Jwma, 28 Şilde 2017
Bilgenge marjan 916 7 pikir 19 Mamır, 2017 sağat 10:02

Eldiñ eñsesin eñbek köteredi

Qazirgi ğılım men jaña tehnologiya jetilgen zamanda ekonomikalıq damu ruhani damudı basıp ozdı. Bügingi küni tek qana qoğamnıñ zattıq swranısın qanağattandıratın, jappay jaylı ömirdi nasihattaytın «damığan» elderdiñ sayasatı onıñ müşelerin bir-birimen baylanıstıratın adamgerşilik, meyirimdilik, qayırımdılıq, obal, sauap, qanağat, raqım, adaldıq, kişipeyildilik, eñbekqorlıq siyaqtı adamzattıq izgi qwndılıqtardı ayaqastı etude. Ruhani damuı kenjelegen qoğam aşközdikke wrınıp, azğındaytınına tarih kuä. Sondıqtan, qay kezeñde de adamzat igiligi men el damuın qamtamasız etetin eñbek tärbiesine köñil bölu kerek.

Jahandıq dağdarıs eşbir eldi tasada qaldırmaytındıqtan, älem elderiniñ küş biriktiruin uaqıt talap etude. Degenmen, ärbir el özinşe ärekettenbey, jahandanğan älemnen ortaq wstanım izdep, özgeden berekeli bastama kütse, onda wtılatını anıq. Ekonomikalıq täuelsizdigimizge de köleñke tüsirgisi kelmeytin Elbasımız «Äleumettik jañğırtudıñ jahandıq trendin» oylap, «Qazaqstannıñ äleumettik jañğırtıluı: Jalpığa Ortaq Eñbek Qoğamına qaray 20 qadam» attı bağdarlamasın wsınğanı belgili.

Kelmeske ketken keñestik kezeñnen qalğan twtınuşılıq piğıl qoğamda masıldıq psihologiya qalıptastırdı. Jahandıq dağdarıstıñ bastı sebebi de äleumettik masıldıq bolğanın ayta kelip, wlt köşbasşısı: «Jalpığa Ortaq Eñbek Qoğamı ideyası köz jetpeytin kökjiekte oylap tabılmağan. Bwl – praktikalıq, pragmatikalıq ideya. Ol mağan tipti etene jaqın, öytkeni, men qazaqstandıqtar jaqsı biletindey, özimniñ käsibi jolımdı «aq sausaqtar» sekildi kabinette de, parkette de emes, jwmısşı-metallurg bolıp bas­tadım», dep «Jalpığa Ortaq Eñbek Qoğamı» attı sındarlı ideya wsındı.

Onda eñ birinşi twtınuşılıqqa beyimdelgen ideologiyamen, jappay masıldıqpen küresu üşin ärbir qazaqstandıqtıñ eselengen eñbegine, eñbek önimdiligi men eñbek qwndılığına basa män beru qajettiligi sarabdaldıqpen taldanğan. Demek, ärbir qoğam müşesi «eñbek etseñ erinbey, toyadı qarnıñ tilenbey» qağidatın tereñ tüsinip, adal eñbek etuge ärekettenu kerek.

Memleket basşısı sol bağdarlamada wlttıñ bäsekege qabilettiligin arttırıp, eldi wyıtatın mäselelerdi ayqındap, «Jalpığa Ortaq Eñbek Qoğamına» qaray qadam jasau arqılı ğalamdı jaylağan dağdarıstan qorğanuğa bolatının jan-jaqtı taldap tüsindirgen.

Eldiñ eñsesin köteretin igi bastamanıñ mañızın qoğamnıñ ärbir müşesi tüsinip, äleumettik jañğırtuğa şaması kelgenşe üles qossa, ol özi üşin de, elimiz üşin de tiimdi. Kim ne beredi dep jaltaqtağannan, ärkim qolınan keletin ispen aynalıssa, ömiri berekeli bolatını ayqın.

Älemdik örkeniettiñ bar­lıq qwndılıqtarı, mädeni bay­lıqtar adam eñ­begimen jasalatındıqtan, äleu­mettik jañğırtu da önimdi eñ­bektiñ arqasında jüzege asadı. Bükil qoğam adal eñbekke bet bwrıp, tınımsız ärekettense, azamattardıñ twrmısı tüzelip, memlekettiñ damu deñgeyi artatını mälim. Mwnday igilikke bastaytın jol – masıldıqtan arılu.

Äleumettik jañğırtu bükil qoğamnıñ, ärbir qazaqstandıqtıñ ömirine şınayı oñ özgerister äkeluge bağıttalğan naqtı qadamdar jasaudı, sonı sezindiretin şeşimderdi talap etedi. Bwl jañğırtu qoğamnıñ ärbir müşesiniñ ömirin jaqsartuğa bağıttalğanın tereñ tüsinse, ärkim özi üşin qimıldaydı. Az jwmıs istep, köp tabıs tabu, jan qinamay baylıqqa batu sekildi aldamşı oylardan arılıp, igilikke jetudiñ oñtaylı joldarın oylastıratın uaqıt jetti. Sağım quğanday aldamşı elespen jürudiñ küni ötkenin, ärkim qolınan keletin ispen aynalısıp, qabiletine qaray eñbektense, ol nätijesiz bolmaytının qazirgi tañda är adamnıñ sanasına jetkizu öte mañızdı.

«Jalpığa ortaq Eñbek Qoğamınıñ» bağdarlamasında körsetilgendey, äleumettik jañğıru üşin qoğamdı industriyalıq-innovaciyalıq ekonomika jağdayındağı jaña ömirge dayındau, Qazaqstannıñ üdemeli ekono­mi­ka­lıq damuı men keñ kölem­di igiliktermen qamtamasız etu jolındağı oñtaylı tepe-teñ­dik ornatu, qwqıq pen ädilettilik qağidat­tarı­na negizdelgen äleumettik qatınastardı bekitu, sonday-aq jeke sektor men käsibi birlestikterdiñ äriptestigin jolğa qoyatın äleumettik-eñbek qatı­nasınıñ tiimdi ülgisin qwru mañızdı.

Ol üşin jergilikti basqaru organdarı azamattar­dıñ äleumettik bastamaların jüzege asıratın öz mindetterin adal atqarıp, qoğamdı zamanğa beyimdeytin altın köpir bolğanı abzal. Sonday-aq, ğalamtor men aqparattıq tehnologiyanıñ mümkindikterin tiimdi paydalanıp, memleket pen halıqtıñ arasında tığız baylanıs ornauına mümkindik jasasa nwr üstine nwr. Sonda innovaciyalıq ekonomikanıñ bastı qozğauşı küşi orta taptıñ üzdiksiz ösuine, tıñ ideyalar men tiimdi jañalıqtar oylap tabatındardıñ damuına jan-jaqtı mümkindik tuıp, eñbek önimdiligi artadı.

Elbası jañğırtu ürdisiniñ tabıstı boluına qajetti qağidattardı da evolyuciyalıq (mümkindikterdi paydalana otırıp jüyeli damu), ortaq jauapkerşilik (memleket qana emes, jekemenşik qwrılımdar men jalpı qoğam), äriptestik qarım-qatınas (memlekettiñ, qoğamnıñ jäne jeke adam müddesiniñ tepe-teñdigi), ıntalandıru (azamattardıñ mümkindigi jetpeytin jağdayda ğana memleketten järdem alıp, qolınan keletin şaruanı özi atqaruı, memlekettiñ tabıstı eñbekti qoğamdıq ıntalandıruı), käsibilik (şeşim qabıldamay twra, egjey-tegjey esep jürgizip, ğılımi däleldengen älemdik täjiribeni oqıp-üyrenu) jeke-jeke taldap, mañızın  tüsindirdi.

Josparlanğan jwmıs jüyeli jüzege asıp, naqtı ekonomikalıq tabıstar äkeletin jañğırtuğa, ol jañğırtu industriyalıq-innovaciyalıq damuğa negizdelse ğana jemisti bolatını Jalpıwlttıq twjırımdamada aytılğan, industriyalıq-innovaciyalıq damusız eşqanday jañğırtu bolmaytının qazir közi qaraqtı, köñili oyau adamnıñ bäri tüsinse kerek.

Halıqtıñ äl-auqatın jaqsartıp, eldi körkeytudiñ eñ töte jolı – totalitarlıq jüye qalıptastırğan jappay twtınuşılıq piğılmen jäne masıldıq sanamen küresu. Wlttıq ruhaniyat pen eldiñ ekonomikalıq twraqtı damuına negiz bolatın jalpıadamzattıq qwndılıq – eñbekti aldıñğı orınğa qoyıp, mazmwnın qayta jañğırtu memleket üşin mañızdı. Eñbek – eldiñ de, jeke adamnıñ da ösip-örkendeuiniñ kepili.

«Jal­pığa Ortaq Eñbek Qoğamı» ideya­sı qoğamdı damıtatın eñbekke basa män berip, el igiligi men jeke bastıñ auqattı ömirin qamtamasız etetin qajır­lılıqqa şaqıradı. Halıqtıñ äl-auqatı jaqsı bolsa, memlekettiñ de keleşegi kemel bolatını belgili.

Soñğı jıldarı eldegi öndiristerdiñ köptep aşıluı jwmıs orındarına degen swranıstı qanağattandırğanmen, keyde maman men jwmısşı tapşılığına qatıstı mäsele tuındap jatadı. Osı orayda Elbasınıñ: «Eger bizdiñ qa­biletti wlt bolğımız ke­letindigi ras bolsa, bwl psiho­logiyadan arılu qajet! Jaña bilik­tilikti meñgeru jäne zauıt­qa, ön­diriske baru kerek. Qazaqstandıq jas bolsın, eresek bolsın bos otırıp, bärin sınay bermey jw­mıs bar jerge, näpaqa tabatın jerge qaray wmtıluları kerek!» degen pikiri oyğa oraladı.

Jalpı, transwlttıq kompaniyalardıñ älemdik narıqtı meylinşe az uaqıtta barınşa keñinen jaulap aluğa jantalasa wmtıluı, jahandıq iri mädenietterdiñ wsaq mädenietterdi jwtıp qoyu qaupiniñ uaqıt ötken sayın artuı, ekonomikalıq täueldi elderdiñ öz tili men dilin, mädenieti men bolmısın saqtap qalu qabileti älsirep bara jatqan mına zamanda Qazaqstannıñ da jarqın bolaşaqqa tek ekonomikanı damıtumen ğana jetui mümkin emes ekenin tüsinip, ekonomikalıq damuğa küş beretin ruhani quattılıqtı arttıruğa ärbir qazaqstandıq üles qosuı mañızdı. Ol üşin qoğamnıñ eñbekşi küşiniñ sanasın jañğırtıp, qoğamdıq sananı özgertuge wmtılu kerek. Qoğamdıq sananı özgertu – qoğamdı özgertumen bara-bar, sondıqtan qoğamdıq sananı özgertuge ıqpal etetin qazaqtıñ wtımdı sözderin ornımen jwmsap, halıqqa tüsinikti äri jüyeli jetkizu mañızdı. Narıqtıq ekonomikağa beyimdelgen qoğamdıq qatınastardı retteu barısında eñbekke basımdıq beru jeke adam üşin de, qoğam üşin de tiimdi bolatının qarapayım halıqqa qarapayım tilmen tüsindiru qajet. Özine paydalı närse wğımdı sözben aytılsa, kez kelgen adam qwlaq türedi.

«Jalpığa ortaq eñbek qoğamın» qwrıp, köpşilikti özi üşin de, eli üşin de önimdi eñbekke jwmıldırıp, onıñ nätijesin bükil qoğamnıñ ortaq igiligine paydalanu üşin ötimdi oylardı jüyeli sözben jetkize aytudıñ mañızı zor. Öytkeni, qazirgi zamandağı bastı mäselelerdiñ biri – öz ideyalarıñdı tıñdauşılarğa oramdı tilmen jetkize bilu. Uaqıt swranısına layıq, zaman talabına say bolu üşin de qoğamğa qajetti osı biliktilikti ärkim öz boyında damıtıp, söylegende negizgi üş maqsattıñ orındaluın (tüsindiru, sezimin oyatu, tolqıtıp-tebirentu) qadağalau kerek.

Wlttıq qwndılıqtar men qoğamdıq özgeristerdi sabaqtastırıp, ürdisti üzbey, dästürdi bwzbay, tildi şwbarlamay, eñbekke ikemdi wrpaqtı tärbieleu üşin jüyeli sözdi ornımen qoldana bilu – uaqıt talabı. Aqıl-oy tärbiesiniñ bastau-bwlağı söz öneri älsirese, wlt ta älsireydi. SÖZ – qazaq üşin qwdiretti küş. Osı küşpen öskeleñ wrpaqtı ruhani bayıtıp, adal eñbek pen käsipkerlikke jwmıldıru – qay jağınan alğanda da tiimdi.

Söz salmağın wğınğan qazaq – tabiğatınan eñbeksüygiş halıq! Janı taza, nieti adal qazaq aram jolmen tabılğan nandı dastarqanına qoymağan, küdiktense, bötenniñ dastarqanınan däm tatpağan. Alla molınan nesibe berse, şükirlik etip, az berse, qanağat qılğan. «Eñbek etpegen işip-jemeydi» degen babalarımız aramtamaqtardı «jalqaudıñ janı – tätti» dep mısqıldasa, özgeniñ eñbegin paydalanatındardı «aramtamaq» dep bağalağan.

Dana halqımız «Eñbektiñ nanı – tätti» dep mañday termen, adal eñbekpen kelgen nesibeniñ berekeli bolatının meñzese, adal eñbektiñ raqatın «beynet tübi – zeynet» dep twjırımdağan. Sebebi aua-rayı san qwbılğan, tabiğatı är qilı – şöli men şöleyti, batpağı men tauı, ormanı men oypatı bar keñ dalanı ömiri men käsibine beyimdeu üşin babalarımız bel şeşpey eñbektengen. Demek, wlan-baytaq jerimizdi ata-babamız aq nayzanıñ wşımen, aq bilektiñ küşimen saqtağan. Aynalısqan käsibi mal bolğan soñ, onıñ qilı qiındıqtarına tözip, şöl daladan qwdıq qazıp, qısı-jazı eñbek etken. Dala qazağı üşin tört tülikti kütip-bağıp, mal basın arttıru, asıl twqımdıların köbeytu, kiiz üydiñ jasau-jabdığın äzirleu, al qala qazağı üşin qala soğu, diqanşılıq jasau, bau-baqşa salu t.b. sekildi eñbek türleri ata-babamızğa tañsıq bolmağanın tarihşı, arheologtarımız däleldep keledi. Tarih tolqınımen wrpaqtar auısqanımen, jasampaz halıq wltınıñ asıl qwndılıqtarın ardaqtap, keyingige qaldırıp otıratını – ömir zañdılığı.

Ärbir qoğam müşesi «Jalpığa ortaq Eñbek Qoğamı» ideyasınıñ tiimdiligin tüsinip, halqımızdıñ qanında bar eñbeksüygiştikti qayta jandandırsa, özine de, qoğamğa da paydalı bolmaq.

Halqınıñ qamın oylap, keyingige ölmes mwra qaldırğan qazaqtıñ älemdik deñgeydegi wlı aqını Abaydıñ:

«Senbe jwrtqa twrsa da qanşa maqtap,

Äure etedi işine qulıq saqtap,

Öziñe sen, öziñdi alıp şığar,

Aqılıñ men eñbegiñ eki jaqtap», degen dana tağılımın öskeleñ wrpaq jadında saqtap, adal eñbekke beyimdelse, zamana köşinen qalmay, elimizdiñ abıroyın asqaqtata tüsetini anıq.

S.A.Duanaeva, f.ğ.k., QR DİAQM Din isteri komiteti Din mäseleleri jönindegi ğılımi-zertteu jäne taldau ortalığınıñ ğılımi hatşısı

Abai.kz

 

 

 

 

7 pikir
Алмагуль апай 2017-05-23 22:32:46
Саясатты толық білу, түсіну де тек парыз жолында еңбектеніп жүргеннен келедідеп отыр бұл авторымыз. Қазір саясаттың заманы болғандықтан өмірге бір жақтама саясатпен ғана күшті мемлекет бола алмайсың,оған ұлттық артықшылығың мен қазіргі артықшылығың қосылып,күшті держава -мемлекет болу үшін, артықшылығымызды жөнді көрсете алуымыз керек. Ол да шынайылық еңбек арқылы келеді. Тіптен өткен кеткен сыншыл болған Кеңестегі кесіп айтушылықпен ешкімді түзете алмаспыз, себебі ол тек сол системада ғана жарасымды еді, халықтың бой түзетіп,сенген нанымы да басқа еді. Сол кездегі саясатшылдықпен әлде де міндет алған коммунистше, әр қайсымыз міндет артып,өзгешеленіп, тек қарсыластарды көбейту методикасы көп болып, халықтың әр басындағы қиялын жандандырып та сөндіріп те әлі "общесто" деп жүрудеміз!? Әр біреуіміз дерес,дұрыс қимылдап,содан барып дұрыс қоғам болсақ дегені өте реалды бұл жүйеде. Бүл адамымыз жанды сөзді жұмсақ политикамен айтып отыр қайта . Ендеше мың сан түрлі саясатты секунд сайын айыра білгеніміз дұрыс деуде қазіргі білімділер. Мейлі құлықтылығы болсын, мейлі басқасы болсын сол саясатты айыру ғана емес, сол жолдаған саясатымен де жауап алып, жауап бере алатын заман туса неге оларды да,тілімен бірге түсіну үшін қақпанға құр түсе бермей, құр бекері қасқырша күштіміз көк бөріміз дей бермей ,тірі жан тіршілігін қазіргі жоғарғы тілектегі адамша еңбегімен жасай беруі ықтимал ғой!!? Тіптен барлық жаны барлар да ертеңгі тамағын ертеңге жасырады ғой!!?? Тілін білгеніміз, жеңілмегеніміз болар едік қайта дос болып,дәл солай айыра біліп , жауапты бере алып, жауапты ала алып та алғанымыз да шарт екен . Құр елдің өсегі мен өтірік өлшемі бар саясаттың көлемін арттыра бермей, өз еңбегіңмен арпалысып, білімділігіңмен мемлекетіңді тұрақтандыра алсаң ғана ,ондайларды шебер саясаты бар халық дейді екен. Капитализм саясатының тереңдігін, жан- жақтылығын, реалдылығын Өзбек туысқан елімізде, бізден бұрын түсінгені болар ендеше . Бар нәрсеңді жоқ демей, дұрысты бұрыс демей , шынайы/искренность/ көңілді болғандықты- мінезді бұзық демей өз пайдаңа қисайтпай фактылы ойға жақындап, инемен құдық қазғандай,оқып, тоқып ғалымдарша түсіне білген уақыт келді міне. Болмасаңда болып бақ деген дана атамыздың да терең ойлы өсиетінде -тек еңбектен дегені екен,, Тек терең шынайы болатын фактылы оймен ,жұмсарта айта отырып, ашықтан ашық өз ойыңмен әсіресе ішкі саясатты жөндей білуіміз қажет екен. Қазақстан халқы болып, содан кейінде сыртқы саясатты да тек таза еңбегіңмен таба білу деген сөз, қай саладан болмасын еңбек тек сізді қорғайды деп отыр. Әр АДАМЗАТ БАСЫНДА бір жаман қиял ЗАТЫ көбеймеуі үшін, білімсіз адамға ұқсамай, еңбектене беріп, мықты болуымыз шарт екен... Ол жағы да тыраншалықпен, құр өтірік өсекпен емес, басты істетететін тереңшілдік оймен -сүзе алатын еңбегіңмен,жалпылық системасы бар адал ойыңмен, еліңді күшейте аласың екен, бұл реалды системада да әлі де Жер бетінде солай!! Бұрмалап,тіптен ондай еместі жоғарылата берсең ауруға ғана шалдырасың өзіңді де басқаны да, ол да үлкен тылсым дүниедегі жаман инерция әдеті, ол тек трагедиясы бар позитивті емес қарау күнге айналады екен . Капитализм дегі шынайы достық тек терең ойшылдықпен бола алады, сізді басқа жолға салу үшін де.ол еңбекпен де терең оймен келеді , сол терең дікте батып кетпей, жүзе білгеніміз шарт екен онда. Ата- бабамыз сондықтан да адамдарын шашыратпай,бұрмалатпай өтірікпен жау болғансытпай барлығы өзіміздікі деп біріктіре отырған, сырт көзгеде саясатын державалыққа айналдыра алған.. Оның барлығы тек еліңдегі әрбір адамдармен бірге үлкендеріміздің жауапты,парызды ортақ милы қызметімен біріккеннен ғана келген,ендеше мақтануға тұрарлықтай еңбектеріміз тек терең ойлы еңбекпен келген соны айтып отыр дана атамыз да басқаларымызда!!!? Президентіміз де және оның семьясы да еңбегімен жүрсе де жаман адамдарға тіптен жатпағаны болар, көп сансыз жақсылығы мол болғандықтан қадірін кейін ғанабілерсіздер осал емес саясатымен шындығын уақыт пен Құдірет эволюциясы көрсетер болар. Маңдайға біткен бір туар жаңа, күшті де , таза ойлы еңбегін -қазақ еңбегін, кішкене балаша бағалай алмау да ауырдың үстімен жүргеніміз болар... Үлкен су кемесінің қадіріне ұқсатып, жамандай бермей уйіңді бала шағаңа арнап, соның рухы мен адами түсінігін түзей беруіміз қажет қай жағынан болса да, қай мемлекетте болсаңда, жөнді МЕМЛЕКЕТ АТАНУЫҢ ҮШІН ТЕК ЕҢБЕК АРҚЫЛЫ КЕЛЕМІЗ ДЕ ТҰРАМЫЗ!! !!?? Ол деген сөз халқыңды көбейтумен бірге , бір- бірімізбен сиыса алатын /ерте де болсын қазірде болсын/ біріміз дос , біріміз нағыз қазақ та болып және де болуымыз қажет екен. Майдалықпен күндей беріп, өтірікпен өсегімен құтырта бермей , сиысу амалын да таба алуымыз қажет еді сонда біздер де көп болар едік... Әрі сол алған білімімізбен де көп алтын қоры мен бриллиант материяларды көбейте беріп күшті мемлекет болар елдік, себебі Құдіретт күші де берген екен БҰЛ ЖЕРІҢДІ. Атамыздың еңбектерін қасиеттілікпен бағаласаңыз, -БІЗ БАТЫРЛЫҒЫМЫЗБЕН ҚОРШАДЫҚ ДЕП ҚҰР БОСҚА АШЫТКАН НАНДАЙ КӨТЕРІЛЕ СӨЙЛЕГЕНШЕ практикада көрсетіп, өте көп байлығымызды,мұнайымызды ашып байыр едік сол ми еңбегімен бірге күш еңбегімен бірігіп жүрер едік . Келесілерімізге жоғарыдағы еңбектеріне өтірік сын айта алғандылық ол тыраншалық қой құр бекер, одан да сол өркенниетті мемлекеттердің тіптен қулық пен құлықтығы да бар болсада теориясымен практикасын үйрене алсақ қой еш болмаса. Ақша мол болу үшін,ақшаны табатын адамдар бар жерде тіптен Жер философиясымен пенделікке жаралған ақшаларыңыз кей кезде қулықпен де келеді. Оны қазіргі жұмсақ саясат дейді.. Еш болмаса құр сөзбен емес бата беріп жүре алсаң ,ол шеберлік батаңды практикада орындап отырсақ қой дегені де онда... ӨМІР КӨРСЕТУДЕ кімнің кім екенін,бір өркен ниетті қаланың санындай ғана мемлекет саны болып отырып, көкірегіміз текірек қағып,өз өзіңнен буына бергенше сиыса алмай, оны да жарытпай отырғанымыз өзіміз ендеше, өнеріміз болған мал бағуды да басқаларымыздың жарытып жатқаны шамалы, тағы да бөлінген үкімет ақшасы өте көп болғаны сонша киіктерді де басқаны да микробтан, удан залалдандыру дегенді үмытып, тек еңбектену дегендібілмей келдік, тек қалтамызды ойлап......?!... Бірақ өтірікпен ,көре алмаушылықпен,өшпенділікпен бірінші жау болуға ұста болып, өзімізді айтылған бос сөзбен ғана айқайлап көпсіп мақтанып ,/елі де әлі түсінбейді оны,нені нендей жетістік рухын мақтанып жүргенін/ болдыра алмағанбайлығымызбен, санымызбенде жарытып көбейтеміз деген ойлармен құр жалаңдаған бір ғана сөзбен әлек болып, біреудің таза жолын кесіп те тастап, иықтасуға шеберлікпен жүргеніміз сонша , қайтадан феодалдық дәуірмен де дос болып, өтірікпен бір бірімізді мұқата қалғандай күш алып сондай майдалық өмірден нәр алып, қазанымызды дер кезінде жабумен жауып тынышталып, тіптен сіңірімізді мәңгілікке созып жүргеннен көбейтпей көбеймей , біздер әлі де көбіміз ғасырларға баратын ұйқыдамыз!!?? Бірақта барлық саладан біздердің құр бос баркемшіліктерімізді 65-70 % тегі аянбаған еңбек адамдарымыз барлық арқаланған ауыр еңбегімен жауып отырып,/ білімі де , таза халық еңбегіде үлкен күш болса ,/ әр адамның бір өзі мыңын жеңе алғандықтанда еңбектері асылданып, мемлекетімізді шеберлік пен қорландырып , нағыз бриллиантша асылдылығын тездікпен көрсетуде !!! Авторымыз өте дұрыс мәселе құрып отыр кайта, әлі де манаусыраған - сеңді қозғау мықты сөздеріне мыңда бір рахмет екен, қалғаны да болса көштен қалмаса екен деп,жан дүниесі рухталған адамдарымыз жүзге жете беріп , мол болса екен деп отыр!!!?
Серік Әлиханұлы 2017-05-23 09:53:11
Автор өз мақаласында қоғам мүшелерінің әрқайсысының қолынан келетін іспен айналысып, қабілетіне қарай еңбектенсе оның өмірінде үндестік болатынын, бақытқа қол жеткізетінін меңзейді. Қоғамдық сана және адал еңбек тәрізді маңызды мәселелерді көтереді. Алайда, оқырмандардың кейбірі негізгі ойды бұра тартып, тисе терекке, тимесе бұтаққа деген ниетте пікір қалдырыпты. Құрметті отандастар! Кез-келген мақалаға пікір қалдырардан бұрын ойланып алайық. Лақап атты жамылып алып, аузымызға келгенді жаза бермейік. Егер біреуге жақсылық жасау қолымыздан келмесе, онда ісімізбен де, сөзімізбен де ешкімге жамандық жасамайық. Біреудің көңіліне келетін сөз жазсам, кешірім өтінемін...
Абдусамат 2017-05-23 09:19:54
МАҚАЛА ЖАҚСЫ ЖАЗЫЛЫПТЫ. ТҮСІНІКТІ ТІЛМЕНЕН ЖҮЙЕЛІ ЖАЗЫЛЫПТЫ. РАХМЕТ САЛИХА АПАЙ.
Нұрғали 2017-05-23 09:13:31
"Рухани дамуы кенжелеген қоғам ашкөздікке ұрынып, азғындайтынына тарих куә" - депті мақала авторы. біз қазір кім болып барамыз? Екі аяқты, жұмыр басты пенді әр сәт ойлану қажет. Қайдан келіп, қайда кетіп бара жатқанын. Қоғам ешуақытта азбайды. Қоғамды аздыртатын адам. Абай тілімен өрнектесем "қарны тоқ, жұмысы жоқ, аздырар адам баласын" деген қанатты сөзін тілге тиек етуге болады. Елдің жүгін арқалаған Елбасы «Жалпыға ортақ Еңбек Қоғамының» бағдарламасын бекерден бекер жоспар етіп бекіткен жоққой. Кейбір бауырларымыз неге сонша жат пікір айтуға асықты екен. Адам дегеннің ақылы болса мақаланы дұрыстап оқып, санасы болса саралап барып пікір жазбайма? "Төре" деп өзіне жалған ат қойып, теріс пікіріңіз қалдыруға Құдайдан қорықпайсызба? "Жақсы сөз жарым ырыс" деген даналар. Келер ырыстың жолын кеспесең жақсы болар еді, бастысы өзіңе! Салиха Дуанаеваның жасына жетіп, ғылым жолын игергеннен кейін барып салихалы пікір қалдырарсыз. Ретсіз, жүйесіз пікір қалдыра бермей....
Че 2017-05-19 19:29:44
***Халқының қамын ойлап, кейінгіге өлмес мұра қалдырған қазақтың әлемдік деңгейдегі ұлы ақыны Абайдың:*** Ата бабамыз өлең жазып өлмес мұра кең байтақ қазыналы жерді президент оның туыс жақындарына олигархтарға қалдырыптыма Дуанаев мырза ??? Қазақтың соңғы 100 жыл көрген қуғын сүргін озбырлық отаршылдықтың азабын көргенін бүгінгі күнде ашкөз билік бағаламай халықтың еңбек жалақысын осыған сай қылмай бəрі далбаса сөз.
Курылысшы 2017-05-19 17:35:33
Егемберди енбек етеди,Рахымберди рахатын кореди!
Төре 2017-05-19 15:46:11
"Елдің еңсесін еңбек көтереді". Осы ӘЛЕМДЕ теңдесі жоқ "іргелі" ғылыми жаңалығыңызды ашып, негіздегеніңіз үшін ф.ғ.к. атағын алған боларсыз?

Üzdik materialdar

Ätteñ...

Wltqa qarsı kez-kelgen azamattı «jarnamalau» kerek

Äkeş Baybatır 21084
Anıq

Olar qalay bayıdı?

Ruslan Ahmağanbetov 22057