Düysenbi, 18 Jeltoqsan 2017
1487 0 pikir 10 Tamız, 2017 sağat 08:56

Qazaqstan: küdiktilerdi azaptağan bes policeydi aqtauın swradı

Şığıs Qazaqstan oblıstıq sotınıñ apellyaciyalıq instanciyasında 9 tamızda bes policiya qızmetkeriniñ isi qaralıp jatır. Olardı Öskemen qalalıq sotı kisi azaptadı dep tanıp, ärqaysısın üş jılğa sottau turalı ükim şığardı.

Sot ükimine säykes, policiyanıñ Ülbi bölimindegiler jäbirlenuşi Erbol Qasenovtıñ qolın arqanmen baylap, edenge jatqızıp, bes policeydiñ ekeui onıñ ayağına otırğan, tağı bir policey basına polietilen paketin kigizip, twnşıqtırğan. Olar sol arqılı Qasenovke qılmıstı moyındauın talap etken. İs materialdarı boyınşa, Qasenov qılmısın moyındağan, wrlıq jasağanı üşin üş jarım jılğa sottalğan.

Policeylerge ükim şığarılğan soñ oblıstıq prokuratura qarsılıq bildirip, olardı aqpat şığuın swradı. Sottaluşılardıñ advokattarı olardıñ äreketterin däleldeytin zattay ayğaq joq dep esepteydi.

Sot ükiminen soñ Ülbi bölimşesindegi ondağan policiya qızmetkeri oblıstıq prokuratura aldında narazılıq akciyasın ötkizdi. Apellyaciyalıq şağım 11 tamızda qaraladı.

Abai.kz

0 pikir