Senbi, 16 Jeltoqsan 2017
Mäñgilik el 1350 0 pikir 17 Şilde, 2017 sağat 11:49

«Adal eñbekpen mal izdemek – ol arlı adamnıñ isi»

«Adal eñbekpen mal izdemek – ol arlı adamnıñ isi» dep dana Abay aytqanday rasında da, adamzat payda bolğannan beri öziniñ qajettiligin tek eñbek arqılı qamtamasız etip keledi. Eñbek adamdı adaldıq, tabandılıq, jauapkerşilik siyaqtı qasietterge baulıp igilikke jetkizedi. Osınday adamzat damuınıñ igiligine qatıstı Elbasımız barşağa öziniñ «Qazaqstannıñ äleumettik jañartıluı: Jalpığa ortaq Eñbek qoğamına qaray 20 qadam» attı bağdarlamasın jariya etti. Bwl bağdarlama qazaqstandıqtarğa jaña serpin, jaña ümit sıylağanı anıq.

Bağdarlama ayasında qarastırılğan taqırıptar zamannıñ özekti mäselelerine basa nazar audarıp, äleumettik jañğırtu sayasatınıñ negizine şınayı öndiristik eñbekti qoyu mindeti artılğan. «Bwl – praktikalıq, pragmatikalıq ideya. Ol mağan tipti etene jaqın, öytkeni, men qazaqstandıqtar jaqsı biletindey, özimniñ käsibi jolımdı «aq sausaqtar» sekildi kabinette de, parkette de emes, jwmısşı-metallurg retinde bastadım. Al bwl, atap aytsam, nağız käsip bolıp tabıladı!» degen Elbasınıñ bwl sözderinen jastardı eñbektiñ türli salasın meñgerip, qiındıqqa qaramastan eñbek jolın öndiriste bastap, jwmısşı maman boludan bas tartpay, öz ülgisin mısal ete otırıp, jastardı qajırlı eñbek etuge şaqırdı.

Bäsekege qabiletti wlt bolıp qalıptasuda keybir jastarımızdıñ psihologiyasında qalıptasqan şetten tıs qanağatşıldıq sezimi eñbek jolında tabıstı nätijege qol jetkizu üşin täjiribe jinaqtauğa, jaña maqsat-müddelerge, bolaşaqqa talpınuğa kedergi keltiredi. Kerisinşe, jastar eñbek etude ünemi jaña qarqınğa, zamanaui swranıstarğa say bolıp otıru maqsatında öz-özin ünemi jetildirip, qamşılap otıruı qajet. Bwğan Elbasınıñ «Adam öziniñ qayda bet alğandığın anıq körgen kezde ğana biikke qaray küş-jigermen wmtıladı» degen sözderi dälel bola aladı.

Ärine, narıqtıq ekonomika zamanında bäsekege qabiletti bolu üşin bağdarlamada qarastırılğan bilim beru jüyesin jañğırtu jönindegi qadamdarğa jauapkerşilikpen qarau mañızdı. Bağdarlama mazmwnında körsetilgen äleumettik jañğırtu jolındağı maqsat-talaptar igi bastamanıñ nışanın bildiredi. «Eñbek etseñ erinbey, toyadı qarnın tilenbey» dep dana babalarımız aytqanday, eñbek etu degenimiz - ömir süru, öz talaptarıñdı qanağattandıru bolsa, jastardı bilim ordalarınan bastap-aq eñbekke baulu jäne eñbek etude bilimniñ alar ornın ayqındap körsetu – bizdiñ mindetimiz.

Qazirgi zamandağı ğılım men tehnikanıñ jahandanu däuirinde bilim aludıñ mañızdılığın tereñ tüsinip, teoriyalıq bilimderin täjiribede, yağni öndiriste jüzege asıru är azamattan talap etilse, barlıq öndiris salasında ozıq tehnologiyalardı igeru arqılı elimiz narıqta beldi orın aları anıq.

Soñğı kezderi elimizde öndiristik mekemelerdiñ jii aşıluı halıqtı jwmıs orındarımen qamtamasız ete alğanımen, key salalarda mamandardıñ tapşılığı bayqaladı. Rasında da, bilim ordasın jaña tämamdağan keybir jas mamandar birden biik mansap pen joğarı jalaqını qalaytını jasırın emes. Biraq bwl barlıq salada birdey mümkin bola bermeydi. Bastı nazarda käsibi şeberlikti şıñdau, bilikti maman retinde qalıptasu twruı tiis. Adal eñbekpen keletin eñbektiñ jemisi berekeli, ırzıqqa tolı bolatının eskeru qajet.

Elbasımızdıñ halıqqa arnağan atalmış bağdarlaması auqımdı mindetterdi qamti otırıp, halqımızdıñ eñbekqorlığı men bäsekege qabilettiligin oyatuğa ündeu boları anıq.

G.Qalabay, Qazaqstan Respublikası Din isteri jäne azamattıq qoğam ministrligi Din isteri komiteti Din mäseleleri jönindegi ğılımi-zertteu jäne taldau ortalığı ğılımi qızmetkeri

Abai.kz

 

 

0 pikir