Sh.Aymanov atyndaghy «Qazaqfilim» kinostudiyasy  «Baluan Sholaq» atty tolyqmetrajdy kórkem filimining týsirilim alanymen jurnalister qauymyn tanystyrdy. Týsirilim Almaty oblysy Rayymbek audany Kegen auylynda ótip jatyr.  Osy jerde arnayy Qyzyljar jәrmenkesi túrghyzyldy. Týsirilim tobynyng negizgi sahnasy osy dekorasiyada týsirilude.

QR Mәdeniyet jәne sport ministrligining tapsyrysy boyynsha týsirilip  jatqan búl filim dramaturg D.Isabekovting «Jaujýrek» piesasy jelisi boyynsha jazylghan. Filim rejisseri – Núrgeldi Sadyghúlov.

«1998 jyly T.Jýrgenov atyndaghy Qazaq últtyq óner akademiyasyna týsken kezimde B.Sholaq turaly filim týsirudi armandaytynmyn. Ózim kishkentayymnan kýreske qatysyp, jarys  kezinde múrajaydyng aldynda Baluan Sholaq kótergen tasty ústap, yrymdap qatysatynmyn. Sol armanymdy qazir iske asyryp jatyrmyn. Ókinishtisi, qazirgi jastar B.Sholaqtyng kim ekenin de bilmeydi. Sport kesheni bar ekeninen ghana habardar.  Eger ol tek baluan bolsa, sportqa negizdelgen ekshn, al eger tek kompozitor bolsa, shygharmashylyq adamy retinde lirikalyq filim týsirer edim. Kórermender kartinada baluan, kompozitor әri әnshi Baluan  Sholaqtyng ómirin kóre alady.

Negizinen búl jobagha úzaq dayyndaldyq. Kasting te onay bolmady. Kәsiby akterlermen qatar sportshylar da keldi. Újym bolyp birauyzdan Erkebúlan Dayyrovty basty rólge tandadyq» dedi filim rejisseri.

-Eng alghash D.Isabekovting «Jaujýrek» piesasy M.Áuezov atyndaghy Qazaq memlekettik akademiyalyq drama teatrynda sahnalandy. Sol kezde B.Sholaqtyng rólin eng alghash somdadym. Obrazgha enu ýshin biraz izdenis ýstinde boldym. Kitaptar oqydym, kýreske qatystym, jattyqtyrushym «Qazaqstan barysy»  – Úlan Rysqúl, tipti 10 keli salmaq qosuyma tura keldi. Filimdegi qarsylasym G.Golovkin dep te әzildedi, - bas keyipker  E.Dayyrov.

Týsirilim toby kәsiby mamandardan jinaqtalghan. Filimning art-produseri S.Ábdihalyqov, qoushy-operator R.Qosay,  qoyshy-suretshi  E.Sýleymenov, kiyim suretshisi M.Torybaeva.

Kegendegi týsirilimnen son, týsiru toby Soltýstik Qazaqstangha attanady. Kórkem filim kýzde kórermenge jol tartpaq.

Dinara Masaqova

Surette: «Baluan sholaq» filimin týsiru kezindegi kórinister

(Suretti týsirgen Dinara Masaqova)

Abai.kz