Senbi, 16 Jeltoqsan 2017
Jañalıqtar 1208 5 pikir 21 Säuir, 2017 sağat 16:12

Qazaqstandıq ğalım äyelder qoğamı qwrıldı

Bügin Abay atındağı Qazaq Wlttıq pedagogikalıq universitetinde «Qazaqstannıñ üşinşi jañğıruı: Äyel. Qoğam. Bilim jäne ğılım» attı halıqaralıq simpozium ötti. Şara ayasında «Qazaqstandıq ğalım äyelder qoğamı» attı birlestiktiñ saltanattı aşıluı ötip, qoğam müşelerine arnayı kuälik tabıs etildi.

Simpoziumdabilim men ğılımdı damıtudağı äyel ğalımdardıñ alar ornı, tilderdi oqıtu men üyretudegi innovaciiyalar, Qazaqstan damuınıñ zamanaui kezeñindegi otbası men otbasılıq qwndılıqtar, qoğamdıq qatınastardıñ jahandanuı kontekstindegi adam qwqığınıñ damuı taqırıptarında döñgelek üstel ötkizip, bügingi özekti taqırıptardı talqıladı.

Simpoziumğa medicina, filologiya, filosofiya, pedagogika, auılşaruaşılığı, til, jaratılıstıq ğılımdar salasınıñ üzdik mamandarı, elimizge tanımal ğalımdar qatıstı. Olar «Qazaqstandıq ğalım äyelder qoğamın» qwru arqılı elimizdegi 400 mıñğa juıq ğalım äyelderdiñ el ömirine, qoğam tınısına öz ünderin jetkizip, kez kelgen özekti mäseleni keñirek talqılauğa, özderiniñ balama josparları men oyların wsınudı közdep otırğandarın jetkizdi.

Tañat AYAPOVA,  filologiya ğılımdarınıñ doktorı, professor, «Qazaqstandıq ğalım äyelderi qoğamı» birlestiginiñ prezidenti:

– Ötken ğasırdıñ toqsanınşı jıldarınıñ basında AQŞ-qa barıp, biraz jıl universitette sabaq berdim. Sonda olarda ğalım äyelderdiñ biriguimen aşqan qoğamdıq qorları bar ekenin bildim. Olar özderiniñ qoğamdıq birlestikteri arqılı jaña jobalar dayındap, memlekettik yaki jekemenşik sektorlarğa özderiniñ wsınıstarın wsınadı. Qoğamdağı türli isterge öz oy-pikirlerin jetkizip, keybir memlekettik mañızdı bağdarlamalarğa balamalı josparların wsınadı eken. Sol qoğamğa men de müşe boldım. Olardıñ erkindikterine, talapşıldığına tänti bolğan edim. Sodan beri Qazaqstanda osınday qoğam nege joq degen swraq meni mazalap jürgen. Mwnday qoğam Qırğızstan men Özbekstannıñ özinde bar ekenin juırda bildim. Olardıñ jwmıs täjiribesin zerttep kördim. El istegendi biz nege istemeymiz? Qazaqstanda 400 mıñğa juıq ğalım äyel bar eken. Olar mamandıqtarı boyınşa är salada jemisti eñbek etip jür. Olardıñ ortaq wyımı bolğanı zaman talabı degen oydamın.

Qazir qoğamdıq birlestikter, wyımdar köp. Demokratiyalı eldiñ negizgi tireui – osı wyımdar men qorlar, birlestikter. Olardıñ ärqaysısı öz mindet-maqsatına say oydağıday jwmıs istese, qoğam alğa jıljidı.

Al bizdiñ maqsat – qoğamdıq özekti taqırıptarğa ğalım äyelderdiñ ünin jetkizu, olardıñ pikirleri men ğılımi twjırımdarın wsınu. Aytalıq, qazir bügin üylenip, erteñ ajırasıp ketu qalıptı jağdayğa aynaldı. Bwnday ürdis qaydan keldi? Nege jetim balalar köp? Nege otbası qwndılığı joyılıp baradı? Qoğamdıq formaciya özgergen twsta bizdiñ dästürli qwndılıqtar toqırauğa wşırağanı jasırın emes. Biz ğalımdardıñ jii bas qosıp, konferenciyalar ötkizip, özderiniñ tüygenderi men tüsingenderin, zerttegen taqırıptarın keñirek nasihattauğa tiispiz. Bizdiñ qoğamnıñ atqarar jwmısı öte köp. Aldağı uaqıtta arnayı bağdarlamalar äzirlep, tiisti mekemelermen birlesip qızmet atqaratın bolamız.

Abai.kz

5 pikir