Särsenbi, 23 Mamır 2018
Jazdım-jañıldım... 1175 4 pikir 18 Säuir, 2017 sağat 11:13

Raqımşılıq jasaldı. Kimder bosap şıqtı?

Jaqında  QR auıl şaruaşılığınıñ bwrınğı vice-ministri Müsilim Ömiriyaevke raqımşılıq jasaldı.

Ol QR Qılmıstıq kodeksiniñ 366-babı boyınşa ("Para alu") 10 jılğa bas bostandığınan ayırılğan bolatın. 2016 jılı Ömiriyavtiñ isi Astanadağı Almatı audandıq  № 2 sotında qayta qaralıp, oğan tağılğan ayıp  362-bapqa ("Bilikti nemese lauazımdıq ökilettikterdi asıra paydalanu") özgertilgen. Söytip, kezinde 100 mıñ AQŞ dolları köleminde para aldı degen eks-vice-ministr türmede 4 jıl otıruı kerek-tin. Alayda, jaqsı tärtibi üşin jäne osığan deyingi ayıp boyınşa jazasın ötegendigin  eskerip, raqımşılıq jasalıptı.

Ötken jılğı Memleket basşısınıñ raqımşılıq jasau turalı tapsırmasınan keyin öz uaqıtında iri memlekettik lauazımdarda bolğan birsıpıra şendi, dälirek aytsaq eks-şendi şegennen şıqqan-tın.

"Astana EKSPO-2017" Qwrılıs departamentiniñ bwrınğı basşısı Qajımwrat Üsenov te raqımşılıqpen bosap şıqtı.

QR İİM Qılmıstıq-atqaru jüyesi komiteti mälimetine säykes, atı şulı Üsenovter äuletiniñ basşısı  Qajımwrat Üsenovke "QR Täuelsizdiginiñ 25 jıldığına baylanıstı raqımşılıq jasau turalı" zañğa (Jazadan bosatılatın adamdar "eluge tolğan jäne odan joğarı jastağı äyelder, alpıs üşke tolğan jäne odan joğarı jastağı er adamdar") säykes raqımşılıq jasalğanın aytıp ötti. Al Qajımwrat Üsenov 62 jasta.

Ol Astanada "Astana EKSPO-2017" kompaniyasınan qarajat jımqıru isi boyınşa sottalğan. Qajımwrat Üsenov wlı Maqsat Üsenov kölikpen altı adamdı qaqqan. Bwl da qoğamdı qızu talqığa tüsken edi.

Raqımşılıq Seytqazı Mataevqa da tidi. Seyitqazı Mataevqa "Raqımşılıq turalı" zañınıñ 4-babı, 1-böligi, 4-tarmağına säykes raqımşılıq jasaldı. YAğni onıñ jazasınıñ teñ jartısı qısqartıladı.

Dese de 2017 jılı 2 naurızda şıqqan Almatı oblısınıñ Qapşağay qalalıq sotınıñ ükimimen Seyitqazı Mataev koloniyada äli 2 jıl 11 ay otıradı. Esteriñizge sala keteyik, 2016 jılı Seytqazı Mataevqa sot 6 jıl bas bostandığınan ayıru jäne dünie-mülkin tärkileu turalı şeşim şığarğan.

Nwrzat Toğjan

Abai.kz

 

 

 

4 pikir