Senbi, 16 Jeltoqsan 2017
Aqmıltıq 1149 1 pikir 18 Mamır, 2017 sağat 12:57

Şegirtkeler şerui EKSPO-ğa qonaqtardan bwrın kelip twrmay ma?..

Şegirtke şabuılınan qorğanudı wsınğan deputat oblıs basşılığınan wrıs estip, jalamen sottalıp otır…

Astana halqı 1999 jılğı bükil respublikanı şarpığan «şegirtke şapqınşılığı» kezinde täuligine 500 şaqırım jerge deyin alatın bwl jändiktiñ  Elordamızdı da basıp alğanın wmıta qoyğan joq bolar. Sol künderi onıñ Jänibek Käripjanovtı «Auıl şaruaşılıq ministri» degen biik lauazımımen qoştasuğa mäjbür etkeni de esimizde…

Sol şegirtke biıl tağı Oñtüstik Qazaqstan oblısına su tasqınınan da jaman apat bolıp twr. Sarıağaş, Şardara, Arıs audanınan habarlasqan el azamattarı ne deydi: «Şegirtke egindi bauday tüsirip baradı. Ötken jılı bizdiñ deputatımız Amankeldi Sopbekov (oblıstıq mäslihatqa eki ret Sarıağaştan, bir ret Şardara audanınan saylanğan deputat – avtor) «Şegirtkege jem bolmayıq!» dep şırıldağan bolatın. Biraq, sol kezdegi oblıs basşılığı dereu qoldau körsetu ornına jinalıstağı köpşilik aldında: «Sen bekerge elge ürey tuğızba, eşqanday da şegirtkeden tönip twrğan qater joq!»  dep wrsıp, basıp tastağan edi. 2008 jılı da Amankeldi Sopbekov şegirtkeni aytamın, jurnalisterdi şaqıramın dep, basşılardan tayaq jegen bolatın…

Bıltır qanşa dihan egininen ayrıldı! Qanşa jeke şarua bankten alğan qarızın ötey almay qaldı. Al, biılğı jağday odan da jaman. Öytkeni, bıltır jaz jauındı bolıp, şöp öte qalıñ şıqtı-dağı, şegirtke twqımın köp jerge tastadı. Endi biıl dalanı qoyıp, auılğa kirip jatır. Biraq, «şegirtke şabuılğa şığadı!» dep şırıldap jürgen deputattardı körmeymiz. Al, biz saylağan halıq qalaulısı jalamen sottalıp, üyinde jwmıssız otır eken…

Biz onıñ qanday ayıp, künäsi barın bilmeymiz, biraq, Qarttar üyi men Balalar üyin eki jıl etpen qamtamasız etken, Sarıağaş audandıq Ardagerler keñesine Audi-6 avtoköligin satıp äpergen, jetim-jesirdiñ qolın qaytarmay, kömek körsetip jürgen, Sarıağaş audanındağı «Intımaq» auılında bwzaqı täjik öltirgen qazaq jigittiñ otbasına qol wşın sozğan, onıñ jeti kündik, qırıqkündik, jıldıq asın kötergen, deputat retinde «Intımaqta» ıntımaq, birlik bolsın dep bir ay bitimgerşilikte jürgen, bıltır Aqtöbede äskeri borışın ötep jürip qayğılı qazağa wşırağan şardaralıq soldat jigittiñ de otbasına (2016 jılı Şardara audanınan saylanğan deputat retinde) järdem bergen, elge öte köp qayırımdılıq körsetip jürgen jan ekenin jaqsı bilemiz. Bir meşit salğan, 34 meşitti jöndeuden ötkizip bergen janı izgi jannıñ isiniñ aq-qarası anıqtalsa eken, ädiletsizdikke jol berilmese eken. Bizdiñ osı ötinişimiz QR Joğarğı Sotınıñ Törağası Qayrat Mämi mırza men QR Bas Prokurorı  Jaqıp Asanov mırzalardıñ qwlağına şalınsa eken deymiz» deydi Marat Bekşoraev, Äbutälip Saymahanov, Twrdalı Eskerov sekildi auıldağı el ağaları.

Şınında da, Amangeldi Sopbekov 2015 jılı wlttıq «Altın jürek» sıylığınıñ «Jıldıñ qayırımdı adamı» nominantı.  Sodan beri onı jaqsı biletinder «Altın jürek Amangeldi» dep ataydı. Onıñ qayırımdılıq is-şaralarınıñ şet-jağasın ğana atap öter bolsaq, olar:

-2006 jılı Kelestegi su tasqını kezde bir auılğa 2 KamAZ wn tarqatıp, nanmen qamatamasız etken;

– mektep salğan;

-OQO Maqtaaral audanında 3 köpir salğan;

-Darbaza aulına auız su kirgizuge 2,5 mln.teñge bölgen;

-2010 jılı ŞQO, Tarbağatay audanınıñ tasqınnan zardap şekken 500 üyine wn men azıq-tülik jetkizip bergen;

-Arıs qalasınıñ № 1 Täjibaev atındağı balalar üyine 2010 jılı 50 qoy, 2014 jılı Ramazan ayında oblısımızdıñ 16 meşitine 5 qoydan 80 qoy bergen, t.t.

Şardaralıq azamattar Sırdariyanıñ sol jağındağı egistik jerlerde şegirtkege qarsı naqtı küres jürgizilgenin, biraq, aldağı bir-eki aptada Sarıağaş audanına qaraytın Bozay auıl okrugi aumağınan, sonday-aq Arıs audanı jağınan şegirtke şabuılına wşıraymız ba dep alañdap otırğanın jasırğan joq. Al, Bozay, Jambıl, Älimtau auıl okrugindegiler şegirtkeniñ şındap jetilip wşuı äli alda, mamırdıñ 25-inen keyin bastalatının aytadı. «Qıstan aman şıqqan şegirtkeler sanı jıldağıdan 3-4 ese köp. Onıñ qalıñ sepken twqımı qayta-qayta bas köteretindikten, bıltır az qarjımen betin qaytaruğa bolatın jauğa biıl sonşa ese artıq şığın jwmsalıp jatır. Kün äli qattı ısığan joq, qattı ısığan kezde onıñ bäri dür etip köteriledi» deydi mamandar.

Oñtüstikte egis alqabın tauısqan şegirtkeler endi jusandı otap jatır: https://www.ktk.kz/kz/news/video/2016/06/13/70093 

Al, Arıs audanındağı dihandardıñ ahualı qanday ekenin tilmen aytıp jetkizu qiın. Onı tek mına beynetüsirilimderdi körgen adamdar ğana şın sezine aluı mümkin…

Bügingidey beyqamdıq Astana halqın tağı da şegirtkege talatuı äbden mümkin. 25 künnen keyin sän-saltanatpen aşılatın EKSPO-2017-ge şeteldik märtebeli qonaqtarmen birge şegirtke de qaptap kirip jatsa tañğalmañız. Sebebi, «jaudı körmey twrıp qorıq» dep aldın-ala dabıl qağatın eldiñ janaşır azamattarı üyqamaqta otır.

Şegirtkege şekara joq..

Şuaq Aybaltawlı

Abai.kz

1 pikir