Jwma, 20 Qazan 2017
46 - söz 1782 1 pikir 17 Şilde, 2017 sağat 11:06

"Wstazdıñ" bäri wlağattı ma?

1994 jılı Säken Seyfulinnıñ 100 jıldıq toyı ötti. "Seyfollanıñ Qaraşiligi" qıstağında köp üy tigilip, tau bökterinde bir-eki kün qondıq. Onda respublikalıq «Jas Alaş» gazetiniñ tilşisi retinde barğanmın. Äldebir dastarhan basında özimniñ bir kezdegi mwğalimimmen betpe-bet otırıp qalıppız. Altınşı-jetinşi klastardan keyin körgenim sol edi. Elulerge tayağan kezi. Menen, kemi, on bes jastay ülken, älbette... Oblısta İşki ister salasında qızmet etetinin estuşi em. Şeni, mümkin, podpolkovnik, tipti, polkovnik...

Bir-birimizdi tanıdıq. Bas şwlğısıp esendesken boldıq. Biraq elpildey qoymappın. Sebebi, jas kezimizde birtalay qiyanatı ötken kisi-tin. Jazıqsızdan-jazıqsız jelkelep, bwrışqa twrğızıp, qol jwmsap, esimizdi şığaratın-dı. Äyteuir, jwldızımız qarsılau edi. Bozbala kezde de asa essiz emespiz, osı mwğalimniñ jwmıs babındağı, tipti, otbasındağı sätsizdikteriniñ «öşin» bizden alatının añdap, tañırqaytınbız. Jendettik, qatıgezdik minezi tiksintetin. Iä, o kezde on eki-on üştegi kezimiz ğoy... Sodan köp wzamay qalağa auısqanın bildik. Aqırı mwğalimdikti tastağan eken. Öziniñ layıqtı jolın tauıptı deytin keybir ülkender...

Meni üstel basında körgende tüsi bwzılıp, azdap, jiırıldı. Degenmen, jön swrasıp, ananı-mınanı aytıp, özara tildesken tür tanıttıq. Söz arasında, nege öytkenimdi özim de añdamay:

– Wrıp-soğıp, maza bermeuşi ediñiz! – dep qalıppın külgen bolıp...

– Endi... Adam bolsın dedik qoy! – deydi ağamız da swrlanıp, jımiğan keskinmen.

Ne deyin. «E-a, ağa, tüsinikti. Öziñizdiñ wl-qızıñızdı da tayaqqa jığa jürip adam qılğan ekensiz ğoy!» degen söz işimde ketti. Köpşiliktiñ aldında wyaltpadım.

Qazir o kisi de qartaydı ğoy... Key-keyde oylap qoyamın, öziniñ sonau mekteptegi äreketteri esine tüse me dep...

Bwl jazbanı fb-dağı keybir wstazdarın maqtağan postılardı körip qalğan soñ tüzip edim.

Qwltileu Mwqaş

Facebook-tegi paraqşasınan

1 pikir
Төре 2017-07-18 19:43:15
Бұл заманда не болмаушы еді. Мына мен Құлтілеу сияқты жуастау, тәуірірек бала болмадым... Бірде мұғалімім мені қолындағы бормен шекеме бір пергені (13 жастамын) менде сорыма, алдымда тұрған сиясауытты мұғалімге жіберіп кеп қалдым... аржағы белгілі... сол есіме түскенде қазір қатты ұялам. Сол ағай мені желкемнен ұстап далаға алып шығып "бөлтірік уақытың өткен!" деп артымнан бір теуіп мектептен қуып жіберген еді. Үйге келіп Атама "мен кіммін ылғый уақытың өткен, қасқырдың күшігі" дейді деп жыламсырағанымда... Атам иманды болғыр... Сен Төресің, Абылайдың ұрпағысың, осыдан өмір бойы көресіңді көресің. Сен ұмытсаңда, олар ұмытпайды! деп еді жарықтық. Содан бері мен өзімнің кім екенімді білдім? Атамның айтқанын кейінірек толығымен көрдім. ...Мұғаліміме мыңда бір Рахмет! Шын айтам! Иманды болғыр көзімді ашты? Жігеріме-жігер қосты. Бойымда Төрелік қасиет барма, жоқпа оны Бір Алла! біледі?

Üzdik materialdar

Ruhani jañğıru

Qanat Äbilqayır. Qarız ben Parız

Abai.kz 7759
Qauip etkennen aytamın

Qazaqstanda jürgen qıtaylar kimge süyenedi? 

N.Qoşamanwlı 15034
Ätteñ...

Wltqa qarsı kez-kelgen azamattı «jarnamalau» kerek

Äkeş Baybatır 29054