Seysenbi, 19 Jeltoqsan 2017
El işi... 1335 3 pikir 21 Säuir, 2017 sağat 15:35

Esimov: «Astana EKSPO-2017» WK byudjetke 25 mlrd teñgeni qaytarudı josparlap otır

Bwl Wlttıq kompaniya demeuşileriniñ esebinen jüzege asırılmaq, - dep jazadı «Vlast'» portalı.

«Astana EKSPO-2017» Halıqaralıq körmesine dayındıq jwmıstarına demeuşilerdiñ qoldau körsetuine baylanıstı, Wlttıq kompaniya el byudjetine 25 milliard teñge kölemindegi qarajattı qaytarudı josparlap otır.

Bwl turalı «Astana EKSPO-2017» Wlttıq kompaniyasınıñ törağası Ahmetjan Smağwlwlı mälimdedi.

«Qazirgi tañda demeuşiler tarapınan jasalğan kömek kölemi 38,5 milliard teñgeni qwrap otır. Onıñ 22,8 milliard teñgesi taza qarjılay bolsa, qalğan 15,7 milliard teñgesi  tauar jäne qızmet türinde körsetilip otır», - deydi Esimov mırza.

«Astana EKSPO-2017» Wlttıq kompaniyasınıñ törağası Ahmetjan Esimov mırza, körmege kömek körsetuge beyil azamattardıñ äli de joq emes ekenin jetkizdi. Jartı älem jiılatın Halıqaralıq körmege demeuşilerdi köptep tartu jwmıstarı äli de jalğasuda.

«Demeuşilerdiñ qarjısı jäne bilet satılımınan tüsetin paydadan özge Wlttıq kompaniya kommerciyalıq jobalardı da qolğa aldı. Mısalı, jobalardı licenziyalau, EKSPO brendin investiciyalıq bastamalarğa qoldanu sekildi kompaniyağa janama tüsim tüsiretin jobalar jüzege asırıluda. Bwlardan tüsetin payda men qwrılıs jäne dayındıq jwmıstarına ketetin şığındı eseptey kele, Wlttıq kompaniya el byudjetine 25 milliard teñgeni qaytarıp berudi josparlap otır», - deydi Esimov mırza.

Abai.kz

3 pikir