Senbi, 16 Jeltoqsan 2017
Ne körip jürsiz? 3571 0 pikir 2 Qaraşa, 2016 sağat 18:49

T.AYANOV: RWQSAT ETİLMEGENİN BİLSEM DE, MITINGTİ ISATAY-MAHAMBET ALAÑINDA ÖTKİZUDİ WYĞARDIM

Atırau qalasında Maks Boqaev pen Talğat Ayanovtıñ isi boyınşa bastı sot otırısı äli jalğasıp jatır. Qazirgi uaqıtta iske qatısı bar kuägerlerden jauap alınıp, oqiğanıñ män-jayı anıqtalu üstinde.

Bügin Atırau qalası äkiminiñ bwrınğı orınbasarı, Qazaqstan Halqı Assambleyasınıñ Atırau oblısı boyınşa hatşısı Gülmira Şäkirova kuälik etti. Qorğauşı tarap kuägerden nelikten Isatay-Mahambet alañında miting ötkizuge rwqsat berilmegenin swradı. Atap ötsek, M.Boqaev pen T.Ayanovtıñ ötinişine resmi türde G.Şäkirova jauap bergen bolatın.

«Men Atırau qalası äkiminiñ qaulısı negizinde Isatay-Mahambet alañında miting ötkizuge rwqsat etilmeydi dep jauap berdim. Men bwnı jalğız özim oydan şığarğan joqpın, hattı dayındau kezinde qala äkiminiñ qaulısı, mäslihattıñ şeşimi negizge alındı. Hat jazılğannan keyin zañgerler tekseruinen ötti. Maks jäne Talğat, sizder kezdesken sayın zañger ekendikteriñizdi aytasızdar. 2013 jıldan beri osı alañda miting ötkizuge rwqsat berilmeytinin jaqsı bilesizder, qanday orındarda rwqsat etilgeninen de habardarsızdar», - dedi G.Şäkirova.

Talğat Ayanov Isatay-Mahambet alañında miting ötkizuge rwqsat berilmeytinin bwrınnan bilgenin, degenmen, qasaqana sol alañda ötkizudi közdegenin ayttı.

 «Mağan Talğat Ayanov «alañdı berseñizder de, bermesiñizder de, bäribir sol jerde ötkizemiz. Biz solay şeştik. Ügit-nasihat jwmıstarın da bastap kettik» degen bolatın. YAğni, Ayanov äkimdikten rwqsat swramas bwrın halıqtı 24 säuirde sağat 14.00-ge Isatay-Mahambet alañındağı şeruge şaqırıp, ügit-nasihat jwmıstarın bastap ketken. M.Boqaev pen T.Ayanov miting ötkizu jayın jaqsı biledi, sebebi olar bwğan deyin talay ret rwqsat swrağan», - dedi G.Şäkirova.

Kuägerdiñ aytuınşa, biılğı jıldıñ basında beybit şeruge arnalğan orındar qayta bekitilgen bolatın. Jaña orındardı bekituge wsınu G.Şäkirovağa, qwqıqtıq bölim, işki sayasat bölimi men jergilikti policiyağa jüktelgen. Mäselen, sol kezde M.Boqaevtıñ özi bwrınnan narazı bolğan Qwnanbay köşesindegi orın alınıp tastalğan. Sebebi ol jerdiñ jolı naşar bolğan. Kuägerdiñ mälimetinşe, miting ötkizuge rwqsat etilgen orındarda asfal't jol boluı tiis, sonday-aq olardıñ mañında mektep pen mañızdı ğimarattar ornalaspauı kerek. Kuäger bwnday orındarda asfal't jol, orındıqtar men beynekameranıñ bolğanı jön deydi. Onıñ aytuınşa, qaladağı alañdarda ädette jıldıñ basında bekitilgen merekelik şaralar ğana ötkiziledi.

Atap ötsek, sot procesinde T.Ayanovtıñ köptegen jayttardı istegenin moyındap otırğanın, al M.Boqaevtıñ jii aqtalatının anıq bayqauğa boladı.

Eske sala ketsek, M.Boqaev pen T.Ayanovqa QR Qılmıstıq kodeksiniñ üş babı boyınşa ayıptar tağıluda. Atap aytsaq, olar: 174 baptıñ 2 tarmağı, yağni, äleumettik jäne wlttıq alauızdıq tuğızuğa bağıttalğan qasaqana is-äreketter jasau, azamattardıñ wlttıq namısı men qadir-qasietine til tigizu; 274 baptıñ 4 tarmağı, yağni, qoğamdıq tärtipti bwzuğa qauip töndiretin köpe-körineu jalğan aqparat taratu; 400 bap, yağni, zañsız şerulerdi wyımdastıru, ötkizu jäne oğan qatısu.

Abai.kz

0 pikir