Düysenbi, 18 Jeltoqsan 2017
Kökjiek 1426 0 pikir 10 Tamız, 2017 sağat 11:33

Qazaqstan-Iran: mädeniet pen öner salasında birigip jwmıs istey aladı

 

QR Mädeniet jäne sport ministri Arıstanbek Mwhamediwlı men Iran Mädeniet jäne islamdıq bağdar ministri Reza Salehi Amiridiñ   Tegeranda kezdesu3 barısında Iran tarapı Qazaqstanmen muzıka, öner, teatr jäne körkem galereya ayasında birigip jwmıs atqara alatının mälim etti. Öz kezeginde QR Mädeniet jäne sport ministri Arıstanbek Mwhamediwlı Irannıñ Qazaqstan üşin tarihı men mädenietiniñ mañızdı ekenin jetkizdi.  Ministrlerdiñ kezdesui turalı  jergilikti ParsToday agenttigi habarladı.

Iran ministriniñ aytuınşa, irandıq kino älem boyınşa joğarğı deñgeyde jäne Qazaqstanmen birigip kino tüsiruge, kino salasında bilim jüyesin damıtuğa atsalısadı.

Sonday-aq, Qazaqstannıñ Iran üşin ornı ayrıqşa ekenin ayta ketip, Iran prezidenti Hasan Rouhanidiñ Elbası Nwrswltan Nazarbaevtı erekşe qwrmetteytinin de jetkizdi. Qazaqstanmen qay salada bolmasın, seriktestik qwruğa dayın ekenderin ayttı.

«Iran men Qazaqstan seriktes bolu üşin eşqanday kedergi joq. Eki jaq ta muzıka, öner, teatr jäne körkem galereya ayasında birigip jwmıs atqara aladı», – dedi Iran Mädeniet jäne islam bağdar ministri.

QR Mädeniet jäne sport ministri Arıstanbek Mwhamediwlı da Irannıñ tarihi turizmi Qazaqstan üşin asa mañızdı ekenine toqtalıp, turizm ortalıqtarı: Isfahan men Şiraz qalaların tamaşalau qazaqstandıqtardı sözsiz qızıqtıradı dedi..

Abai.kz

0 pikir