.php/2-news/1479-%D0%B4%D0%BE%D0%BB%D0%B3-%D0%BF%D0%B5%D1%80%D0%B5%D0%B4-%D1%81%D0%BE%D1%80%D0%B0%D1%82%D0%BD%D0%B8%D0%BA%D0%B0%D0%BC%D0%B8

    • #24
    • Жумабай
    • дн, 23/11/2015 - 0:29

    а 5 шiге
    Кай шакал менiн атымнан жазхан.
    Аллаh ымыз дын каhары на ушырамайын десенiз ,отiрiк айтып менiн атымнан жазба.
    Ей трольдар ,мен бул оттахан макалаха ештене жазбаймын да,сурамаймын,алтын уакыттарымды болiп.

    • #25
    • Жумабай
    • дн, 23/11/2015 - 0:34

    Сосын Графен нен баскасы ,барi трольдар екен

    • #26
    • Жауап берсеңіз !
    • дн, 23/11/2015 - 8:58

    Таяуда өткен ұкімет отырысында ел басы мен бірге ел тізгінін ұстаған бірқатар жоғары лауазымды адамдар қатысты, сонда ел басы озі тағайындаған бір бөлім шенеуніктер өз ойнан шықпағандықтан біразы сөгіс етіді!! менің қоятын сауалым -
    Сонда білдей басшымыз ауыл шарушылық министірі асылжан мырза елбасы қойған сауалға баға жоспар бойнша қымбаттағанын айтып сосын сайкесінше еттің бағасы арзандағанын айтып отыр! бұл қазаққа жасаған қастандық емеспе? басым бөлік қазақтар негізі мал шаруашылығымен айналсады, ет арзандаса олардыңда мына қйын заманда кұн көрісін нашарлатып жібермейме! бұл қарап тұрсаңыз өз қолымізбен қазақты құрдымға кетіру емеспе? сол созді айтқанда сол арада талдау жасап жауабын айтатын сайасаткер болмағаныма ?

    • Жауап
    • бн, 26/11/2015 - 12:09

    Ол сөзді мен де естігенмін.

    Ауыл шаруашылығы, оның ішінде мал шаруашылығы – қазақтың дәстүрлі кәсібі. Ойыңыздың жаны бар.

    Жалпы бізде осы күнге дейін ауыл шаруашылығы секілді аса маңызды әрі стратегиялық салаға деген кешенді көзқарас қалыптаспаған. Кейде Астанада отырған сала басшыларының мұрнына ауылдың иісі бара ма екен деген заңды сұрақ туып жатады.

    Нағыз нарықшыл Еуроодақтың өзі осы күнге дейін фермерлерге субсидия беріп, қолдап келеді. Ал бізде мал өсіру сияқты аса қиын кәсіпті... жер қойнауынан тегін шикізатты өңдемей-ақ шетелге сатып, байып жатқан олигархтармен бірдей жағдайға қойғысы келеді. Бұл, әрине, дұрыс емес!

    • #27
    • Ғазиз Е.
    • дн, 23/11/2015 - 10:14

    1.Қазақстандағы жекешелендіруге қатысты ойыңыз қандай? Көптеген компаниялар сатылады дейді. Сырттан келген, ақшасы көптер ала берсе, неміз қалады? Осы дұрыс саясат па?
    2. Қазақстанның болашағына қауіп төндіретін басты жағдаяттар қандай?
    3.Біз алпауыт елдердің мүддесі тоғысқан елміз. Осы мәселе еліміздің өз бетінше дербес саясат ұстануын тежей ме?

    • Жауап
    • бн, 26/11/2015 - 12:12

    1. Жекешелендіру – нарық талабы. Нақты қожайыны болмаса, белгілі бір бизнес жүрмейді. Бірақ, бұл жұмыста «шаш ал десе, бас алып», асыра сілтеудің қажеті жоқ. Меніңше, стратегиялық маңызы бар және ел қауіпсіздігін қамтамасыз етуге тікелей қатысы бар нысандар мемлекет иелігінде қалуы тиіс немес акцияландырылып, ол кәсіпорында мемлекет акциялардың бақылаушы пакетіне ие болуы тиіс.

    Сонымен бірге, қазіргі дағдарыс кезінде материалды активтердің бағасы төменедегені де рас. Қолда бар алтынды тым арзанға стаып жіберіп, ертең өкініп жүрмейміз бе? Сол жағын да ойластыру керек. Бәлкім, ол нысандардың бағасы көтерілетін кезді күтуге де болатын шығар.

    2. Халық алдында есеп бермейтін, ел пікірімен санаспайтын әрі коррупцияны өз өмірінің салтына айналдырған, сыртқы саясатта жалпақшешейленіп кететін билік пен «сен тимесең, мен тимен, бадырақ көз» деп, қандастарын атып жатса да, былқ етпейтін, ерекше қоғамдық енжарлық танытқан қоғам!

    3. Біз бір жағымызда  - азулы да ашулы аю, екінші жағымызда - отауызды айдаһар қоныс тепкен елміз. Сондықтан осы екі алпауыт арасында көкжал қасқыр болуымыз керек!

    Дербес саясат ұстану үшін белгілі бір міндеттер жүктейтін күмәнді әрі болашағы бұлыңғыр саяси одақтарға енбеген жөн. Әйтпесе, , Ресеймен қол қойған шартта «келісілген сыртқы саясат жүргізу» туралы бапты қайда қоясыз?! Әр тәуелсіз елдің өзінің дербес сыртқы саясаты болуы тиіс! Ол – норма!

    • #28
    • Мәке Маңғыстау
    • дн, 23/11/2015 - 11:04

    Әміржан, біз кезінде "Ақ жол" ҚДП-ға сеніп, шамамыз жеткенше жұмыс істеген болдық. Сол кезде Әлихан Бәйменовтың жеке өзімен бірнеше рет сұхбаттас болдық. Партияның платформасы, ұстанған бағыты мен тактикасы туралы ауызекі түсіндіргенде, біліміне таң қалушы едім. Кейін сондай білімді адамның бүкіл соңына ерген қаруластарын орта жолда қалдырып, үн-түнсіз қалғанына тағы таң қалдым. Менің ойымша осы адам Президент болса, Қазақ елі зайырлы, басқа елдермен терезесі тең ел болады-ау деп ойлаймын, әлі де. Сен адам танисың ғой, қалай ойлайсың?

    • Жауап
    • бн, 26/11/2015 - 12:13

    Әлихан Бәйменов, сөзсіз, талантты, білімді, шешен азамат. Белгілі бір кезеңде өз әріптестерімен бірге «Ақжол» партиясының жетекшілерінің бірі ретінде ел ілтипатына ие болғаны да рас.

    Бірақ, кезінде сол партияның қақ жарылып, тым биліксүйгіш күшке айналуына оның қатысы бар деген әңгіме де жоқ емес. Өз басым ол партияның ішінде болған жоқпын. Әлихан сол сауалдарға өз жауабын беруі керек еді деп ойлаймын.

    • #29
    • графен
    • дн, 23/11/2015 - 11:27

    Әлиханды қой, мемлекеттік қызметке барып бастық деген сөзді басшы дегенге ауыстыру керек деп Құдайға қажеті жоқ ұсақ түйекпен айналысқаннан басқа қолынан ештеңе келмейді. Ол президент болса басқа елдермен терезесі тең ел қылып қарқ қыла алмайтынын содан ақ біле бер. Айтпақшы, ол өзі қазір қайда жүр?

    • Жауап
    • бн, 26/11/2015 - 12:14
    О жағын мен білмейді екенмін, сол мемлекеттік қызмет Агенттігіне қатысты бір халықаралық құрылымды басқарып жүрсе керек.
    • #30
    • Рамазанов Талгат
    • дн, 23/11/2015 - 11:51

    Армысыз Әміржан аға!мен сізді аса құрметтейтін мақалаларыңызды оқитын студенттің бірімін.Аға айтыңызшы:қоғамда жастар көп.Үниверситет бітіреді жұмысқа тұра алмайды.Бұл еліміздегі жұмыссыздықтың қатарын көбейтеді.Осы орайда жастарды жұмыс қамтуға қандай ой айтар едіңіз.Тамыр танысқа байланған қоғамда таланты бар танысы жоқ жастар қалай күн көреді?

    • Жауап
    • бн, 26/11/2015 - 12:15

    Мен өзі кезінде Жастар ісі, туризм және спорт министрінің орынбасары боп қызмет еткенмін (ол кезде Мемкомитет төрағасы – Иманғали Тасмағамбетов, ал кейін ол комитет министрлікке айналғанда министр Бірғаным Әйтиева болған), сондықтан жастар саясатының қыр-сырына біраз қаныққанмын.

    Әрине, қазір заман басқа, нарық заңдары әлеуметтік саланың, соның ішінде, жастар саясатына өз түзетулерін енгізуде.

    Бірақ осы түзетулердің бір мен түсінбейтін тұсы бар. Мемлекет ЭСКПО секілді түкке тұрмайтын шараға миллиардтаған доллар табады да, жастарды тегін оқыту, кәсіпке баулу, жас отбасыларға арналған қолжетімді тұрғын үй салу деген шаруаға келсе, «ақша жоқ» деп шығады!

    Меніңше, парламентте, үкіметте және жергілікті әкімдіктерде жастар мүддесін қорғайтын нағыз лоббистер керек! Мұның өзі жастардың қоғамдық өмірге белсене араласып, «жыламаған балаға емшек бермейді» деген мақалды ұмытпауына итермелеуі тиіс деп ойлаймын.

    Мәселен, парламент сайлаулары кезінде жастар ұйымдасып не өз үміткерлерін ұсынса, не басқа партияларға: «жастар мәселесін шешпесеңіз, сіздерге дауыс бермеу қажеттігін айтып, сіздерге қарсы жұмыс істейміз!» деп талап қойса, жағдай басқаша болар еді! Сондықтан жастардың өз белсенділігі керек-ақ!

    • #31
    • Гульзада
    • дн, 23/11/2015 - 13:04

    Амиржан ага, Атыраудагы орталык мешиттин минберине мемлекеттик рамизимиз туды илип койыпты. Сиздин пикиринизди билгим келип отыр

    • Жауап
    • бн, 26/11/2015 - 12:15

    Мемлекеттік рәміздер туралы Заң бар. Онда: «Қазақстан Республикасының Мемлекеттік Туы басқа да ғимараттарда (үй-жайларда) олардың иелерінің еркі бойынша тігілуі мүмкін», - деп жазылған.

    Меніңше, бұл бастамада бірізділік әрі баршаға ортақ талаптар болуы керек. Яғни, бір жерде ілініп, ал басқа бір жерде ілінбей жатса, дұрыс емес. Сонымен бірге басқа конфессиялар не істейді – ол жағын да ойластыру қажет.

    Және де бұл бастама биліктің дін ісіне араласуына қатысты әртүрлі ой-пікірдің бар шағында көтеріліп жатқаны да рас.

    Баршаға ортақ шешім шығарғанда осы жайтты да ескеру керек сияқты.

    • #32
    • Гүлзат Тоғжан
    • дн, 23/11/2015 - 13:30

    Әміржан аға, сіздің кезінде экс-премер Әкежан Қажыгелдиннің жанында лауазымды қызметте болғанын білеміз. Үлкен саясаттан неге кеттіңіз? Қапжыгелдиннен кейін қазіргі биліктің аластауына ұшырағандар аз емес. Солардың қатарында жүріп, Неге бірден оппазиция жағына ауыстыңыз?

    • Жауап
    • бн, 26/11/2015 - 12:17

    Мені жұрт Әкежан Мағжанұлымен тікелей байланыстырады. Қазақтың осындай азаматымен атым бірге аталуын өзіме мақтан тұтамын.

    Сонымен бірге, мен өзі билікте жүріп талай адаммен етене жақын қызмет жасадым. Тасмағамбетов пен Әйтімова секілді министрлердің орынбасары болдым деп жоғарыда айттым. Терещенко мен Қажыгелдин сияқты премьерлердің баспасөз хатшысы болдым. Кейін Алдамжаров, Тұяқбай секілді партия төрағаларының орынбасары қызметін атқардым. Ол кезеңдер мен үшін үлкен мектеп болды. Әрбір басшының өзінің өнеге тұтарлық жақтары болды.

    Ал Әкежан Мағжанұлымен үкіметте қызмет жасағандардың көбі – қазір билікте, лауазымды қызметтерде. Сонымен бірге, біразы «қажыгелдиншіл» деген желеумен қызметтерінен аластатылып, теперіш көргені де рас. Өкінішке орай, бұл өзі біздің жүйеге тән тенденция.

    Ал оппозицияға мені ешкім итермелеген жоқ, өз қалауыммен келдім (шенеуніктік қызметке көзқарасым туралы жоғарыда жауап бергенмін). Және де сондай қиын жол таңдағаныма ешбір өкінбеймін! Бұл һзі қиын болса да, абыройлы жол! Ең бастысы – қарапайым халықтың қолдауын сеземін, оны көріп жүрмін. Одан артық қандай бақыт бар ер азамат үшін?!

    • #33
    • Ләззат
    • дн, 23/11/2015 - 13:33

    Әміржан аға, қазіргі мемлекеттік тенденциялар туралы пікіріңізді жазасыз ба? Қазіргі билік ұстанып отырған саясаттың потенциалы қандай? Дағдарыс қанша уақытқа созылуы мүмкін... Түбі экономиканы құлдырату арқылы Ортақ валютаға әкеледі деген пікірмен келісесіз бе?

    • Жауап
    • бн, 26/11/2015 - 12:18

    Сіз айтып отырған «мемлекеттік тенденциялар» туралы апта сайын жазып келемін ғой. Оны «Новая газета-Казахстан», «Трибуна» газеттеріндегі тұрақты түрдегі бағаналарымнан оқып алуларыңызға болады. Басқа БАҚ та аракідік менің пікірлерімді жариялап тұрады. Әлеуметтік желілерде де, соның Фейсбукте менің жеке парақшам бар, сонда кіріп, танысуыңызға болады.

    Қазіргі билік ұстанған саясаттың потенциалы мүлдем жоқ деп айту қиын болар. Басқасын айтпағанда, Қазақстанның экономикасының потенциалы, яғни әлеуеті жоғары. Тек жетпейтіні – қоғам пікірімен санаса отырып, олигархтарды емес, қарапайым халықты қолдайтын мемлекеттік саясатты жүргізетін білікті де жауапты менеджерлер!

    Ортақ валюта болмайды! Болғызбауымыз керек!

    • #34
    • Даркен
    • дн, 23/11/2015 - 13:34

    Тап қазір Үкімет басына Қажыгелдин қайтып келсе, істі неден бастауы мүмкін деп ойлайсыз? Қазақтанның қаржы дағдарыснда қалып отырғаны туралы Әкежан Мағжанұлы қандай ойда? Не дейді?

    • Жауап
    • бн, 26/11/2015 - 12:19
    Ол туралы Әкежан Мағжанұлы жақында бір мақаласында жазған-ды. Соны оқып, танысуыңызға болады. Жақында елбасы: «Біз 90-шы жылдардағы жағдай қайта оралдық, енді сол кездегі реформалардай реформа жасау керек» деген сыңайда ой айтты. Өте орынды! Олай болса, сол кезде реформа жасаған азаматтардың (жалғыз Қажыгелдин ғана емес) тәжірибесін неге пайдаланбасқа?
    • #35
    • Даурен
    • дн, 23/11/2015 - 13:35

    Әміржан, сіздің қызметіңіз бар ма? Сөйлей алады екенмін деп, айта беру керек пе? Сізге балет туралы, пароваоз туралы айт десе де, алды артына қарамай айта бересіз . Сіздің пікіріңіз кімге керек? Артыңыздан еретін адам жоқ, сөзіңізді құлағына ілетін пенде жоқ, ФБ дағы "қолпаштаушыларға" қарап, елдің алдында жүрмін деп қаласыз. Тағы да сол барлық пәлені ТҰяқбайға жауып, өзіңізді ақтап алуға тырысасыз. Сізден жалықтық, қызыл сөз бен интригадан басқа не білесіз? Жақсы азамат болсаңыз, өз орныңызды табар едіңіз, енді адасқан қаздай, айдалада лағып жүрсіз

    • Жауап
    • бн, 26/11/2015 - 12:21

    Мені оқу не оқымау – әркімнің өз қалауы. Жалықсаңыз, оқымай-ақ қойыңыз.

    Қызметім – елге қызмет ету. Қолымнан келетіні – жазу. Сондықтан өзімнің 5 жыл университетте оқып, үйренген – журналистикамен айналысамын.

    Қолымнан тағы келетіні – ел басқару. Министрлікті басқалармен бірге жүріп жаман басқармаған сияқтымын. Әйтеуір, ол жұмыстан «қолыңнан іс келмейді» деп шығарған жоқ, керісінше, ол қызметтен өстім. Партия басқара алам, басқардым да, жаман басқармаған сияқтымын, осы күнге дейін әріптестерім жылы сөздерін айтып келеді. Қайтейін, биліктің тікелей тапсырмасы боынңша ол партияны басқалар, мені съезіне кіргізудің өзіне қорқып, еншілеп алды.

    Фейсбук секілді әлеуметтік желінің қадірін Сіз де түсінуіңіз керек. Оның қоғамдық пікір қалыптастыруда мүмкіншілігі зор.

    Тұяқбайға қатысты айтарым мынау.

    Бала кезде ауылда екі бала төбелесіп жатса, шалдар: «Төбелесті бастаған кім? Сол кінәлі!», - деп айтатын.

    Ол төбелесті мен бастаған жоқпын! Менікі тек сол сатқындықтан кейін қойылған сұрақтарға жауап беру.

    • #36
    • Ержан
    • дн, 23/11/2015 - 13:36

    Әміржан мырза, өткен сайлау кезінде, қазақстандық БАҚ-тан өзіңіздің президенттікке кандидатураңызды ұсынатыныңызды оқып ек. Кейін Президенттікке үміткерлер қатарынан сізді көрмедік. Қандай себептермен, райыңыздан қайттыңыз?

    • Жауап
    • бн, 26/11/2015 - 12:23

    Расында біраз адам менің сол науқанға қатысуымды ұсынып еді. Ол сенімдеріне рахмет! Дәне ондай талаптардың пайда болуын өзімнің талай жыл саясатта жүргенімнің бір жемісі деп білемін.
    Елмен ақылдастым, қабырғаммен кеңестім.
    Ең алдымен, президенттік сайлауға түсу аса жауапты (әсіресе, өзіңді қолдаған адамдар алдында!) міндет екенін түсіндім. Оның ішінде тек қана моральдық емес, сонымен бірге материалдық жауапкершілік бар. Кезінде оппозиция қатарында жүріп, біраз белсендіге тиісті қаржысы төленбегенін өз көзіммен көрдім, содан талай реніш болды. Сол жағымсыз жайтты қайталағым келмеді. Өйткені осы науқанда қаржылық көмек беретін адамдар көп болмады, көбісі: «бұл жолы елбасы жеңеді, шығынданып қатеміз? Келесі науқанға дайындалайық» деген сыңайда пікір ұстанды.
    Сол себепті өзімді ұсынған азаматтарға алғысымды айтып, олармен ақылдаса отырып, бұл жолы сайлауға қатыспау туралы шешім қабылдадым.

    • #37
    • Шектіұлы
    • дн, 23/11/2015 - 13:38

    Президент алдағы жолдауында саяси реформа жөнінде айтуы мүмкін бе?

    • Жауап
    • бн, 26/11/2015 - 12:22

    Әрине, алдағы жолдауда осы тақырып қозғалса, нұр үстіне нұр болар еді. Ол мәселе пісіп-жетілгені қашан!

    Бірақ, олай бола қоймас. Өйткені, саяси реформа тақырыбы біздің билік үшін ең ыңғайсыз тақырып. Ол дегеніңіз – саяси бостандық, саяси бәсекелестік, саяси жауапкершілік. Ол үшеуі де біздің бүгінгі билікке қажет емес.

    • #38
    • Мақсұт
    • дн, 23/11/2015 - 13:52

    36.Дәурен.
    "Адасқан қаздай айдалада лағып жүрсіз".

    Дәурен, өте дұрыс айттың, Ә.Қосанов сендер сияқты қарға, құзғындарға қосыла алмай -жалғыз жүр. Алайда топтанқан қарғалардан -жалғыз ұшқан аққу, қаздар қасиетті ғой.

    • Жауап
    • бн, 26/11/2015 - 12:24

    Бұған не айтайын, не қосайын енді?...

    • #39
    • Мақсат
    • дн, 23/11/2015 - 14:02

    Кезінде И,Тасмағамбетов парламент қабырғасынан "Кажыгелдин сотталған ұры, кім оның қолынан қаржы алып отырған болса, білсін олар ұрланған ақшамен тамақтанып жүр" деп қатты айтқан еді.Тастың лақтырған тасы сіздердің бақшаларыңа түскен жоқ па?

    • Жауап
    • бн, 26/11/2015 - 12:25
    Өз басым үкіметте жүргенде премьер Қажыгелдин мен оның орынбасары Тасмағамбетовтың бірлесе қызмет атқарып, талай реформалардың басы-қасында болғанын өз көзіммен көрген қазақпын. Екеуінің арасына түсіп көрген жоқпын. Ал Қажыгелдинге сол сот барысында тағылған айыптар түкке тұрмайтынын уақыт өзі көрсетіп отыр. Шымылдықтың артында тұрып, өз атына атамай куәлік еткен адамдардан не сұрайсыз?! Жалпы мен өз күнімід өзім көріп келе жатқан қазақпын. Ешкімге қаржылық не басқа тәуелділігім жоқ. Қажыгелдин секілді лайықты азматты ақша үшін қолдап келе жатқан жоқпын.
    • #40
    • Ғабит Есілбаев
    • дн, 23/11/2015 - 14:04

    Әбеке! 80-жылдары Қазақстанда 70-ке жуық мешіт болған екен. Қазіргі таңда мешіт саны 2000-нан асып кеткен екен, демек 30 есе көбейген. Діндар адамдар саны да кем дегенде 30 есе көбейгенін өзіңіз де байқап жүрген шығарсыз. Сонда қоғамымыздың моралі соғұрлым нығайды деп айта аласыз ба? Бәлкім, бізге сенімнің орнына білім керек шығар?

    • Жауап
    • бн, 26/11/2015 - 12:26

    Дін және оның қоғамдағы орны туралы жоғарыда айтқанмын.

    Сіздің сұрағыңызға байланысты қосарым мынау ғана: бізде мешітке барып, Құдайға құлшылық етіп, намаз оқып алып, содан кейін діни талаптарға үш қайнаса сорпасы қосылмайтын істермен айналыса беретіндер аз емес! Екіжүзділік емей не бұл енді?!

    Дін мен білімді бір-біріне қарама-қарсы қоюдың керегі жоқ деп ойлаймын. Адамның санасы мен жүрегінде екеуіне де орын табылады... 

    • #41
    • Дәуқара
    • дн, 23/11/2015 - 14:30

    Әбеке, Сириядағ Асад билігін Путин неге сонша қолдап отыр? Айдаладағы Асадтың Ресейге не қатысы бар? Ресейдің үлкен саясатта қаншалықты орыны бар? Біреулер қазір құрлық аралық соғыс жүріп жатыр. Ресей Орталық Азия мен Шығыс Еуропа үшін күш көрсетуде, сондықтан Кремльдің бүгінгі тірлігін қолдау қажет дейді. Сіз қалай ойлайсыз?

    • Жауап
    • бн, 26/11/2015 - 12:26

    Қазіргі Кремль кешегі Кеңес Одағының сыртқы саясатын қайталағысы келеді. Оның бір белгісі – Ресейдің стратегиялық геосаяси мүдде бар деген желеумен әлемнің түкпір-түкпірінде өз ықпалын сақтап қалу әрекеті. Асад династиясы кезінде КСРО-мен тығыз қарым-қатынаста болған, сол арқылы Кеңес Одағы осы аймақта өз мүдделерін қорғап келді. Қазіргі саясат – соның жалғасы іспеттес. Бірақ, қазіргі болмыс пен ахуал, халықаралық аренадағы күштерді ара салмағы мүлдем бөлек. Ресей сол ескі қалыптан, ескі сана-сезімнен арыла алмай келеді.

    Мұндай саясатты, әрине, қолдау мүмкін емес!

    • #42
    • МММ
    • дн, 23/11/2015 - 15:03

    Нан 300 теңге боолады деп жатыр. Неге, не үшін? Біз астық экспорты жөнінен 7-орында емеспіз бе? Әлде нанымыз арзан болса, шетелдіктер келіп сипап кете ме? Бізде ненің бағасы көтерілсе соған байланысты айтылатын сылтау осы ғой. Келісесіз бе? Бензинге қатысты да Сауат Мыңбаев өткенде осылай деді. Өтірік. Бензин жетпегендіктен жанармайды Ресейден тасимыз. Сөйте тұра бензиініміз арзан болса, оны Ресей алып қояды деп шырылдаймыз. Ондай жағдайда бұл Ресеймен Кедендік Одақ немесе Еуразиялық экономикалық одақ құрудың не қажеті бар еді?

    • Жауап
    • бн, 26/11/2015 - 12:28

    Өз сұрағыңызға өзіңіз жауап беріп отырған сияқтысыз. Шынымен де бізде баға саясаты... біртүрлі әрі бейберекет! Экономика заңдарын айтпай-ақ қоялық, бағаның қалыптасуы тіпті қарапайым қисынға келмейді!

    Ал ЕАЭО туралы пікірімді мен жоғарыда білдіргенмін. Әсіресе, Батыс санкцияларының астында қалған Ресеймен бір кемеде болу – өз экономикамыз үшін кесірлі деп санаймын. 

    • #43
    • АМАН- ТУРЛЫ
    • дн, 23/11/2015 - 15:24

    Курметти Эмиржан! Мениц саган кбояиын деген,билгим келген нэрселердиц бэрин жогарыдагы сурак койган азвматтар айткан екен,..мениц ендиги билгим келгени,...2009 -шы жылы Азат пен ЖСДП-ныц бир иккен сьезине катысып, бириккендерине куанып тилегимди билдииген едим,..айтайын дегеним сондагы "куанышыма" эли окинемин,...Сол сьездиц тзинде-ак коциьиме кудик келип еди,...осыныц туби АЗАТТЫЦ жогаьуына экелед-ау деген ой болган,... Осындай окиниш Сенде бар ма? Бир кезде Жармаханныц сойылын согып, созин сойледиц Алтынбек курган партияныц тубине жетим-ау деген окиниш барма?Мен озицди,озиц сиякты азаматтарды катты курметтеймин,озекти ортеген окигишимди айтып жатырмын,айып етпе!

    • Жауап
    • бн, 26/11/2015 - 12:29

    Жармаханмен бірге жұмыс істеп, орынбасары болғаным рас. Бірақ оның жеке бас сойылын соқтым деп айта алмаймын. Әрине, өзара уәдеге жігіт ертінде адал болдым, сыртынан жамандаған жоқпын, қызметіне талападым. Жоғарыда бір сауал иесі айтқандай «интрига» құрған жоқпын. Жалпы, мен интриганы қалай жаслалатынын бір адамдай білемін. Бірақ ол тәсілді өзіме лайық деп санамаймын. Ол білгенімді әсіре интригашыл дұшпандарымның болашақтағы қимлы-әрекетін біліп отыру үшін ғана пайдаланамын. Оның үстіне өтірік секілді, кез келген интриганың құйрығы - бір тұтам.

    ЖСДП мен «Азатқа» келсек. Шынымды айтсам, егер де мен тек өз басымның қамын ойлағанда, екі партия ажырасқаннан кейін Тұяқбайдың ЖСДП-дағы бірінші орынбасары боп қала беруіме әбден болатын. Бөлінген кезде ол қызметім автомат түрде менікі еді. Ондай ұсыныстар да болды. Бірақ мен Тұяқбайға: «Азат» партиясының алдында ұят болады ғой, біріккен кезде бізге қаншама адам сеніп қалды! Сол үмітті ақтауымыз керек! Ертең «Азат» партиясының мүшелерінің бетіне қалай қараймыз?», - деген сыңайда ой айттым.

    Ал «Азат» туралы нақты мәлімет жоқ. Біреулер: «ол таратылды» дейді, ал басқа біреулер: «ол әлі Орталық сайлау комиссиясының тізімінде тұр» дейді. Меніңше, «Азатшылдар» осы мәселені анықтап алғаны дұрыс болар еді... 

    • #44
    • Тоқтарбай
    • дн, 23/11/2015 - 16:40

    Айналайын, Аман-Турлы, Әміржаннан не сұрамақ болдың, не айтпақ болдың? Қайтадан жазшы (қазақ тілінде) бәріміз түсініп отырайық. Шын айтамын. Өтініш. Әбекеңе сұрақ: әрине, ешкім 100 пайыз сауатты емес шығар. Бірақ осы қазекеңнің әлі күнге ойын жазып та, айтып та жеткізе алмауының себебі не деп ойлайсыз? Рахмет.

    • Жауап
    • бн, 26/11/2015 - 12:30

    Қазекем туралы тұжырымыңызбен келісе алмаймын. Бәлкім, ол сын жеке адамдарға қатысты болар. Бірақ барша халық жайында олай айту  - ағаттық деп санаймын.

    • #45
    • Дәуір Жақан
    • дн, 23/11/2015 - 17:28

    40.Мақсатқа және тасмағамбетовшіл басқаларға: Иманғалидың "я - продукт Назарбаева" дегенін ұмытқан екенсіңдер. Алматыны билеп тұрғанда "Шаңырақ", "Әйгерім", "Бақай" ауылдарын таңғы сағат 4-те бульдозермен қиратып, мыңдаған қазақты зарлатқан, Арон Атабектей адуын, ұлтжанды Азамат бастаған жігіттеріміздің нақақ сотталуына себепші болған ол о дүниеге барғанында не деп ақталар екен? Ол жақта сендердің бүгінгі шашбаулауларың ескерілмейді ғой. Тасмағамбетовтің Қажыгелдин туралы пікірсымағына орай ӘМІРЖАН ҚОСАНОВ мырзаға қояр сұрағым: Әкежанмен қызметтес болған екенсіз, тек имандай шыныңызды тура айтыңызшы: Әкежан Қажыгелдин нендей қылмысы үшін 10 жылға сотталды? Үкім әділ болды ма, әлде әдейі ұйымдастырылған арамдық па? Жалпы Әкежан адам, отбасы, қызметкер, саясаткер, басшы тұлға ретінде қандай адам?

    • #46
    • Калыма сибирович
    • дн, 23/11/2015 - 22:57

    Жалпы козкарасыныз калай Казакстаннын болашагына.Аблязов мырзаны елимизге неге сонша экстрадициялагасы келып жатыр.?оте улкен суммалар жаратылып жатыр екен сол кисины кайтаруга.2сурак кашан озимизде нпз лар .производство.дамыта аламыз тек экспорт сырьямен айналыспай..экспонын дал казыргы уакытта керегы бар едима бизге? Рахмет алдын ала.

    • Жауап
    • бн, 26/11/2015 - 12:33

    Бірнеше сұрақ екен.

    Қазақстанның болашағы – жарқын әрі кемел! Мен оған сенемін. Әрине, билік халқына бұдан да гөрі жақын әрі оның бақылауында болғанда, біз ол болашаққа ертерек жетер едік.

    Әблязов туралы пікірімді жоғарыда айттым. Қосарым: оны Ресейге экстрадициялау деген Қазақстанға экстрадициялау деген сөз. Ал біздің түрме жағдайында оның өмірі мен денсаулығына қандай қауіп бар екенін өзіңіз де білесіз.

    Мұнай өңдеу зауыттарын салу туралы жырдың айтылып келе жатқанына 25 жыл болды емес пе. Соған қарамастан, баяғы жартас – сол жартас. Біз жанармайдың біраз бөлігін Ресей зауыттарынан сатып алып жатырмыз. Меніңше, біздің билікте сол зауыттардың, яғни Ресей экономикалық мүддесін қорғайтын лоббистер бар! Олардан құтылмай, өзіміздің өңдеу өнеркәсібін дамыта алмаймыз!

    • #47
    • жумабайга
    • сс, 24/11/2015 - 0:01

    Жұмабай озинди жогары багалайды екенсин тым.Сонда сурак койып отырган адамдар акымакпа?

    • #48
    • Омарбек
    • сс, 24/11/2015 - 0:16

    Құрметті, Әбеке! Бүгін Фейсбук әлеуметтік желінің бетіне Мақсат Ілиясұлының Қазақ ұлттық кеңесі атты ұйымның құрылғанына 2 жыл толса да ештеңе істелмегеніне халықтан кешірім сұраған мақаласы шықты. Осыған байланысты не айтасыз? Сол кеңестің мүшелігінде барсыз ба? Ең негізгі сұрағым, қашан біздің, өзіңіз секілді халықтың қамын жеген азаматтарымыздың басы қосылады, бірге тізе қосып жұмыс істеу ойларыңызда бар ма? Біздің саясаткерлеріміз бен саясаттанушылар неге ел мен биліктің хал ахуалын зерттегеннен ары аса алмай отыр?(Ондай талдауларды қәзіргі заманда кез келген адам жасай алады емес пе?)

    • Жауап
    • бн, 26/11/2015 - 12:34

    Ол мақаланы оқыдым. Мен ол Кеңестің мүшесі емеспін. Бірақ, әрқашан да оның игі бастамаларын қолдап келемін.

    Ұлттық Кеңестің құрамында мықты-мықты азаматтар бар. Жұмысты жандандырып, әлі де талай бастамаға мұрындық болады деген сенімдемін.

    Бірлік туралы айтып келе жатқан екі азамат болса, бірі мен шығармын. Бірлік, сөзсіз, керек. Бірақ біздің саясаткерлерге тән бір ортақ қасиет бар: оның аты – амбиция, яғни бәрі міндетті түрде бастық, төраға, жетекші, көшбасшы болғысы келеді. Сөйтіп, демократиялық күштердің өз ішінде талас-тартыс, бір-бірін көре алмаушылық пайда болып, ортақ іске зор нұқсан келтіріп жатады. Содан арылуымыз керек!

    Мәселен, мен кеше «Трибуна» газетіндегі сұқбатымда «Елдегі және оппозициядағы ахуалды, келе жатқан сайлау науқанында не істейміз деген мәселені талқылап, ортақ шешім қабылдау үшін кезектен тыс Қазақстан демократиялық күштерінің форумын өткізу керек» деген бастама көтердім. Және де ол жиынға өзін демократ санайтын барлық саяси күштер мен жеке тұлғалар қатысуы тиіс деп ойлаймын. Әйтпесе, қалың ел бізден одан сайын түңіле түседі.  

    • #49
    • Ұлағат
    • сс, 24/11/2015 - 10:51

    Әміржан көке!
    Менің сұрағыма жауап бермей жалтардыңыз. Жауабыңызға мүлде қанағаттанбадым. Сөзіңіз тым жалпылама екен. Билікте жүрген көп шенділерден айырмашылығыңыз шамалы. Қазақ баспасөзін оқымайтындардың бірі сіз шығарсыз. Общым сізден ештеңе күтуге болмайды.

    • Жауап
    • бн, 26/11/2015 - 12:35

    Шама-шарқымша жауап беруге тырыстым. Сөзім жалпылама дегеніңізбен келісе алмаймын, өйткені нақты адамдардың аты-жөнін атадым. Одан артық қандай нақтылық керек? Жауабымның Сіздің көңіліңізден шықпағаны, әрине, өкінішті. Бірақ, қазақ баспасөзін оқып қана қоймай, сонда жазып жүрген қазақ ретіндегі ойым осы.

    • #50
    • Әбіл Қайрат
    • сс, 24/11/2015 - 12:55

    "Қосанов мырза Ерғалиева-Жақиянов соты туралы әділ пікір айта алмайды" дегенім расталды. Қай елдің болсын экономикаға қатысты заңында жеке адамның, ұжымның ақшалай қарызы алған, берілген жылғы нарықпен қайтарылатыны белгіленген. Ерғалиеваның 2010-жылғы 1 миллион доллары сол жылғы құнымен қайтуға тиіс. Қосанов соны "бәлмейді" екен. Қ.Жақиянованың қолхатында, сайттарда көшірмесі көрсетілді, "қарызға алдым,пәлен жылы қайтарамын", деген сөз жоқ, ал Қосанов керісінше айтып, Ерғалиеваның "түсінігін" көпе-көрінеу қолдап отыр. Бір адым болса да жақынырақ қой. Оның Жақияновтарға жанашырлық жасап, хабарласқысы келгеніне, бірақ "жауап ала алмағанына" өкініп жүргеніне сену қиын.

    • Жауап
    • бн, 26/11/2015 - 12:35

    Бұл сауалға жоғарыда жауап бердім. Айтарым сол!

    «Ерғалиеваға бір адым болса да, жақынырақ ғой» дегеніңізді түсіне алмай отырмын. Мен оппозициядағы барша әріптестерге бірдей қараймын.

    • #51
    • АМАН- ТУРЛЫ
    • сс, 24/11/2015 - 13:00


    Курметти,Токтарбай! Кателер ушин кеширим отинемин,..Телефоннан асыгыстау жазганмын(казакша эрип,жок еди).Сол сьезде Эмиржанды бириккен партияныц бас хатшылыгына сайлаганбыз,..(мен Жармаханнан гори Амиржанга сенгенмин)биреккен партия Амиржан барда бытырамайды-деп ойлаганмын...неге жол берди, Жармаханды билмегениме?

    • Жауап
    • бн, 26/11/2015 - 12:36

    Бұл сұраққа жоғарыда жауап бердім.

    • #52
    • Сурат
    • сс, 24/11/2015 - 14:12

    Хайда журсен де аман жур, бауырым! Елiн ушiн шырылдап, жасап журген енбегiннiн, корген хиыншылыхтарыннын хайырын берсiн! Бip Алла жар болсын! Сунгат.

    • Жауап
    • бн, 26/11/2015 - 12:37

    Рахмет! Әумин!

    • #53
    • Жанболат
    • сс, 24/11/2015 - 16:11

    Әміржан мырза ЕАЭО тұрған не бар? Ол Кеңес Одағын құуеме сияқты,бұл одаққа Иран,Мысыр сияқты мемлекеттерде ниет білдіріп отыр

    • Жауап
    • бн, 26/11/2015 - 12:38
    ЕАЭО туралы позициямды жоғарыда айтқанмын. Иран мен Мысыр секілді ЕАЭО-мен ортақ шекарасы жоқ әрі геосаяси мүдделері бізден мүлдем бөлек елдердің осы одаққа қосылуы мүмкін деген ойлар геосаяси утопия жанрына ғана жарасатын сияқты...
    • #54
    • Жанболат
    • сс, 24/11/2015 - 16:13

    Әміржан мырза ЕАЭО тұрған не бар? Ол Кеңес Одағын құру емес сияқты,бұл одаққа Иран,Мысыр сияқты мемлекеттерде ниет білдіріп отыр

    • #55
    • Төлен
    • сс, 24/11/2015 - 17:58

    Қазіргі заман тарихын зерттеушілердің айтуынша, Қазақстанда демократияның дамуына ДВК қозғалысының пайда болуы үлкен әсер етті дейді. Осы қозғалыстың ыдырауына кім кінәлі? Әлихан Бәйменовке көзқарасыңыз қандай? Ғалымжан Жақияновтың қайта саясатқа оралуы мүмкін бе?

    • Жауап
    • бн, 26/11/2015 - 12:39

    ДВК, сөзсіз, Қазақстанның жаңаша тарихындағы қоғамды дүр сілкіндірген мықты қозғалыс болды!

    Оның ыдырауының себептерін оны басқарған азаматтар білетін болар. Мен оның мүшелігіне арыз жазсам да, оның шешім қабылдайтын органдарының құрамында болған жоқпын. Бір шындықты айтайын: ДВК жиналысында мені қозғалыс Кеңесіне ел ұсынғанда, ДВК-ның кейбір басшылары ол ұсынысты дауысқа салуға да жарамаған! Ондай да болған біздің тарихта...

    Бірақ, сол кезде бір түйгенім мынау: ДВК-ның ыдырауына бір себеп болған – билік! Ол күш алып бара жатқан ұйымға өз жансыздарын жіберіп, нәтижесінде о баста біртұтас болған ұйымды бөліп тынды.

    Бәйменов туралы ойымды жоғарыда айттым.

    Ғалымжан Жақиянов – оппозиция қатарындағы ерекше тұлға болған адам. Өз ұстанымы үшін түрмеде отырып шықты, айтқанынан қайтпады. Ондай нәрсе екінің бірінің қолынан келе бермейді.

    Ол кез келген сәтте саясат аренасына қайта орала алады деп ойлаймын.

    • #56
    • Гулеке
    • сн, 25/11/2015 - 1:42

    Калай ойлайсыз агайынды Рыскалиевтер тири ме? неге ешким оларды издемейди?

    • Жауап
    • бн, 26/11/2015 - 12:40
    Мені де осы ой мазалайды. Беті аулақ, бірақ қазіргідей жахандану әрі байланыс технологиялары дамыған заманда, тірі адам тірілігін білдіруі керек емес пе? Немесе, олар шынымен де осындай пауза ұстанып жатыр ма? Шынымды айтсам, білмедім. Кез келген қазақтың қайда жүрсе де, аман жүргенін тілейміз де...
    • #57
    • Иса
    • сн, 25/11/2015 - 11:12

    Әміржан! Осыдан отыз жылдай бұрын өзіңнің орындауыңда "Қазалым" деген әніңді естіген едім, сол әнді неге кәсіби әншіге айтқызып, эфирге шығармасқа? Халыққа тарату керек сияқты.

    • Жауап
    • бн, 26/11/2015 - 12:42

    20 шақты әнім бар. Құдай қаласа, оларды өңдеп, дискіге жазып, елге таратамын.

    Айтпақшы, дәл кеше мен ЮТУБ-та «ӨЗГЕ ӨЛЕҢ» арнасын аштым. Онда әлеуметтік лирика жанрындағы өлеңдерді видеоға түсіріп, ғаламтор арқылы таратпақшымыз. Және де бұл арнаға біз осынау тақырыпта жазған кез келген авторды насихаттауға дайынбыз.

    Реті келсе, әндерімді де осы арна арқылы тыңдаушысына жеткізермін.

    Сілтеме мында: https://www.youtube.com/channel/UChMKLJQVE6bbzMUlCzZxVTA

    Көріңіздер! Жазылыңыздар!

    • #58
    • Тиней Адай
    • сн, 25/11/2015 - 12:07

    Курметти,Эбеке!Алдымызда парламент сайлауы келе жатыр,Сиздиц сайлау зацына козкарасыцыз кандай,мына партиялык тизим деген мениц коцилиме конбайды,озиц сиякты улт жан ашырлары унеми сыртта калып кояды,осы олкылыкты тузету мумкин бе? РАКМЕТ!

    • Жауап
    • бн, 26/11/2015 - 12:42

    Біздегі «Сайлау туралы» Заң – нағыз антидемократиялық Заң! Өйткені, ашықтық, бәсекелестік және әділеттік деген приницптерді о бастан тәрк еткен, аяқ асты еткен Заң!

    Тағы бір «минусы» - сол Заңға сәйкес парламент тек қана партиялық тізіммен сайланады. Сондықтан Заңға өзгеріс енгізіп, парламентті 50 пайыз партиялық тізімдер бойынша және 50 пайыз мажоритарлық жүйе бойынша, яғни бірмандатты округтерде сайлау керек. Сол кезде парламент құрамы қоғамдағы саяси күштердің арасалмағын шынайы түрде көрсете алады.

    Сіз қойған сауалға қатысты нақты ұсыныс осы.

    • #59
    • Жолтай Жұмат
    • сн, 25/11/2015 - 15:36

    Әбеке, мен туралы өзің де жақсы білесің. Өзіме тоқталмай-ақ қояйын. Сұрағым: Шығыстың "екінші Аристотелі" атанған ғұлама бабамыз Әбу-Насыр әл-Фараби туралы не айтасың? Неге біз осы бабамызды аз айтамыз? Оның артында 160-қа жуық трактаттары қалған деседі. Онда қазіргі ғылымның барлық салалары қамтылған деуге болады. Сол еңбектерін толығымен қашан, қай кезде өз елімен табыстырамыз? Оған қайтсек қол жеткіземіз?

    • Жауап
    • бн, 26/11/2015 - 12:43

    Өркениетті әлем мойындаған Әл-Фарабидың мұрасына қатысты жақсы ой айтып отырсыз. Бұл өзі өз алдына бөлек бір әңгіме.

    Қысқаша қайырсам: бізде терең тарихымызды зерттеуде науқаншылдық басым. Кейде саяси конъюнктура араласып кетіп, бір басым бағыттан екіншісіне ауысып кетеміз. Нәтижесінде, асығыстық пен үстірттік орын алып жатады. Нағыз ғылым ондайдан ада болуы керек деп ойлаймын.

    Сіз атаған мол мұраны зерттеу үшін арнайы ғылыми бағдарлама керек деп ойлаймын. Және де оның мазмұнын шенеуніктер емес, тарихшылардың өздері, мамандар анықтауы қажет.

    • #60
    • Ербол Оңалсын
    • сн, 25/11/2015 - 17:31

    Әміржан мырза, өзіңіз комсомолдың мектебінен өткен жан екенсіз. Әйгілі 86-ның желтоқсанында майданның қай жағында болдыңыз? Бекежан Тілегенов деген жазушының "Сексен алты" деген романында біздің партиялық басшылықта жүрген қазақ атқамінерлерінің бәрі дерлік өз ұлтына қарсы шыққаны айтылады. Бүгінде солар билікте отыр. Не олар тәрбиелеген шәкіртері сол әміршілдік жүйенің әрекетін қайталауда. Қазақ тарихындағы 86 жылдағы желтоқсан көтерілісіне өзіңіздің берер бағаңыз қандай?

    • Жауап
    • бн, 26/11/2015 - 12:45

    1986 жылдың желтоқсанында мен КазМУ журфагының 3-курс студенті болдым. Қоғамдық негізде сайланған сол факультеттің комсомол комитетінің хатшысы болдым. Басқа жастар сеілдді екі күн бойына сол кездегі Бреджнев алаңында жүрдік. Қақаған аязда брандспойтпен су шашып алаңнан қуғанда, басқалармен бірге болдық.

    Желтоқсан сол кездегі Совет Одағындағы ұлттық республикаларда тәуелсіздік алу процесінің басталуына бірден бір қозаушы оқиға, қозғаушы идея әрі қозғаушы күш болды деп санаймын!

    Желтоқсан көтерілісі кезінде Компартия мен үкімет басқарған адамдар қазіргі биліктен кетпей ол туралы шындық тодық ашылады деп ойламаймын!

    • #61
    • Төкен
    • сн, 25/11/2015 - 18:21

    Осында конференцияға қатысқан белгілі адамдардың көпшілігі ұнамаған сұрақты аттап өтіп, өзіне қолайлы дегендерге сырғыта жауап беретін.Сіздің өзіңізге ұрымтал тұстан қойылған сұрақтарға қашпай нақты дауап беруіңіз ұнады.
    Тағы да сұрақ қойғым кеп тұр.Қазір билік басындағы жүрген азаматтар ұлтшылдығымен ерекшеленбейді.Десе де олардың арасында ұлтын сүйетіндер бар шығар деген ойдамын.Осылар ұлтшылдығын көрсетуден әлденеден қауіп ойлайтын сияқты.Менің ойымша қазақтың ұлттық санасын тежеп, кешеуілдету үшін әлдебір күш ықпал ететін сияқты, кейде осы күш сырт елден басқарыла ма деген де ой келеді.Сіз не дейсіз?

    • Жауап
    • бн, 26/11/2015 - 12:46

    Өзінің ұлтын сүйемін, ол үшін жанымды беремін деп басқа ұлт өкілдері алдында ашық айта алмау – сол кешегі Совет Одағы кезінде үстемдік еткен «пролетарлық интернационализм» идеясының бір сарқыншағы беп білемін!

    Сырттан ықпал болса, ол қазіргі билік басында жүрген азаматтарға байланысты. Осы орайда мені ЕАЭО құрамына еніп, әлеуеті өзімізден он есе үлкен Ресеймен одақтасуымыз қатты толғандырады. Әрине, 7 жарым мың шақырым ортақ шекарамыз бар көршімен таут-тәтті қөмір сүру керек. Бірақ оның ішкі және сыртқы саясатының шылауында қалып қоймауымыз қажет!

    • #62
    • Дәуір Жақан
    • сн, 25/11/2015 - 19:38

    Алмас Алтайға жауабында Қосанов президенттің беймәлім біреуді күні ертең өз орнына отырғыза алар конституциялық заңдылық еркі бар дегенді айтты. Конституцияның қай бабында бар ондайы? Жалған сөйлемеу керек қой! Одан кейін "ол да- пенде" деп маймөңкелеп, "Қазақстанның жаңашыл тарихында игілікті істері бар" депті. Ол қандай істері? Билікшіл топ құрып, оны шылқа байытып, халықтың көпшілігін кедейшілікке ұшыратқаны ма? Заманбек, Алтынбек, Асхат, т.б. қаза табуына, Әкежан, Ғалымжан, Мұхтарлардың сотталуына жол ашқаны ма? Қосанов өзі жақсы білетін Ә.Қажыгелдиннің соты әділ болды ма, жала жабу болды ма, - осыны айта алар ма екен? Айта алмайды. Жалпы жауаптары "өгіз өлмес, арба сынбас" болады да шығады, көрерсіздер.

    • Жауап
    • бн, 26/11/2015 - 12:47

    Сізді танымайды екенмін, бірақ маған деген бір ренішіңіз бар екен.

    Сіз айтып отырған ащы шындықты мен о бастан айтып, ол туралы жазып келемін. Сіз атаған әрбір азаматтың көзі тірісінде де, өмірден өткенінен кейін де жанында болып келемін. Ол жағынан менің арым таза.

    Меніңше, бізде екі түрлі ауру бар.

    Біріншісі – әсіре сыншылдық, саяси процестерді талқылаудан гөрі, жеке басқа тиісушілік. Яғни, «оппозиция болсаң, билікті тек қана қарала, жермен-жексен ет!». Меніңше, объективті көзқарас қалыптасу үшін, сонымен бірге, сол биліктің және ондағы жөні түзу адамдардың оң қадамдарын да атап отыру керек сияқты. Әрине, ол жағымды тұстар аз (мүлдем аз!), бірақ жүйе өзгерсе, ол жетістіктер көбейе түсері хақ. Менің ұстанымым осындай!

    Екінші ауру -  үйде диванда жатып алып, компьютерге өз атын жазудан қорқып, қолынан іс келетін, өз пікірін ашық айтып, билікті сынап жүрген адамдарды «неге одан сайын қатты сынамайсың?» деп жазғырып, керек  болса, арандатып отыру!

    Президенттік жүйенің кемшіліктерін, соның ішінде саяси астары бар қылмыстар мен соттар туралы бір адамдай атап келе жатқан мені осылайша сынауыңызға Сіздің, сөзсіз, қақыңыз бар.

    Енді екінші қадам жасаңыз: осы пікірлеріңізді аты-жөніңізді қойып, БАҚ-та жариялаңыз, біз ұйымдастырған митингілерге келіңіз, сонда сөз сөйлеңіз, сотталып жатқан тәуелсіз газеттер мен азаматтардың соттарына келіп, ашық қолдаңыз!

    Бұл ұсыныс тек Сізге ғана емес, баршамызға, соның ішінде өзіме де, қатысты деп ойлаймын!  

Кіру