Senbi, 16 Jeltoqsan 2017
Bw ne mazaq? 8233 59 pikir 15 Mamır, 2017 sağat 08:37

QR SİM nazarına! Resey jastarı Mänşüktiñ eskertkişin mazaq etti

Qazaqtıñ batır qızı Mänşük Mämetovanıñ Reseydegi eskertkişin mazaq etken bir top jastıñ beyne jazbası äleumettik jelide jariya boldı.

Bwl jağday Reseydiñ Pskov oblısına qarastı Nevel qalasında bolğan. Biz qwzırlı organdardan (QR SİM, QR-nıñ Reseydegi Elşiligi men RF-nıñ Qazaqstandağı Elşiliginen) qazaqtıñ batır qızınıñ "basına şıqqan" jetesizderdiñ tağılıq (vandalizm) äreketine beyjay qaramaudı talap etemiz.

Öytkeni Keñes odağınıñ batırı Mänşük Mämetova swrapıl soğıs jıldarı däl osı Pskovtağı Nevel qalasın qorğağanı belgili. Qazaqtıñ qarşaday ğana qızı auır jaralanğanına qaramastan pulemetten oq bürkip, asqan erlik körsetti.

Al 1978 jılı Pskovtağı Nevel qalasında batır qızğa eskertkiş ornatılğan-dı. Tipti, qazir qalada Mänşük Mämetova atındağı köşe da bar. Batır qızdıñ beyiti de Nevel topırağında jatır.

Al orıs (Resey azamattarı) jastarınıñ batır "qızdıñ basına şığuı" - wltaralıq daudıñ biltesin twtatar türi bar. Bwl - bükil Keñes odağına erligimen ortaq Mänşük Mämetovanıñ aruağın, qazaq halqınıñ tarihi twlğasın aşıqtan-aşıq qorlau.

Ekinşi düniejüzilik soğıs estelikteri oñdı-soldı bwrmalanıp jatqan qazirgidey kezde Qazaqstannıñ äm RF-nıñ qwzırlı biligi betimen ketken bir top jasqa şara qoldanuı kerek.

Ayta keteyik, jaqında Resey Prezidenti Vladimir Putin bwrınğı KSRO qwramında bolğan keybir memlekettiñ Ekinşi düniejüzilik soğıstağı erligin joqqa şığardı. Dälirek aytsaq, büginde sayasi wstanımdarı bölek Baltıq elderi men Gürjistandı soğıs jeñimpazdarı sapınan sızıp tastadı. Al Kreml'diñ sarjağal sayasatkerleri "biz ekinşi düniejüzilik soğısta Ukrainasız da jeñetin edik" dep bösti.

Buını bos bwnday sözder bügingi sayasi ahualdıñ buımen aytılğanımen, tarihi şındıqtı Putin jazıp şıqpası anıq. Desek te, Reseydiñ Ukraina, Gruziya jäne Baltıq elderimen bası araz ekeni tağı da ras.

Orıs (Resey azamattarı) jastarınıñ tağılıq, neoimperialistik (basqınşı) äm şovinistik äreketteri Kreml' sayasatınıñ jemisi ekeni dausız. Mänşük Mämetovanıñ eskertkişine şığıp, oyına kelgendi jasau - batır qızdıñ aruağın qorlau ğana emes, onıñ erligin de moyındamau emes pe?

Nwrgeldi Äbdiğaniwlı

Abai.kz 

Автор

Nwrgeldi Äbdiğaniwlı

Kontent-redaktor

Nwrgeldi Äbdiğaniwlı - QR Aqparat salasınıñ üzdigi. Sayasi şoluşı.
59 pikir