Senbi, 16 Jeltoqsan 2017
Osı ğoy endi... 1471 3 pikir 18 Mamır, 2017 sağat 09:14

Sotta qarnın tilip jiberdi

Sätpaev qalasınıñ twrğını Janbolat Ospanov Jezqazğan qalalıq sotınıñ ğimaratında sot şeşimine narazılıq bildirip, qarnın tildi. Ol özin zañsız jwmıstan şığardı dep «Qazaqmıs» korporaciyasın sotqa bergen.

Birer kün bwrın Qarağandı oblıstıq sotı qaulını onıñ paydasına şığarmağan. Jezqazğan qalalıq sotınıñ törağasımen kezdesudi talap etken Janbolat Ospanov sot ğimaratında policiyanıñ közinşe qarnın tilip, denesine jaraqat salğan.

Jezqazğan qalası auruhanasınıñ travmatologiya bölimşesi pacient tañğa deyin palatada baqılauda qaldı dep habarladı. «Onıñ jağdayı bir qalıptı, operaciya jasaldı. Qazir tek qadağalau kerek», - dedi däriger Rüstem Nısanbaev.

28 jastağı Ospanovtıñ özi telefon arqılı mwnday qadamğa ädildik izdeu üşin amalsızdan barğanın ayttı. Onıñ sözderinşe, oblıstıq sottıñ apellyaciyalıq alqası Jezqazğan qalalıq sotınıñ özin jwmısqa qayta ornalastıru turalı şeşimin joyğan.

«Kazahmıs» korporaciyası Janbolat Ospanov 2014 jıldan beri käsiporında slesar'-jöndeuşi bolıp, keyinnen kende maşinist bolıp istegenin habarlaydı. «Jwmısşımen kelisim Eñbek kodeksiniñ 52-babınıñ 1-tarmağı, 8-tarmaqşasına säykes (eñbek tärtibin bwzğanı üşin, jwmısqa kelmey qalğanı üşin) 2016 jıldıñ qazan ayında toqtatıldı», - delingen korporaciya jauabında.

Abay-aqparat

3 pikir