Särsenbi, 22 Qaraşa 2017
Abay.tv 2289 5 pikir 18 Säuir, 2017 sağat 12:36

Qıtay jañalıqtar arnası Dimaş turalı

Astanağa arnayı kelgen Qıtay Halıq Respublikasınıñ jurnalisteri Qazaqstan Respublikası Mädeniet jäne sport ministri Arıstanbek Mwhamediwlımen kezdesip, swqbattasqan soñ tömendegidey habar tarattı:

-Qıtay Halıq respublikası  Hunan' provinciyasınıñ Çanşa qalasında ötken biılğı «İ am Singer» jobasına  Qazaqstan Respublikasınan kelgen darındı änşi Dimaş Qwdaybergenov söz joq biik deñgeyde öner körsetti.

Qazaq elinen osı dodağa qatısqan jas ta bolsa  ülken darın iesi ğajayıp öner körsetip, irikteu kezeñderinde aldıñğı orındardı, al key retterde ünemi birinşi orındardı ielendi. Söytip,  ärkez joğarı twğırdan tabılıp, jwldızı jandı.

 

Qazaqstan memleketiniñ Mädeniet jäne sport ministri Arıstanbek Mwhamediwlı osı jetistikke baylanıstı öz közqarasın bildirdi. Bizdiñ arnamızdıñ tilşilerine bergen swhbatında ministr änşiniñ şeberligin,   än orındau erekşeligimen tıñdauşısın tamsandırğan   darın iesi ekendigin tilge tiek etti. Dimaş osı öneri arqılı Qazaqstan men Qıtaydıñ mädeni baylanıstarına ülken serpin bere otırıp, öner salasındağı eki eldiñ  ıntımaqtastığın  alğa jeteleytin erekşe qwbılısqa aynaldı deydi.

Qazaqstan Respublikasınıñ Mädeniet jäne sport ministri  Arıstanbek Mwhamediwlı muzıkanı erekşe qasterleytin jäne süyetin jan. Qolı qalt etken kezde ol fortepianoğa otırıp, boy sergitedi.

«Muzıka qasietti dünie!  Ol - wlttar arasındağı baylanıstıñ altın diñgegi tärizdi. Dimaş sekildi tarlan talant Qıtay men Qazaqstannıñ mädeni baylanısına keremet qozğau saldı. Qıtay tili – erekşe til! Al Qıtaydıñ änin bizdiñ Dimaş qıtay tilinde orındağan kezde, biz erekşe şattandıq. Sonımen birge qattı  qobaljığanımız da ras», - deydi ministr bizge bergen swhbatında.

2017 jılı Qazaqstan men Qıtaydıñ diplomatiyalıq qatınastarına 25 jıl tolıp otır. Onıñ üstine biıl Qıtaydıñ Qazaqstandağı turizim jılı. Aldağı mausım ayında Astanada halıqaralıq EKSPO körmesi ötedi. Osı körmede muzıka mädenietiniñ qaytalanbas tuındıları qoyıladı dep kütilude. Ministrdiñ sözine qarağanda, onıñ dayındığı soñğı märesine jetip qaldı. Dimaştıñ öneri Qıtay azamattarınıñ Qazaqstanğa keluine dañğıl jol aşadı.

Ministr A. Mwhamediwlı: «Qazaqstanğa kelip swhbat aluğa niet bildirgenderiñiz üşin alğısımdı bildiremin. Mwnıñ bäri mädeni qatınıstarımızdı jaña  belesterge şığaradı» dedi.

Dimaş EKSPO-da öner körsetedi dep kütilude. Onıñ has şeberligi eldiñ EKSPO-ğa degen ülken ıqılasın tuğızadı.  Eki eldiñ qatınası öte tığız. Tereñde jatır. Äsirese mädeniet salasında. Al, Dimaş osınau ara-qatınasqa jan bitirip otır.

Söz joq Dimaş eñ mıqtılardıñ qatarında!

Redakciyadan: Hunan Television (Hunan TV) – provincialıq sputniktik telestanciya. Ol 1997 jıldıñ qañtarında iske qosılğan. Hunan TV - Qıtay arnalarınıñ işinde  körermeni köp ekinşi arnağa aynalıp otır.  Birinşi orında - China Central Television-ğa qarastı CCTV-1 arnası. 

Hunan TV   Qıtay Halıq Respublikasınıñ edäuir böligin, sonıñ işinde Makao, Gonkong pen Tayvan'di qamtıp otır.  Bwl kanaldıñ belgileri Soltüstik Amerikada, Japoniyada, Avstraliyada jäne  Europanıñ keybir bölikterine de taratıladı.   

Telekanaldıñ bastı bağıtı - oyın-sauıq şouları. Sonıñ işinde  «Baqıttı lager'», «Äke, biz qayda baramız?», «I Am a Singer» i «Day Day Up» jobaları körermenderdiñ erekşe swranısına ie.

Abai.kz

5 pikir

Üzdik materialdar

Ruhani jañğıru

Qanat Äbilqayır. Qarız ben Parız

Abai.kz 10338
Qauip etkennen aytamın

Qazaqstanda jürgen qıtaylar kimge süyenedi? 

N.Qoşamanwlı 18548
Ätteñ...

Wltqa qarsı kez-kelgen azamattı «jarnamalau» kerek

Äkeş Baybatır 31841