Beysenbi, 14 Qaraşa 2019
Araşa 1095 9 pikir 5 Qaraşa, 2019 sağat 10:50

«Otandastar» qorı oy-joba wrlay ma?

Düniejüzi qazaqtarı qauımdastığı
törağasınıñ birinşi orınbasarı
Z.Q. Twrısbekov
pen
«Otandastar» qorı kommerciyalıq emes
akcionerlik qoğamınıñ prezidenti
N.Äbiqaevtıñ nazarına!

Osıdan bir jıl bwrın joldasım, jazuşı Jädi Şäkenwlı Düniejüzi qazaqtarı qauımdastığı törağasınıñ birinşi orınbasarı Z.Q. Twrısbekovke jäne «Otandastar» qorı kommerciyalıq emes akcionerlik qoğamınıñ prezidenti N.Äbiqaevqa «Şetel qazaqtarınıñ kitaphanasın» aşu turalı oy-joba» taqırıbımen wsınıs hat jazğan edi. Hattı 2018 jıldıñ ayağında atalğan wyımdarğa aparıp bergen bolatın.

Atalğan hatta: «Qazaq älipbiiniñ özgerui men qıtay sındı elderdegi qandastarğa jasalğan bwğau sebepti şeteldegi qazaqtarğa qatıstı qwndı dünielerdiñ bizden alıstıp, bölinip qalu qaupi tuındap otır. Şeteldegi nemese şetelden oralğan qandastardıñ ädebieti men mädenietine, ruhani älemine janaşırlıq tanıtu – qazaqtıñ tügendelip jatqan bay qazınasına degen qamqorlıq qana emes qazaq ruhaniyatın bayıtuğa qosqan üles sanaladı.

Sol sebepti de osı ürdisterdiñ şeşiluine oñ ıqpal etip, Elbasınıñ «Wlı dalanıñ jeti qırı» maqalasında aytılğan töl tarihımız ben töl mwramızdı ardaqtap el kädesine wsınu üşin – «Şetel qazaqtarınıñ kitaphanası»-sın aşu ideyasın wsınıp otırmın» degen joldar bar bolatın.

Üş ay kütse de hattan eş jauap bolmağasın joldasım atalğan wyımdarğa kirip, hattıñ jauabın swraytındığın bildirgen edi. Birde «Otandastar» qorı kommerciyalıq emes akcionerlik qoğamınıñ prezidentiniñ orınbasaraları Talğat, Manatbekterge kirip atalğan äñgimeni qayta qozğağanın aytıp, menimen aqıldastı. Äri Talğat mırzanıñ atalğan jobanı iske asırudıñ naqtılı jobası jöninde wsınıs-joba jazıp berseñiz degenin aytıp keldi. Söytip, joldasım J.Şäkenwlı ekeuimiz jaña joba dayındadıq. Kitaphana atın «Otandastar kitaphanası» dep ataudı jön kördik.

Atalğan joba «Şetel qazaqtarınıñ «otandastar kitaphanası» turalı oy-joba» dep ataladı. Jazbaşa dayındaldı. Bılayşa bastaladı: «Joba «Otandastar» qorı kommerciyalıq emes akcionerlik qoğamınıñ qarjılıq demeuşiligimen JK «Aqtwyğın» arqılı iske asadı. Eger JK qwjatı layıqtı emes dep tanılsa wyımdastıruşılar jağınan özge de zañdı twlğalar wsınıladı.

Eki jaq özara kelisken soñ naqtı jwmıs barısı kelisim-şart arqılı jüzege asadı. QR zañnamasın basşılıqqa aladı.

Kitaptar qorın toptaudı wyımdastıru, kitaphana jwmısın jürgizu, qızmetkerler tağayındau, kitaphanağa tän özgede is-şaralardı wyımdastıru JK «Aqtwyğın» arqılı jüredi».

Atalğan joba «Otandastar» kitaphanasın aşudıñ barlıq joldarı men amaldarın, is barısın egjey-tegjeyli bayandağan. Hattıñ soñına «Joba wsınuşı:  JK «Aqtwyğın» jäne «Aqtwyğın» JŞS direktorı Armangül Soltanmwrat (meniñ esimim), Qazaqstan Jazuşılar odağınıñ, Euraziya Jazuşılar odağınıñ müşesi. Halıqaralıq Şıñğıshan akademiyasınıñ akademigi, jazuşı Jädi Şäkenwlı» dep qol qoyılğan. 

Hattı atalğan qwziretti mekemelerge jetkizgen joldasım quana jauap kütip jürdi. Alayda hattan tağı da jauap joq. Sosın atalğan joba boyınşa özin qoldauşı eki azamatpen birge «Otandastar» qorı basşısı N.Äbiqaevqa kirmek bolıp arnayı hat jazdı. Hattı birge dayındağan edik. 

«Otandastar» qorı kommerciyalıq emes akcionerlik qoğamınıñ prezidenti N.Äbiqaevtıñ atına jazılğan ötiniş hattıñ mätini mınaday: «Şetten oralğan jäne oralmaqşı qazaqtarğa körsetiletin ruhani-mädeni kömekter haqında arnayı saualdarmen Sizdiñ qwzirettiligiñizge kiruge rwqsat etip, arnayı qabıldauıñızdı swraymız.

Wlt janaşırları men ziyalı qauım ökilderinen:

«Astana 20 jıl» medalınıñ iegeri, QR «Ardagerler wyımı» Respublikalıq qoğamdıq birlestiginiñ Ortalıq keñesiniñ müşesi, QR Tarih jäne qoğamdıq ğılımdar akademiyasınıñ akademigi, «Şipalı emdeu ortalığınıñ» direktorı Qayrat Aydarhanwlı, Qazaqstan jazuşılar odağınıñ, Euraziya jazuşılar odağınıñ müşesi. Halıqaralıq Şıñğıshan akademiyasınıñ akademigi Jazuşı Jädi Şäkenwlı Wlt janaşırı, qoğam belsendisi, belgili käsipker Biläl Sqaq».

Atalğan hatqa tağı da jauap bolmağasın, joldasım J.Şäkenwlı özin qoldauşı käsipker azamattarmen aqıldasa kele, «Otandastar» qorı qarjılıq demeu körsetse boldı, kitaphana jobasın iske asırmaq nietpen N.Äbiqaevtıñ atına tağı da hat jazdı. 

Hat «Otandastar kitaphanası» öz jwmısın bastamaq» degen taqırıppen bastalğan.

Atalğan hatta mınday joldar bar: «Atalğan kitaphananı kitappen qamtu jäne oğan jetekşilik etuşi belgili jazuşı Jädi Şäkenwlı alğaşqı adımda kitap qorına qajetti 2 mıñnan astam kitap qorın dayındadı. 500 kitaptıñ elnwsqası dayındaldı. Basım payızı şeteldegi qazaq ädebieti men tarihına arnalğan basılımdar. Onıñ işinde qwndı qoljazbalar men arhivtik materiyaldar da bar». 

Hat osılay jazıla kele «atalğan şaranı iske asıruğa – «Otandastar» qorı, «Aqtwğyın» JŞS, «Tarihi Atajwrt» qoğamdıq birlestigi, t.b. zañdı twlğalar men jeke käsipkerler qoldau körsetedi» dey kelip, «Otandastar» qorınıñ da qarjılıq mümkindigine qaray qoldau bildiriuin swrağan. 

Bwl hat ta izim-ğayım joq. Teñizge tastalğan inedey bolıp, joğalıp ketti. Negizi qanday mekemelerge jazılğan hat bolmasın arısı 1-2 ayda, berisi bir aptada jauap hat berilui kerek edi. Atalğan hattardıñ eşqaysısınan jazbaşa nemese auızşa türde jauap kelgen emes.

«Ayta-ayta Altaydı, Jamal apay qartaydı» demekşi, söytip, joldasım ekeuimiz atalğan mekemelerden küderimizdi üzip, kitaphana aşudıñ basqa joldarın qarastıra bastadıq. Söytip, «Twğwrwl han – On han» korporativtik qorınıñ qoldauımen atalğan joba ideyasımen «Twğırılhan kitaphanasın» aşuğa kiristik. Alğaşqı adımda 3000 dana kitap qorın toptap, jwmıstı bastap kettik. 

Söytip jatqanda, jaqında ğana, yağni, osıdan bir atpa bwrın qauımdastıq pen otandastar qorı atınan Talapbek Tınısbekwlı degen aqın inisi habarlasıp: «Qauımdastıq pen Otandastar qorı Wlttıq akademiyalıq kitaphanamen birigip, şeteldegi qazaqtardıñ otandastar kitaphanasın aşayıq dep jatırmız, soğan kitaptarıñızdı beriñiz» degen ötinişin bildirdi. Bizdiñ kisi (J.Şäkenwlı) oğan da ayılın jimay, quana maqwldıq berip jattı.

Bükil istiñ kuägeri bolıp jürgen men şır-pır bolıp edim: «kim iske asırsada el üşin ğoy, jasay bersin! Bizde bastap qoydıq, şeginerge jol joq. Bizde jasay bereyik» deydi. Aytpaqşı, joldasımnıñ hattarı men jazbalarına kömektesip otıratındığımmen ol kisiniñ jazğan hattarına da qanıqpın. Äri atalğan jobanı belgili zañdı twlğalar jäne JK «Aqtwyğın» men «Aqtwyğın» JŞS arqılı iske asırmaq bolğanımız üşin birlikte iske kirisip edik.

Bwrınğılardan qalğan, «qarnımnıñ aşqanına emes, qadırımnıñ qaşqanına jılaymın» deytin bir söz bar. «Otandastar» qorınıñ oy-joba wrlap, onı bizden bürkemelep, ideya, joba-jospar – bäri-birin egjey-tegjeyli jazğızıp alıp, endi jalğız-aq künde «jarq etpekşi» bolğandarına qayran qalıp otırmın!

Bärin ayt ta, birin ayt – qwziretti mekemeler basşılarınıñ osınday köleñkeli oyındarğa barmay, halıqqa adaldıqpen qızmet etuin swraymın! 

Düniejüzi qazaqtarı qauımdastığı men «Otandastar» qorı jağınan Wlttıq Akademiyalıq kitaphana bwrışınan aşılğalı otırğan «Otandastar oqu zalına» da, «Twğwrwl han – On han» korporativtik qorı jağınan jañadan aşılğan «Twğırılhan kitaphanasına» da sättilikter tileymin. Ekeuiniñ de mwrat-maqsatı bireu. Bwl bizdiñ ğana kütkenimiz emes, halıqtıñ jüregindegi izgi armannıñ biri edi. Äsirese, är türli alañdauşılıq tudırıp otırğan şeteldegi qazaqtıñ ädebieti men mädenietin qwtqarıp, olarğa ruhani dem beru – bügingi künniñ uaqıt küttirmes qajettiligi sanaladı!  

Armangül Soltanmwratqızı,

Qosımşa: Abai.kz aqparattıq portalı erkin aqparat alañı. Mwnda oy jarıstırıp, pikir almastıruğa ärkim qwqılı. Joğarıdağı spikerdiñ pikiri redakciya wstanımın bildirmeydi. Aldağı uaqıtta maqalada esim-soyları atalğan jekelegen azamattar redakciyamızğa jauap beruge nietti bolsa, olardıñ da pikirin beruge äzirmiz. 

Abai.kz

9 pikir