Senbi, 16 Jeltoqsan 2017
Jañalıqtar 3562 14 pikir 16 Mamır, 2017 sağat 14:40

Zeynetaqı qorındağı 71,3 milliard jelge wştı

Qazaqstan halqınıñ biriñğay zeynetaqı jinaqtauşı qorınnan kezekti ret dau şıqtı. Bwl jolı ekonomist Raqım Oşaqbaev zeynetaqı qorındağı jelge wşqan 200 million dollardıñ jay-japsarın jayıp saldı.

Qazaqstannıñ biriñğay zeynetaqı jinaqtauşı qorı Äzirbayjannıñ memlekettik bankiniñ 125 qwndı qağazın satıp alğan. Bwl - şamamen 71,3 milliard teñgeni nemese 200 million AQŞ dolların qwraytın soma.

Al jaqında ğana Qazaqstannıñ BZJQ investorlıq etken  Äzirbayjan banki bankrotqa wşırağanı 
belgili boldı. Söytti de 71 miliard jelge wştı.

Ötkende Qazaqstannıñ Halıq banki 2014 jılı däl osı banktegi barlıq salımdı keri qaytarıp alğanın basqarma törayımı Ümit Şayahmetova hanım ayttı.

Şayahmetova basqaratın bank Äzirbayjan bankinen öz salımdarın keri qaytarıp alğan da, BZJQ däl osı bankke salım salğan eken. Oqiğa 2014 jılı bolğan.

Äzirbayjannıñ memlekettik banki 2016 jılı bankrotqa wşıraudıñ az-aq aldında bolğan. BZJQ sol kezde nege akciyaların keri qaytarıp almağan? Belgisiz. Qordağılar da bwl jayında jaq aşpadı.

BZJQ-dağı qarjı - jwmısqa jaramdı Qazaqstan halqınıñ jıldar boyı tirnektep jiğan aqşası. Al onı oñdı-soldı jwmsauğa kim rwqsat berdi? BZJQ- qarjısın investorlıq bağıtta qoldanudı kimder baqılaydı? Kimder jüzege asıradı?

Biz bwl swraqtarğa jauaptı  BZJQ janınan qwrılğan qoğamdıq keñestiñ eks-törağası Dosım Sätpaevtan swradıq.

Raqım Oşaqbaev jariya etken bwl aqparat BZJQ-nıñ bir ğana bılığı. Bwdan basqa qanşa 
qarjı swrausız ketti?..

(Surette sayasattanuşı Dosım Sätpaev)

Dosım Sätpaev, sayasattanuşı:

-Äueli  qordıñ jwmısında köleñkeli twstar köp ekenin aytqım keledi. Aşıqtıq joq. Raqım Oşaqbaev jariya etken bwl aqparat BZJQ-nıñ bir ğana bılığı. Bwdan basqa qanşa qarjı swrausız ketti?.. Mısalı, ötken jılı ğana Qazaqstannıñ öz işinde ekinşi deñgeyli bankterge investiciya retinde berilgen qarjılar özin-özi aqtamaq tügili, «Kazinvest» sekildi bankter bankrotqa wşıradı. Nemese, qoğamdıq keñes qwrılağan kezde Qazaqstan temir jolına investiciya retinde berilmek bolğan 50 milliard teñgeni biz şulap jürip, jwrtqa jariya ettik.

Birinşiden, BZJQ-nıñ qarjısı investorlıq maqsatta qoldanıladı. Tek sonıñ naqtı qanday nısandarğa, qaşan, qanşa somada jürgizilgeni  jariya etilmedi.

Endi swraq. Zeynetaqı qorınıñ aqşasına (sol kezde) bankrot boludıñ az-aq aldında twrğan 
Äzirbayjan memlekettik bankiniñ akciyaların satıp alu turalı  şeşimdi kim şığardı? 
Kim wsındı? Qwzırlı organdar tağı ünsiz.

Sodan keyin, zeynetaqı qorınıñ qarjısın «Wlttıq qordı basqaru jönindegi keñes» baqılaydı. Onıñ qwramına – QR Prezident äkimşiligi, QR Ükimeti, QR Wlttıq ekonomika ministrligi, QR Qarjı ministrligi kiredi. Al keñes jwmısın Prezident äkimşiligi jürgizedi.  Endi swraq: zeynetaqı qorınıñ aqşasına (sol kezde) bankrot boludıñ az-aq aldında twrğan Äzirbayjan memlekettik bankiniñ akciyaların satıp alu turalı şeşimdi kim şığardı? Kim wsındı? Qwzırlı organdar tağı ünsiz.  Prezidentke kim keñes berdi? Ekonomika ministri me, älde qarjı ministri me? Bwl jerde Wlttıq bank basşısı eşqanday da şeşim şığarmaydı. Aqışevtıñ da, Kelimbaetovtiñ de, tipti Marçenkonıñ da onday  qwzıreti bolğan emes.

Üşinşiden, problema bilik elitasında. Dağdarıs kezinde zeynetaqı qorınıñ qarjısın türli investorlıq maqsattarğa paydalanuğa boladı. Tek, täuekeldi jan-jaqtı eskeru kerek qoy. Nege Halıq bank barlıq akciyasın keri qaytarıp aldı? Halıqtıñ bwl qorğa ay sayın 10 payızdan salıp otıratın aqşası – qosımşa ämianı boluı kerek-tin. Ökinişke oray bügin qor halıqtıñ qosımşa salığı sekildi. Eeger Oşaqbaev 200 millionnıñ jelge wşqanın aytpasa, BZJQ basqarması mülde ünsiz otırmaq pa?  Däl osı qarqınmen jüre beretin bolsaq, endi 20-25 jılda zeynetaqı qorı tausıluı da äbden mümkin.

Bizge, halıqqa tüsinikti boluı üşin zeynetaqı qorı jwmısın aşıq jürgizbeyinşe, qarjını qayda, ne maqsatqa jwmsap jatqanına qatıstı naqtı esep berilmeyinşe – qor qarjısın jwmsauğa maratoriy jariyalau kerek.

Nwrgeldi Äbdiğaniwlı

Abai.kz

Автор

Nwrgeldi Äbdiğaniwlı

Kontent-redaktor

Nwrgeldi Äbdiğaniwlı - QR Aqparat salasınıñ üzdigi. Sayasi şoluşı.
14 pikir