Särsenbi, 16 Tamız 2017
Alañ 1463 21 pikir 17 Mamır, 2017 sağat 11:53

Säläfilik ideologiyanıñ ziyanı

 

El birligi, halıqtıñ tınıştığı qay memlekettiñ bolmasın eñ bastı qağidattarı men nazarda wstaytın mäseleleriniñ biri bolmaq. Birligi bar el azbaydı, birligi bar el tozbaydı demekşi eldiñ birligin wstap twru oñay jwmıs emes ekenin barşa jwrt biletin qwndılıq. Elimizde köptegen wlttar men wlıstardıñ basın biriktirip bir jağadan bas, bir jeñnen qol şığarıp basqarıp otırğan qazirgi sayasatımızğa sızat tüsirgisi keletin dini ağımdardıñ qaupi orasañ zor. Sonday ağımdardıñ biri kezinde uahhabilik, qazirgi kezde özderin säläfilik atauımen elge tanılğan ağım jaylı söz örbimek. Bir qızığı uahhabiler, yağni säläfitter är memlekette attarın özgertip jaqtastar jinağanımen zatı men dini tanımı özgermeytin qalpında qaluda.

Säläfilik ağımınıñ tarihına qısqaşa toqtalatın bolsaq, negizin XIIİ ğasırda Ibn Taymiya salğan, XVIII ğasırda Mwhammed ibn Abduluahhab (1704-1787) ilimin damıtqan. Mwhammed ibn Abduluahhab öziniñ eñbekterinde özderi siyaqtı senbeytin adamdardı küpirlikke ayıptap qarulı jihadqa ündegen. Özderin «säläfpiz» dep sanaytındar mwsılmandardı Allanıñ birligine şaqıru, islam dinin hwrafat-bidağat (dinge engen jañalıq) amaldardan tazalau, dinimizdi payğambar zamanındağıday yağni orta ğasır adamdarı sekildi ömir süru, arab älemin biriktiru siyaqtı dini fundamentaldı ideyalardı wranğa aynaldırıp, köptegen adamdardı tura joldan taydırğan. Säläfilik ağımınıñ şeyhı Mwhammed ibn Abduluahhab praktikada hanbali mazhabın wstanğanımen aqida (senimde) hanbali mäzhabı boyınşa dindi wstanbaydı. Mwhammed ibn Abduluahhab HVİİİ ğasırdıñ 40 jıldarınan bastap arab elderin biriktiru degen wranmen Dariya kentiniñ ämirşisi Mwhammed ibn Saudtı (Suğud) öz jolında küresuge şaqırıp, keyinnen dinastiyanıñ resmi ideologiyasına aynaldırıp, qazirgi kezge deyin olar barlıq jerde ökimetti qolğa alu jäne sol arqılı öz maqsatına jetu üşin toqtausız küres jürgizude. Al negizinde salafilik terminniñ anıqtaması «aldıñğı ötkender», «bwrınğılar» degen mağınanı beredi. Keybir islam ğwlamaları mwsılmandardıñ aldıñğı üş tolqının «säläfiler» dep atadı. Olar – sahabalar (payğambardı körgender), täbiğinder (sahabalardı körgender) jäne tabağa-täbiğinder (tabiğinderdi körgender). Bwl degenimiz «säläf» wrpağına VII, VIII, IX, ğasırlarda ömir sürgen izgi adamdar men Imam Äbu Hanifa, Imam Tahaui, Imam Şafiği, Imam Mäliki t.b. ğalımdardı jatqızsa boladı. Al, X ğasırdan bastap bizdiñ zamanımızğa deyin ömir sürgen islam ğwlamaların «häläf» - dep atağan. Oğan Imam Maturudi, Imam Aşari, Qoja Ahmet YAsaui t.b. kiredi.
Biraq qazirgi säläfilermiz degenderdiñ dini tanımı radikaldanıp qoğamğa ziyan tigizude. Olardıñ dini tanımdarı ötken ğasırdağı sahabalar men tabiğinderdiñ dini tanımdarına müldem say kelmeydi. Sebebi, Mwhammed ibn Abduluahhab «Kitabt-tauhid», (Senim kitabı), «Käşfuş-şubuhat», (Kümändi närselerden arıltu), jäne «Kitabul-usulis-säläsä», (Üş negiz kitabı) eñbekterinde tauhid (senim), şirk, bidğat (dinge engen jañalıq) dep özge wlttardıñ san ğasırdan beri islam dinimen wştasıp kele jatqan salt-dästürin haramğa, şirikke teñep öz wltınıñ dwşpanı qıluda. Wlttıq qwndılıqtarın bilmegen, onımen maqtanbağan azamattarda elge, jerge degen süyispenşilik sezimi joyıluda. Mäselen, Amerikandıq sarapşı Mark Seydjmannıñ zertteui boyınşa «Terroristerdiñ törtten biri ğana jağdayı tömen otbasınan şıqqan. Terroristerdiñ basım köpşiligi joğarı taptan şıqqan, jartısı orta taptan şıqqan, köbisi otbasılı, dini bilim alğandarı öte az, zañger, däriger, injenerler. Olardıñ terrorist bolu sebebi dästürli dini tanım negizinen ayırılıp, ne batıstıq mädenietti qabıldamadı nemese öz mädenietin bilmegendikten terrorist boldı» - dep twjırım jasağan. Sol sekildi qanşama qazaqtıñ qara köz qızdarı men wldarı tarihın, ata-babaları wstanğan dästürli dini tanımın bilmegendikten, jalğan dini ağımdardıñ jetegine ketip, biri Siriya men Irakqa ketip jatsa, endi biri tuğan elinde lañkestik äreket jasauda. Lañkesterdiñ negizgi maqsatı din üşin küres emes, kersinşe bilik pen baylıqqa jetu.
Sol sebepti säläfilerdiñ uahhabilik ideologiyası adamdardı özderiniñ toptarına tartıp, sanaların radikaldandıru üşin neşe türli qwytırqı aylağa baradı. Solardıñ biri – tuğan tuıstarınan, wlttıq biregeyliginen, soñında özi twrıp jatqan memleketin jat qılıp, öz eline qarsı soğısuğa ügitteydi. Qarulı jihadqa şaqırmas bwrın betaşar, sälem salu, as beru, qwran bağıştau, sekildi dästürlerdi şirk, haramğa teñep äbden sanaların ulap qoğamnan oqşaulaydı.

Biraq soğan qaramastan säläfiler (uahhabilik) özara sayasi mäselede birneşe toptarğa bölinude. Bwlay bölinui barlıq ağımğa tän qwbılıs. Payda bolğan kez-kelgen ağım uaqıt öte kele özara kelise almay tarmaqtarğa bölinetini aqiqat. Olardıñ bwlay bölinui birneşe sebepter türtki bolğan. Mäselen, amal etpegen jan «käpir me, älde mwsılman ba?», «käpirlermen odaqtasuğa bola ma, bolmay ma?» «basşığa bağınu», «patşanıñ sayasatın qoldau nemese qoldamau» sekildi äri aqidağa (senim), äri sayasatqa qatıstı mäseleler töñireginde kelise almay «madhalitter», «sururiler», «takfirler» bolıp bölinip ketken. Atalmış ağım ökilderiniñ wstazdarı men negizge alatın ädebietteri bir bola twra bir-birlerin adasuşılıqpen, küpirlikpen ayıptap, tek özderin ğana tura jolda jürgen mwsılman retinde sanauı, şın islam dinine jat närse. Al bwnday tüsinikti batıstıq ğalım E.Trel'ç aytpaqşı «Dini ağımdarğa tän qasiet, tek özderiniñ senimin ğana dwrıs sanaydı jäne qoğamnan oqşaulanıp jüredi», - degen. Qoğamnan oqşaulanıp, zamanğa say ömir sürudiñ ornına orta ğasırdağı adamdar sekildi ömir sürudi añsaytın säläfilerdi sıñarjaq, radikaldı dini ağım ekenin añğaruğa boladı. Elimiz damuşı memleket bolğandıqtan dini fundamentaldıq ideyalar elimizdi progresske emes, regresske aparatını aytpasa da belgili.

Sondıqtan elmizdiñ tınıştığı men tatulığın saqtau, damığan eldermen terezemizdi teñestiru maqsatında qoğamnıñ dini tanımın dwrıs qalıptastıru asa mañızdı. Bizdiñ dini tanımımız ata-babalarımız wstanğan jol üş twğırımızben tört qağidamızdı jandandıruda bolmaq. Al, üş twğır degenimiz hanifi mäzhabı, maturudi senimi, Qoja Ahmet YAsauidiñ dini tanımı. Qoja Ahmet YAsaui babamızdıñ dini tanımı tört qağidağa negizdelgen. Atap aytqanda, birinşi «zaman» zamanğa say ömir sür jäne jaña tehnologiyalarmen, inovaciyalardı igeru. Ekinşi «mäkän» yağni Otan dep tuğan eline jerine ayanbay eñbek etip halqınıñ süyikti wldarı men qızdarı bolu. Üşinşi «ihuan» yağni bauırmaldıq dep adamdardıñ wltına, näsiline, dinine, tüsine qaramastan qwrmet körsetip bauır twtu. Törtinşi «Rabta-swltan» basşığa bağına otırıp ädilettilikti talap etu.

E.Jaqıpov, Jambıl oblısı äkimdigi «Din problemaların zertteu ortalığınıñ» bölim basşısı

Abai.kz

 

 

21 pikir
Марат 2017-05-29 15:41:30
Расымен де ұлттық құндылықтарымызды жоққа шығаратын бұл ағысның қоғамға, мемлекетке зияны қаупі ұшан теңіз.....
Култаев Сержан 2017-05-19 10:28:40
Бар болайық, бір болайық, мемлекетшіл қазақ болайық! Ерзат бауырымыз дұрыс жазған қазақстандағы деструктивті ағымдарды ақтап алатын еш қандай орын жоқ, мемлекетке ірті салатын жат діни түсініктердің барлық түріне тосқауыл болады. Бөлінбеңдер, бірігіңдер! Ал, сопылықты соның ішінде Ясауи бабамыздың еңбегін Исматулланың жолымен жүргендермен теңестіруге ақымақ адамның ойы. Әрине әр діни танымды ұстанатын толық адам ғана қазақтың мұсылманшылық жолында қызмет жасаған бабаларымыздың еңбектерін пайдаланады, әрі негіз етеді. Сол үшін жалғансәләфизімді қолдап жүрген бауырларға болашағыңды ойлау қажет деп айтқым келеді. Алға Ереке Алла қызметіңе береке берсін!
Төре 2017-05-18 18:26:02
Абайдың Әкесі Құнанбай Қажы Меккеге 120 адамен барғанда, жергілікті халық кімсіздер? деп сұрағанда: - Жер үстіндегі билік, "Алдияр" ұранды Төреде, жер асты билік, "АллаҺ" ұранды Қожада - Қазақ деген елміз!, деген екен жарықтық қажы. Ескі Құндылықтарды менің Қазағым әлі ұмыта қойған жоқ! Ойланайық, Ағайын?
Мумин өтірікші болмайды деген Пайғамбарымыз с.а.с. Демек, өтірікті беті былш етпей айтатындар мумин емес. 2017-05-18 12:07:02
Қожа Ахмет Ясауи бабамыздың діни танымы төрт қағидаға негізделген. Атап айтқанда, бірінші «заман» заманға сай өмір сүр және жаңа технологиялармен, иновацияларды игеру ==== Өй, өтірікті соққыр! Қайта жаңа технологиялар мен инновацияға сол сәләфисымақтар ең жақын болып отырған жоқ па осы заманда! Жаңа технологиялар мен инновацияларды барынша әкеліп әлемдегі ең биік ғимараттарды салып жатқан сол сәләфисымақтар емес пе?! Ал Иассауи жолына ең жақын тәлібтер, сопылар заманға сай өмір сүру және жаңа технологиялар мен иновацияларды игеру былай тұрсын, телевизор көрсетпейді отбасында.
Мирлан 2017-05-18 12:02:44
Елміздің тыныштығы мен татулығын сақтау, дамыған елдермен тереземізді теңестіру мақсатында қоғамның діни танымын дұрыс қалыптастыру аса маңызды!
Аида 2017-05-18 11:40:47
елміздің тыныштығы мен татулығын сақтау мақсатында діни танымызды дұрыс таңдау керекпіз, ағым өкілдерінің сақтанайық достар.
Диди Диуана 2017-05-18 11:39:00
Қожа Ахмет Ясауи бабамыздың діни танымы төрт қағидаға негізделген. Атап айтқанда, бірінші «заман» заманға сай өмір сүр және жаңа технологиялармен, иновацияларды игеру. Екінші «мәкән» яғни Отан деп туған еліне жеріне аянбай еңбек етіп халқының сүйікті ұлдары мен қыздары болу. Үшінші «ихуан» яғни бауырмалдық деп адамдардың ұлтына, нәсіліне, дініне, түсіне қарамастан құрмет көрсетіп бауыр тұту. Төртінші «Рабта-сұлтан» басшыға бағына отырып әділеттілікті талап ету.-------------Мынау білгішсымақ данышпан да Иассауидің тарихат жолын біраз бұрмалап, дәлелсіз шығармаларын соққан екен. Иассауидің жолы қайта бұл дүниеге құмартудан, сүюден безіп, барынша жоқшылықта өмір сүру емес пе! Иассауи бабамыз осындай дінді бұрмалаушы, дінді ұстанбаушы дүмшелерден қашып жер астына қашқан.
Алмас 2017-05-18 11:35:26
Салафилер қазіргі заманда діни фундаменталтистер. Олар дінді тазалайқ деп, өздері бірдемені жаңадан шығарады. Біздін баурларымызды бұл жаман идеологиядан сақтайық
болат 2017-05-18 11:29:44
жихад дегеніміз ол алдымен өз нәпсіңмен күрес, бүгінгі ислам атын жамылғандар өздерінің саяси пиғылдарын жүзеге асыруды көздейді!!! біздің елімізде де халқымыздың бүтіндігіне кері әсерін тигізіп Отанымыздың тыныштығына кері ықпал етуі мүмкін, сол себепті олардың алды алу қажет
Айсулу Сапарова 2017-05-18 11:02:22
сәләфилер по сути нағыз девианттар. оларды қоғамнан оңашалау қажет өйткені олар біздің заңдарымызды, мәдениетімізді, дәстүрлерімізді, дінді дұрыс деп санамайды және қоғамызға қауіпті элементтерді (үгіттеу, заңсыз уағыздар) қолданып жатыр
Жайық 2017-05-18 10:25:27
Сәләфизм Қазақстан үшін №1 қауіп. Осыдан кейін болды ғой. Әңгіменің парқы түсінікті. Имамдар да шырылдап жатыр сәләфизм деген індетке жоламаңыздар деп. Сақ болайық....
Әбу 2017-05-17 22:31:52
Е.Жақыпов мырза және басқа ағайындар, "Свидетели Йеговы" деген бір діни ағым бар көрінеді, қазақтың түбіне жететіндер солар болады деседі, ондайдан хабарларыңыз бар ма?
Серикбай 2017-05-17 18:56:14
Стоит ли нам делать пожертвования муджахидам Сирии, чтобы они могли покупать провизию и оружие? Считается ли, что их джихад на пути Аллаха? Шейх Абдульмухсин Аль-Аббад, самый авторитетный шейх г. Медина Ответ: Есть надежда, что на пути Аллаха, есть надежда, что на пути Аллаха. И совершение пожертвований, желая сделать добро для них, посредством которых, они смогут подкрепиться и которые будут полезными для них - нет сомнений в том, что это благое дело"- дұрыс айтқансыз!!!!
ізденуші 2017-05-17 15:11:50
o Сәләфияның атақты шейхы сириядағы билікке қарсы соғысты Алла жолындағы жиһад деп отыр: АЛ СƏЛƏФИЛЕР БИЛІККЕ ҚАРСЫ ЕМЕСПІЗ ДИД, ЖƏНЕ СИРИЯДАҒЫ СОҒЫСҚА ҚАРСЫМЫЗ ДЕЙДІ. БҰЛ СОНДА ЕКІЖҮЗДІЛІК ПЕ НЕ?! Вопрос: Стоит ли нам делать пожертвования муджахидам Сирии, чтобы они могли покупать провизию и оружие? Считается ли, что их джихад на пути Аллаха? Шейх Абдульмухсин Аль-Аббад, самый авторитетный шейх г. Медина Ответ: Есть надежда, что на пути Аллаха, есть надежда, что на пути Аллаха. И совершение пожертвований, желая сделать добро для них, посредством которых, они смогут подкрепиться и которые будут полезными для них - нет сомнений в том, что это благое дело • http://www.al-afak.com/showthread.php?t=7114
ізденуші 2017-05-17 15:10:41
• Сауд Арабия патшалығының шейх Ибн Баздан алдыңғы муфтиі, Мухаммад ибн Абдулуаһһабтың шөбересі шейх Мухаммад ибн Ибраһим Əли əш-Шейхтің пəтуасы. Ол кісіге "Үкім шығаруда шариғатты емес, заңды басшылыққа алатын елді тастап кету (хижрат жасау) керек пе?", "Намаз оқымайтын адамдармен бір шаңырақта өмір сүруге бола ма?" деген сұрақтар жолданған. Ол кісі бірінші сұраққа: "Заңмен басқарылатын ел Ислам елі болып табылмайды. Ол жерді тастап кету (хижрат жасау) уəжіп" деп жауап берсе, екінші сұраққа: "Ондай адамдармен бір шаңырақта өмір сүруге болмайды. Оларға насихат ету керек. Насихатты қабылдамаса оларды тастап кету керек" деген жауап айтқан. (Мухаммад ибн Ибраһим Əли əш-Шейх. Фəтəуа уə рəсə-ил. - Мекке қаласы: Үкімет баспа үйі, 1399 һ.ж. VI том. Қажылық, жақсылыққа бұйырып,жамандыққа тыйым салу және жихад кітабы. 188-190 беттер. Пəтуа №1451,1453.») P.S Елімізден Сирия, Ирак, Ауғанстан секілді елдерге хижрат жасаған сəлəфилердің осы шейхтың пəтуасын алмағандығына кім кепіл?
ізденуші 2017-05-17 15:09:47
• "Кісі отбасын намазға шақырса, бірақ олар оның сөзін тыңдамаған жағдайда, олармен бірге тұрып, араласып жүре береді ме, жоқ әлде үйді тастап кетеді ме? - деген сауалға Сауд Арабиясы ғұламалар кеңесінің ғалымы Мұхаммад ибн Салих ибн Усаймин былай деп жауап береді: "Егер отбасы мүлдем намаз оқымаса, онда олар сөзсіз кәпірлер. Діннен безгендер. Ислам дінінен шыққан болып саналады. Мұндай жағдайда олармен бірге тұруға болмайды. Бірақ оларды дінге шақыру керек. Қайта-қайта, қоймай шақыру керек. Өйткені намазды тәрк қылған адам (Алла сақтасын) Құран, сүннет һәм сахабалардың сөзі негізінде кәпірге жатады. "Олармен үйленуге болмайды, олардың сойған малының етін жеуге болмайды, олар Меккеге және харам аумағына кіре алмайды, егер жақын туысқандарының бірі бақилық болатын болса, олардың дүние-мүлкіне мұрагер бола алмайды, тіпті намаз оқымайтын адам өлетін болса, оны жуып, кебіндемеуге және оған жаназа намазын оқуға, сондай-ақ, мұсылмандардың қабіріне жерлеуге болмайды. Ондай намаз оқымайтын адамды шөл далаға апарып шұңқыр қазып үстіндегі киімімен көме саламыз" "Уа, бауырларым! Мәселе өте қатерлі. Өкінішке орай кейбір кісілер бұл мәселеге жеңіл қарайды да намаз оқымайтындармен бір үйде тұрады. Бұлай жасауға болмайды", Мұхаммад ибн Салих ибн Усаймин, Хукму Тәрикус-Салати, 3-7 беттер, "әл-Мәктәбут-таъауний лид-даъуати уал-иршад, Рияд. P.S такфиризм проблемалары енді сәләфиядан шығып жатқан проблема екендігіне көзің жетті ме?
ізденуші 2017-05-17 15:09:11
"Адам мен Аллаһтың арасында толық болмаса да аздаған ұқсастық бар" дейді сəлəфилердің пірі Шейх Мухаммад ибн Салих әл-Усаймин. (Мухаммад ибн Салих 'Усаймин, "Шарх əл-'Ақыда әл-уаситыя", 110 бет) http://ahlusunna.kz/akyda/shapagat_syrau_jainda/?_utl_t=vk қай сахаба, қай сәләф Аллаһ пен адамның арасында аздап ұқсастық бар деген ақидада болды?! Бұндай сөзді тек христиандар айтқан: «Бог создал человека по образу и подобию своему» (Библия, быт. 1.26) ал ахли суннаның ақидасы мынау: «Оған ешнәрсе ұқсамайды» («Шура» сүресінің 11-ші аяты)
ізденуші 2017-05-17 15:08:34
Сәләфи ибн Баз Аллаһта неше саусақ бар деген сұраққа, Аллаһта 5 саусақ бар деп жауап берген. қай сахаба, қай сәләф Аллаһта бес саусақ бар деген ақидада болды? Тек яхудилер Аллада бес саусақ бар деген ақидада болған. міне ибн Баздың Аллахта бес саусақ бар деген жері оның "мəсəил əл-имам ибн Баз" атты кітабынының 27-інші бетінде айтады: мына САЙТТЫ АШЫП ең бірінші ссылканы бассаң сол мен айтқан кітап: http://www.kulalsalafiyeen.com/vb/showthread.php?t=23082
Дана Қазақ 2017-05-17 13:12:04
https://www.youtube.com/watch?v=z2HPxDvXV1Y&list=PLi7YQIILCkR_oS5icJ5V58f8afCxq-mx0
Мадай 2017-05-17 13:00:43
Сеним. Билим. Омир. деген бирлестик негизи осы псевдосалаф (уаххабилер) агымы мен куресип, Яссауи, Абай, Шакарим, жолын уагыздамап па еди? Енди он жыл откен сон солардын айтып кеткен создерин кайталап айтып , жазып ,журсиздергой. Сеним. Билим. Омир. ликтерди неменеге тасталканын шыгарып соттап, кудалалы сонда. Тусиниксиз..
Дана Қазақ 2017-05-17 12:45:31
ГЕРМАНИЯНЫ ХРИСТИАН ПАРТИЯСЫ БАСКАРЫП ОТЫР ГОЙ, БIЗДЕ ИСЛАМ ПАРТИЯСЫН КУРАЙЫКТА.

Üzdik materialdar

Ruhani jañğıru

Qanat Äbilqayır. Qarız ben Parız

Abai.kz 2862
Qauip etkennen aytamın

Qazaqstanda jürgen qıtaylar kimge süyenedi? 

N.Qoşamanwlı 7430
Ätteñ...

Wltqa qarsı kez-kelgen azamattı «jarnamalau» kerek

Äkeş Baybatır 23381