Senbi, 16 Jeltoqsan 2017
Jañalıqtar 1339 0 pikir 18 Şilde, 2017 sağat 10:41

Ruhani jañğıru: adami kapital sapası

Almatı qalasında Qazaqstan Respublikasınıñ twñğış Prezidenti Qorınıñ janındağı älemdik ekonomika jäne sayasat institutı (ÄESI) «Jañğırudıñ bastı faktorı retindegi adami kapital sapası» taqırıbında döñgelek üstel ötti.

Döñgelek üsteldiñ maqsatı – adami kapitaldı damıtu boyınşa memleket tarapınan atqarılıp jatqan bağdarlamalardıñ jüzege asu nätijeliligin keşendi äri ob'ektivti türde qarastıru, elimizdiñ äleumettik-ekonomikalıq jäne qoğamdıq-mädeni jañğıruın jüzege asıru ayasındağı tüytkildi mäseleler men olardı şeşu joldarın qarastıru.

Qazaqstanda adami äl-auqattılıqtı arttıru mäselesi memleket damuındağı negizgi mindet bolıp tabılıp, bastı strategiyalıq qwjattarda körinis tapqan. Memleket basşısınıñ 2015 jılı jariya etilgen «Wlt josparı – bes institucionaldı reformanı jüzege asıru boyınşa 100 naqtı qadamında» ESDW standarttarınıñ negizinde adami kapitaldı damıtu bastı mindetterdiñ biri retinde atalğan. 2017 jılı Prezidenttiñ «Bolaşaqqa bağdar: ruhani jañğıru» attı bağdarlamalıq maqalasında Qazaqstanda adami kapitaldıñ äl-auqatın arttıruğa bağıttalğan birqatar mindettemeler körsetilgen bolatın.

Adami damudıñ halıqaralıq reyting-indeksine say Qazaqstannıñ poziciyası aytarlıqtay ornıqtı, sebebi, elimiz ADI deñgeyi joğarı memleketterdiñ qatarına kiredi. 188 memleket kiretin tizimde bizdiñ elimiz bel ortadan orın alğan. Jalpı alğanda, 2015 jılğı körsetkişter boyınşa Qazaqstannıñ damu deñgeyi özge Orta Aziya elderinen köş ilgeri, alayda, postkeñestik Baltıq elderimen äli de salıstıruğa kelmeydi.

Adami kapitaldı qalıptastıruğa memlekettiñ densaulıq saqtau, bilim beru men käsibi dayarlau jäne özge de salalarındağı sayasatı ıqpal etedi. Sonımen qatar, bwl saladağı zertteu nätijelerine süyensek, nätijeli qalıptastıru men qoldanu şarttarı negizinde adami kapital ekonomikalıq ösimniñ ırğağı men sapasına oñ äser etui mümkin.

Döñgelek üstel ayasında kelesi swraqtar talqılandı:

- Adami kapitaldı damıtuğa arnalğan memlekettiñ küş-jigeri men investiciyaları qanşalıqtı özekti?

- Qazaqstanda adami kapitaldı damıtuğa qanday faktorlar tosqauıl qoyadı?

- Bwl saladağı jağdaydı jaqsartu üşin memleket tarapınan tağı qanday şaralar qoldanılu qajet?

Döñgelek üstel jwmısına Qazaqstannıñ ğılımi-zertteu men analitikalıq qwrılımdarı salasındağı belgili sarapşılar, sonday-aq, halıqaralıq wyımdardardıñ ökilderi qatıstı, olardıñ qatarında: Aydarhan Qwsaynov (QR Wlttıq banki törağasınıñ keñesşisi), Janar Jandosova («Sandj» zertteu ortalığınıñ direktorı), Vlastiml Samek (BWW qoğamdıq aqparat departamentiniñ QR ökili), Sergey Domnin («Ekspert-Kazahstan» iskerlik jurnalınıñ bas redaktorı), Asqar Nwrşa (ÄESI Almatıdağı ökildiginiñ jetekşisi), YUriy Buluktaev (QSZI bas ğılımi qızmetkeri) bar.

Abai.kz

0 pikir