Seysenbi, 17 Qazan 2017
46 - söz 1565 6 pikir 9 Tamız, 2017 sağat 11:43

Televiziya salası jurnalistika mamandığın jwlmalap jatır

 

"Habar" agenttigi kezekti bir bağdarlamasınıñ tüsirilimine şaqırğan soñ barğanbız. Sonda, bayqalğanı - televiziya salası jurnalistika mamandığın ärkimniñ talauına berip, äbden jwlmalap, it terisin basına qaptap-aq jatır eken, tübi tınış bolsın. Telehabarğa qatısatın 7 adamğa 3 telejürgizuşi tağayındaptı. Älgi üşeui de jurnalist emes, biri - aktrisa, ekeui - biznes salasınıñ ökilderi. Al, taqırıp - bilim. Onıñ özinde orta mektepte jalpı bilim beru mäselesi. 7 qonaqtıñ işinde üşeuimiz JOO-da sabaq bergenimiz bolmasa, orta mektepke qatısımız joq adamdarmız. Meyli, "söylep üyrengen auızdar ğoy, jıbırlağanın qoymas, birdeme aytar" degenderi şığar.
Hoş, sonımen tüsirilimdi bastap kep jibersin. Üş jürgizuşimizdiñ de betteri jıltırap, kiim kiis, jüris-twrıstarı men körikteri köz tartıp twrğanımen sözderi sürindire bastadı. Telehabardı bastau üşin suflerdegi mätinnen biznesmen jürgizuşimiz baqanday 5 ret jañılıp, qaytaladı da soñğı retkisi mätindi ejektep oqığanday üzip-üzip aytsa da "boldı" destik. Kelesi jürgizuşi jigit te qatırmadı. Özi de tım momaqan bala eken, qaytalap jürip, miñgirlep birdemelerdi zorğa jetkizgen boldı. Al, bärimiz ümit artqan aktrisanıñ äreketi ana ekeuinen de soraqı boldı. Teatrda arnayı qoyılğan dauıspen suflerdegi mätindi sudırtıp oqıp şıqpaqşı bolğan, obalı neşik. Qırsıq şalğanda sala qwlaş qwramalas sabaqtas söylemderge demi jetpey orta jolda twnşığıp qaldı. Ol da birneşe ret qaytalap oquına tura keldi. Jürgizuşilermen salıstırğanda, qanşa degenmen auditoriyada sabaq berip jürgen wstazdar emes pe, qonaqtar qamşı saldırmadı. Sözderin jik-jigimen tastap, oyların täuir-aq jetkizip jatır. Biraq, rejisserden "jarlıq" tüsip olardı da qaytalap söyletuge tura keldi. Sebebi, tehnikalıq aqau şıqqan, mikrofon istemey qalğan tağı birdeme. Arasında jürgizuşiler bizge swraq qoyıp aladı da jauabın tolıq tıñdamastan orta joldan üzip äketip, älde bir syujet körsete saladı. Syujeti syujet-aq eken. Aytıp söz şığındauğa twrmaytın, sın kötermeytin närsege bas qatırmay-aq qoydıq. Onda da käsibi jurnalister emes, özge salanıñ mamandarı swhbat jürgizip otırğanı tipti tañdanıs tudırdı. Mwğalimder otbasınan tüsirilgen bir syujette filosof ğalım stend-apqa şığıp, keyipkerlerin äñgimege tartıp otır. Kelesi syujette biznesmen jigit auıl mektebinen reportaj jürgizip twr. Sonda, bwl jigitterde jurnalistikadan özge aynalısatın şarua qalmağan ba? Älde, jurnalist mamandardıñ bäri elde qalmay ğarışqa wşıp ğayıp bop ketken be?
Osılayşa, birneşe sağat uaqıtımızdı zaya ketirip, bir bağdarlamağa qatısqan boldıq. Onıñ ne bolıp şığatının kezinde köre jatarmız. Aytayın degenim, "şımşıq soysa da qasapşı soysın" deytin halıq edik qoy. Teleefirdi qaşanğı beykäsibi jandarğa oyrandatıp, körermendi ürkite beremiz? Aynalayın, redaktor äriptester! Televiziya mätinine qwrmalas sabaqtas söylem qoldanılmaytın älemdik standart qayda?! Meylinşe, auız eki tilge jaqındau qısqa da nwsqa jay söylemder jazıluı qajet ekenin şınımen de bilmeysizder me? Telemätin - qarapayım boluı kerek, biraq, qarabayır emes.Alayda, bwğan bas qatıratın tiri jan televiziya auılınan tabıla qoymaydı-au!

Quandıq Şamahaywlınıñ

Facebook-tegi paraqşasınan alındı

 

6 pikir
проф. Совет-Хан Ғаббасұлы. 2017-08-12 19:29:47
ГЕК мырзаның - айтқандары өте дұрыс - тіпті көпшілігін сыпайылап айтыпты. Жалпы қазақ ТЕЛЕАРНАЛАРЫ - кешегі КЕҢЕС кезеңінің жұлығына да тұрмайды. Бұл қандай ТӘУЕЛСІЗДІК айтыңдар шы ?.. Мүлдем ҰЛТТЫҚ ИДЕОЛОГИЯДАН - АДА ... болғанда соншалықты мәдениетсіздікке бой алдырып... не ҰЛТТЫҚ ТӘРБИЕ мен ТӘЛІМНІҢ сұлабасы да жоқ !!.. ДИКТОР атаулы да - не дикция... не мағаналы ұғым мен көркем сөйлеуді білмейді. Бүйтіп " рухани жаңғырмақ" түгіл... ұрпақ өте қатты азғындау да !... Бір-бірімен орысша сөйлескен ЖАСТАР, әсіресе қыз атаулы шүлдірлеп... ауыздарында ТЕМЕКІ тістегендер де есеп жоқ !!.. ҮКІМЕТ - заңмен тоқтатпаса - САНАНЫҢ бұзылғаны соншама... ертең бұлардан қандай АНА шықпақ шы ?.. Қазір 1960 жылмен салыстырған да... АУРУДЫҢ САНЫ - 12-- 13 есе өсіп... 1700-ді көрсетсе, БАЛАНЫҢ МҮШЕ дерті 0,2 % - дан - 46-47 % - ға өсіп кетті. Сонда, мұны ҮКІМЕТ басындағылар білмей отыр ма ?.. ДЕРЕУ парасатты шешімдер керек ?!..
Майра 2017-08-10 14:03:12
Қуандық Шамахай,қашаннан бері қазақ тілі пәнінің оқытушысысыз? )))) Өз атыңыздан ашық жаза бермейсіз бе?!))) менің қазақ тілінің синтаксисіне қатысым жоқ. психолог ретінде айтарым: автор ағайда жалпы қоғамға,өмірге деген өкпе, агрессия бар, тіпті өзі астарлап отырған адамдарға деген жеккөрушілік байқалады. оның туындау себептерін маман ретінде түсіндіріп бере алам, бірақ мына пікір алаңында емес, комплексі бар азаматтың өзіне. қаласаңыз, нөмірімді қалдырайын, маған консультацияға келіңіз.
Батыр 2017-08-10 09:20:42
Редактор ханым! "аралас құрмалас сөйлем" емес, "сабақтас құрамалас сөйлем" деген дұрыс қой.
қазақ тілі пәнінің оқытушысы 2017-08-09 21:19:47
Ерте кездегі оқулықтарда сабақтас құрмалас сөйлем деп жазылып жүретін. онда тұрған ештеңе жоқ. Мәселе, жоғарыда автор жазғандай әлемдік талаптарды ТВ журналистерінің өздері білмейтіндігі дұрыс емес. Шынында, ТВда шұбатылған ұзақ сөйлем жүрмеуі тиіс шығар. Сөйлем қысқа болған сайын ой жинақы бола түседі. Атау терминге анау-мынау деп мін тақпай ақылға құлақ асқан дұрыс.
Зарина Қозыбаева 2017-08-09 16:04:16
Құрметті Қуандық мырза! Телевизияда, нақтырақ айтсақ, телемәтінде сабақтас құрмалас сөйлем қолданылмау керек дегенді қайдан алдыңыз?! (Мүмкін аралас құрмалас сөйлемдерді шығар). тұтас алғанда сын орынды! Бірақ, мәселені тапсырыс беруші министрлік пен бағдарламаны түсіретін компания басшыларының алдына қою керек, редакторлардың емес!
газиз 2017-08-09 15:00:23
Министр Абаевтын құлағына бриллиант сырға!

Üzdik materialdar

Ruhani jañğıru

Qanat Äbilqayır. Qarız ben Parız

Abai.kz 7525
Qauip etkennen aytamın

Qazaqstanda jürgen qıtaylar kimge süyenedi? 

N.Qoşamanwlı 14702
Ätteñ...

Wltqa qarsı kez-kelgen azamattı «jarnamalau» kerek

Äkeş Baybatır 28810