Düysenbi, 18 Jeltoqsan 2017
Jañalıqtar 749 1 pikir 18 Säuir, 2017 sağat 20:32

Ömirzaq Şökeev: "Samwrıq-Qazınanıñ" qarjılıq jäne öndiristik körsetkişteri ösip keledi

Bwl turalı Qazaqstan Ükimetiniñ otırısında "Samwrıq-Qazına" AQ basqarma törağası Ömirzaq Şökeev habarladı.

"Jedel berilgen mälimetter boyınşa, 2017 jıldıñ 3 ayı işinde iri 12 qorjındı kompaniyanıñ birikken tabısı 1 146,5 mlrd teñgeni qwradı, bwl 2016 jıldıñ balama kezeñindegi körsetkişpen salıstırğanda 55%-ğa joğarı jäne jıldıq jospardıñ 27%-na teñ", - dep atap ötti Ö.Şökeev.

Onıñ sözine qarağanda, Toptıñ jekeşelendiru bağdarlamasın jüzege asıru jalğasuda eken. Qazirgi uaqıtta qordıñ 215 kompaniyasınıñ 124-i jekeşelendirilgen.

Sonımen qatar 1-toqsanda Toptıñ öndiristik körsetkişteri boyınşa da oñ dinamika bayqaladı. Mäselen, mwnay men gaz kondensatın öndiru 5,76 mln teñgeni qwradı, bwl ötken jıldıñ balama kezeñimen salıstırğanda 0,2%-ğa joğarı. Tabiği gaz öndirisiniñ kölemi 1,40 mlrd şarşı metrge teñ, bwl ötken jılğı körsetkişten 10%-ğa artıq. QMG tobı boyınşa qazaqstandıq MÖZ-derdegi mwnay öñdeu kölemi 3,03 mln tonnanı qwradı. Bwl ötken jılğı balama körsetkişten 31%-ğa joğarı.

"Temirjol köligi arqılı jük tasımaldau kölemi eseptik kezeñde 47,94 tonna-şaqırımdı qwradı, bwl ötken jılğı körsetkişpen salıstırğanda 14%-ğa artıq. 7 367,0 mln kVts kölemdegi elektr energiyası öndirisi boyınşa "Samwrıq-Energo" AQ da ötken jılğı körsetkişpen salıstırğanda 34,5%-ğa artıq nätije berip otır. Elektr energiyasın tasımaldau da 2016 jıl körsetkişinen 13%-ğa asıp tüsti", - dedi Ö. Şökeev.

Qwnı 1,8 mlrd dollar bolatın "Nwrlı Jol" bağdarlaması da tabıstı türde jüzege asırıluda. Jekeley alğanda, "Borjaqtı-Ersay" temirjol jelisi qwrılısı, "Qorğas - Şığıs Qaqpa" arnayı ekonomikalıq aymaq qwru jäne onı damıtu jobası, "Soltüstik-Şığıs-Oñtüstik tranziti" "Ekibastwz-Şülbi SES-i-Öskemen" 500 kV jelisiniñ qwrılısı" jobasınıñ birinşi kezeñi jäne tağı basqa jobalar 100%-ğa orındaldı.

Abay-aqparat

1 pikir