Senbi, 16 Jeltoqsan 2017
Jañalıqtar 5217 8 pikir 15 Mamır, 2017 sağat 12:42

Telibekov "sündettelmep pe ediñiz?" degen swraqqa jauap berdi

Jaqında bir top belsendi balanı sündetke otırğızuğa qarsı şığıptı. Daudıñ basında Mwrat Telibekovtiñ "Qazaqstan mwsılmandar odağı" twr.

Orıs tildi birsıpıra BAQ "Qazaqstanda sündetke otırğızuğa tıyım saludı wsındı" dep wrandadı. Söytsek, QMO jetekşisi Mwrat Telibekovke bir top belsendi kelip, özderiniñ wsınısın aytqan. Balanı sündetteu - adam qwqıqtarı men abıroyına nwqsan keltiredi-mis.

Ateisterdi qazaqstandıq feminister tobı da qoldap otırğan körinedi.

Telibekov mırzanıñ bwl "jañalığın" Resey men Qırğızstannıñ aqparattıq sayttarı da jarısa jazıp jatır. (argumenti.ru, rosbalt.ru, kyrgyztoday.org)

Biz daulı wyımnıñ törağası Mwrat Telibekov mırzağa habarlasıp, mäseleniñ män-jayın swradıq.

- Mwrat mırza, sizder sündetteuge tıyım salu turalı bastama köterip jatır ekensizder. Sol turalı söyleseyikşi...

- Jaqsı, jaqsı.

- Qazaqstan mwsılmandar odağı sündetke qarsı şığıptı degen aqparat jelide gulep jür. Siz odaqtıñ törağasısız. Öziñiz sündettelmep pe ediñiz? Köptiñ kökeyindegi saual osı.

- Osı jerde mınanı ayta ketu kerek. Qazir jalpı jwrttıñ, qarapayım halıqtıñ ğana emes jurnalisterdiñ de intellektualdı deñgeyi tömendep baradı. Mwnıñ sebebi nede ekeni belgisiz. Mümkin, ülken audiovizualdı aqparattıñ ağımı. Midı jwmıs istetuge, izdenuge qajettilik joq.

- Oqığanımızdan tüygenimiz - sizge bir top belsendi kelipti. Siz olardı qoldapsız...

- Joq. Men olardı qoldağan joqpın. Kerisinşe, olarğa sündetke qarsı şığudıñ dwrıs emes ekeni ayttım. Olardıñ adasıp jürgenin ayttım. Ökinişke oray oyımdı jetkize almağan sekildimin.

- Olar kimder? Qay wlttıñ ökilderi?

- Men olardıñ wlttarına män bermeppin.

- Keşiriñiz, biraq bwl turalı aqparattardıñ barlığında kerisinşe Qazaqstan mwsılmandar odağı qoldadı dep jür ğoy.

- Ras aytasız. Ökinişke oray qazir meniñ sözderimdi bwrmalap, meni jağımsız keyipte körsetkisi keletin bir top BAQ bar. Mine, solardıñ jasap otırğan isi.

- Olar sizdiñ söziñizdi bwrmalağan bolsa, qarsı şara qoldanuıñız kerek qoy...

- Şınında olardıñ ärqaysısımen sottasıp jatuğa mende uaqıt ta joq. Mağan ne kerek. Aytıp, aytıp qoyadı. Mağan uaqıt qımbat. Aqımaqtarğa uaqıt jwmsağım da joq.

- Mwrat mırza, bir swhbatta, siz mağan QMO-da 500-mıñnan astam müşemiz bar dep ediñiz. Tipti, Prezidenttik saylau kezinde sizdi 1 millionnan astam adam qoldağanın aytqansız. Körip jürgenimizdey, barlıq aqparattarda Mwrat Telibekov jür. Basqa müşeleriñiz nege ünsiz?

- Jaqsı. Basqalardı da aytayın. Amanbaev, Särsenbaev, Jetpisbaev, Ivanov, Petrov, Sidorov t.s.s. Bwl neni özgertedi?

- Meyli. Mwrat mırza, swhbat bergeniñizge raqmet!

- Özderiñizge de raqmet!

Nwrzat Toğjan

Abai.kz

8 pikir