Senbi, 16 Jeltoqsan 2017
Janayqay 2286 5 pikir 19 Mamır, 2017 sağat 12:17

70-tegi käsipker Elbasınan araşa swrap otır

«AsiaCreditBank»-tiñ reyderlik jasap otır ma? Jaqında "Qala men Dala" gäzetinde maqala jariyaladı. Onda Atıraudağı iri Twz kompaniyasınnan bir-aq künde ayırılıp qalğan käsipker Äbirbek Toqtıbaevtıñ janayqayı jariya boldı.

«AsiaCreditBank» nesieni merzimimen keşiktirgeni üşin, Äbirbek Toqtıbaevtıñ qwnı milliard teñge bolatın Twz kompaniyasın sot arqılı tartıp alıp, özge käsipkerge bolmaşı tiınğa satıp jiberipti.

«Bwl bank meni san soqtırdı. Tügimdi qaldırmay tartıp alğanımen qoymay, qılayağı zeynetaqımdı da bergizbey otır», – deydi käsipker. Onıñ aytuınşa, äuelde «AsiaCreditBank»  bank aldımen 290 million teñge nesie bergen.  Artınan tağı 150 million teñge alğan. Al kepilge  kompaniyanıñ jıljımaytın mülkin, eki zauıtın, kompaniyağa tiesili temir jol jäne avto jolın, memleketten 20 jılğa jalğa alğan 164 gektar ken öndiretin jerimen qosa, Almatıdağı üyin jäne kompaniyanıñ 100 payız negizgi jarğılıq akciyasın kepilge qoyıptı.

Endi «AsiaCreditBank» borıştı uaqtılı qaytarmadı degendi jeleu etip, sot arqılı kompaniyanı tügeldey tartıp alıp, kompaniya qojayındarın dalada qaldırğan.

«Bwrın-soñdı mwnday zañsızdıqtı estimeppin. Men elimizde ädildik bar, zañ bar dep jürdim. Milliardtağan teñgege bağalanğan kompaniyamdı bir künde nebarı 61 million teñgege satıp jiberdi» dep küyinedi käsipker.

Onıñ sözinşe, osı oqiğa kezinde birneşe ret insult alıp, emhanağa tüsken. Al banktegiler bolsa Toqtıbaevtıñ dünie-mülkin arzan bağada satılımğa şığarğan. Ol turalı mına siltemeden oqi alasızdar.

Banditter äli bar eken

«Bank meniñ ondağan million dollarlıq qwnı bar kompaniyamdı tartıp alğanımen tınbay, kepilge qoyğan Almatıdağı üyimdi de satılımğa şığardı. Meniñ soñğı mülkim osı edi», dep küyingen käsipker öziniñ azamattıq qwqınıñ ayaqqa taptalğanın aytadı. Tipti, Toqtıbaevtıñ Twz kompaniyasın bankten bolmaşı tiınğa satıp alğan käsipker Sayathan Ämir rekettik şabuıl jasağan eken.

«Sottıñ soñın kütpesten Sayathan Ämir bir maşina banditsımaq jigitterdi bastap kelip, bizdiñ qarauıldar men jwmısşılardı maşinağa küştep tiep, Inderge aparıp tastaptı. «Eger qayta kelseñder, ayaq-qoldarıñdı şağamın» dep doq körsetken. Sodan beri biz öz mekememizdiñ aulasına kire almaytın boldıq», deydi.

«Men osığan deyin ädilettiñ bar ekenine, zañnıñ jwmıs isteytinine, Elbası Nwrswltan Nazarbaevtıñ käsipkerlikpen aynalısqan azamattardıñ tirligine orınsız qol swqpañdar dep ünemi aytatın sözin tıñdar qwlaq barına senip keldim. Äli de senemin. Soñına deyin küresemin. Sot bastalğalı beri birneşe ret jürek talmasına wşıradım. Jarım da, bala-şağam da uayım-qayğığa battı. Eger alda-jalda jeñiler bolsam… ayta almaymın. Mwnday ädiletsizdikke töze almaymın»,- dedi käsipker Äbirbek Toqtıbaev.

Elbası «käsipkerlerge jön-josıqsız tiispeñder» demep pe edi?!

Ras, Memleket basşısı eldegi şağın jäne orta käsipti damıtuğa jasap jatqan tıñ bastamaların bilemiz. Elbası öz sözinde "käsipkerlerdi jön-josıqsız qudalay bermeñder" dep eskertken-tin. Sonda, käsipker Toqtıbaevtıñ bankke jem boluı qalay? Bank birneşe märte jeke sot orındauşısın jaldap, Toqtıbaevtıñ dünie-mülkin tolıq tärkilep alğanı ras. Onı özge käsipkerge arzan bağada satıp jibergeni tağı ras. Mwnıñ artında bir şikilik bayqaladı.

Bank pen käsipkerdiñ arasındağı dau turalı oblıs äkimi biletin körinedi. Tek eşqanday şara qoldanbay otır-mıs.

«Oblıstıñ bwrınğı äkimi İzmwhanbetovke de, qazirgi äkim Noğaevqa da birneşe ret kirgenmin. Noğaev barlıq män-jaydı biledi. Biraq…Talay märte hat ta jazdım. Olar sotqa bwl istiñ aqiqatına jetiñder degen sıñayda hat jazadı. Bitti»,- deydi käsipker Äbirbek Toqtıbaev.

Endigi ümitim Elbası men Bas Prokurorda

Banktiñ qwrbanına aynalğan käsipker Äbirbek Toqtıbaev endi Prezident Nwrswltan Nazarbaev pen Bas Prokuror Jaqıp Asanovtan araşa swrap otır.

«Endigi ümitim Prezident Nwrswltan Nazarbaev pen Bas prokuror Jaqıp Asanov mırzada. Elbası ünemi elimiz örkendeui üşin käsipkerlikti damıtuğa tiispiz dep aytıp otıradı. Bwl sekildi bassızdıqqa jol bermes degen oydamın. Osı kompaniyanı qwrıp, kün-tün demey jwmıs istedim. 60-qa juıq adamdı twraqtı jwmıspen qamtıdım. «As twzı» öñirge emes, raspublikağa tanımal brendke aynaldı. Eşkimniñ alajibin attap, qulıq-swmdıqpen kün körgen emespin.

Jaqıp Asanov mırza da elşil, halıqşıl azamat qoy, meniñ janayqayımdı estir degen ümittemin. Birneşe märte hat ta jazdım. Bir küni bolmasa bir küni meniñ basıma tüsken jağdaymen tanısıp, araşa tüser degen armanım bar», -dep tüyindeydi käsipker.

Abai.kz

5 pikir