Beysenbi, 21 Qırküyek 2017
Ätteñ... 789 3 pikir 19 Säuir, 2017 sağat 23:10

Aqın Bas prokurorğa hat jazdı

Qazaqstan Respublikasınıñ
Bas prokurorı
J.Asanov mırzanıñ nazarına!

Qazaqta «Aytayın dep aytqam joq, Aytaşımnan obal-dı» dep keletin köne öleñ bar. Sol aytpaqşı, meniñ de aytpasıma bolmaytın mäsele tuındap twr. Tuındap emes, bwl mäsele soñğı kezde balalap, köbeyip, derttep, balaqtan basqa şığıp ketkeli qaşan?! Sondağı aytpağımız tömendegişe:
Bıltır ğana öziniñ tabandılığımen, qabiletimen, soñğı kezde jwrt şulay jönelip, şwbırtpalatatın «şımkenttik variant» jasamay, öz küşimen, mañday terimen Sarıağaş audandıq bilim bölimine ädil konkurs arqılı basşılıqqa tağayındalğan Mwrat Mahanov jazıqsızdan jazıqsız isti bolıp jatqanınan qalıñ jwrt habardar.

Men Mwrat mırzanıñ audan halqına, audandıq bilim salasına siñirgen eñbekterin tizbelep jatpaymın. Sebebi, ol turalı tolıq mälimetter Sizderge jetip te ülgergen boluı kerek. Eger asa märtebeli nazarlarıñızdı salsañızdar. Meniñ aytpağım basqa...

Men sonau altı atadan jalğız kindik bop kele jatqan, öziniñ de jalğız tal on-aq jasar büldirşin wlı bar (onı da jalğız özi tärbielep otırğan), osı qazir pälen aydan beri tergeu izolyatorında jazıqsızdan jazıqsız temir torğa telmirip otırğan Mwrattıñ jeke basına toqtalmaqpın.

Men sol Mwratpen Şımkent pedagogikalıq institutınıñ filiologiya fakul'tetinde tört jıl birge oqıp, bir jataqhanada jatqan, jartı qwrttı bölip jegen adammın. Onıñ minez-qwlqın, azamattığın, jan balasına janın qiya saluğa dayın twratın janaşırlığın jaqsı bilemin. Jalğız ananıñ qolında jalbırap jalğız ösken wl ekenin, qinalıp jürip jetilgenin, oquğa da joğarıda aytılğan «şımkenttik variantpen» emes, qwrılısta jwmıs istep, odan äsker qatarına barıp kep, es jiıp tüskenin de beske tanimın.

Bizdiñ damığan, tolıqqandı qoğam bolamız, pälen eldiñ qatarınan körinemiz dep keude qağıp, şirengende üzeñgimizdi üzip jibere jazdaytınımız ötirik emes. Al endi mınanday soraqılıqtan soñ, körer közge ädil jolmen jürip, kisi aqısın jeuge arlanğan, adaldıqqa ğana adımdağan azamattı qorlap, japtım jala, jaqtım küye dep jürip qayda baramız?! Qay jerlerge jete alamız?!

Men 111 jas ğwmır keşken, eki soğısqa kuä bolğan qariyanıñ balasımın. İlgeride qarttar bar bolatın. Qazir şe?! Sol Mahanovtıñ jañaşıldığı men janaşırlığına, soñğı kezde bedeli äbden tüsip bara jatqan MWĞALİM, WSTAZ ataulınıñ bedelin qayta köterip, eñsesin tikteuge atsalısqan tirligine Sarıağaş audanındağı birer «toptardıñ» qarsı äreket etkeninen bükil audan habardar. Olar qarttar emes. Olar «dejurnıy şaldar» ğana. Iya, olar ŞALDAR ğana. Alaş balasına atalı söz aytıp, auzına qaratıp, qara qıldı qaq jaratın jasqa jetkende näpsisi taza adamnıñ artına şala baylap, jala jabatın jasqa kelgen kisi qariya yaki qart bola aluşı ma edi?! Joq!

Öz basım sudı da, ottı da, oqtı da, sottı da köp körgen adammın. Sondıqtan, eşteñeden häm eşkimnen (eger ol adamzat balası bolsa) qorıqpaytınım özime ayan. Kim ne dese o desin, degenmen meniñ özimniñ azamattıq wstanımım, aqındıq közqarasım men dausım bar. Endeşe, men Mwrat Mahanaovtıñ jazıqsızdan jazıqsız isti bolıp, jabılıp jatqanın öte ülken sayasi jäne qoğamdıq, äleumettik qatelik dep esepteymin. Kezinde talıstay ğıp swlatıp, atıp tastağan arısımız Ahmet Baytwrsınwlı «Mağan qattı batatını bärinen, Öz auılımnıñ itteri ürip, qapqanı» demep pe edi?! Onda nege arı taza, janı jwmsaq, peyili perişte azamattıñ artınan birer şäuildekterdi şäu-şäu ürgizip, jalğan jala japtırıp, qarap otıruımız kerek?!

Qasietti Qwranda «Äsilinde bireudiñ artınan jalğan söz aytıp, nahaq jala japqan pendeniñ künäsi dua jasağan pendeniñ künäsimen birdey» degen söz bar. Al, dua jasau degeniñiz eñ auır, keşirilmes künä. Onı oylaytın pende, sanası qwldıqtan azat QARIYA äz-äzirge tabılmay twrğanı öte ökinişti. Bwdan da köp jazuğa, qwlaş-qwlaş, bet-bet etip şimaylauğa mümkindigim barşılıq. Biraq, mınanday ädiletsizdikke, misızdıqqa, arsız äreketke ızası kep otırğan adamnıñ jüregi şıdamaydı eken.

Asa qadirli Jaqıp dep asa wlı payğambarımızdıñ (Ğ.S) esimin bergen el ağası, qalıñ qazaqtıñ qazılıq tarazısı!

Sizdi jwrtşılıq tek qana ädildikke jüretin, adaldıqtı tu etken azamat dep bağa beretinin talay estidik. Körip te jürmiz. Sondıqtan, osı mäselege soñğı äri ädil nükteni Öziñiz qoyıp, istiñ aq şeşiluine, arlı azamattıñ näpsige qwl bolıp jürgen birer müddeli «toptıñ» qwrbanı bolıp ketpey, qoğamdağı öziniñ ädil äri taza ornına qayta ornığuına ıqpal jasaytınıñızğa senim artamın. Tämat-tämäm!!!

Öziñizge degen ülken qwrmetpen jäne ükili ümitpen,
Aqın, Qazaqstan Jazuşılar odağınıñ müşesi,
Qazaqstan Jazuşılar odağı Oñtüstik Qazaqstan
oblıstıq filialınıñ direktorı,
köptegen halıqaralıq, respublikalıq sıylıqtardıñ,
Resey Federaciyası Qarulı küşteriniñ eñ joğarğı
«Slava Rossiy» ordeniniñ eñ soñğı altınşı tolıq
kavaleri, basqa da köptegen orden-medal'dardıñ iegeri
Baqıtjan ALDIYAR

Abai.kz

3 pikir
Мақсұт 2017-04-20 14:24:47
Ақ, қарасын білмеген іске не айта аларсың... Тек қана -Ақиқатқа араша түсем -деген адам ғана Ақын. Көлеңкеде көпіршітіп өлең "шығара" беру -ақындық емес. Олай болса -Б. Алдияр айтам -дегенін ақындық арымен айтып отыр.... Олай болса -оның сөзі рас, шындық! "Сақалын сатқан кәріден, еңбегін сатқан бала артық" -деп со-онау өткен ғасырларда Абай ақын төрелік етіп еді... Енді осы күні сақалын ғана емес (Сақалы жоқ болса -қайтсін) арын, абыройын сататын "шалдар" пайда болғаны дүниені бүлдіріп барады. Әр қала, әр ауыл, әр көшеде осындай белсенді, "Атейст кәрілер" , ойнақтаған кәрі түйедей араласпасқа араласып, ақша, мүлікке бола биліктегілердің қолжаулығына айналып, күнә арқалап жүр. Мейлі ғой, өз күнәсін өздері көтерер -дегенмен, жарылып, желі шығып кеткен дөңгелектей осы бір бейпайда жандар алға тартқан қоғамға ауырлық әкелуде. Барлық әділетсіздік пен зорлық, зомбылықтың құралы болып, күштінің қолында ойнап жүргендер де осындай көк иек кәрілер...
Дидар 2017-04-20 12:13:50
Бақытжан, жазғаның 100 пайыз шындық. Мұрат Маханов артына сөз ермеген, ешкімнің бір тиынын алмаған жігіт. Азамат екенсің, қорғағаныңа тәнтімін
Ерсін 2017-04-20 09:28:30
Қазақта: "ілгері жүрген жасты кері қайтқан қария қайтарады" деуші еді әлі де арамызда "қырт" шалдар бар.

Üzdik materialdar

Ruhani jañğıru

Qanat Äbilqayır. Qarız ben Parız

Abai.kz 5739
Qauip etkennen aytamın

Qazaqstanda jürgen qıtaylar kimge süyenedi? 

N.Qoşamanwlı 12011
Ätteñ...

Wltqa qarsı kez-kelgen azamattı «jarnamalau» kerek

Äkeş Baybatır 26907