Jeksenbi, 25 Mausım 2017
19 Qaraşa, 2016 sağat 09:25 Käsip-tübi näsip 3134 3 pikir

QUATTI EL BOLU - QABİLETTİ EL BOLU DEGEN SÖZ

Elbası Qazaqstan halqına arnağan Joldauında otandıq tauar öndiretin jaña öndiris orındarın aşıp, Qazaqstan önerkäsibin damıtudı, osı arqılı jaña jwmıs ornın qwrudı tapsırğanı belgili.

«Quattı el bolu – bäsekege qabiletti bolu degen söz. «Qazaqstanda jasalğan» ärbir bwyımda tört qasiet – sapalı, ıñğaylı, ädemi jäne arzan boluı kerek» dep atap körsetti Elbası halıqqa arnağan Joldauında. 

Sondıqtan qazirgi kezde na­rıqta qazaqstandıq ülesti kö­beytu jolında jer-jerde jüyeli jwmıs jürgizilude. Rasında otandıq önimniñ köbeyuinen wtarımız köp. Birinşi tauar özimizde jasalğan soñ, arzanğa tüsedi. Ekinşiden, jergilikti twrğındar üşin arnayı jwmıs orındarı aşıladı. Üşinşiden, Qazaqstanda jasalğan tauarğa şeteldiñ swranısı men qızı­ğuşılığı oyanadı. Söytip, otan­dıq önimniñ eksportı artadı. Sondıqtan qazirgi kezeñde Elbası tapsırmasına oray otandıq önimdi damıtu üşin memlekettik bağdarlamalar jwmıs istep jatır. Qazaqstandıq brendti qoldau arqılı elimiz älemge tanıladı. 

Elbası ötken jılı indus­triyalıq-innovaciyalıq öndiristi iske qosuğa arnalğan teleköpirdi aşu barısında «Bizdiñ basqa elderden özindik erekşeligimiz boluı kerek. Mısalı, Fran­ciyanı älem jwrtşılığı jwpar iisti ätirleri men sapalı şarabı arqılı tanidı. Japondıqtar kölik, twrmıstıq tehnikasımen tanımal. Niderlandı qızğal­dağımen belgili. Nege bizge de osı jöninde oylanbasqa? Milan­da ötken EKSPO körmesinde bizdiñ agrarlar aporttı tanıstırdı. Qazir älem Qazaqstan almanıñ otanı ekenin tüsindi. Aldımen adamğa ideya keledi. Odan keyin barıp material jinaladı. Material jinalğan soñ, iske kirisu qajet. Bizde talanttı jastar öte köp. Biz – wlı dalanıñ wrpağımız. Bizdiñ babalarımız osı Wlı dalada ömir sürdi. Sondıqtan biz Qazaq elin älemge jaña brendpen tanıtuımız qajet» dep atap körsetkeni belgili. 

Elbası aytqanday, aldımen adamğa ideya keletini ras. Däuren Ömirbekwlı Omarov ta UKO-S Star konstrukciyalıq metall zauıtın qwrarda bwl salanı wzaq zerttedi. Urandı saqtau jäne onı tasımaldau üşin böşke şı­ğaratın biznes-jospar jasadı. Josparın büge-şigesine deyin talqılap, öndiristi qwrğan jigit aqırı memlekettik satıp alu konkursına qatıstı. Basqa bäsekelesterge qarağanda arzan bağa wsındı. Tüpkilikti zert­telgen biznestiñ jolı osılay aşıldı. 
Ras, bwrın uranğa arnap böşke şığaratın arnayı firmalar boldı. Onıñ bireui jabılıp qaldı. Al ekinşi firma Öskemende ornalastı. Sonau şığıstan keletin arnayı böş­kelerdi Sozaqqa, oñtüstik öñirge jetkizu qımbatqa tüsti. Osını tereñirek zerttegen Däuren Ömirbekwlı jergilikti jerde urandı saqtaytın jäne tası­maldaytın zauıt saludı qolğa aldı. 
Oñayğa soqqan joq, ärine. Bağasın arzandattı. Tenderge qatıstı. Qazir jwmıs alğa jıljıp, öndiris oydağıday örkendep kele jatır. 

– Alğaş narıqqa engende bizdi eşkim tanığan da, bilgen de joq. Tauarıñ tanımal bolu üşin eñ aldımen sapalı äri bäs­e­kelesteriñnen arzan boluı tiis. Kadr mäselesi de mañızdı. Son­dıqtan biz slesar' men elektr­­m­en dänekerleuşiler jäne basqa da mamandardı özimiz oqıtıp, dayındadıq. Qolınan is keletin adamdardı jwmısqa aldıq. Narıqta tanımal boluı üşin jıl sayın özimiz şığarğan tauardı jii arzandatıp otı­ramız. Sol arqılı tenderden biraz qarjı wttıq. Qazir alğan qarjınıñ barlığın öndiristi damıtuğa tiimdi paydalanıp ja­tırmız. 2011 jıldarı böş­keler 22 mıñnan satıldı, al biz narıqqa 2013 jılı endik te, bağanı 15 mıñ teñgege tüsirdik. 2014 jılı tağı da tauardıñ bağasın tüsirdik. Bwğan bäse­kelesterimiz şıdamadı. Tiimdi menedjment pen biznesti ozıq äri jetik ädispen basqara bilu biznestiñ jemisti boluına septigin tigizedi, – deydi UKO-S Star konstrukciyalıq metall zauıtınıñ direktorı Däuren Ömirbekwlı Omarov.

Däuren Ömirbekwlı jetek­şilik etetin zauıt qazir bir ret qoldanuğa arnalğan böşkeler­di şığaradı, sondıqtan da bolar, jıl sayın tapsırıs köp tüsedi. Tapsırıs beruşiler tarapı­nan otandıq önimge qoyar eş kinä joq. Öytkeni zauıttıñ önimi sapalı äri arzan. Narıqta bağalanatını da osı ğoy. Qazir zauıtta 45 adam jwmıs isteydi. Bolaşaqta adam sanın köbeytu közdelip otır. Qazir osı salada Däuren Ömirbekwlı basqaratın UKO-S Star zauıtı men Şımkenttegi «KEM 2030» kompaniyası ğana qaldı. Bügingidey qarjı dağ­darısı twsında mıqtılar ğana narıqqa tötep berip, jwmısın jalğastıra aladı degen osı.

UKO-S Star zauıtınıñ bolaşaqqa arnalğan josparı ülken. Qazir maydı tasımaldau jäne saqtau üşin sol böşkelerdi şığaratın tağı ekinşi zauıt iske qosıluğa tayau. Käsiporın direk­torı öndiristi Täuelsizdiktiñ 25 jıldığına oray iske qosudı josparlap otır. Ekinşi zauıt aşılsa, qosımşa jwmıs ornı payda boladı. UKO-S Star zauıt jwmısşılarınıñ äleumettik-materialdıq jağdayı jaqsı. Negizinen, mwnda jastar jwmıs isteydi. Qoldau ülken. Eger üylense, tağı basqa tosın jağday orın alsa, olarğa arnayı aq­şalay-zattay ülken kölemde kömek körsetiledi. Zauıt Sozaq audanında ornalasqandıqtan 100 payız jergilikti jerdiñ aza­mattarı jwmısqa alınıp otır. Jılına 50 mıñğa deyin uran böşkelerin şığaratın zauıttıñ ekinşi jelisi iske qosılsa, tağı da jañadan jwmıs orındarı aşıladı. Bäri tapsırısqa baylanıstı ekeni de sözsiz. Täuelsizdiktiñ 25 jıldığı qarsañında aşılatın ekinşi jeli jañadan jwmısqa keletin jastar üşin ülken quanış äri jergilikti jerdegi twrğındardıñ materialdıq jağdayın jaq­sartuğa ülken septigin tigizedi. 

– Qazirgi tañda Elbası tapsırmasına oray «käsip közin aşamın» degen adamğa barlıq jağday jasalınıp otır. 2003 jıldan bastap, subsidiya, «Damu» qorı arqılı beriletin nesielerdi käsipkerler men közi aşıq Qa­zaqstan azamattarı tiimdi paydalanuda. Elbası aldımızğa qazaqstandıq brendti qalıp­tastıru jöninde tapsırma qoydı. Sondıqtan biz wlt Köşbas­şısınıñ ayqın qoldauın sezinip otırmız, – deydi Däuren Ömirbekwlı.

Rasında da şağın jäne orta käsipkerliktiñ narıqtıq eko­nomikada alar ornı erekşe. Prezident bwl salağa ärdayım basımdıq berip otır. Elbası Qazaqstan halqına arnağan «Qazaqstandıq jol – 2050: Bir maqsat, bir müdde, bir bolaşaq» attı Joldauında şağın jäne orta biznestiñ damuın – elimizdiñ ekonomikalıq sayasatınıñ negizgi bağıttarınıñ biri retinde atap körsetti.

Rasında şağın jäne orta käsipkerlikti damıtpay, na­rıqtıq ekonomikanı qalıp­tastıru mümkin emes. Öytkeni bwl – narıqtıq qatınastardı alğa jeteleytin jetekşi küş. Osı orayda Elbası «Japoniya, Germaniya, Bel'giya, Italiya siyaq­tı elderde şağın jäne orta biznes olardıñ barlıq käsip­orındarı sanınıñ 90 payız­dan astamın qwraydı, köptegen damığan elderde olar jalpı işki önimniñ 50 payızdan astamın beredi. Sondıqtan da bizdiñ şağın jäne orta käsipkerlikti damıtuda tübirinen jaña ideologiya tüzuimiz qajet» dep atap körsetkeni belgili. Al bizdiñ elimizde şağın jäne orta käsip­kerliktiñ jalpı işki önimdegi ülesi qazirgi kezde 20 payızdı ğana qwrap otır. Qazaqstan üşin şağın biznestiñ qalıptasuı joğarı damığan ekonomikağa ötetin köpir ispetti. 

– Öndiristi jolğa qoyğan sayın Elbası sayasatınıñ dwrıs ekenine közim anıq jetip kele jatır. Otandıq önim sapalı bolğan sayın bizdiñ halıqaralıq narıqta abıroyımız da arta tüsedi. Qazaqstanda käsipti örkendetuge eşqanday kedergi joq. Prezident barlıq kömegi men qoldauın jasap jatır. Otandıq öndiristi köteruge mümkindigimiz mol. Közin tapqan adamğa jwmıs köp. Qanday da bir närsemen aynalıssañız, alğaşqıda azdağan kedergiler kezdeser. Biraq qatelikten de sabaq alasıñ. Tek bastağan isti tastamay, jalğastıru kerek. Bäri basımızdan ötti. Üyrenuden qaşpau qajet. Käsipke kelgen adamğa eñ birinşi kerek närse – tözimdilik, tabandılıq pen jigerli bolu.Sonda ğana tirlik nätije boladı.Bwl orayda bes instituttıq reforma, «100 naqtı qadam» Wlt josparı men Elbası qoldauın sezine biluimiz qajet. «Qazaqstanda jasalğan» ärbir bwyımda tört qasiet – sapalı, ıñğaylı, ädemi jäne arzan boluı kerek. Sonda ğana isimiz önimdi, zatımız ötimdi boladı» degen Elbası tapsırması ärdayım meniñ janımnan şıqpaydı, – deydi UKO-S Star konstrukciya­lıq metall zauıtınıñ direk­torı Däuren Omarov.

Bilikti basşı qazir soñğı eki jılğı alğan kiristi qaytadan öndiriske salıp jatır. Alınğan tabıs pen qarjı öndiristi damıtıp, eksporttı wlğaytadı. Kelesi jılğa maqsat – labora­toriya aşu. Laboratoriya aşu üşin tabıs ta köbeyui kerek. Al qazirgi kezdegi mindet – Täuelsizdiktiñ 25 jıldığı qarsañında ekinşi zauıttı öndiriske qosu bolıp otır.

Berik Beysenwlı

derekközi: Aikyn.kz

Tüpnwsqadağı taqırıp: İsimiz önimdi, tauarımız ötimdi bolsın desek...

Abai.kz


3 pikir
jorge 2017-04-12 01:58:26
Қаржыландыру талаптарының Өз жеке элементін жасау үшін, мотоцикл сатып, автокөлік сатып ?, сіздің үй үшін қаржыландыруды қажет корпоративтік бизнес мәселелерін тазалау керек. Біз қарамастан сомасының, номиналды пайыздық мөлшерлемесі 3% жеке несие ұсынады. Мен барлық елеулі нақты қажеттіліктерін болып табылатын 2000 € 5,000,000 адамға дейін қысқа мерзімді және ұзақ мерзімді жеке тұлға арасындағы қарыз Егер өтініште несие және өтеу күні дәл қажетті соманы көрсетіңіз. Біз сіздің иелігінде 24 сағат 24 болып табылады Жеке қарыздар (jorgeanibalchechuri@gmail.com) үшін бізге хабарласыңыз PS: Хабарлама, сайып келгенде, мұқтаж адамдарға көмектесуге жұмсады ...
Жақсыбай 2017-04-04 12:42:16
Шынымен де, мына Бақтыбек деген жігіт жақсы жазыпты. Мақтанғаннан, бұттарына тышып қоймай Жапондар мен Кореийцтер қалай жүр екен. Тем бөле, ешқандай жер ресурстары, тау-кен дегендей, мұнай-газ дегендей жоқ қой, ол "байғұстарда" - дегендей.
Бақытбек 2017-03-30 10:30:55
Мақалаға, тақырып сай емес.Баяғы көктаншақ-мақтаншақ қазақбайский мақала. Әйтеуір, қазақтар керім. Б-Я!!!! ұялсаңдаршы!!!!! Азда болса, қазақша түсінетін басқа ұлт өкілдеріде бар ғой. Позор болып біттік қой. Осы, біздің журналисттерді оқытып жатқан оқытушылар кімдер екен? Мақтаншақтар сол журналистика факультеттерінде қапттап жүрген сыңайлы. Ай- мақтаншақ қазақтарым-ай. Аулаға сиыр жапалап кетседе "олжа" деп мақтанатын қазақтың сиқы, міне осы мақалада!!!

Üzdik materialdar

Ätteñ...

Wltqa qarsı kez-kelgen azamattı «jarnamalau» kerek

Äkeş Baybatır 17465
Anıq

Olar qalay bayıdı?

Ruslan Ahmağanbetov 18431