Särsenbi, 23 Mamır 2018
Mäseleniñ mäni 4277 65 pikir 9 Säuir, 2017 sağat 23:31

Memlekettik qızmetkerlerge namaz oquğa tıyım salınadı

Elimizde memlekettik qızmetkerlerdiñ jwmıs uaqıtında dini joralğılarğa qatısuına şekteu qoyıluı mümkin.

Bwl turalı QR Din isteri jäne azamattıq qoğam ministri Nwrlan Ermekbaev mälim etti.  Ministr habarlağanday, qazirgi uaqıtta dini qızmet pen dini wyımdar turalı zañnamağa özgerister men tolıqtırular engizu turalı zañ jobasınıñ koncepciyası äzirlenip jatır.  «Qısqaşa toqtalsam, negizgi normalardıñ işinde kämelettik jasqa tolmağandardı dini qızmetke tartudıñ, din salasındağı zañdardı bwzudıñ jauapkerşiligin arttıru bar. Sonımen birge qoğam tarapınan dini ädebietti kämelettik jasqa tolmağandarğa satu, memlekettik qızmetşilerdiñ jwmıs uaqıtında dini qızmetke qatısuına şekteu qoyudı wsınıp otır», — dedi Ermekbaev ministrlikte ötken otırısta.

Ministr atap ötkendey, birqatar özgeris dini ädebietti taratu, dini saraptama jürgizudi jetildiruge bağıttalğan. Bwdan bölek, zañ jobasında missionerlik qızmetti jäne şetelde dini bilim aludı retteu boyınşa da normalar qarastırılğan.

«Qoğam wsınıp otırğan barlıq bastamalar qoğammen, sarapşılarmen talqılanatın boladı. Zañ jobasın mäjiliske biılğı jıldıñ soñına deyin engizudi közdep otırmız», — dep tolıqtırdı Ermekbaev.

Abai.kz

65 pikir