Senbi, 18 Qaraşa 2017
Aymaqtar 1572 1 pikir 20 Säuir, 2017 sağat 10:12

Qwlsarı mañına las su töguge kim rwqsat etti?

Osı biz suayt halıq emespiz be? Nege ılği sözimiz ben isimiz bir-birine qarama-qayşı kelip otıradı? Til men jaqqa süyenip söylegende aldımızğa jan salmaymız. Al nege isimiz örge baspaydı? Sebebi, ötirikşimiz! Mısalı, «Jasıl el, jasıl-jelek» bağdarlaması, Densaulıq – wlt kepili, bolaşaq – wrpaq kepili; Densaulıq – zor baylıq; Tän swlulığı – jan swlulığı; Tabiğattı ayalayıq; Qorşağan ortanı abattandırayıq; Atadan mal qalğanşa tal qalsın; Tazalıqtı saqtayıq!» dep wrandatımız kep. Hoş! Öte ädemi, janğa jağımdı, qalıpqa qonımdı şipa sözder! Al endi isimizdi qarañdar?

Qwlsarıdan 100 şaqırımday jerde vahtaşılar qalaşığı, ärmen qaray alpauıt TŞO zauıtı ornalasqan. Osı TŞO aymağınan 30 tondıq «las su» tasımaldaytın auır jük kölikteri 2 aydan beri näjis, las suların Qwlsarı qalasına äkelip qwyıp jatır. Jäne küni-tün (eki kezek) damıl qaqpastan tasuda. Tögip jatqan jeri «KRNU» mekemesiniñ mañı. Jıloy quları köz qıstı, barmaq bastı kezekti qwytırqı äreketterine köşti. Bılay  qarağanda las sular qwbırğa aydaluda. Al ol qwbırdıñ dalağa ağızıp jiberip jatqan kanalı bar ekenin eskersek, las su jıra boyın sağalap oy jerlerdi toltırıp, tolğan las sular arnasınan asıp teñiz bolıp ağıp sol mañdağı bir sorğa qwyıluda. YAğni «Teñizdiñ» boq suınan teñiz tüzilude. Jasandı teñizden mal su işude. Qazirgi tañda ol sor ülken aralğa aynaldı. TŞO - nıñ öz kanalizaciyaları bar. Demek, TŞO podryatçik mekemelerge las suların öz qwbırlarına qwydıruğa qarsı, bolmasa aqılı qılıp qoyğan. Al podryadçik mekemelerdiñ kimmen qalay keliskenderi beymälim, äyteuir las suların 100 şaqırım jerden «bolaşaq qala, jarqın qala, jas qala» Qwlsarığa äkelip tögude? Endi Qwlsarı – las qala! Al osı qılıqtarı aqılğa siya ma? Bwlarğa Qwlsarı mañına las su tögulerine kim rwqsat etti? Äkimder, prokurorlar, ekologtar, basqa da qwzırlı orın mekemeleri, lauazımdı közi aşıqtar ne qarap otır? Tağı da sıbaylastıq pen paraqorlıq pa? Älde sol bayağı halıqtı mensinbeuşilik pe? Las suğa äbden qanğan sor erteñ şilde aylarında şamadan tıs bwzıladı. Las su aralasqan twzı betine şığadı. Qwrğap kökke köteriledi. Auamen, jelmen wşadı. Nebir parazit, bakteriya, jwqpalı virustardıñ bäri sormen aralasıp sormañday qazaqtı sorlatumen ğana şekteledi. Elde auru köp, indet, künde ölim, künde jiın. Wrpaq kesel, wrpaq meşel, bolaşaq bwlıñğwr, ümit az, senim ketken. «Auırıp em izdegenşe – auırmaytın jol izde» dep ottaymız kelip. «Aurudıñ aldın alu» dep, nebir paydasız şaralar ötkizemiz. Al özimiz aqşa üşin qara halıqqa qastıq oylap, tapa-taltüste wrpaqtıñ tiriley terisin irep jatırmız. Maqtamen bauızdap qılqındırıp twnşıqtırudamız. Kez-kelgen aurudıñ sebep-saldarı boladı. Qala mañına şamadan tıs las su tögu Qwlsarı halqın qırudıñ töte jolı. Bwrınğı kezdegi milionnan bir kezdesetin, onda da atı atalmay «jaman auru» deytin rak auruı qazirgi tañda 10 nıñ birinen kezdesude, jäne jas kärisine qaramauda. Sondıqtanda, prokurorlar, ekologtar, eki aydan beri las su tögip kelgen mekemelerge zor ayıppwl salıp, tüsken qarjını Qwlsarı halqınıñ aurudan köz aşpağan adamdarına ülestirsin!

Twrar Şapqara

Abai.kz

1 pikir
Мейрамбай 2017-04-20 18:10:14
Қазақстан Республикасының территориясындағы аудандардың ішіндегі ең бай, елге көмегі тиіп жатқан Жылой ауданының орталығы Құлсары қаласы, өзінің тапқан қаржысының 0,5 бөлігінде өзінің қажетіне алмайтын болар. Бұл қаланың өркендеп ең образцовый қала болатын уақыты болды. Бұл аудан Республиканың екі немесе үш регресивті, субсидиямен отырған облыстарына татитын аудан!!!!

Üzdik materialdar

Ruhani jañğıru

Qanat Äbilqayır. Qarız ben Parız

Abai.kz 9975
Qauip etkennen aytamın

Qazaqstanda jürgen qıtaylar kimge süyenedi? 

N.Qoşamanwlı 18057
Ätteñ...

Wltqa qarsı kez-kelgen azamattı «jarnamalau» kerek

Äkeş Baybatır 31450