Jwma, 20 Qazan 2017
Dep jatır 3096 6 pikir 18 Mamır, 2017 sağat 12:30

Abai.kz-ke Qwlıbaev qojalıq ete me?

Jaqında Özbekstandıq "Ferğana" portalı Qazaqstannıñ aqparat keñistigine şolu jasaptı. Dälirek aytsaq, qazaqstandıq BAQ-qa kimder egelik etitinin jazğan.

"Qazaqstanda 2000-nan astam BAQ resmi tirkelgen. Jetkilikti qarjısı joq, materialdıq bazası osal. köbine-köp oblıs ortalıqtarında oranlasqan. Özindik kontentteri joq, sondıqtan qoğamdıq sanağa ıqpal ete almaydı. Qazaqstandağı aqparattıq-analitikalıq alañdı köbine astanalıq jäne sirek türde almatılıq BAQ basqarıp twr. Olar beligili bir toptıñ, wyımnıñ tikeley baqılauına alınğan", - dep jazadı

"Ferğana"."Ferğana" zertteuşileriniñ pikirinşe, qazaqstandıq BAQ birneşe adamnıñ ieligine tiesili eken-mıs.

 

Dariğanıñ media-imperiyası

«Ferğana» sarapşılarınıñ mälimetinşe,  Qazaqstandağı eñ alıp media-magnat –  Prezidenttiñ ülken qızı – Dariğa Nazarbaeva.

Dariğa Nwrswltanqızınıñ menşigine:

-«KTK» arnası (tolıq baqılau);

-«NTK» arnası (tolıq baqılau);

-«Evraziya – Birinşi arnası» (memlekettik «Qazaqstan» tele-radio korporaciyasımen işinara birlesken);

-«ON-TV» (tolıq baqılau);

-MuzzON (Armanjan Baytasovtıñ wyımımen birlesken tolıq baqılau);

-HIT-TV arnası (tolıq baqılau – D. Nazarbaevanıñ ülken wlı Nwräli Alievtiñ «Şahar» wyımına kiredi);

-«Alma-TV» kabel'dik televidenie (baqılau);

-ICON kabel'dik televideniesi (2017 jıldıñ naurızında A. Baytasovtıñ tobına qosılğanına baylanıstı tolıq baqılau);

-«Evropa plyus Qazaqstan» radiostanciyası (tolıq baqılau);

-«Hit-FM – Qazaqstan» radiostanciyası (tolıq baqılau);

-«Russkoe radio Aziya» radiostanciya (tolıq baqılau);

-«Classic FM» radiostanciyası (tolıq baqılau);

-«Retro FM» radiostanciyası (tolıq baqılau);

-Energy FM radiostanciyası (Nwräli Alievtiñ «Şahar» tobına kirgendikten tolıq baqılau);

-«Karavan» gazeti (tolıq baqılau);

-«Novoe pokolnie» gazeti (millioner Raşid Särsenovpen birikken işinara baqılau);

-«Forbes-Kazahstan» jurnalı (tolıq baqılau);

-«Moskovskiy Komsomolec v Kazahstane» gazeti (işinara baqılau);

-forbes.kz internet-basılımı;

-365info.kz (tolıq baqılau);

-caravan.kz  media-portalı (tolıq baqılau);

-zakon.kz inernet-portalı;

-nur.kz inernet-agregator (işinara baqılau) kiretin körinedi.

Qwlıbaevtıñ qolındağı media agenttikter

«Atameken» Qazaqstan palatası käsipkerler prezidiumınıñ basşısı Timur Qwlıbaevtıñ BAQ aktivteri de osal emes. Ferğana deregine köz jügirtsek, bwl basılımdardıñ qoğamdıq pikirlerdiñ qalıptasuına ıqpalı az emes, sonday-aq memlekettiñ sayasi jäne ekonomikalıq şeşimderin qabıldauda da ıqpalı zor.

-abai.kz internet-basılımı;

-Atameken Business Chanel telearnası; -

Central Asia Monitor gazeti;

-«Kapital» gazeti;

-«Kursiv» gazeti;

-«Jas Alaş» gazeti;

-«Komsomol'skaya pravda Kazahstan» gazeti;

-dialog.kz internet-basılımı;

-sports.kz internet-basılımı;

-contur.kz internet-basılımı;

-better.kz internet-basılımı;

-spik.kz internet-basılımı;

-bnews.kz aqparattıq-analitikalıq portalı;

-today.kz aqparattıq agenttigi;

-kaztag.kz aqparattıq agenttigi.

Qazaqstandıq media-magnattar tiziminde WQK Törağası Kärim Mäsimov pen milliarder Bolat Ötemwratov ta bar.

 

"Ferğana"  derekterdi qaydan aldı?

Özbekstandıq "Ferğana" agenttiginiñ derekteri jariya bolısımen qazaqstandıq äleumettik jeli qoldanuşılarınıñ külkisine qaldı. Şındıqqa janaspaytın bwnday aqparattı "Ferğana" qaydan aldı? Qanday faktilerge negizdeldi? Ökinişke oray agenttik sarapşıları bwl jaylı "läm-mim" demeydi.

"Ferğana" sarapşıları qazaqstandıq BAQ-qa taldau jasağanda, jañsaq pikir qalıptastırğan.  Köpke topıraq şaşıp qana qoymay, qazaqstandıq BAQ jwmısımen tolıq tanıs emestigin de añğarttı.

"Ferğana" turalı biz ne bilemiz?

Özderin Halıqaralıq aqparattıq agenttik dep tanıstıratın "Ferğana" turalı biz ne bilemiz?

2016 jılğa deyin Özbekstan biliginiñ cenzuralıq sayasatı köleñkesinde könbis küñniñ "deñgeyinde" jürgen "Ferğana" portalınıñ bas redaktorın bir ğana aqparat mäşhür etti.

Daniil Kislov deytin sarapşı "Ferğananıñ" bas redaktorı. Däl osı Kislov Özbekstan Prezidentiniñ qazası turalı jwrttan bwrın aqparat alıp, onı reseylik  sayttarğa jariya etti.

Osılayşa 2016 jıldıñ tamızına deyin ün şığarmay kelgen "Ferğana" portalınıñ redaktorı Daniil Kislov Reseydiñ sarjağal sayasatkerlerimen sıbaylasa otırıp, Özbekstannıñ Prezident apparatı jarsırın wstap otırğan aqparattı jayıp saldı. "Ferğananıñ" tındırğanı osı demesek, basqa auız toltırıp aytarğa sebep te joq.

Özbekstandağı "Ferğana" portalınıñ Kreml' aytağımen jüretini belgili. Äsirese, Kreml'diñ şolaqbelsendi sayasatkersımaqtarımen ım-jımı bir.Şovinistik äm basqınşılıq sarındağı materialdardı jii jariyalap twradı.

Däl soı "Ferğananıñ" bir büyirli materialı üşin Qırğız deputattarı sayttı bwğattaudı wsınğan.

Kreml' nwsqauımen äzirlengen material

"Ferğana" portalı qazaqstandıq milliarder Timur Qwlıbaevtı  "Abai.kz" portalınıñ qojayını dep körsetipti. Bwl jalğan aqparat. "Ferğananıñ" bwnday aqparattı qaydan tapqanı Qwdayğa ğana ayan. Degenmen, Kreml'diñ aytqanımen jürip, aydauına könetin Kislovtıñ saytı bir şabuıldı bastap ketse kerek.

Eldegi qazaqılıq koeficenti 80 payızdan asu, qazaq tiliniñ  dominant tilge aynaluı ıqtimaldığınıñ ösui, memlekettik biliktiñ kirilica jazuınan bas tartıp, latın älipbiine köşui, Qazaqstan men Özbekstan arasındağı baylanıstıñ artuı, geosayasi jağdaylar, wlttıq qwndılıqtarğa basa nazar bölinui t.b. qazaq qoğamında orın alğan soñğı özgerister Kreml'ge wnamasa kerek. Aşıq şayqasqa şığa almaytın orıs qojayındarı gibridtik şabuıldı negizgi propogandalıq ortalıq - Kreml'diñ Özbekstandağı filialı "Ferğanağa" jasatıp otıruı mümkin. Biz osılay dep tüydik.

Nwrzat Toqajan

Abai.kz

6 pikir
Төре 2017-05-20 17:30:57
Әзірше Абайдың ӘРУАҒЫНАН қаймығып жүрген болар ... Тірі болсақ күндердің-күні Абай кз де "БҰҒАТТАЛДЫ" дегенді естиміз! Немесе зорлап сатып алынады! Күтелік ...
Шалхар 2017-05-19 00:22:55
abai.kz. шыныменде Құлыбаевтың медиасы дегенге сенугеде болады. Былтыр жер туралы Абай.кз. кімнің жыртысын жыртқанын білеміз. Сонымен қатар Айдос сарым жақында мемлекеттік мекемеге жұмысқа жегілді емес пе?
Бекжан 2017-05-18 21:43:08
Орыстілді Кулибаев қазақы адамдарға еш ұнамайтыны анық. Абай кз қожайыны Кулибаев деу арқылы Путиндік Ресей бірнеше мақсатқа қол жеткізбек болар. Қазақ халқының және Қазақ Мемлекетінің жанашыры болып жүрген Абай кз сайтына соққы беру. Халықтың Назарбаевтың жақындарына деген жеккөрушілігін күшейту арқылы оларды болашақта өз мемлекетіне қарсы бүлікке дайындау.
Бекжан 2017-05-18 21:42:57
Орыстілді Кулибаев қазақы адамдарға еш ұнамайтыны анық. Абай кз қожайыны Кулибаев деу арқылы Путиндік Ресей бірнеше мақсатқа қол жеткізбек болар. Қазақ халқының және Қазақ Мемлекетінің жанашыры болып жүрген Абай кз сайтына соққы беру. Халықтың Назарбаевтың жақындарына деген жеккөрушілігін күшейту арқылы оларды болашақта өз мемлекетіне қарсы бүлікке дайындау.
жəй Қазақ 2017-05-18 21:11:12
Күдіктену бекершілік, ҚР ақпараттық кеңістік КӨКЕМнің отбасына қарайтыны хақ. Саяси ақуал өзгерсе қалай сөйлеп, кімді ұлықтап кететіні бір Құдайға аян. Кімнің меншігі болса да, сайтты ұсыну форматы өзгергеннен бері, саясаты да өзгерді. Жұмсақ, сарай сайтына айналды, "ұнамсыз пікір" жоғалып кетуі жиіледі. Өткір пікірлі, білімді оқырмандар бар еді ада болды, орнын қиқым-сиқым, "провокаторлар" басуда. Ешкімнің "Басын мүжу" үшін емес, "Ауруын жасырмасын" деп, Ел ішіндегі басқа пікірді жеткізсек Ем болама деген ниет.қана.
Арсен 2017-05-18 13:06:29
Дәл соы "Ферғананың" бір бүйірлі материалы үшін Қырғыз депутаттары сайтты бұғаттауды ұсынған. Сиздин макаланыз еки буйирли екен..

Üzdik materialdar

Ruhani jañğıru

Qanat Äbilqayır. Qarız ben Parız

Abai.kz 7759
Qauip etkennen aytamın

Qazaqstanda jürgen qıtaylar kimge süyenedi? 

N.Qoşamanwlı 15034
Ätteñ...

Wltqa qarsı kez-kelgen azamattı «jarnamalau» kerek

Äkeş Baybatır 29054