ақпараттық порталы
2009 жылдың 15 сәуір
күні құрылған
«Abai. kz» ақпараттық порталында «Асыл арна» ислами телеарнасының директоры М.Тазабековтың сұхбаты жарияланды. Онда Мұхамеджан өзінің «уаһабистік» бағытын жасырып, ондағы сұрақтарға нақты жауап беруден қашқақтап, енді бір жерінде сұраққа тіпті жалған жауап беріп, қазақ мәдениетімен ұлттық дүниетанымымен үш қайнаса сорпасы қосылмайтын таза салафиттік сарындағы «Асыл арнаны» дәстүрлі исламның, ұлттық дәстүрдің насихатшы құралы ретінде көрсеткісі келіпті. Болмаса қазақ даласында атымен, затымен жоқ, бұрын-соңды болып көрмеген құбылыс «ширкпен күресу», «дәстүрді мойындамау» туралы идеяны алғаш алып келіп, таратқан Мұхамеджандар енді «қазақы дәстүрді мойындап» қапты. Әйтпесе, «анау ширк», «мынау болмайды», «анай бидғат» деп елдің басын қатырып, қоғам арасында, әсіресе мұсылман жамағаты арасында іріткі, фитна тудырған, ақыры елдің бірлігін алған салафиттік, уаһабиттік жамағат болса, әсіресе біз білетін М.Тазабеков енді аспаннан түскендей «елдің бірлігін» ойлап қапты.
«Қазір қарапайым жұрт «ойбай анау уаһаб, мынау сопы» деп сол сөздердің мағынасын білмей жатып үрейленетін болды. Таратып айтып беріңізші. Бұл қайдан шыққан терминдер?» деген сұраққа Тазабеков: «... Сақал қойған, дін ұстанған адамды өзіңе ұнамаған сипаты үшін «оңбаған уаһаб, артта қалған сопы» деп айдар тағып кінәласақ, ертең Алла алдында жауап беруге тура келеді. Сондықтан бізге көлеңкемізден қорқып, көп ішінен жау іздегеннен көрі адамдарға ақиқат жолдың абзалдығын айтып немесе өз иманымызды көркемдеумен айналысқанымыз жақсы» деп, сопы кім, уаһаб кім нақты белгілерін атап көрсетуден жалтарып, аса қатерлі уаһабизмді «қалыпты» көрсетіп, сұраққа тұщымды жауап қайырмаған. Болмаса қазіргі таңда елімізде террорлық әрекеттерімен бас-аяғы жүзден астам азамат бас бостандығынан айырылып, тар қапаста отырғандығы белгілі. Ал, еліміздің заңына сай құқық органдары «аса қатерлі» деп тапқан террористерді Мұхамеджанның «қауіпті емес» деп ақтауының себебі не? Міне осыдан да түсінікті болып отыр кімнің кім екендігі.
«Бір автор сіз бен Шорабек Айдаровты «қып-қызыл уаһаб» деп атады. Шыныңызды айтыңызшы, бұл не қылған парадокс? Өзіңіз уахаб, телеарнаңыз салафи...» деген сұраққа өзінің қып-қызыл уаһаб екендігін, телеарнасының салафи екендігін мойындап, М.Тазабеков: «Қандай пікірді болса да, сөзді болса да естіп жүруге мойынсұнған Алланың бір құлымыз да» депті.
«Сіз салт-дәстүрге қарсы адам екенсіз» деген сұраққа Мұхамеджан: «Салт-дәстүрге қарсы адам» деп аруаққа сыйыну мен сыйлаудың арасын ажыратуға қатысты, ырым мен ақиқат сенім жайлы араласып кеткен пікірлерді ажырату жайында айтқандарым үшін айтып жатса - жаңсақ сөз. Бір Аллаға сыйынып аруағын сыйлаған халықпыз» деп бұл сұраққа да Тазабеков жалған жауап қайырған. Әруақты қазақ сыйлаған. «Жеті шелпегіңді сенің өлгендер жейді дейсің бе», «өмірден қайтқанның жетісін, қырқын, жылын беру өліге пайдасы жоқ», «қабірлерді көтермеу керек, қирату керек», «тірісінде құрмет көрсетпеген өлген соң қалай сыйлайсың» деп уаһабилер уағыздаса, онда қалай әруақты «сыйлап» қалған.
«Әулие, аруақ жайлы. Сіз айтқан сыйыну мен сыйлаудың ара-жігі қай жерден ажырау керек? Мысалы, Бекет ата, Райымбек батыр басына барып жатқандар бар ғой» деген сұраққа Мұхамеджан: «...Ал жай адам немесе әулие түгілі Мұхаммед пайғамбардың (с.ғ.с.) өзінен жәрдем тілеу, сыйыну - Ислам тыйым салған. Алла Тағала қасиетті Құранның бәрімізге белгілі «Фатиха» сүресінің соңғы аятының соңғы сөзінде «до лин», яғни, «адасқандардың» жолынан бізді сақта дейді. Адасқандар деп отырғаны кімдер? Христиандар. Ал олардың адасуының ең басты себебі неде? Христиандар Исаны (а.с.) Құдайдың баласы деп пайғамбарға сиынып кетті. Пайғамбарға сиынуды Алла Тағала адасқандар десе, жай адамға сыйыну деген тіпті сорақылық болмақ.... Біз құрметі биік Бекет атаның өзінен жәрдем сұрағаннан көрі, ол кісінің артына тастап кеткен өсиетінен азық іздегеніміз дұрыс... Бабалар жолына, бабаларға деген адалдығымыз осы ма? Бабаларымызды сыйласақ, олардың аруағын құрметтесек, олар бізге не айтқысы келді? Олар қалдырған өсиеттердің үдесінен шығуға тырысуымыз керек емес пе? Сонда ғана аруақ, баба сыйлаған, бабалар ұстаған қастерлі жолда жүрген болып есептелеміз»
Міне, Мұхамеджан өзін «бабалар жолына адалмын» дей отырып, «әулиеден, әруақтан» медет тілеген қазақ халқын мүшриктерге теңепті. Қазақ ешқашан әулиесін Иса (ғ.с.) пайғамбарға табынған христиандар секілді оған арнайы құлшылық жасап, табынып кетпесе де Мұхамеджан «медет тілеу» мен «жәрдем сұрауды» «сыйынуға» санаған. Егер де қазақ халқы христиандар, т.б. мүшриктер секілді әулиесіне «Сен құдайдың баласысың», немесе, «Құдайдың баласы, әйелі бар» деп оларға арнайы құлшылық қылса, онда әңгіме басқа болар еді. Ал, бұл жерде Мұхамеджанның «ширк» деп шиқылдаған сандырағы «медет тілеу, рухани жәрдем сұрау» болып тұр. Енді осы мәселенің ара-жігін ажырату керек.
«Асыл арнаның» ашылу салтанатында сөз сөйлеген Б.Тілеухан: «телеарнаның ашылуына жанашырлық танытып, көмек көрсеткен азаматтарға» шексіз алғыстар жаудырып жатты. Ал, ол «ширк» емес пе? Ол да Алладан өзге пендеден болған көмек. Мұхамеджан өзің де осы арнаны ашу үшін біраз бизнесмендерден көмек сұрағаның өтірік емес қой. Ол да Аллаға серік қосу емес па? Сен де Алладан емес пендеден медет тілеп отырсың ғой, көмек сұрап. Ал көмек сұрауды, медет тілеуді «сыйынуға» санасақ, онда сен де «Христиандар істеген сорақы істі» жасадың ғой. Ал, тіріден көмек сұрауға, медет тілеуге болады. Тек өлілерден көмек сұрамасақ болды десең, олда Құранда Алла «оларды өлі демеңдер, олар тірі» деп ерекше атап көрсеткен ғой. Егер де осы аталған аятқа иман келтірсек тіріден қалай көмек тілесең, Құдай Құранда атаған, әулиені де «тірі» деп есептеп «көмек сұрауға» болады. Ал сенің қазақтың «медет тілеуін», «көмек сұрауын», «сыйынуға» санауың ол қиянат.
Қ.А.Яссауидің ілімін «исламның таза қайнар бұлағына тамған нәжіс» деп бағалап жүрген сендер, әулиенің ізбасары сопы Бекет әулие туралы «құрметі биік» деп қалайша атап қалғансың. Ол да жалған пікір, қисынсыз әңгіме. Оны өзіңнің де, жұрттың да іші сезіп тұр.
«Бекет әулиені, өткен тарихтағы хақ ислам жолында жан қиған құрметі биік тұлға» деп бағаладың. Ал, енді сондай әулиені неге зиярат етеміз? Деген сұраққа «өлілер бізге мұқтаж» дедің. Ал, Бекет әулие өзің атап көрсеткендей «хақиқатты таныған тұлға» болса, онда Құранда Алла ондай әулиенің пендеге «шапағат ететіндігін айтқан». Ол туралы 43-ші Зұхраф сүресінің 86-шы аятында: «Олардың Алладан өзге құлшылық қылғандары шапағат ету күшіне ие емес. Бірақ хақиқатты біліп, куә болғандар басқа. Шапағат ете алады.» - делінген. Міне, қазақтың әулиеге неге құрмет көрсететіні, оған арнайы баратындығы осы аяттан мәлім болды. Бірақ М.Тазабеков сияқты уаһабистер «өлілер бізге мұқтаж» дейді. Бауырым адаспа, осы аталған аятты оқы Құраннан. Одан соң Бекеттің пендеге қалай шапағат ететіндігін көресің. Ал ол аятқа иман келтірмесең, онда сенімен сөйлесу харам.
«Сізге мін тағушы жазарман «уахабилер Абайлар сияқты сақал-мұртын қатар өсірмейді. Сақалын өсіріп, мұртын тақырлар алады» дейді. Сақал-мұрттың «садаққа» іліну себебі неде?» деген сұраққа М.Тазабеков: «Кез-келген хадис кітабын ашсаңыз, пайғамбар Мұхаммед (с.ғ.с.) «сақалдарыңды жіберіңдер, мұрттарыңды қысқартыңдар» деген. ... Демек, мұсылмандардың басқа дін өкілдерінен ерекшеленіп тұратын сыртқы бір белгі - мұртымыздың қысқа болуы» депті. Онда Алланың соңғы елшісі Мұхаммед (с.ғ.с.) - нің жоғарыдағы келтірілген хадисіне сүйене отырып біз М.Тазабековты нағыз дінге жаңалық енгізуші «бидғат» жасаушы деп толық айта аламыз. Өйткені ол хадисте «Сақалдарыңды жіберіңдер де, мұрттарыңды тақырлаңдар» делінбеген ғой. Тек, «қысқартыңдар» деген. «Қысқарту» мен «тақырлау» екеуі екі әңгіме. Мұхамеджан сен өзің сол хадисті айта отырып, оған қарсы амал етесің, сонда пайғамбарға қарсысың ба не өзі? Жоқ жұртты ақымақ санағың келеді ме? Қанша айқайлап бақырсаң да, шынайы бет-бейнеңді жасырсаң да көрініп тұр көзі қарақты зиялыға. Қып-қызыл уаһһаб екендігің.
Ал «Асыл арнаны» уаһабилік идеяны таратуға құрылған арна деп атауымызға толық негіз бар. Мәселен, дәл осы телеарнада көрсетілген «Қабірге зиярат ету» атты телекөрсетілімде мынадай «уаһабиліктің» белгілері ашық айтылды.
Диктор:
- Әулие мен аруқтардан және ғайыптағы адамдардан күнәміздің кешірілуіне көмек сұрап дұға талап етуге болама? Болмайды. Өйткені бұл Аллаһ алдында кешірілмейтін күнә, үлкен ширк. Оған дәлел, Бухари Аллаһ оған разы болсын! жеткізген хадис: «кәмде кім Аллаһ Тағаладан басқа біреуге дұға етіп, жалбарынып жүрсе, ол тозаққа енеді».
- «Аллаһпен бірге басқа тәңір шақырма. Онда, сен де азапқа ұшыраушылардан боларсың» (Шура сүресі. 213 аят).
- Егер пенде Ұла Раббы мен жолығуды қаласа, әрине оған алдын ала дайындалуы қажет. Ол үшін алдамның Аллаһ Тағаланың алдына тек ізгі іс, игі жақсылықтар мен баруға, бар күш жігерін жұмсауы, мерейлі міндетіне айналуы тиіс. Осы жолға қажетті азық , жаратушының әрбір иманды пендеге жүктеген парыз амалдарын қағлез орындау, шариғи білім алу. Ең бастысы ауыр күнәдан, яғни Аллаһқа серік қосудан аулақ болу.
Жалелдин Шамшидинұлы (Қаскелең қаласы «Ақ мешіт» мешітінің найб имамы):
- Өкінішке орай, қазіргі біздің қоғамымызда көп осындай шариғатқа қайшы жұмыстар көбінен етек алып жатыр. Яғни әулие ата бабалардаң басына барып тілек тілеу, оларға құрбандық шалу, олардан көтермеген әйелдер немесе құрсақ көтермеген келіншектер барып солардан бала сұрап жатады. Бұлардың бәрі исламға жат. Исламға қарама қайшы тірліктер. Сондықтан бұндай амалдардан аулақ болуымыз керек. Қабірге барғанда. Яғни тек қана біз қабірді зиярат етеміз, оларадың, олардан тек қана біз ахретті еске алу үшін, ахретті еске түсіру үшін ғана, тек қана қабірдің басына барамыз. Олардан немесе бір тілек тілеп, олардан жанағыдай бір дұғаның қабыл болуын тілеу бұл шариғатқа қайшы. Яғни бір сөзбен айтқанда бұл шариғатқа өте қарама қайшы тірлік. Бұл ширк амалына жатады. Өлген кісіден бірдеңені талап ету - бұл ширк амалына жатады.
...Сонымен қатар Бухари мен Муслим жеткізген мына хадисті әрбір пенде жанында берік ұстағаны дұрыс. «Аллаһ елшісі оған Аллаһ Тағаланың игілігі мен сәсемі болсын! қабірді сырлауға, үстіне отыруға, кесене тұрғызуға, топырағын биік етіп көтеруге, және оған бір нәрсе жазуға тиым салды.».
Профессор А.И.Артемьев: «Ваххабизм Сауд әулетінің саяси менмендігінің ресми жалауы болды. ХІХ ғасырдың басына қарай ол Арабия жарты аралының көпшілік бөлігінде нық орнығып, келе-келе Үндістан, Индонезия, Шығыс және Солтүстік Африкаға жайылуға мүмкіндік алды. Сауд Арабиясының көптеген арабтары, - оның ішінде король отбасы да бар, - қазірдің өзінде де ваххабиттер болып табылады.
Киелі орындарда билік жүргізу, яғни барлық мұсылман әлемін билеу мақсатындағы күресінде бұл әулет ештеңеден тайынбады: кінәсіз адамдар жаппай қырылды, олар тіпті Меккеге қажылық сапармен барғандарды да тонады. Бұндай қорлаушылықты тоқтаттыру үшін, Ұлыбритания билігінде отырғандардың (ағылшын тәжі саудтық билеушілерді қамқорлығына алған) араласуына тура келді. Сауд әулетінің киелі қалалар - Меккеде, Мединеде және Таяу Шығыста да тікелей Ұлыбританияның қолдауы арқасында бекініп алғанын айтпай кетуге болмайды. Қаржылай, әскери және басқа дай көмек бұл режимге осы уақытқа дейін тек жекелеген ғалымдар ғана кіре алатын Британ мұражайы Кітапханасында сақтаулы жатқан мемлекеттер басшылары арасындағы келісім-шарттарға сәйкес түсіп отырады. Келісім бойынша британ тәжі қашанда Сауд әулетін Хиджаздағы (екі қасиетті орын кіретін аймақ солай аталады) билік басында ұстап тұратын болды. Саудтар арқылы Батыс өз саясатын бүгінгі таңда да жүргізіп отыр ...Бүгінгі таңда ваххабит идеологиясындағы анықтаушы сәт - ол жиһадты уағыздау және исламдық емес күштерге күйрете соққы беру болып отыр. (А.И.Артемьев. «Дінтану» Алматы 2008 ж.486-487-бет) деп жазды.
Түркістан газетінің (27 тамыз, 2009 ж.) санында газет тілшісінің «Өзіңіз діни білімді қайдан алдыңыз?» деген сұрағына М.Тазабеков: «...Мекке-Мәдинаға оқуға ниет етіп барғандығын» ашық айтқан болатын.
Ислам және өркениет (№05 (89) 1-15 наурыз, 2007 ж.) санындағы М.Естеміров «Іштен ірітуші уаһһабилер, өзін «таза ислам» жолындағы «сәләфилерміз» дейді» атты мақаласында: «...Бүгінгі таңда облыс аумағындағы шет елдерден келген ислам қорлары мен ұйымдары жабылып, шетел азаматтары Қазақстан аумағынан аластатылғанымен, олардың іс әрекетін қазақстандық шәкірттері мен Мәдинадан білім алып оралған, солардың жетегіндегі өзге де жастардың жалғастырып жатқандығы өкінішті» деп жазды.
Саудия ілімінің аса қатерлі екендігін сенатор ағамыз Ғ.Есім: «Қазіргі Қазақстан жағдайында ислам екі түрлі бағытта аңғарылып келеді. Бұл жақсылық емес. Арабиядан білім алып келген біздің жастар Қожа Ахмет Иассауиді құрметтеуді қойыңдар, аруақты құрметтемеңдер деген үгіт таратып жүр. Бұл болмайтын әңгіме. Біз тамырымызға балта шаба алмаймыз. Біздің халықтың менталитетінде аруақты құрметтеу қасиетті іс. Аруағын жерге таптап, мұсылман болуға қазақ көнбейді. Біз аруақты құрметтегенде, Аллаға, пайғамбарға шек келтіріп тұрған жоқпыз. Бір кезде бірыңғай орыстандыру саясаты жүрсе, енді бірыңғай арабтандыруға көшпекпіз бе? Исламның Иассауи салып кеткен жолы бар. Ол - түркілік ислам. Егер, біз осы мәселеге сақ болмасақ, ұлтығымыз бен елдігімізге сызат түседі. Сөйтіп мұсылмандықтың өзі бірнеше жіктен тұрады ғой. Қазір арабтар әкелген мұсылмандық пен біздің дәстүр-салтымызға сыналай еніп, қалыптасып кеткен софылық әдебиеттің негізінде Иассауи әкелген мұсылмандық екеуінің арасында түсінбестіктер орын алып отыр.» (Амреева А.А., «Діни экстремизм мен терроризм: мәні және Қазақстанға ықпалы». Алматы, 2005 ж.,168-169-бет) - деп атап көрсеткен болатын.
Міне осындай нақтылы деректерге сүйене отырып «Асыл арна» телеарнасы мен оны басқарып отырған М.Тазабековты «қып-қызыл уаһһабист» деп толық айтуға негіз бар. Ал, Мұхамеджан болса неге екендігі белгісіз осындай «қатерлі уды» таратуға әбден ынтық.
Мұхтар Мағауин ағамыз «...Міне, алақай! Аруақ! Ақсарбас! Қазақ Ордасы құлағаннан соң жүз қырық төрт жыл дегенде ұлысымыздың туы қайта көтеріліпті. Адасып емес, таңдап тауып, бақ қонған деген осы емес пе?» деп жазды. «Ұлтсыздану ұраны» («Алаш» Алматы 2004 ж., 9-бет).
Шерхан Мұртаза: «Райымбек Сейтметов туралы жаза келіп, «...Оның рухын ұлы Домалақ ананың, Тұрардың әруақтары қолдай жүрсін, Алла о дүниесін жұмақтан берсін» деп жазды. «Бір кем дүние» (Алматы «Жазушы» 2008 ж. 99-бет.)
Міне қазақтың әдебиеті мен мәдениеті, тарихында өзіндік орны бар ұлт зиялылары да «аруағын шақырып, пірінен медет тілеген».
«Абай-ақпарат»
сен кыртыма надан.ак пен караны айыра алатын сен бе?топас,жан жагына карасай,мешитке кашан барып един.сенин тура жолга тусуин киын болады.
Қазақтардың діни сауатсыз болғанын мынадан көруге болады. Дін бойынша шаш, кыл атаулылар лас заттарга жатады. Ал, лас затты ауызга алуга бола ма? Болмайды. Сондыктан да, ислам дінінің дінінің жауһары Ибн Таймия муртты кырып, сакал кою керек екенін айтқан. Ал, қазақтар ислам дініне шорқақ болғандықтан, мұртымен қосып тамақ жей береді. Кейді мұрттары сақалға батырылып жатады.
Бекболат аға, уақапшыларды кәпірлер террорист қылып көрсетеді. Негізі олар исламның қылышы деп айтқан. Мен ол кісіні қолдаймын.
АССАЛАМУҒАЛЕЙКУМ МҰСЫЛМАН БАУЫРЛАР МЕН ОТАНДАСТАР! Хазірет Барбол дегеннің осымен екінші мақаласын оқып отырмын. Ол да жұмырбасты пенде. Сол пенделігінен ол Мұхамеджанды мен оқыған екі мақалада да тек пенде ретінде сынап отыр. Оның амалдары мен сөздеріне уәж айтады. Бұл үшін оны жазғырудың еш қажеті жоқ. Ол "тек мен, менікі ғана дұрыс"-деп өкім бермейді. Артық кеткен тұстары да, кем жерлері де бар сияқты.
Мен де пенде ретінде Мұхамеджанның аруақ туралы соңғы пікірлерін естігенмін. Оның мәнін сұраушыларға "мүмкін тәубаға келген шығар"-дегеннен өзге айта алмап едім. Өйткені оның жүрегінде не жатқанын көрмеген соң, ол біз секілді пендеге көмес болғандықтан айтқан сөзіне күман келтіруге хақым жоқ еді. Бірақ "Асыл арнадан" пайғамбарымызға иман келтіруді шірікке қосқан хабар жібергізуі бұл үмітті күл талқан етті.
Егер Сіздер шайтан Аллаһтың дұшпаны десеңіздер, ол Аллаһты мойындамайды, ақыретке сенбейді десеңіздер, бұл үлкен адасушылық қана. Аллаһтың құдіретіне шәк келтіру, оған қарсылас ширк қосу.Шайтан Аллаһты толық білетін және мойындайтын, одан ақыретке дейін мұрсат алған мақлұқ. Құрани кәрімдегі ашық аяттардың бірінде: "Сол уақытта(сәтте) періштелерге "Адамға сәжде қылыңдар!"-дедік. Сонда олар дереу сәжде қылды. Бірақ Ібіліс сәжде қылмай: "Балшықтан жаратқаныңа сәжде қыламын ба?"-деді. Ібіліс: "Осы, менен ардақты қылғаныңды көрдің бе? Егер мені қиямет күніне дейін кешіктірсең, әлбетте ұрпақтарының өте азынан басқасын қырыма бір аламын" деді. (Алла): "Кет! Енді олардан саған кім ерсе, сонда рас жазаларың жаһаннам болады. Толық бір жаза" деді. "Олардан шамаң келгенін даусыңмен әуліктір. Және оларға атты, жаяу түрде келіп, байбайламдап, дүрліктір. Сондай-ақ олардың малдарына, балаларына ортақ бол. Оларға жалған уәде бер". Негізінде шайтан оларға алдаудан басқа уәде бере алмайды"(17:61-64)-делінеді. Осы аяттан ақ көрініп тұр, шайтан Аллаһтың құдіретін де, ақыретін де мойындап, сеніп тұр. Оны құртқан такаппарлығы мен менмендігі, өзімбілемшілдігі, астамшылығы. Ол өзін үстем санап,Аллаһқа "Балшықтан жаратқаныңа сәжде қыламын ба?"-деп тұр. Адамның жаратылуымен оның ақыреттегі үстемдігінен үміті үзілді. Сондықтан ол үмітсіз. Осы Ібілістің қалған амалдары Аллаһ еркінен тыс десек тағы да Аллаһ сифаттарына келтірген иманымыз кәміл болмас еді. Мен мұны неге айтып отырмын? Оған себеп, Адам ұрпағының бұл дұшпаны Адам ұрпағына толық азғындатып болмай "Мен Ібіліспін"-деп келмейді. Ол Аллаһтың атымен келеді, Аллаһ атымен адасуға бастайды. Аллаһтың өзі оған: "Олардан шамаң келгенін даусыңмен әуліктір. Және оларға атты, жаяу түрде келіп, байбайламдап, дүрліктір. Сондай-ақ олардың малдарына, балаларына ортақ бол. Оларға жалған уәде бер"-деп мұрсат жасап отыр. Сондықтан біздің ата-бабаларымыз "Шайтанның сәлдесі қазандай, сақалы қырық құлаш, бір сәтте мың мәрте калима-шахадатты айтып, азғырады"-деп аса қауыпты айлакерлігінен сақтандырып та кеткен еді. Әзірет Барбол осыны айтып отыр. Жалтырағанның бәрі алтын емес, мөлдірегеннің бәрі су емес.
Егер Мұхамеджаннан тәрбие алған, оны қолдаушылардың сөзі: "Жариялаған Қонақ чт, 08/19/2010 - 14:47
Алтай Қобда ағаны қолдаймын. Уахаб деген ол Аллаһтың таңдаулысы және бір аты. Сендер соны неге түсінбейсіңдер. Бекболат пен Мұхаммеджан ағаларым қазақты исламға кіргізіп жүр. Оларды жамандамаңдар. О дүниеде біздерден келіп кешірім сұрайсыңдар. Жаннаттың кілті Бекболат ағамның қолында екенін білесіңдер ме? Ертең Әзірет Барбол бастаған сопыларды жаннатқа кіргізбейміз"-деген болса жетіскен екенбіз. Астафраллаһ,Астафраллаһ,Астафраллаһ! бұл не деген пікір, бұл не деген сөз? Мынау дін Ислам емес, сұмдық қой! Біз Пайғамбарымызды с.ғ.с. "ахыреттегі шапағатшымыз", Аллаһтың екі дүниенің рахметін берген достарын "медеткеріміз"-дегеніміз үшін кәпір аталып жүргенде барша нығмет тіпті Аллаһтың да емес, "Бекболат ағамның қолында" болғаны ма? Міне, шайтани әрекеттің шайтани жемісі, Әзірет Барболды шырылдатып қойған мәселенің себебі, түпкі нәтижесі осы емес па?
Олардың тағы бір шәкірті - Жариялаған Қонақ чт, 08/19/2010 - 14:53 Жауап беру # минус 0 плюс: "Мұқтар Мағауин мен Шерхан Мұртазаны үлгі қылып көрсетіпті. Олар дінді білмейді. Намаз оқымайды. Кәпірлер. Аруақ деп ширк келтіріп, мұсылмандарды адастырушылар"-дейді. Мен Мұхтар Мағауинды білмеймін, ал Шерхан Мұртаза намазхан кісі. Оны бүкіл жамбылдықтар жыр қылып айтып жүр. Оның үстіне бір рет тілін калима-шахадатқа келтіріп, куалік берген, сол куалігінен ашық бас тартпаған, басқа дінге кірмеген адамды "кәпірлер"-деу нағыз имансыздық, дінсіздік емес па?
Олардың үшінші шәкірті - Жариялаған Қонақ чт, 08/19/2010 - 15:01 Жауап беру # минус 0 плюс: "Абай сайтындағы адамдар кәпір Әзірет Барболдың мақаласын жазғаны үшін о дүниеде жауап береді. Ойланыңдар"-деп өкім береді. Аллаһ атынан өкім беретін бұл кім? Пайғамбар ма?
Ата-бабаларымыз "Ақида білмеген шайтанға ел, мың жыл амал деп істесе - жел"-деген. Міне, "Асыл арнаның" теріс ақидасының жемісі. Осының өзі Әзірет Барболдың сөзінің шындығын, шырылдауының негізін дәлелдеп беріп отыр. Егер бұлар қазақтың біртуар, аса дарынды, Аллаһ жоғарғы парасатпен, игілікпен ұлықтаған азаматтары Мұхтар Мағауин мен Шерхан Мұртазаны бүгін "кәпір" деп өкім шығарса, ертең өлімге бұйырары сөзсіз.
Ей, бауырлар! Сондықтан Абай атамызды тыңдаңдар! Ол:
"Бойы бұлғаң,
Сөзі жылмаң
Кімді көрсем, мен сонан
Бетті бастым,
Қатты састым,
Тұра қаштым жалма-жан"-деген. Абайды қалай әулие демессің?! Ол:
Заманақыр жастары,
Қосылмас ешбір бастары.
Біріне бірі қастыққа -
Қойнына тыққан тастары.
Саудасы ар мен иманы,
Қайрат жоқ бойын тыиғалы.
Еңбекпен етті ауыртпай,
Құр тілменен жиғаны.
Өнімсіз іске шеп-шебер,
Майданға түспей, несі өнер?
Сиырша тойса мас болып,
Өреге келіп сүйкенер.
Күлмеңдеп келер көздері,
Қалжыңбас келер өздері.
Кекектеп, секек етем деп,
Шошқа туар сөздері,-деп қалай керемет айтқан. Мына Тазабековты "жақтаушылардың" сөздері нағыз "Шошқа туар" емес па?
Он айдың патшасы қасиетті Рамазан айында Сіз Мухаммеджан Тазабековты жақтағандардың барлық мұсылмандарды "Шошқа туарлар" деп отырсыз! Сіз бұл сөзіңізге жауап бересіз бе? Ал Абай атамыздың былай деп айтқан сөзің қайтпексіңдер "АЛЛАХТЫҢ ӨЗІ ДЕ РАС СӨЗІ ДЕ РАС!" Ал Аллахтың сөзі ол - ҚҰРАН! Егер сендерге біреулер: "Исламда аруаққа табынып, медет сұрау бар ма?" - деген сұраққа не деп жауап берер едіңдер? Қандай жауап қайтарар едіңдер? Қазақтың ұлы ғұламалары, философтары, ақын-жазушылары, ИСЛАММЕН сусындап, ИСЛАММЕН - өмір сүріп, біздерге аманат етіп кеткен! Ал мына өлеңде керісінше тура өзің сияқты, Әзірет Барбол сияқты адамдарға арналғаны анық!Бұл - АҚИҚАТ! Ал АЛЛАХ АҚИҚАТТЫ ЖАҚСЫ КӨРЕДІ! Көздеріңді ашып айналаларыңа қараңдар, қаншама мешіттер ашылып, халықтың барлығы ақиқат дініміз ИСЛАМ дініне кіріп жатқандары көз қуантады! Ал сендер керісінше ойбай салып Аллахтың өзі қощтап ұнатқан ИСЛАМ дінінен безіп, дау-дамай шығарып отырсыңдар! Аллах Рамазан айында Сіздерге иман байлығын берсін деп, дұға қыламын! Ерлан Әбдірашитұлы. Алматы.
Ерлан мырза!!!
Ал сен уахаббизмди колдаушысын ба соны аитшы. Бирак Аллаһтын бир есими, тил тигизбе (оны озимде билемин солаи екенин) деп куалап кетпей накты жауап бер. мунда ал Уахабтын жолын колдаимысын соган жауап бериндерши ози.Тек куалап кетпендер.
Мен Аллаътың хак діні ИСЛАМДЫ қолдаймын және ОНЫҢ маған парыз еткен амалдарын орындап жүрмін! Мен де ұлтым, тілім, дінім, жерім деп жүрген 100% қазақтың қарадомалақ иллаһи мұсылман баласымын. Дұшпандарыма ешқашан отанымның есігін айқара ашқан емеспін! Тағы да айтамын сендерге мен ешқашанда аруаққа табынып, олардан медет тілемеймін. Осы үшін ғана мені уаһабшы десеңдер онда сендердің көздеріңнің перделері ашылмағаны, жүректеріңе иманның толық орын алмағанның белгісі. Түнімен күнімен ҚҰРАН оқып, Хадистерді оқып, Абай атамыздың 40-қара сөздерін оқып, Қожа-Ахмет Яссауидің қітаптарын оқып, Шәкәрім мен Міржақып Дулатовтың, Ыбырай Алтынсаринның олеңдерін оқып көріңдерші, олардың барлығы бір Аллахқа ғана табынуды, Ислам жолымен жүруді аманат етіп кеткен!Абай атамыздың қара сөздерің мұқият, ой елегізінен өткізіп оқып көрсеңдер сендер айтар едіңдер: "Е-е-е-е-е! Мынау тура біз сияқтылар туралы жазылған екен!" - деп! Абай атамыз айтқандай "АЛЛАНЫҢ ӨЗІ ДЕ РАС, СӨЗІ ДЕ РАС! АЛ РАС СӨЗ ЕШҚАШАН ЖАЛҒАН БОЛМАС!" - деп кеткен еді. Ал рас сөз ол ҚҰРАНДА. АЛ ҚҰРАН ОЛ АЛЛАХТЫҢ СӨЗІ!
Мұхамеджан мен Бекболатқа тиісе бермендер! Олар ұлтымыз үшін күресіп жүрген абзал азаматтар! Ата-бабаларымыз кезінде Исламның арқасында көптеген жеңістерге жеткенін ұмытпаңыздар!
Сәлеммен Ерлан Әбдірашитұлы!
Ерлан мырза!!!
Созиниз оте орынды.Сиз аиткан бабаларымыздын баршасы бир Алла деп откени рас.Кешириниз мен ешкандай да аруакка табынып журген адам емеспин.тек кана оларга тил тигизбеуге тырысамын.Себеби оздеринин жандары киналып та жаткан болар.Жыгылганга жудырык болмайык.Аруакты емес биз озимизди тузегенимиз жон гой.
Енди сиз накты жауап бериниз 18 гасырдан калыптаскан ал-Уакбтын илимин колдаисыз ба колдамаисыз ба?Устанасыз ба алде устанбайсыз ба?Иа немесе Жок деп жауап берунизди сураймын.
Жоқ! 18-ші ғасырдағы қалыптасқан ал-Уакбтын илимин колдамаймын ж/е ұсанбаймын! Ал негізгі даудың басы "аруаққа" байланысты болып тұр ғой! Мұхаммеджан да, Тілеухан да, мен де ата-бабамыздың аруақтарын қорлап жүргеніміз жоқ. Біз қазақ, бұл жалған дүниеден мұсылман күйде бақилық болып кеткен ата-бабаларымыздың, ата-аналарымыздың аруақтарын сыйлаған халықпыз ж/е оларға Құран бағыштап, Аллахтан, олардың кінә-кемшіліктерін кешіріп, қабір азабынан сақтап, қиямет күні оларды мұсылман күйде тірілтіп жәннатта орын алуларына нәсіп ете гөр деп дұға қыламыз! Мен де қазақтың көңілге қонымды, құлаққа жағымды ұлттық әндерін, музыкаларын тындағанды жақсы көремін.
Кемшіліксіз адам болмайды, кемшіліксіз мекемелер де болмайды! Діни басқарманың да, Мұхаммеджанның да, Тілеуханның да, Қайрат Жолдыбайұлының да соның ішінде менің де әрі сендердің де кемшіліктерің баршылық! Діни басқарманың да,Мұхаммеджанның да, Тілеуханның да қолдарынан келмейтінде кемшіліктері бар шығар, осындайдың арқасында тырнақтың астынан кір іздеудің қажеті жоқ! Ал енді өзіңіз немесе өздерің айтып көріңдерші: "СЕНДЕР ЕШҚАНДАЙДА КЕМШІЛІГІ ЖОҚ АДАМДАРСЫҢДАР МА? Тағы да айтамын Бекболат Тлеуханның "НАМЫС" деген журналын алып оқып көріңдерші, сонда ғана сендердің Бекболаттың да, Мұхаммеджанның да қандай адамдар екніне көздерің жетеді, яғни олардың нағыз ұлт патриоттары екеніне көздерің жетеді! Ия Аллахым қасиетті Рамазан айында мына дұғамызды қабыл ала гөр: қазақ халқына тіліміздің мәртебесін бере гор, қазақ ұлтымыздың өнерін арттыра гор, қазақ ұлтымыздың бірлігін бере гөр, қазақ ұлтымыздың абыройын арттыра гөр, қазақ халқын өзің қоштап ұнатқан ИСЛАМ дінімен нұрландыра гөр! АУМИНЬ!
Сәлеммен Ерлан Әбдірашитұлы!
Сәлеммен Ерлан Әбдірашитұлы
Амин!!!
Рахмет Ереке!!!Бурнагы бери осылай жазу керек еди гой.Мен жауабымды алдым.Биле билсениз оз бойыма карасам кемшилигим жетеди. оныныз рас.Мен ойлаушы едим аруакты курмет тутпаитын (мени аруакка табынады деп ойлап калманыз) кисилердин катарында деп. Сиз сендер деп сойлеитиндей мен жалгызбын. тек сырттай пикир таластыктарынызга катысып отырмын.Намысты карап журмин.Ол жерде тартымды ой пикирлер коп ак.Дегенмен мен Бекболат аганын каита таубесине келе бастаганы болар деп шештим.
Мен мынадан коркамын.Иман иман деп журип биз казак ар турли тусиникпен бир Аллага иман келтирип жатырмыз.Казириги талас тартыс иман жолындагы болинушиликке алып барып жатыр.Туби бир Алла екени гана куантарлык екен.Осы кыска гана омирде бирлиги жараскан, ынтымағы артқан, рухы биік, камил иманды, бүкіл әлем үлгі тұтатын ел болайық!!!
АССАЛАМУ*АЛЕЙКУМ МҰСЫЛМАН ҚАУЫМ!!!
Бұл мақала орынды жазылған.Бұған түбегейлі қосылу керек!Қазақтың мұңын айтып,шындықты жазатын азаматтар кобейсін деп тілектеспін!
Қазақ баласының қазіргі танда адасуга біріншіден атеистік,материализм оты болды гой,Екіншіден тауелсіздік алган кезде Қазақ жастарынын діннен хабары болмады!СССР идеологиясына катты масайрагандыктан,ислам деген ойында да болдмады,бірак кокірегінде иманнын ұшқыны болғантұғын!Рухы аш казак жастары тарихынан,әдебиетінен тубегейлі хабарсыз болып!УАХХАБИЛІК/Салафилік/ агымнын жетегінде кетті!Алі ак пен караны ажырата алмаган бауырларымызга дәстури дінімізді айтатын болсак мурнын шуйіреді.Өйткені кокірегінде Аруак жок!!! ширк!ширк! деген кара мор бар!Ол кара дакты кетіруге алі де кеш емес!Материализмнін уына уланганда да ол тунектен шыкканбыз!Бул тунектен шыгуга кеш емес!Сол ушін /Жеті атасын білмеген жетесіз/дейді гой қазакта!Аталарынын атын гана білмей!Кандай болганын да карау керек!Мысалга/Абай,Шәһкәрім!Мәшһүр Жүсіп,Қожа-Ахмет Йассауи,Қазақтын зиялы АЛАШ азаматтыры,Билеримиз,Ата-пірлеріміздін т.б артында калдырган ошпес ұлагатты насихат создерін,олендерін кайта окыса гана кокірегіндегі кара дак кетіп,коп нарсеге коздері жетер еді!
Біздін тарихымызга балта шабылды!Тарихымыз,дастуріміз,дініміз тәуелсіздік алган жылдары колга алынмса да,жабулы казан күйінде!
Адамдық борышың - Халқыңа еңбек қыл. Ақ жолдан айнымай,Ар сақта, оны бiл.
Даудың басы: Мұхамеджан кім, уахабис ба, солай ғой. Бұл бауырымыз кезінде айтыс ақыны болды, халық болып қол соқтық, қырылып тыңдадық. Енді келіп хақ жолына түскен екен, жамырай қыжыртып жатырмыз. Қысқасы, Мұхамеджан да, Бекболат та хақ мұсылмандар және туған халқын ақихат жолына шақырушылар.Меніңше солай ал ахихатын Аллаһ біледі. Десе де бір нәрсе ақихат, қазақтың тілінен айырылып, басқаның боданы болып, береке бірлігі сетініп жүргені әрине, Аллаһқа ұнамайтын істер жасғандығынан. Нақтырақ айтқанда, Жаратушыға шірк қатуынан, қайдағы бір өлген аруақтардан жәрдем тілеуінен, бұл үрдіс үзілмесе әлі де қиын болады. Бекболат пен Мұхамеджан осыны білді, қазақта Аллаһтан басқа ешкім құтқара алмайтынына көздері жетті. Сондықтан да халқым тура жолға түс деп зар илейді. Шайтан малғұн болса Әзірет Барбол сияқты азаматтардың көкейіне бұзықтық салып, олардың ісіне кедергі келтіру үшін жанталасуда. Осына да түсінбейтін кеще емеспіз ғой. Басқаны қайдам: Аллаһ Таухид жолында жүрген, осыны нақты түсінген, құлшылығын Аллаһтан басқаға арнамайтын қазақ жігіттеріне қуат берсін. Барболдар да жүре берсін, бұлардың да бір керегі бар.
Бәрекелді! Алалх саган разы болсын, өте орынды, түсінікті, әрі жалпақ тілмен айтылған! Аллах сенің қолыңа қуат берсін!
Сәлеммен Ерлан Әбдірашитұлы!
Ассаламуғалейкум Ерлан Әбдірашитұлы!Мен сені де, басқаны да "уахабист" деп айыптаудан аулақпын. Адам, пенде ретінде Бекболат пен Мұхамеджанға да бес бересім, алты аласым жоқ. Өзің байқаған шығарсың, шырылдап қорғап отырғаным да қазақтың қара шалдары. Бір қазақты бір қазақтан бөлу мен үшін ата-баба аруағын, өсиетін аттап өтумен бірдей. Ал, мен аруақты қатты сыйлайтын, құрмет тұтатын пендемін. Алла біздің дүниеге, мол ризықтар үстінде, бейбіт қаманда келуімізге соларды себепкер етті. Сол ата бабаларымыз бізді "еншісі бұзылмаған қазақ"-деген. Ендеше олардың арасына жік салып, бірінен бірін алалау маған тән емес. Шерзан ағамызбен де менің келісе бермейтін жерлерім көп. Соның ішінде сөз Тұрар Рысқұлов туралы. Бұл кісі қызыл коммунист талай қазақ зиялысының астынан ор қазып, оларды да түсірген, кейін сол орға өзі де құлап өлген. Оның дін Исламға иман келтіргені туралы бір ауыз дәлел де жоқ, жасаған амалдары еш жағынан да Иллаһи, яғни иманды адамға тән әрекет емес. Оның аруағы қандай халде? Сол себепті Шерхан ағамыздың өзіне руластығы үшін "Тұрардың аруағы қолдасын"-дегені түбірлі қателік. Бірақ бұл намазхан Шерхан ағаны діннен шығармайды. Оған тәкпір айтуға болмайды. Өте сыпайы, әдепті түрде үгіт пен насихат қажет. Біздің ұлық ұстазымыз, Піріміз Әбу Язид Бистами деген кісі осы орайда бізге: "Егер біреу құс сияқты аспанда ұшып жүрсе де ол Шариғатты ұстанбаған кісі болса оның бұл амалы керемет, Иллаһи амал емес"-деген. Бұған Құрани каримдегі "Таха" сүресінің 85-97 аяттары дәлел. Ал, Шерхан аға осы аятты игермегені үшін кәпір болмайды.
Екінші бір мәселе аруаққа табыну, адам баласынан Аллаға серік қосу барып тұрған залымдық. Залымдық дегеніміз надандықтың жемісі. Оған тағы бір ұлық ұстазымыз Әлішер Науаидың: "Білмегенін сұрап үйренген - ғалым. Арсынып, сұрамаған - өзіне залым"-дегенінен артық мен сөз қоса алмаймын. надан адам білместікпен тіпті діннен шығып кетіп жатады. Сіз айтып отырған Абайды біреулер осы талқылауда "дін Исламды насихаттап, молдалық қылмады, мешіт салдырмады" деп айыптапты. Бұл да қате пікір. Ол дін Ислам үшін одан да зор қызмет атқарды. Ол надандыққа қарсы джихад жасады. Ғазауат жүргізді. Оның осы қызметінен шыққан сөзді Сіз де тұтыныпсыз. Керемет емес па?! Сол Абай бір өлеңінде:
Өлсе өлер табиғат, адам өлмес,
Ол бірақ қайтып келіп, ойнап күлмес.
"Мені" мен "менікі"-нің айырылғанын
"Өлді" деп ат қойыпты өңкей білмес,-десе, екінші жерде:
Ақыл мен жан мен өзім, тән менікі,
"Мен" мен "менікінің" мағынасы екі.
"Мен" өлмекке тағдыр жоқ әуел бастан,
"Менікі" өлсе өлсін, оған бекі,-демей ма? Біз аруақ десек, ол Абай атамыз айтқан "Мен", яғни ақыл(сана)мен жан(рух). Абай атамыз ол туралы "Мен өлмекке тағдыр жоқ әуел бастан"-дейді.Сол үшін Абайды діннен шығаруға бола ма? Біздің аруақ деп отырғанымыз да сол - "өлмекке тағдыры жоқ әуел бастан" адамның рухы. Бірақ Абай өлмегені үшін өмірден өтіп кеткен адамдардың "менін" Құдай Тағалаға серік қылып қосып, табынбайды ғой. біздің ата-бабаларымыздың тура жолы деп отырғанымыз осы.
Мен уаһһабилармен діни сайттарда талай айтыстым. Олар маған "далял" деді. Мен Құраннан да Хадистерден де, тіпті ибн Тайимиядан да дәлелдер келтірдім. Бірақ одан тапқаным жарытымсыз. Осында Айнабеков дегеннің мақаласына орай біреу "Оның сақалы жоқ екен, Бекболат аға бізге сақалы жоқ адамның сөзіңн тыңдама деген"-депті. Сонда бекболат ағасы ешкінің де, сасық текенің де, атақты атеисттер Маркс, Энгельс, Ленин, Троцкийлердің де сақалы бар екенін білмейтін надан ба? Егер байыптап қарасаңыз сақал есекте де бар. Мәселе сақалда емес, иманда! Міне, Бекболат мырзалардың осындай насихаттарына қарсы сөйлемеске тағы да амалымыз қалмайды. Сөйлесек жаманатты көреді.
Мен ешқашан барша қазақ бір сәтте тақуа болып , сопылық жолға түсіп кетсін деген емеспін. Тақуалық жүректің байлығы, діннің кемелдігі. Бұл дүниенің баянсыздығын жүрекпен ұғынған адам, алдамшы қызыққа бола иманынан аттап кете алмайды. Тақуалық деген сол, Иллаһи танымның жемісі. Мен балаларыма ата-бабалардан естіген үлгім бойынша "Аш отырыңдар, жалаңаш отырыңдар, тыныш отырыңдар"-деймін. Сол аталарымыз "басқа бәле тілден"-деген. "Тілдеріңе абай болыңдар"-деймін. Тіліне абай болған адам ойына абай болады, ойына абай болған адам әрекетіне абай болады. қазақ арасындағы Аяз би(Әбу Язид Бистамидың прототипі) қисасын әрбір әрекеттеріміз бойынша мың, тіпті миллион рет мысал етеміз. Қандай құпия амал істесең де бір секіргенде құтыларсың, екі секіргенде құтыларсың, үшінші секіргенде тұтыласың. Тұтылсаң шерменде боласың. Бір өтірігіңе сендіресің, екі сендіресің, үшінші рет барша сенімнен айырыласың. Сенімнен шыққан адам құрметтен де шығады. Ол үшін басқаны айыптама. Осы секілді, бір мысал жақсы мен жаманның арасын айырып, барша өмір сырын ашып тұр. Біздің бар тақуалығымыз осы ғана.Өзіңе жақпағанды өзгеге жасама, өзіңе жақпағанды өзгеге жаппа, өзіңнің шамаң келмеске жабыспа, өзіңнің белің көтермейтін жүкті мойныңа артпа, яғни алдымен өзіңді өзің танып ал. Өзін өзі танымаған Алласын да танымайды.
Мен ағайын-туыс, ел-жұрт арасындағы жаманды-жақсылы іске көп араластым. Сонда бір байқағаным адам баласының бақытсыздығының ең басты себепкерлігі олардың менмендігі. Жеке басының кісілігі мен нәпсі күштілігі(қанағатсыздық). Уаһһабизмның сұмдығы да осында, адамдардың менмендігіне сүйенеді. Ақырында "мен Алланы танып қойдым, тек менікі ғана дұрыс, қалғандары адасушы"-деген сияқты. Сосын "кім бізбен бірге - мұсылман, кім бізден бөлек - кәпір"-деп өкім шығарады. Құран аяттарын талғамай, насихи-мансухи аяттарды айырмай тұиынып, дін мұсылманды мыңға бөледі. Оларда екі ақ түс бар. Ақ және қара. Шындығында кімнің кәпір, кімнің мұсылман, кімнің жаннаты, кімніңғ дозақы екенін айыратын күн - қиямет, айырушы - бір Алла.
Ақырет күні кім-кімге шапағатшы бола алады,-деген сұрақ Пайғамбарымыз с.ғ.с. тірі кезінде де қойылған. Оған Хадис түріндегі жауап та бар. Шапағат күшіне ие болушылардың бір тобы - шаһидтер. Бірақ қандай жағдай болмасын өзін-өзі өлтіруші шаһидке жатпайды. Оларды Алла құран аятымен дозақы деген. Ал, шынайы шаһидтер шапағат сұрағанмен оны беру-бермеу Алланың еркінде. Кәпірге(Алланы толық терістеуші) қанша тіленсе де шапағат жүрмейді. Демек шапағаттан үміткер болған адам алдымен Алланы мойындауға тиіс. шапағатқа ие пенделердің екінші тобы Алланың достары. Алла кімді дос, кімді дұшпан етуді өзі шешеді. Оларға екі дүниенің де нығметі бары Құран аяттарымен айтылған. Бұлар Алла кімді қаласа тек соған ғана шапағатшы. Үшіншісі аса мәртебелі шапағатшыларымыз - Пайғамбарлар. Біз солардың ішіндегі тек қана Иллаһи тұрмыс кешіп өткен Қожа Ахмет Яссауи секілді екі дүниенің нығметкерлерін құрметтесек, солардың шапағатынан дәметеміз. Солардың сөзіне құлақ асып, өмірінен үлгі ұстанамыз. Болмасақ та ұқсап бағуға тырысамыз. Мүмкін Алла қабыл етер. Үмітсіз тек - шайтан ғана. Бұл не, дінсіздік па, имансыздық па? Сіз Пайғамбарымыз с.ғ.с. "Сияри шарифын" оқысаңыз атақты мұнафық Әбу Суфиян басына мұң түскен кезде тіпті Пайғамбарымыз с.ғ.с. алдында шапағатшы болуын сұрап кімге бармады, не істемеді?! Соның бірде-бірінде ол Парсы патшасы мен Византия королын сағалаған жоқ, Пайғамбарымызға с.ғ.с. аса жақын достары болған сахабаларды сағалады. Біз қазақтар әруақтан шапағатшылық сұрағанда қашан Рим папасын, немесе, Яһуди раббинін, не дін Исламға дейін өмір сүрген Атилланы уәсила етіп едік?
Жақында пайда болған ғұламалар Аллаһ аспанда, тақтың үстінде отыр, оның қолы бар-деген сияқтыларды бірінші мәселеге көтеріп әуере. Оу, бауырым, Сіз оқысаңыз қашан, қай заманда, не қай дастанда қазақ атаң Алланың мекенін іздеп бір-бірінің сақалын жұлып еді? Оның мекенінің бізге керегі не? Абай да сол бабалар жолымен Алланы "Ла-макан", яғни мекенсіз демеп па еді? Өйткені Пайғамбарымыз с.ғ.с. "Алланың белгілері жайлы ойланып-толғаныңдар. Бірақ Аллаһтың заты жайлы ойшылдық жасамаңдар"-демеп па еді? Қазақтың сопылары "Әли Ғымыран" сүресінің 191-аятын тұтынып: "Олар тұрып та,отырып та және жамбастап жатып та Алланы зікір етеді. Және аспандар мен жердің жаратылуы туралы ой толғайды. "Ей, Раббымыз, Сен бұны бостан босқа жаратқан жоқсың ғой. Сен Пәк затсың. Сондықтан бізді тозақ азабынан сақтай гөр!""-деседі. Сол үшін оларды "зікіршілер" деп шаманға теңеудің, кәпір деп өкім берудің дін Исламға, Алла аяттарына қанша сәйкестігі бар? Сіз де осылай ой толғасаңыз бір пендеге қиянат жасамақ түгілі себепсіз бір бұтақты жұлып алып, ағаштың да жанын жараламас едіңіз. Алла адам ұрпағын жердің патшасы етіп жаратса, барлық жер бетіндегі игілікті оның тұтынуына берсе бұл Адам баласына күллі әлемді ойыңа келгенінше жайпап, таптап, бүлдіріп, былығын шығар деген емес. "Ие бол"-деген. Жаратушы Иеміз сеніп тапсырған жер әлемін аялап ұстау да адамның парызы. Біз "Әли Ғымыран" сүресінің аяттарынан Алланың заттық сипаты туралы дау-жанжалды емес, осыны көреміз.
жаңашылдар бізге бүгінгі Сауд әулетінің діни ақидасын тықпалайды. Осы ақида араптар арасында үстемдік құрғаннан бастап Сауд араптарынан бір пенде ғұлама шықпапты. Сонда бір замандағы күллі әлемді дүр сілкіндірген данышпан мұсылман оқымыстыларының жарқын ұрпақтары қайда? Олардың тамырын үзген кім? Сіз егер ақиқатты сүйсеңіз соңғы Сауд билеушілік заманынан бір күллі әлем мойындаған ғұлама Ұлықтың есімін, не бір әлем ғылымы мен өркениетінің өсіп-дамуына үлес қосқан заттың есімін атап көріңізші. Жоқ. Сонда одан не өнеге алу мүмкін. Бізге ата-бабаларымз "Құран ғылымхат. Құранның түсуімен сиқырлар есігі жабылып, ілім есігі ашылды"-деп үйреткен. Ол ілім есігі қайда? Оның есесіне қан, қан, тағы да қан.
Қан неге төгіледі? Оған себеп ақиданың терістігі. Біздің ата-бабаларымыз Имам Матурудидың ақидасымен дін ұстанды. Бұл ақида бойынша иман бөлек, амал бөлек. Иман деген Аллаға, Оның Пайғамбарларына, Періштелеріне, Кітаптарына, Қияметіне, жақсы мен жаманның бір ғана Алладан екеніне сену. Осыған сеніп, тілімен калима-шахадат айтқан адамды біз мұсылман дейміз. Ол жүректі билегенде - иман болады. Ол артпайды да, кемімейді. Жүректердегі сыр бір ғана Аллаға ғана аян болғандықтан тілімен иман келтірген пендеге ешбір күман келтіруге болмайды. Амал деген әрекет. Әрекет артады да, кемиді де. Сондықтан екеуі екі бөлек зат. Сондықтан қанда да бір амал жасамасын пенде өз иманын өзі тәрк етпейінше оның амалына қарап, иманына күман келтіруге, оған мүшірік, адасушы діндердегілер мен кәпірлерге түскен аят өкімдерін қолдануға болмайды. Осы ақиданың қуатымен сан ғасырлар бойы біздің ата-бабаларымызда дін атымен топ-топқа бөлініп, бірін-бірі жаппай қырып-жоюшылық болған жоқ. Ал, бүгінгі Саудияшылардың ақидасы бойынша амал мен иман бір. Бір амалды қалдырып кеткен адамның бір иманы кемиді. Бірнеше амалды жасамаған адам кәпір. Құран аяттарына сай оны да, оның бала-шағасын да өлтіруге, мал-мүлкін олжалауға болады.
Уаһһабилар осы ақидамен бәдауилерді желіктіріп, Меккені де, Мединаны да қан жоса еткен. Бұл тарих. Ертең осы тарих бізде қайталанбасына кім кепіл?
Мен Не Мұхамеджанға, Не Бекболатқа дұшпан емеспін. Мен олардың осы жолға бастаушы қате ақидаларына қарсымын.
Алла ақырзаманның фитнасынан сақтасын!Барлығы Қазақстанның быт шытын шығару мақсатындағы сыртқы күштің әсерінен жасалынып жатқан нәрсе ғой!Осы мақаланы жазып елді тура жолға бастап жатқан Бекболат пен Мұхамеджан ағамызды халыққа жаман қылып көрсету ғана.мақаланы жазғаны үшін Барбол ағамызда өз ортасына бүгінгі күні бар болып журген шығар!Алла ол кісіге де мәнді мағыналы өмір берсін!
Мұхамеджан мен Бекболат ағамызға тисе бермеңіздер, Қазақтың солардан басқа кімі бар?
Абай атамыз;"АЛЛАХТЫҢ ӨЗІ ДЕ РАС СӨЗІ ДЕ РАС!" деп жазған.
Бірақ ғұлама Абай "АЛЛАХ" деп жазбаған. "АЛЛАНЫҢ ӨЗІ ДЕ РАС СӨЗІ ДЕ РАС!" деген.
Бауырды - ақи дейсіңдер.
Қазақтың тілдік қоры араб тілінен өте бай. Аллах - деген араб сөзі.
Алланы- Аллах десек, онда бүкіл сөздерді арабша айтайық онда. Кітап- китабун, қалам-қаламун, мұғалім-мұғалимун.
Шәкәрім де, Мәшһүр Жүсіп те, Мұқағали да барлық ақын-жазушылар "Алла" деп жазған, бабаларымыз "Алла" деп сөйлеген. Олар - ақымақ емес !
Осы өткен аптада, "Асыл арна" телеарнасында жасы 87-ге келген Әжемен сұхбат болды. Әжеміз жақсы сұхбат берді. Аналық ақ тілегіне алғысым зор. Сол отырысымен ол Анамыз - қазақ әйелі болудың қандай екенін, мұсылмандық жолдағы қазақ Анасының болмысы қандай екенін дәлелдеп кетті.
Тек журналист қыз , әңгіме ауаны қазақ қыздарының хиджаб кию мәселесіне келгенде, таза уаһабтық бағытқа бұрып отырды.
Журналист сұрақ қойды; "Апа, орамалды басыңызға неше жасыңызда тақтыңыз" деп.
Анамыз жауап берді; "Жалаңбас жүрген кезім жоқ. Әкем молда болып, біздің иманды, әдепті болуымызға ат салысты" деді. Кенет әрі қарай сөйлей бастаған былай деп; "Негізі қазақ қыздары жас кездерінде бастарына үкілі тақия...." Осы жерден журналист әңгімені жанталасып өзгертіп жіберді. Апа бізге телефон шалған көрерменнің сұрағын жалғастырсақ деп.
Әжеміз меніңше, қазақтың көреген Анасы ретінде айтар еді.
"Қазақ қызы тұрмысқа шыққанша, бетін тұмшаламаған. Басында үкілі бөрік пен тақия киген. Қазақ этнографиясыныңа ғажаптығы мен кереметтігіне, тазалығы мен биік мәдениетіне - Арабың да , басқасы да су құя алмайды. Қазақ қыздарының кейбір бойжеткендері шарқат таққан. Онда да қызыл түсті шарқат. Ал келін болып босаға аттаған кезде ғана аппақ желек жамылған. Орта жаста ақ орамал таққан. Ал бәйбішелер бастарына кимешек киген. Ақ кимешек. Ендеше қазақ үшін , жалпы ҚАРА түс - қасіреттің, азалы жағдайдың түсі. Ендеше хиджаб пен никап кимеген - Бабам-қазақ өлмеген. Болашаққа да сол өзінің құнды, биік, эстетикасы жоғары ұлттық этнографиясымен барады. Сақ, ғұн кезеңдерінен есептесек, көшпенділер мәдениетіне үш мың жылдай уақыт болды."
Шынында да беті-аузын тұмшалап қара киім киіп жүргендер - қазақ тілін дұрыс білмейтін, ұлттық рухтан жұрдай, қазақтың ділін сезінбейтін - асфальтта өскен, орыстілді, русскоязычний қазақтар.
Салафилік жолда жүргендер де - кілең қазақтықтан мақұрым сол орысша оқыған қыз-жігіттер.
Оларға бірдеңе айтып түсіндңру мүмкін емес.
Бәлкім қазақша аңыз-ертегі тыңдап, ананың бесік жырына қанып өссе басқаша болар ма еді ??? Оның үстіне шаштарын бояған Мамалары мен Партократ-Папаларынан басқа ешкімді көрген жоқ. Ауылға барып, даланың құмына аунай алмады. Олардың ата-ана маған ешкім емес, тек биологиялық тұрғыдан ғана жақын, Мен Алладан басқа ешкімді білмеймін деп көзсіздікке баруы да заңды.
Мен енді мұсылманмын деп (уағызда да қазақ бола тұра тек орысша тыңдайды) Бүкіл туысқандарынан безіну, "Харам" деп орамал тақпайтын Анасының тамағын ішпеу, "Намаз оқымайсың" деп Әкесінің қолын алмау, бауырына сақал қоймай, тобықтан жоғары шалбар кимегені үшін "сен маған ешкім емессің" деп ат құйрығын кессісуі - біздің ҰЛТТЫҚ ТРАГЕДИЯ және Бүгінгі Қоғамның шындығы.
Қазақ халқы Ислам дінін қабылдағанына ОН ҒАСЫРдай уақыт болды. Ия, біз мұсылман болуымыз керек! Алайда бүкіл сыртқы және ішкі әлемімізбен АРАБ болуымыз өте қиын !
Бізді екі жүз жыл отарлаймыз деген Ресей империясының да күшә келмеген. Қазақты шоқындыра алмады. Ендеше Араб отаршылдығының қауқары бізге жетпейді.
Тоқетері: Қазақ Ислам дінін ұстанады. Бірақ Араб бола алмайды.
Бекболат пен Мұхаметжанға сенсеңдер, адасасыңдар, бауырлар! Қазақ қазақ боп қалуы керек. Ал, мына бір екі "көсемнен" қазақтың иісі шықпайды! Арабтың ақшасына қызығып, қазақты құртумен айналысатын сатқындар ғой. Біздің шалдар құсап ұстану керек дінді...
Мухаммеджан мен Бекболат ҚҰРАНҒА сеніп, содан ілім алып айтып отыр! Ал сен жазғандай бізідң шалдар дінді қалай ұстаныпты??? Сұрағыма жауап жазып жіберсең жақсы болар еді! Сәлеммен Ерлан Әбдірашитұлы!
P.S Сендер (көптеген адамдар) аттарыңды да жазуға қорқып отырсыңдар ғой! Шын аттарыңды жазудан қорқасыңдар ма, не?
Керемет пікір, жоғарыдағы пікір білдірушінің айтқаны өте орынды. Құдай бізді бекер қазақ қып жаратқан жоқ, біз Құдайдың заңын бұзбай өз қазақтығымызды сақтап қалуымыз керек.
Хиджаб туралы пікірім - ол қандай стильде болуы маңызды емес. Қазақы дәстүрге жақын ба, әлде басқа стильде ме. Бастысы - шариғат талап еткен бойынша әурат жерлерді жабу. Әуелі осыған тоқталайық. Ал одан соң қазақы салт-дәстүрге сай киімдер жасап шығару мәселесіне өшейік. Матаның түсі, қалыңдығы маңызды емес қой.
Матаның түсі, қалыңдығы маңызды емес қой.
))))))))))))))))))))))))))))))))))))))))
Қазақ үшін өте маңызды. Никап киетін АРАБтар мен таяу шығыстағы басқалар үшін маңызды емес. Себебі, олардың әйелдің отбасындағы ролі деген мүлдем жоқ. Бұл арада - әйел затының шаңырақты билеуі емес, Енелер мектебі, Келіншек, Отанасы, Жеңге, Ел Анасы деген ұғымдар жөнінде. Тіпті Ел Анасы деген ұғым - Арабтардың санасына ешқашан кірмейтін ұғымдар.
Баяғы замандардан, өткен ғасырлардан бастап , қазақ халқы Әйел адамдардың басындағы орамалының түсіне қарап, оның жас ерекшелігін, "жас келін бе, келіншек пе, бойжеткен қыз ба, бәйбіше ме тоқал ма?" , кім екендігін ажырата білген. Қазақ әйелі - ислам дініне дейін де ешқашан әурат жерлерін ашпаған. Сәукеле, қос етек, жеңі ұзын бүрме көйлек, қынама бешпет пен камзол пен үкілі құндыз бөрік, кимешек, жаулық т.б. осыған дәлел. Мұның астарында ұлттық дүниетаным мен ұлттық философия жатыр.
Біле білгенге бағзы замандардан киім кию мәдениетін қалыптастырған , қазақтың өмір сүру салтында басы артық, мағынасыз, абройсыз нәрсе атымен жоқ. Еркек пен әйел адамдардың қарым-қатынасы, сыйластығы, тіпті Ислам діні пайда болғанша, әбден жүйеленген, реттелген. Әбден қалыпқа түскен.
Шариғат заңдары - қазақ халқының өмір сүру салтымен үндес, өте жақын келгендіктен , Бабаларымыз ешқандай соғыссыз, жанжалсыз, зорлықсыз Мұсылманшылық жолды таңдады.
Ал Шариғат Заңдарына бағынса - ол Арабтардың ісі. Себебі, мәдениет пен фольклордан мақұрым, дала кезген Бәдәуилерді Адам қылған, Ұлт қылған, Ел қылған - ИСЛАМ діні.
Ал қазақ тарихы мен тағдыры олардан мүлдем бөлектеу. Қазақ өркениеті - өзінің тамырын үш мың жыл бұрынғы кездерден бастау алған.
Ал осыдан үш мың жыл бұрын Арабтардың Тасқа табыну мен Сауда жасаудан басқа ештеңе білмеген.
Мұсылман бола тұра, Қазақ сол Ұлттық Құндылықтарды жоғалтпауы тиіс.
Осы хиджаб кимегендердің бәрі жалаңаш жүр деген сорақы пікірлеріңді қойыңдарш
Ассаламуғалейкум мұсылман бауырлар. Ассаламуғалейкум Ерлан Әбдірашитұлы! Уаһһабтық пайымдаудың ең қауіпті жері сөздің парқцына бармаушылық. Бұл ілім адамзат баласы қанша надан болса сонша қарымды болады. Олар барлығын екі-ақ түске бояйды. Ақ және қара. Өздерінің пайымы ақ, басқа адам не айтса да қара. Мен Абайдың "Шошқа туар" сөзін қолдандым. Неге, не мақсатта? Оған себеп бұл жазғандар Мұхтар Мағауин мен Шерхан Мұртаза секілді қалам иелеріне қарсы лағнет(такфир) айтып отыр. Мен пенде ретінде Шерхан Мұртазаның жер туралы шерменде тірлігін жақсы білемін. Бірақ бұл олардың мұсылмандығына шіркеу бола алмайды. пендешілік. Ал, осы бір қазақ жері үшін сын сағатта Бекболат не істеді? Сауд Арабиясына ерсілі қарсылы шауып жүрген, "дін тұтқасы" болуды арман еткен Бекболат сол елдегі қандастарымыздың күйін, олардың жағдайын біле ма екен? Олардың жерге ие болмақ түгілі өз аттарынан дүкен ашуға құқысы жоқ. Жаңа машина мінуге шамасы болса да жүрегі жоқ. Мен сөйлескен Саудияда бес-алты дүкені бар қазақ жігіт "егер мен жаңа машина мінсем бәлеге қалам. наркотик сатып тапқансың деп тартып алады"-деді. Сол жігіт олардың заңы бойынша қайдағы бір бәдауидің атынан дүкен ашып, сол үшін бұл бәдауиге айына әр дүкеннен 2000 риал беріп отыратынын білдім. Ал, Бекболат қазақтың жерін емін-еркін саудаға салатын заңға қос қолын көтерді. Бұл не? Оның осыны білмеуі ма, әлде қазаққа жаны ашымағаны ма?
Мен жердің жекеменшікке берілуін қолдағандардың бірімін. Бірақ жер ақшасы барларға сатып алуға емес, өз иесіне тегін берілуге тиіс еді. Сонда ол жер болашақ ұрпаққа мұрты бұзылмастан мирас болар еді.
бар айтқаным осы. Мұхтар мен Шерхан қазақты қорғадым. Өйткені бұлар қалам иелері. Алла сөзді құдіретті етті. Сол құдіреттің пенделерге тән болған кереметін осы кісілерге сыйлады. Бұлар оны Дүкенбай Досжанов сияқты Пайғамбарымыздың с.ғ.с. атына күйе жағуға емес, халық игілігіне жұмсады. Мен қазақтың бұл екі ұлық перзенттерінің кітаптарын бала күннен оқыған адаммын. Марқұм Оралхан Бөкеев өліп кетті, тірі жүргені Мұхтар менің әдебиет әлеміндегі Пірім десем де болады. Ал, баласы(Ардақ Досжан) дін комитетін басқарып отырған Дүкенбай Досжанов туралы мен оны айта алмаймын. Таң қалатыным ата-баба аруағын қастер тұтқандарға *Бейәдеп сөз жазбаңыз!* жағып жүрген Тілеуханов пен Тазабеков Хазіреті Айша р.а. анамыздың атына ғайбат айтқан осы мұнафық жазушы - Дүкенбайға келгенде жұмған ауыздарын ашпады. Неге? Қалайша осы адамның баласы дін комитетін басқарып отыр? Неге аса мәртебелі депутат Тілеуханов осыған орай Премьер министрге депутаттық сауал жібермейді? Оның орнына бір Алла деген Әзірет Барболдан бәле іздейді?
менің қолымда бір кездегі атақты, оқымысты атеист Әбсаттар Дербісәлінің бірталай атеистік шығармалары мен мақалалары бар. Бізді осы арқылы атеизмге оқытқан. Бірақ біз бұл туралы бір ауыз сөз айтқан емеспіз. Неге? Өйткені ол тәубаға келдім деді. Тәубаға келген кісінің тәубасын мойындамау мүмкін емес. Ал, Дүкенбай ше? ЖООООҚ. Оның далбаса кітабы әлі шығып жатыр...
Осы енді шошқа туар емес па?
Мұсылман бауырларым! Мен бір сөзде не тазабеков, не Тілеуханов мұсылман емес дегенім жоқ. Әзірет Барбол деген де олай деп отырған емес. Ол оларды мұнафықтыққа айыптайды. Егер ақиқатында мұнафық болмаса айтсын: "Біз мазхабта Имам Әбу Ханафия, ақидада Имам Маутуруди, немесе Ашшари ақидасындамыз"-деп. Бұкіл мұсылмандар тақуа, тассауф жолында болып кетуі мүмкін емес. тақуалық ілеуде бір адамның ғана қолынан келетін амал. Сондықтан ешкім оларды сопы болмадың деп айыптап та отырған жоқ. Бар мәселе "Кімсіңдер?"-деп сұрап отыр.
тіл сұйексіз. Қайда бұрсаң сонда кете береді. Әзірет Барбол да соған иеге бола алмай төпелетіп жіберген. Бірақ бұл арамза ниеттен емес, жан ашуы, айқайы. Егер Мұхамеджан мырза нағыз азамат болса шақырсын Әзірет Барболды ашық сөзге. Шығарсын "Асыл арна" сахнасына. Сонда халық кімнің кім екенін көреді. Бас кеспек болса да тіл кеспек жоқ. Тілі үшін Әзірет Барболды басқаға теңеу артық. Ақиқат біздің пендешілік пайымымызда емес, Алланың алдында. Алла үшін өкім беруден сақтанайық. Сонда уаһһабизмнің қазақ жеріндегі жолы тиылады.
Менің бар білерім қазақ арап емес, арап бола да алмайды, болмағаны да Алланың игілігі. Сондықтан Арап атымен бір әулет- Саудтардың дінсымағы мен ақидасымаған ата-баба аруағынан биік қою адасушылық. Ақиқат Аллада.
Алла жар болсын, Ер екенсің !!!
Тыңдайтын құлақ болса, жетесіне жеткіздің. Ойланайық, бауырлар! Мұхаметжан, Бекболаттар шынымен қазақы исламды құртам деп ойлай ма екен, ол мүмкін емес қой. Ал сонда не болады? Соңына ергендерімен бізге соғысқа шыға ма? Кешегі түрмеден қашқан қара көздер не үшін, кім үшін опат болды? Ағаны силайтын халық едік, енді міне осылардың соңына ерген інілеріміз барлық болымысымызға қарсы шығып, тістерін қайрай бастады. Құдай, аруақ сақтасын бұның арты жаман болатын түрі бар.
Бұрын орыс тілді қазақ, қазақ тілді қазақ болып, қаланың қазағы,даланың қазағы болып, оның үстіне жүзге, руға бөлініп жатқанымыз аздай, енді діни көзқарастарымыз бойынша қырық пышақ болып бөлінгеніміз өкінішті! Қашан, қалай ел боламыз? Досқа күлкі, дұшпанға таба боп біттік қой, бауырлар-ау! "Асыл арна" теле арнасы мұсылман дінін насихаттап жатқан жалғыз арна ғой, иеогова куәгерлері емес, кришна емес, исламды. Аяғынан шалмай, күндемей, үндемей отыра тұрсак болмай ма?! Адамдар қыздарымыз әуретті жерін жапқан сайын қорқып,жартылай жалаңаш киінген сайын қуанатын болып қалды.Ерлеріміз сақал қойса уаһабис деп,қыз теке сияқты болса еш ойланбай,мән бермей жүре беретін болып қалды.Бұның барлығының бір ақ себебі бар.Ол мұсылманның атын жамылып,іріткі салу мақсатындағы осы сияқты мақалалар мен іс әрекеттер арқылы жиеркенішті қылып көрсету..Жай ғана мысал,осы мақаланың өзінен қанша мұсылманның арасында пікірлер қақтығысынан ақ көруге болады.Ал егерде ұлтқа жаның ашып қалса елді рухани азғындатып жатқан хит.тв,муззон сияқты телеарналарды неге сынға алмайд!Балыгын уакыт оз орнына кояр сосын. Міне осы пікірден басқа алуға келер түк жоқ. Теріс пиғылды секталар қаптап жүрген ей мұсылмандар өз өздеріңмен алысқандарың не ? Елдегі бірден бір ислами арнаға топырақ шашып оның жұмысын тоқтатып тастағанда кімнің жері кеңиді. Бұдан кім ұтады ? Қайта қауанбаймысын! Күш түбі бір АЛЛА-ға сыйынған бауыр емеспіз бе ? Сырттан келген секталарға үндемей үйдегі батыр құсап неге осы арнаға сесе көрсеткілерің келеді ? Шамаларын жетсе ашыңдар алты алтыдан арна ? Насихаттаңдар. Кім қой деді сендерге ? Шамаларың жетпеді ме ? Игілікті іске пайда келтіре алмадыңдар ма ? Жақсылықтарын сол болсың кедергі келтірмеңде! Жоғарыдағы қоақ дұрыс айтады алдымен Хит ТВ Муз Тв-ның жұмысын тоқтатып алыңдар. Айбек ағамыз: Айтшы осы біз неге бөлінеміз, Бөленгенен басқа біз не білеміз. Бес күн мынау жалғанда бір болайық, өлген соң бөлек-бөлек көмілеміз. Жау керек болса жан-жағында анталып жүр. Өз бауырың мұсылманды жау санап, біріңнің бетіңді бірің тырнамашы қазағым. Ағаларым-ау ақылдарың бар емес пе ? Исламға енді бет бұрып келе жатқан жұртты өстіп өзара қырқысу тартысуларыңмен шошытпаңдар. Абай кз порталынан да өтініп сұрайтымыз осындай бауырлардың, қандастардың, мұсылмандардың өзара тартысы мен таласын жариялаудан бас тартсаңыздар! Осындай өзін өзі даттау өз бауырымен ағасы арасындағы таластан қазаққа келер 1 тыйын пайда жоқ. ал зиян көп. Інілерің ретінде өтініп отырмын осыны. Ағалық жасап осындай материалдарды бермеуге тырысып көріңіздерші!!
Мына мақалаңызға +100000000!
Ерлан Әбдірашитұлы!
Мен көп каналдармен қатар "Асыл арна" да біздің үйге кіріп тұр. Жалпы осы арна ашылғалы бері оны сүйіп көретін көрерменнің бірімін. Әңгіменің әлқиссасынан бұрын, әуелі мына Абай сайтына алғысымды айтамын, ешкім қызықпайтын өлі тақырып емес, қазіргі қоғамда жанып тұрған мәселені қозғап отыр екен.
Алайда аталмыш тақырып әлде-қашан "мұрағат"-қа өтіп, үсті-үстіне өзге тақырыптар жабылып кетсе де, тақырыпты "поисковикке" жазып тауып алып оқып жүргендер де бар құсайды. Өте қызық жағдай. Мұсылман шариғатын айта бастағандарды "Бахабис" деп айыптауға келгенде - ішкен асымызды жерге қоятын дәрежеге жетіппіз. Бұл не сөз? "Халық жауы" деген сөз ба? Әлде "Қоғамға қауіпті" дегені ме? Қалыптасқан кейбір қисық ұстанымды түзеп қоюды, және осы жұртым қисайып жүріп тамұққа түсіп кетпесінші дейтіндерге арнайы тағылған жала ма?
Мәселе былай ғой, бауырлар: Мына мақаланың түйіні былай деп түйінделіпті:
Ал «Асыл арнаны» уаһабилік идеяны таратуға құрылған арна деп атауымызға толық негіз бар. Мәселен, дәл осы телеарнада көрсетілген «Қабірге зиярат ету» атты телекөрсетілімде мынадай «уаһабиліктің» белгілері ашық айтылды.
Енді осы мәтіннен кейін автордың келтірген "дәйектерін" талқылап көрейікші. Ал, кеттік...
Диктордың бар айтып жатқаны - қайтыс болып қабірдің ішінде жатқан, өзге түгіл өзіне де пайда не зиян келтіре алмайтын рухтардан (әруақтардан) көмек жәрдем тілемейікші, мұны Алладан ғана тілейікші деген сөздер ғана. Ал енді Алладан ғана тілеуге болатын нәрсені рухтардан тілейтін болсақ, бұл ҮЛКЕН ШИРК (Аллаға серік қосу) болып табылады - деп қана айтыпты. Осыны жалған сөз деп ойлайсыз ба? Хақ сөз айтылып жатқан жоқ па? Диктор өз сөзін Бұхаридің сахих хадистер жинағынан алынған Пайғамбар хадисімен дәлелдеп отыр. Демек, ешқандай да араб емес, өзіміздің Бұхарадан шыққан Бұхаридің өзі "Бұхари емес, Уахаби" болып шыққаны ма? Әрі қарай кеттік...
Телеарнадан "уахабистік" сарын байқалатынын Құрандағы Шура сүресі, 213-аятында айтылған сөздермен дәлелдемек бопты. Серік қоссаң - азапқа ұшырайсың деген ұғымда сөз айтып тұрған Жаратушы Тәңірдің өзін "Бахабис" қылып тұр ма сонда? Бұған мақала аптыры не дер екен? Әрі қарай кеттік...
Бейшара "Ақмешіт" мешітінің наиб имамын да "халық жауы" қылып қойыпты. Оның не жазығы бар еді? Қабірлерге өзіміз ақыретті еске алуымыз үшін және мәйіт күнәларының кешірілуін Алладан тілеу үшін ғана зиярат етеміз - деп айтқаны үшін, тып-тыныш жүрген Наиб имамды "қораға" тығып жіберіпті. Аптыр қалай "қуғанын" байқамай қалыпты. Әрі қарай кеттік...
Бұхари мен Мүслимнің хадистер жинағында келген: "Аллаһ елшісі қабірді сырлауға, үстіне отыруға, кесене тұрғызуға, топырағын биік етіп көтеруге, және оған бір нәрсе жазуға тиым салды" - деген хадисті тілге тиек ете отырып, аптырсымағымыз Пайғамбарды да "Бахабис" қылып жіберген екен.
Енді бері қараңыз: Алланың сөзі мен Пайғамбардың хадисін дәріптейтін, Дінді сахабалардың түсінігінше түсіндіруге талпынатын, және де осы жолда Муфтият өкілдері мен мешіттің ресми имамдарына жүгіне отырып, керемет бағдарлмаларар жасап жатқан бұл телеарнаны және ондағы журнаистер мен дикторларды "халық жауы" деп ойламаймын. Сонда аптырсымақ мұнда не айтқысы келіп тұр? Мүпти, мүптидің қарамағындағылар, және олардың тағайындаған имамдары мен наиб имамдары; барлығы да "Халық жауы" болып шыққаны ма? Бұл - дін өкілдеріне қарсы ашылған ашықша соғыс қой. Әрине, менің ойымша, Алла аяттары мен Пайғамбар хадистерін "қоғамға қауіпті" мәтіндер деп танып тұрған қандастарымнан безіндім!
еу адам осы макаланы жазу ушін Тазабековты канша кун андып журдін а?созіннін барлыгын окып шыксам тазабековтын ізінен калмай аузынан шыккан ар созін андып,кате іздегенге уксайсын!Тазабековке Аллах разы болсын! сенін бул макалана бола ол кісіге деген пікіріміз озгермейді!!
мейлі аруактарынды шакырып, пірлеріннен медет сурап журе беріндер!кандай аянышты бул арекеттерін!!!Аллах кешірсін сендерді!
Ассаляму алейкум! осы созди али оки алмай отырмын мына талас-тартыстан! Косыламын! Дурыс айтасыз!Аянышты!
Ойпырмай, адам баласы өзіне өзі қаншалықты залымдық жасап жатқанын білмейді екен-ау. Мынау не деген сұмдық. Сендерге әлі Ақтаудың түрмесінен қашып, ақмақтық өліммен жоқ болғандардың қазасы аз ба? Сендер имансыз өлім рухын себуші вахабизмнің зәрін түсінулерің үшін әлі қанша қазақ өлуі керек? Ояныңдар, естеріңді жинаңдар! Біреу ата-бабасына лағнет айтып, бүкіл дін мұсылманның арасына лаң зәрін төксе алғанын өтеу үшін өңмендеп жүр, Сендерге не жоқ?
Тазабековпен талай бірге болдым. Ешқандай жаманшылығы жоқ. Жақсы адам. Адам білмегенін сыйламас деген. Әзіреттікі енді нағыз жала. Мақаласы сұйық. Құрғақ сөз. Бұлай мақсатыңа жете алмайсың. Армандама да. Алла бәрімізді тура жолға салсын. Біреудің қолшоқпары болып жүрген сияқты. Соған қарағанда жақсы ақша алып жүрген шығар.
Акиктты таныгандар шапагат ете алады, зухруф суреси
Уағында Абай қазақты жауластыруға жұмыс жасаған жоқ. Ал АБАЙ порталының дәурен бастаған жігіттері оразада мұсылман арасын жік салғаны жөн болмады. Өте ұят, ДӘУРЕН!
Адамдардың сөзге ере салатыны өте бір қиын дүние.
Расында да Абай.кз-тің Рамазан айында осындай мақалаларды жариялағаны жөн болмаған секілді. Себебін түсіндіруге тырысайын:
1-ден; "Асыл арна" елдің ислами иман ахуалын күшейтуге атсалысып келе жатыр деп есептеймін. Кейбір арналарда өзге дінді ашық насихаттап жататын бағдарламалар аз емес. Жазар болса, түртпектеп тисер болса, барболғыр Әзірет БАРБОЛ бауырымыз ай қарап жүр ме?!.
2-ден; өзім көрген жоқпын, мүмкін "Асыл арнада" қателік кетсе, кеткен шығар. Егер сол ақиқат болған күннің өзінде біз оған кешіріммен қарай білуімз керек. Өйткені, елдегі газет-журнал, радио-телеарналарымыздағы өзге діннің ақпараттық экспансияларынан сәл "ауытқып" болса да Исламды насихаттайтын "Асыл арнамыз" өзге дінге шақыратындардан мың, миллион есе артық қой. Біз үшін қазақтардың өзге дінге өткенінен гөрі, мәзһабы басқа болса да, мұсылман болғаны әлдеқайда тиімді.
P.S: Абай.кз-тің сайтында "Асыл арнаға" қатысты екі мақала қалай жарияланды, көп кешікпей-ақ 7-ші арнадан күн сайын кешкі сағат 9:00-де көрсетілетін "Ұлы тарих куәгерлері" деп аталатын 15 минуттық бағдарлама көрсетілмейтін болып қалды. Оған осы сайтта жарияланған материалдардың әсері тиді ғой деп ойлаймын. Әйтпесе, Рамазан басталғаннан-ақ әлгі бағдарламаның аңдатпасының өзі тәулігіне бірнеше мәрте "көріңіз, қапы қалмаңыз" деп сайрап жататын. Енді міне, аңдатпаны былай қойып хабардың өзі жоқ боп кетті. Жоқ болатын себебі, Пайғамбарымыздың (с.а.с.) басып өткен жерлерінен тікелей репортаж беретін бағдарламаны "Асыл арнаның" тілшісі Исмайыл Құттықожаев өте сауатты жүргізетін. Қазақ тіліндегі осындай тамаша бағдарламаны жасап беріп жатқан "Асыл арна" жайлы қазақтардың өздері "домалақ мақала" жазып ("домалақ арыз" дегенім ғой) қызылкеңірдек боп жатқанда, 7-ші арнамыз әлгі бағдарламаны алып тастады да, қайдағы бір жат діннің монахы мен монашкасының сәтсіз аяқталған махаббаты мен тұрмыс-тіршілігі жайлы сюжеттерді қайталап көрсетіп жатты. Күнделікті кешкі тоғыздағы қазаққа керек, мазмұны терең бағдарлама да жоқ, басқа да жоқ. Ал саған керек болса?!. Осы ма бізге пайдалысы?.. Бәлкім, 7-ші арнадағы бағдарламаның тоқтауына Абай.кз-дағы мақала себепкер болмаған және оның саяси астары жоқ та шығар?!. Бірақ, сәйкестенуінен секемденіп отырған жайым бар...
Осы біз аз сөйлеп, көп ойланғаннан ұтыла қоймаспыз.
Нұрлыбек ДОСЫБАЙ. Астана қ.
вс, 08/22/2010 - 07:07 жазылғанға қосымша түзету:
...Өйткені, елдегі газет-журнал, радио-телеарналарымыздағы өзге діннің ақпараттық экспансияларЫМЕН САЛЫСТЫРА ҚАРАҒАНДА, БІЗ ҰСТАНҒАН МӘЗҺАБТАН сәл "ауытқып" болса да Исламды насихаттайтын "Асыл арнамыз" өзге дінге шақыратындардан мың, миллион есе артық қой... деп оқылса деймін.
Автор.
"Біз ұстанатын мәзһабтан сәл ауытқып"- депсіз. Менің ойымша гәптің басы осында, неге сәл де болса өзгеше болуы керек? Қай заманда да барлық қазақ бір мәзһабта болғаны рас қой, ұрпағы да содан таймас болар еді. Өкініштісі сол, кришна, иогова,шоқындыларға өткен қаракөздер, Алла қаласа ерте ме, кеш пе исламға қайта оралуы оңай. Өйткені ол діндердің арасы жер мен көктей, ал мына ағымға өткендердің оралуы неғайбыл, себебі Құран біреу, хадистеріміздің көбі бір ал амал басқа, жол басқа. Сосынғы гәп, бұлар ашық айтпай, уағыздарында бірдеңені жасырғандай болады да тұрады. Жастардың кейбірі осыларға ерген, оларда ұлт жоқ. Бір-бірін "брат","сестра" деп жүр. Осы ма сәл ауытқу? Құдай артының қайырын берсін, іс насырға шапқалы тұр. Елдің бірлігін, қазақтың келешегін ойласа Бекболат та, Тазабеков те ойланатын кезі келді ғой. Иман түгіл, кішкене мейірім болса, қалай ата-бабам адасыпты, тіпті шімірікпестей "кәпір" деп айта алады? Осылардың соңына ергендердің аузынан естіп жүрмін. Өмірде қанша соғыс болса, бірінші фактор- діннен бастау алған. Осыны естен шығармайық. Исатай.
уаһабис-сөзінің мағынасын қайсың аша аласындар қане пікірлеріңді күтем жанағы бері пікірлеріңізді оқысам бәрін біліп туған данышпан сиақты екенсіздер қане мағынасын толықтай дәлелдеп кім ашып бере алады? Қане, қане....
Көзі ашық жандар ізденбей ме екен өздері, осы жерге жазбай ма екен, қарап көрейік қаншалықты көкірегің ояу екенін. Қанша жерге шабар екенсің. Ізденетін бұлақтарды қайдан табар екенсің? "Британ шпионының мойындауы", "Уахаб бүлігі" сынды әдебиеттерден өзге не бар сенің қолыңда?
Әбдурахман ахун Таңли Тана "уаһһабшылар хақында"-өлеңдерін оқып көр.
Әбдурахман ахун Таңли Тана деген кім? Қазақта "Ахун" деген сөз бар ма еді? Енді анау Таңли Тана дегенді қайдан шығардың? Қазақ сөзіне әсте сәйкеспейді ғой мыналардың аттары.
Әбдурахман ахун Таңли Тана "уаһһабшылар хақында"
http://my.mail.ru/cgi-bin/my/audiotrack?file=c32f847715d8803a99e156976ea...
Адамдық борышың - Халқыңа еңбек қыл. Ақ жолдан айнымай,Ар сақта, оны бiл.
арнайы тапсырыс,байағы қазақтын басын айналдырып,ой,біз қазақтын салты үшін бұларды сынап отырмыз деп оттау.ислам біреу,мыгалардыкі құр далбаса.іріткі салу.
Сізге қосыламын. "Арабтан ақша алып жатыр" деген жалалары бар бұлардың. Ал өздеріне қаржы көзі қай жақтан астыртын келеді екен, сол жөнінде әңгіме қозғау керек еді.
Барбол деген адам бар ма екен? суретін көрсетіңдерші. Бір қорқақ біреу болса керек. Атын ойдан құрастырып жүрген. Оның да бала-шағасы бар шығар, ақша алып жазып отыр емес пе. Абай кз нені меңзеп отыр.. Бұлар да сол ақшаның жетегіндеғой. Бейшаралар (бұл бейшара деген сөз иман жоқ деген сөзғой.) Ақшадан басқа шарасы бар ма?
Мүмкін ауамен қоректенетін шығар бұлар. Ондайлар да бар ғой. Сопылардан бәрін күтуге болады. Әлде тікейлей әруақтардан спонсор тапқан болар. Пахабистерге әруақтар көмектеспейді.
"иман жоқ" дегенің шамалы қаттылық болар. "Бейшара" - шарасыз деген емес пе. Ақша алмауға бұлардың шарасы жоқ. Жоғарыда жаздым ғой, ауамен қоректенбейтін болса, бір дүние алуы керек осы мақала үшін бұлар.
Алхамдулилла! Осы пікірсайыс арқылы адамдар пәтуалы бір шешімге келгені абзал болар еді. Екі жақтың да сөздерінде жан бар. Уаһабишілер аруаққа құран бағыштау ширк деп ұлттық келбетімізді әбден күнаһар деп тапса Барболдар аруаққа сйынып, аруақтан сұрап есіңді алады ғой. Екі жақтың да қателері жетерлік. Осыны реттейтін ҚМДБ. Олар дұрыс бағыт ұстап отыр, тек қызметкерлері шенеуніктерге ұқсауға қатты тырысатындары ұнамайды. Олар өздерінің шенеуніктерден жоғары тұрғандарын аса біле бермейді ау! Ұлық болсаң кішік бол деп сөзімді аяқтасам...
Пікір қосу