Senbi, 16 Jeltoqsan 2017
Qauip etkennen aytamın 1617 1 pikir 18 Mamır, 2017 sağat 09:26

Şındıqtı aytqanım üşin sottalamın ba?

Qazirgi adamdar mınanday bolıp alğan, özderi birnärseni bılıqtırıp-bılıqtırıp künä jasauda şekten şığıp aladı da, al endi oğan özge bir adam kelip qatesin betine aşıq aytıp, el-halqınıñ aldında äşkerelep tilip jiberse, onda dereu onı sotqa beredi. "Meniñ arıma tidi, iskerligime, bedelime nwqsan keltirdi" - dep, ottaydı. Ar men bedel tek qana solarda sekildi. Mısalı, ötkende jariyalanğan "wrlıq" mäselesindegi maqalamızğa baylanıstı Qoşanwlı Nwrlan degen azamat Talpaqov Mwhittıñ üstinen İİ Bölimine şağımdanıptı. Talpaqov Mwhittı Erjan esimdi tergeuşi tergeuge şaqırtıptı.

Dereu qimıldaytın İİ Bölimi qızmetkerleri Talpaqov, Qorğanbaevtar arızdanğanda nege däl osılay şiraq qimıldamadı? Bwl birjaqtılıq emes pe? 14 baptıñ "Zañ aldında adamdardıñ bäri birdey" degen jerin bilmey me eken älde? Bwl bir.

Ekinşi mäselede, közbe-köz halıqtı aldap, qızmetkerlerin negizsiz "stat'yamen" qızmetten qudalağan, Jıloy audanınıñ teritoriyasın lastap, ekologiyanı bwzğan, memleket qarjısın qımqırğan Ibıraev Baltabay şındıqtı jetkizgen Twrar Şapqaranıñ üstinen Jıloy audandıq sotına arız tüsirgen. Sot Twrar Şapqaranı mamırdıñ 19 şı jwldızına şaqırğan. Mınası tipten qızıq eken? Mal wrlap wstalğan wrılardıñ isinde "qılmıstıq fakti joq" bolıp twrğan zamanda, halıqtıñ soyılın soqqan Şapqaranıñ isi qılmıstan twnıp twr eken ğoy. Şapqara türmeniñ tübinde şiridi eken ğoy. Adam balası birnärse jasarda säl oylanu kerek edi, qazirgi jalğan namıstılar aqşa tölep wstap otırğan zañgerlerine "Mınanı sotqa ber" dep bwyrıq bere saladı. Sosın onıñ arğı jağı "Kimniñ nanın jeseñ - sonıñ sözin söyleysiñ" degenmen ayaqtaladı. Onda wrpaq üşin isteletin barlıq jwmıstardı ısırıp tastap, wrpaqqa önege retinde ömir boyı bir-birimizben bet jırtısıp sottasıp öteyik.

Halıqov atındağı mekteptiñ janındağı kölşikke aynalğan kanalizaciya las sularına, 8-auıldağı, OES mañındağı KNS janındağı kölşikke aynalğan kanalizaciya las sularına kim jauap beredi? Bwl mäselede Baltabay sütten aq, sudan taza ma? Jalğan namısın qorğauşı Baltabay zañ aldında jauap bergisi kelmeytin siyaqtı, onda halıq aldında jauap beretin boladı! Wlt, bolaşaq janaşırları!

Twrar Şapqara

Abai.kz

1 pikir