Senbi, 16 Jeltoqsan 2017
Jañalıqtar 4022 4 pikir 18 Mamır, 2017 sağat 15:29

Asanov pen Mämi ünsiz... Elbasınıñ raqımşılığı saudağa tüsip jatır

Osı el Jaqıp Asanovtı öte jaqsı köredi. Qayrat Mämidi qara qıldı qaq jarar ädil adam dep biledi. Qoğamdağı ädiletsizdikke şıdamağan är adam sol kisilerge hat jazıp, öz qwqıqtarınıñ bwzılıp jatqanın aytıp şağınadı. Biıldıñ özinde Abai.kz aqparattıq portalına eki birdey kisi ölimine qatıstı material jariyalandı. Ekeui de osı twlğalarğa aşıq hat ülgisinde jazılıp, qoğam talqısına tüsti. Eki oqiğanı da zañ adamdarı tigisin jatqızıp, Elbasınıñ täuelsizdiktiñ 25 jıldığına arnağan raqımşılığına ilip jibergen.

(Birinşi maqala: ELBASINIÑ RAQIMŞILIĞIN «SAUDALAYTINDARDI» JAZALAUIÑIZDI SWRAYMIN, ASANOV MIRZA!

Ekinşi maqala: Qırqınan şıqpağan qızdıñ janayqayı Qayrat Mämige jete me?).

Adam ölimin raqımşılıqqa ilu, osı mäselege Elbasınıñ sayasatın tikeley kinäli etu tek zañ adamdarınıñ ğana qolınan keletin is. QR Prezidentiniñ şapağatın saudağa salıp, jäbirlenuşi taraptıñ köz jasına sebepşi bolğandardı jazalauğa kelgende el maqtağan Asanov pen Mämi qauqar tanıta almay qaldı.

Qazir zañ qızmetkerleri basqanı bılay qoyıp, Elbasınıñ raqımşılığın saudalaytındı şığardı. Bükil Qazaqstandı şulatqan osı eki oqiğağa QR Bas Prokurorı Jaqıp Asanovtıñ Joğarğı sottıñ törağası Qayrat Mämidiñ läm demeuiniñ astarında ne jatır? Bas Prokuror men Sot törağasınıñ ündemey qaluı – qoğamnıñ minezin bilgendiginen, bügin şulağan jwrt erteñ mwnı wmıtadı dep oylauınan bolıp otırsa kerek.

Bwl qwziretti qızmettegi azamattarğa jarasatın qılıq emes. Elbasınıñ atı atalğan, ol kisiniñ sayasatına köleñke tüsiretin är iste ärkim abay boluı tiis.

Jaqıp Asanov pen Qayrat Mämi auzınan ot şarpıtıp söylegende wltşıl, qanşıl, qazaqşıl azamat bolıp körinedi. Biraq, söyte twra Elbasınıñ raqımşılığın saudalap jatqandarğa jaq aşa almağandarı olardıñ azamattıq twlğasınıñ el oylağanday kemel emes ekenin körsetti.

Bwl atalmış eki kisiniñ şın mäninde jigersizdigin bayqattı. Ärine, elimizde mwnday qılmıstar kün sayın bolıp jatqanı ras. Onıñ bäriniñ isin Bas Prokuror men Sot törağasınıñ qaray alması da anıq. Biraq, Prezidenttiñ raqımşılığına sın aytılğan kezde, Asanov pen Mämidiñ janı mwrnınıñ wşına keluge tiis bolatın. Elbasınıñ ädemi sayasatına köleñke tüsirip, ölgen adamnıñ qanınan aqşa jasap jatqandardı jazalaudıñ ornına, basın qwmğa tığıp, «men estimedim, men körmedim» dep otıru isker adamnıñ isi emes. Elbasınıñ raqımşılığı qanday jağdayda bolmasın, adam ölimine qatıstı qoldanılmauı kerek. Qazaqstan Respublikasınıñ azamatın qasaqana (yaki abaysızda bolsın) öltirgen qılmıstınıñ tım qwrısa birer ay türmede otırmauı – bükil jüyege degen narazılıqtı küşeytedi.

Bir ğana Jañaözen oqiğasın alayıq. Altı ay boyı alañğa şıqqan halıqtıñ mwñ-mwqtajın eşkim tıñdauğa qwlıqtı bolğan joq. Aqır soñı qantögispen ayaqtaldı. Memlekettiñ sayasatına degen senimdi setinetken osı oqiğadan Asanov pen Mämiler sabaq aluğa tiis edi.

Bügin kisi ölimine sebepkerlerdi jazadan bosatsaq, erteñ büldirşinderdiñ tağdırın tas-talqan etken pedofilderge raqımşılıq jasarmız.

Mwnday jağdayattıñ bäri halıq kökeyine kek bolıp qata beredi. Ol kek, aşu-ıza jarılsa, onıñ bärine Bas Prokuror men Joğarğı sot törağasın kinalar da kez tuuı mümkin. Osı eki oqiğağa narazı tarap erteñ qazaqı jolmen qılmıskerlerdi jazalar bolsa, onıñ obalı da Jaqıp Asanov pen Qayrat Mämige boları anıq.

Sondıqtan da, keş bolmay twrıp, bwl twlğalardıñ bilek sıbanğanı kerek. Keşe bizge atalmış maqalalardıñ avtorı habarlastı. Eki oqiğağa da prokuratura tarapınan kömek bolmaptı.

«Biz ädil zañğa senip edik. Sengen zañımız senimdi aqtamadı» deydi olar.

Senimderdiñ aqtalmauı memlekettik deñgeydegi şeneunik mırzalarğa abıroy äpermeytinin bilip, osı maqalanı jazudı jön sanadıq. Äzirge osımen toqtay twrudı jön sanadıq. Dese de bwl mäselege qatıstı aytarımız äli de tausılmağanın eskerte ketudi jön sanaymız.

Şäriphan Qaysar

Abai.kz

4 pikir