Beysenbi, 21 Qırküyek 2017
Din 685 4 pikir 19 Säuir, 2017 sağat 20:37

Astanada moldalar bas qosıp, öz ündeulerin jariyaladı

Bügin Astana qalasındağı «Beybitşilik jäne kelisim» sarayında «Islam jäne örkeniet» taqırıbına arnalğan İİ Respublikalıq imamdar forumı bolıp ötti. Egemen elimizdiñ tükpir-tükpirinen 500 imam jinaldı. Forumğa QR Din isteri jäne azamattıq qoğam ministri Nwrlan Ermekbaev, Bas müfti Erjan qajı Malğajıwlı, Qazaqstan halqı Assambleyasınıñ törağa orınbasarı Darhan Qamzabekwlı bastağan memleket jäne qoğam qayratkerleri men Özbekstan, Qırğızstan, Moñğoliya elderiniñ bas müftileri, Reseydiñ Ombı, Altay aymağınıñ müftileri, ziyalı qauım ökilderi, ğalımdar, dintanuşılar qatısıp, igi bastamağa oray oñ pikirlerin bildirip, bayandama jasadı.

Osımen ekinşi märte wyımdastırılıp otırğan Respublikalıq imamdar forumı asıl dinimizdiñ damuına tıñ serpin berip, jaña belesterge jeteleri sözsiz. «Keñesip pişken tonnıñ kelte bolmaytının» eskersek, bügingi biregey basqosudıñ da bağası tım erekşe. Din salasındağı jwmıstardı oñtaylandırıp, tiimdi jüye qalıptastırudağı mañızdılığı da wşan-teñiz.

Osıdan eki jıl bwrın elimiz boyınşa twñğış ret ötkizilgen Respublikalıq imamdar forumında QMDB-nıñ jwmıs bağıtın ayqındap, bağdarın mejelegen tört birdey qwjat qabıldanğan bolatın. «Qazaqstan mwsılmandarınıñ Twğırnaması», «Mwsılmannıñ twlğalıq beynesi», «Imamnıñ twlğalıq kelbeti», «QMDB qızmetkeriniñ etikası» dep bwl tarihi qwjattar sol forum ayasında birauızdan qabıldanıp, sodan beri asıl dinimizdiñ damuına layıqtı üles qosıp keledi. Osı qwjattar negizinde elimizdegi din qızmetkerleriniñ bilimi men biliktiligi, ädebi men mädeniettiliginiñ jaña idealı qalıptasıp, mwsılman jamağatınıñ jarqın beynesi somdala bastağan bolatın.

Bas müfti Erjan qajı Malğajıwlı da öz bayandamasında dini basqarma aldında twrğan negizgi mindetterdiñ biri – qazirgi zaman talabına layıqtı imam dayındau ekenin ayta kelip, «Üzdik ziyatker imam» twjırımdamasın – din qızmetkerleriniñ bedeli men bilimin arttıru bağıtındağı biregey qadam dep bağaladı.

«Qabıldanğalı twrğan Twjırımdamada din qızmetkerleriniñ, yağni Bas imam, naib imam, wstaz, molda, azanşılardıñ lauazımdıq mindeti men märtebesi ayqındaldı. Bwdan bılay din mamandarı joğarı lauazımdı qızmetterge kezeñ-kezeñimen satılap tağayındalatın boladı.

Öytkeni, imam qızmeti tek bes uaqıt namazğa imamdıq etumen şektelmeydi. Imamnıñ uağız aytu, dini räsimderdi atqaru, meşitke kelgen ärbir jamağattıñ swrağına jauap beru, ruhani is-şaralardı wyımdastıru sındı özine jüktelgen jauapkerşiligi joğarı mol jwmıstarı bar.

«HHİ ğasırdıñ üzdik ziyatker imamı» attı qwjattıñ bastı maqsatı – HHİ ğasırdıñ imamdarın zaman talabına say jan-jaqtı bilimdi, bilikti, zayırlılıq principterdi wstanu jağınan basqa jamağatqa ülgi etu. Sonımen qatar, bwl Twjırımdama elimizdiñ mwsılmandarın birlikke, tatulıqqa şaqırıp, halıqtı wltımızdıñ ädet-ğwrıptarın sıylauğa, zayırlılıq principterdi wstanuğa, dini ekstremizm men terrorizmniñ kez kelgen türine tözbeuşilikke ündeydi», – dep atap ötti Bas müfti Erjan qajı Malğajıwlı.

Qazaqstan mwsılmandarı dini basqarmasınıñ jwmıs üderisin jaña belesterge kötergen bwl tarihi qwjattardıñ zañdı jalğası retinde bügingi İİ Respublikalıq imamdar forumında eki birdey tarihi qwjat talqılanıp, qatısuşılardıñ birauızdan maqwldauına ie boldı. QMDB-nıñ naib müftii, «Äziret Swltan» meşitiniñ bas imamı Serikbay qajı Oraz forumğa qatısuşılarğa «ÜZDİK ZIYATKER IMAM» twjırımdamasın tanıstırıp, biregey qwjattıñ berer paydası men tigizer kömegi jayında keñinen tüsindirip ötti. El aumağındağı meşitterde dini bilimi men biliktiligi joğarı, jasampaz, dini mäselelerdi üylestirudi şeber meñgergen ülgili, isker, ağartuşı mamandar qalıptastıruğa negizgi tirek bolatın qwjat jayında özge de qonaqtar oñ pikirlerin bildirip, forum jwmısına niettestikterin jetkizdi. Ayta keteyik, «Üzdik ziyatker imam» twjırımdaması din salasındağı qızmetkerlerdiñ mansaptıq tağayındaularına tıñ tärtip engizetin bolmaq.

İİ Respublikalıq imamdar forumında qabıldanğan kelesi qwjat – Qazaqstan mwsılmandarı dini basqarmasınıñ wstanımın ayqındaytın «Hanafi mäzhabı men Maturidi senim mektebi –  Qazaqstandağı Islamnıñ dästürli jolı». Atalmış qwjattı forum qonaqtarına QMDB-nıñ naib müftii, «Nwr Astana» Ortalıq meşitiniñ bas imamı Naurızbay qajı Tağanwlı tanıstırdı. Bwl qwjattardı qabıldaudağı negizgi maqsat – bügingi HHİ ğasır talabına jauap beretin bilimdi, täjiribeli, birneşe mamandıqtı meñgergen bilimi jan-jaqtı imamdar tobın qalıptastıru, sonımen qatar dästürli mäzhabımız – Äbu Hanifa mäzhabın jalpı halıq arasında, äsirese jastar arasında köbirek nasihattau bolıp tabıladı.

Forum ayasında qatısuşılarğa QMDB-nıñ bıltırğı jılı atqarğan irgeli isterine şolu jasalıp, arnayı beyne fil'm de körsetildi. Qazirgi uaqıtta QMDB tarapınan bekitilgen tört jwmıs bağıtı boyınşa atqarılğan auqımdı şaralar naqtı derektermen örnektelip, aldağı jwmıs josparı da qosa aytıldı.

Basqosu soñında «Islam jäne Örkeniet» attı İİ Respublikalıq imamdar forumınıñ arnayı ündeui qabıldandı.

 

İİ RESPUBLIKALIQ IMAMDAR FORUMINIÑ

ÜNDEUİ

 

Biz, din, memleket jäne qoğam qayratkerleri, Qazaqstan halqı Assambleyasınıñ ökilderi, İİ respublikalıq imamdar forumına qatısuşılar «Hanafi mäzhabı men Maturidi senim mektebi –  Qazaqstandağı Islamnıñ dästürli jolı», sonday-aq «HHİ ğasırdıñ üzdik ziyatker imamı» Twjırımdamasın maqwlday otırıp, dästürli Äbu Hanifa mäzhabın nasihattau, HHİ ğasır imamdarın zaman talabına say jan-jaqtı bilimdi, bilikti, zayırlılıq qağidattardı wstanu jağınan basqa jamağatqa ülgi etu, Qazaqstan mwsılmandarın birlikke, tatulıqqa, ädet-ğwrıptardı sıylauğa, zayırlılıq qağidattar men ruhani qwndılıqtardı qwrmetteuge şaqıru bastamasın qoldaymız.

Elbası Nwrswltan Äbişwlı Nazarbaev biılğı Joldauında dini ekstremizmdi nasihattaudıñ aldın alu, äsirese internet pen äleumettik jelide onıñ jolın kesu, radikaldı közqarasqa «mülde tözbeuşilikti» qalıptastıru qajettigin atap ötti.

Sonımen qatar, bas bostandığınan ayırılğan azamattardı teologiyalıq twrğıdan sauattandıru, öskeleñ wrpaqtı ruhani-adamgerşilik ruhında tärbieleu üşin qosımşa qadamdar jasau qajettigi jöninde tapsırmalar jüktedi.

Osı orayda, Joldau jüktegen mindetterdi sapalı orındau maqsatında dini ekstremizmniñ aldın alu, twlğalardı oñaltu jäne olarğa aqparattıq-tüsindiru jwmıstarın jürgizu üşin Qazaqstan mwsılmandarı dini basqarmasınıñ jan-jaqtı bilimdi, bilikti jäne memlekettiñ müddelerin qorğay alatın, özekti dini mäseleler boyınşa tereñ ğılımi izdenister jasay alatın imamdar korpusın jetildiru qajet dep sanaymız.

Biz, İİ respublikalıq imamdar forumına qatısuşılar Islamnıñ birlik pen beybitşiliktiñ, ğılım men örkeniettiñ dini ekenin tağı da paş etemiz. Asıl dinimiz ğılımdı joqqa şığarmaydı, ol – zamanaui ğılımnıñ negizi, irgetası. Sondıqtan Islam – bükil adamzat örkenietiniñ köşbasşısı. Bügingi zamanaui örkeniet, ğılım qaşan da Islam qwndılıqtarına qarızdar dep sanaymız.

Mwhammed payğambarımız (oğan Allanıñ salauatı men sälemi bolsın) äkelgen soñğı ilähi din – Islam adamzat balasın Qwranğa süyenumen qatar, logika men ğılımdı paydalanuğa ündeydi. Osı qağidat bügingi künge deyin türli saladağı ğılımnıñ damuına negiz qalap keledi.

Biz, Qazaqstandağı dini konfessiyalardıñ köşbasşıları barşa halıqtı birlik pen beybitşilikke, bereke men tatulıqqa, ğılımi izdenister jasauğa şaqıra otırıp, el azamattarın destruktivti ideologiyalarğa qarsı twruğa, radikaldı közqarasqa mülde tözbeuge ündeymiz.

 

Forumğa Qazaqstannıñ, Resey men Ortalıq Aziya elderiniñ Bas müftileri, memleket jäne qoğam qayratkerleri, Qazaqstan halqı Assambleyasınıñ ökilderi, teolog-ğalımdar jäne Dini basqarmanıñ 500 imamı qatıstı.

Astana qalası 19 säuir 2017 jıl

 Abai.kz

4 pikir
Атейст 2017-04-20 12:41:45
Формальды болса да, Қазақстан мұсылман мемлекеттері қатарында. Өйткені, елімізде Ислам дінін өзінің сенетін діні ретінде есептейтін (Абуханифа мазхабы, Сүннит) адамдар көптеп тұрады. Сондықтан да, Имамдардың бас қосуы дұрыс жағдай. Талқылаған мәселелері де, актуальды. Айнала-қоршаған нәрселерді тек ғана сынап-міней бермей, кейде, дұрыс жасалған шараны ДҰРЫС деп айту керек. Смайл-ик деген пікір қосушыға айтарым, моллдалар О дүниенің адамдары емес.
Смайл-ик 2017-04-19 21:23:05
Молдалар о дүниенің адамдары, бұ дүниенің істерінде қатысы қанша? Олар періште болуға талпынуы керек, бұл дүние олардың әппақ сәлделерін кірлетеді.
білгіш 2017-04-19 21:09:59
Астанада молдалар бас қосып деген не сөз неге имамдар деп сөйлемейсіздер
Төре 2017-04-19 21:06:41
Мемлект идеологиясы болу керек... Ол қандай идеология, кеңес өкіметіндегідей жалған болмау крек... Жалған идеология жалғандыққа тәрбиелейді. Ол адам баласын екіжүздікке итермелейді. Біздер кеңес кезінде тәрбиелендік, сондықтан ішкі ойымыз бен айтпақ пікіріміз екі бөлек. Көбіміз екі жүздіміз, оны мойындағымыз келмейді. Сананы тұрмыс билеген заман... Бұрында қазірде шындықты айтсаң, айтқан адам "алапес" атанады? Сондықтанда ондай мемлекет кері дамыйды? Қазірден бастап осыны қолға алу керек. Ол өте күрделі. Ал біздер түзелмейміз. Кеңес кезіндегі тәрбие алған екі жүзділер, біздер түгел өліп, жаңа буын келу керек. Сонда ғана қоғамымыз түзелуі мүмкін ...

Üzdik materialdar

Ruhani jañğıru

Qanat Äbilqayır. Qarız ben Parız

Abai.kz 5739
Qauip etkennen aytamın

Qazaqstanda jürgen qıtaylar kimge süyenedi? 

N.Qoşamanwlı 12011
Ätteñ...

Wltqa qarsı kez-kelgen azamattı «jarnamalau» kerek

Äkeş Baybatır 26907