Seysenbi, 30 Mamır 2017
21 Qaraşa, 2016 sağat 08:35 Käsip-tübi näsip 24266 0 pikir

"WLI DALA ELİ" OTANDIQ TAUAR ÖNDİRUŞİLER FORUMI ÖTTİ

Keşe Astana qalasında «Atameken» wlttıq käsipkerler palatasınıñ bastamasımen «Wlı Dala eli» otandıq tauar öndiruşilerdiñ ekinşi forumı ötti. Col forumğa baylanıstı "Egemen Qazaqstan" basılımı "Otandıq biznesti qalay oñaltamız" degen maqala jariyaladı. Qoğamdağı osı bir özekti mäseleni Abai.kz oqırmandarınıñ da qaperine saludı jön kördik.

«Wlı Dala eli» otandıq tauar öndiruşilerdiñ ekinşi forumı ayasında «Qazaqstannıñ üzdik tauarı» körme-bayqauı da wyımdastırıluda. Bwrnağı küni bastalğan şara bügin de jalğasatın boladı. Onda öñirlik körme-bayqaularda jeñip şıqqan 145 otandıq kompaniyanıñ önimderi köpşilik nazarına wsınılğan.

Aldımen elimizdiñ jeti jüzge juıq käsipkeri jäne sala mamandarı qatısqan şara jayında äñgimelesek.

«NADLoC» qızmeti «Atamekenge» qajet

Biıl ekinşi märte wyımdas­tırılğan otandıq biznes ökilderiniñ basqosuında Investiciyalar jäne damu ministri Jeñis Qasımbek bayandama jasadı. Ol sözinde «NADLoC» jergilikti qamtudı damıtu wlttıq agenttigi» AQ-tıñ keyingi toğız aydıñ mälimetterin jetkizdi. «Wlttıq agenttik derekterine süyensek, soñğı üş toqsanda narıqta jergilikti üles 58,3 payızdı qwrağan. Jalpı, narıqta satılğan tauarlar, qızmet körsetu türleriniñ ülesi 1 trln 596 mlrd teñge boldı. Biraq mwnı ötken jıldıñ säykes kezeñimen salıstırsaq, qazaq­standıq tauardıñ ülesi 7,7 payızğa tömendegeni bayqaladı. Onıñ bastı sebebi – teñge bağamınıñ özgerui, import­tıq şikizat köleminiñ şamamen 35 payızğa ösui. Alayda, Ükimet ta­rapınan otandıq tauar öndiruşilerge qoldau körsetilip jatır. Naq­tıraq aytsaq, ol industriyalan­dıru sayasatı, normativtik-qwqıqtıq bazanıñ jetildirilui jäne wzaq merzimdi tapsırıs­tar», dedi ministr.

«Wlı Dala eli» forumında wlt­tıq käsipkerler palatasınıñ bas­qarma törağası Abılay Mır­zahmetov keler jıldan bastap «NADLoC» wlttıq agenttiginiñ qız­meti resmi monitoring jür­gizip, bizneske qoljetimdiliktiñ birıñğay bazasın jasau üşin «Atamekenge» tapsırılatının ayttı. «Biz eksport jwmısınıñ bizge berilgenin qalaymız. Inves­ticiyalar «KaznexInvest» qara­mağında qaladı. Joğarıda atal­ğan qızmetti alğaşqı toqsanda qabıl­dap alu josparımızda bar», dedi wlttıq palata törağası. Ol kä­sipkerler palatasınıñ Qıtay men Reseyge naqtı jol karta­ları bar eksporttı damıtu tw­jırımdamasın üstimizdegi jıl­dıñ jeltoqsanında äzirleuge dayın ekenin de äñgimeledi.

Öz önimderimizdiñ ülesin köteru qajet

Forumda «Atameken» wlttıq käsipkerler palatası basqarma törağasınıñ orınbasarı Nwr­jan Ältaev bayandama jasap, şeteldik jer qoynauın paydalanuşılar otandıq önimdi twtın­ğısı kelmeytindigin ayttı. «In­vesticiyalar jäne damu minis­trligi «Jer qoynauı jäne jer qoynauın paydalanu turalı» kodekske özgerister engizudi josparlap otır. Osı kodekstiñ ayasında jer qoy­nauın paydalanuşılardıñ tauardı satıp aludı retteu mäse­lesi talqılanuda. Meniñ oyım­­şa, olardıñ orınsız satıp alu­larınıñ soñı ökinişpen ayaqtaluı mümkin. Şeteldikter otandıq önimdi twtınbay, öz elderiniñ taua­rın paydalanuğa qwştar. Qazaq­standıq tauarlardı äreñ satıp aladı», dedi ol. Nwrjan Ältaev mäseleni şeşudiñ jolı re­tinde «Jer qoynauı jäne jer qoy­nauın paydalanu turalı» kodeks­ke öz­gerister engizu qajettigin atap ötti.

Basqarma törağasınıñ orınbasarı memlekettik organdardan narıq­tağı otandıq tauardıñ ülesin köteru üşin tiisti şara­lar qolğa aludı talap etti. «Biz Inves­ticiyalarlar jäne damu, Qar­jı ministrlikterinen memle­kettik satıp alularğa audit jürgizudi swradıq. Sonday-aq, atalmış organdar otandıq önimniñ ülesin arttıru maqsatında naqtı tüsindiru jwmıstarın jetildirui qajet. Sebebi, käsipkerler otandıq tauar­dıñ payızdıq ülesi joğarı dep aqparat beredi. Al teksergen kezde aqparat şındıqqa janaspaydı», dep tüyindedi sözin N. Ältaev.

Jiında otandıq önimderdi ötkizu, onıñ satu alañına şığa­rıluı bastı äñgime arqauına aynaldı. «Satıp alu. Tauar ötkizu. Sauda. Eksport» panel'dik sessiya­sında jergilikti ülesti arttıru taqırıbı keñ talqılandı. El täuelsizdigin alğalı ekonomikanıñ türli salasında otandıq tauar şı­ğarudıñ ürdisi qalıptasıp, jolğa qoyılğanı ras. Alayda, otan­dıq öndiruşiler tauardı satu alañına şığarğan kezde tü­rli qiındıqtarğa tap bolıp ja­­tadı. Käsipkerlerdiñ sırtqı narıqqa şığuına ne kedergi? Biz­neske qanday qoldau qajet? Qazaqstannıñ barlıq wlttıq kom­paniyalarınıñ basşıları, biz­nes-qauımdastıq ökilderi jäne käsip­kerler qatısqan pikirtalasta osı jäne özge de mäseleler talqı­landı.

Üzdik tauar öndiruşiler osında

Endi körme-bayqauğa oralsaq, «Qazaqstannıñ üzdik tauarı» şarasına 150-dey kompaniya atsalısıp jatqanın ayttıq. Olardıñ qatarında elimizdiñ tükpir-tük­pirinen üzdik dep tanılğan tauar öndiruşiler bar. Mäselen, elektr qwraldarın öndiretin «Kelet» AQ, sport kiimderin tigetin «Zibro» cehı, ayaq kiim tigetin aqmolalıq «Samhat» fabrikası, Oñtüstik Qazaqstan oblısınan kelgen «Nazar tekstil'» kilem toqu fab­rikası, «Batsu» kirpiş zauıtı, rezina önimderimen aynalısatın «KazTEC» ortalığı, injenerlik qızmetter körsetetin jäne tauarlar şığaratın «Jahan-Atırau» kompaniyası, «Lepsi» bal önimderi, avtohimiya swyıqtıqtarın şı­ğaratın aqtöbelik «Mixelite» zauıtı, jügeri önimderin dayındaytın «Raumena» kompaniyası, özge de türli sala käsipkerleri «Körme» zalında. Aytpaqşı, Qazaq­stan­da qwrastırılğan «KIA» elek­tromobili de köpşilik nazarına wsınılğan.

«Mwnday jiınnıñ, körmeniñ äriptesterimizge paydası zor dep bilemin. Kökeyde jürgen köp saualğa jauap aludamız. Äsirese, zattarımızdı özge memleketterge eksporttauda kezdesetin ke­der­gilerdiñ aldın aludı üyrenu üs­tindemiz. Käsipkerlerge jasalatın osınday qamqorlıq arta tüsse, memleket qazınasına tüsetin qarajat ta eselenetin edi.

Tağı ayta keterim, qazaq­standıqtar şeteldik brendterge qızığa bermey, öz önimderimizge swranıstı köbeytuge küş salsa deymin. Kez kelgen damığan memleketter öz önimderin jarnamalap, öz tauarların ötkizip qana ilgeri qadam basqan. Biz de sol izben jüretin bolsaq, jañılıspaymız dep oylaymın», deydi «Jahan injeniring» JŞS direktorı Medet Qasımbekov.

Ayta ketu kerek, «Qazaqstannıñ üzdik tauarı» körme-bayqauı mınaday üş atalım boyınşa ötkizilmek: «Öndiristik maqsattağı üzdik tauarlar», «Halıq twtınatın üzdik tauarlar», «Üzdik azıq-tülik tauarları». Jüldegerler är atalım boyınşa birinşi, ekinşi jäne üşinşi därejeli diplomdarmen, tanım belgisimen marapattalatın boladı. Jeñiske jetken kompaniyalar tört jıl boyı bayqau belgisin jarnamalıq maqsatta qoldana aladı.

Bwl brendtiñ ornı bölek

«Atameken» wlttıq käsipkerler palatası, sonımen qatar, «Wlı Dala eli» brendin paydalanu qwqı­ğın tabıs etuge arnalğan bayqau jariyalağan. «Bwl – tek qana otandıq tauar öndiruşilerge arnalğan brend. Mwnıñ artıqşılığı sol, brendti ielengen kompaniyağa tauarların älem boyınşa ötkizuge järdemdesetin bolamız. Biıl twñğış ret wyımdastırılğan bayqauğa qatısu üşin jüz şaqtı käsipker ötinim tastadı. Olardıñ qwjattarın jäne jwmıstarın qarau üstindemiz. Nätijesi jeltoq­sannıñ basında belgili boladı», deydi wlttıq palatanıñ departament basşısı Jeñis Dulatov.

Mamandardıñ aytuınşa, sapalı önimder men qızmet türlerin birıñğay qazaqstandıq brend ayasında eksporttau halıqaralıq arenada elimizdiñ imidji men tanı­maldılığın arttıruğa kömek­tesedi. Al «Wlı Dala eli» brendin ielengen käsiporın önimderi men qızmet türleri arqılı onı qalıñ köpşilikke abıroymen jetkizip, keyin estafetanı belsendi kom­paniyağa tabıs etetin boladı.

Ashat RAYQWL

0 pikir

Üzdik materialdar

Anıq

Olar qalay bayıdı?

Ruslan Ahmağanbetov 6370