Seysenbi, 17 Qazan 2017
Jön-aq 1500 10 pikir 10 Tamız, 2017 sağat 17:31

Ruhani jañğıru «Nwr Otannıñ» nazarında

 

Elbasınıñ «Bolaşaqqa bağdar: ruhani jañğıru» bağdarlamalıq maqalasında wlttıq qwndılıqtar men tarihi mwralarımızdı keñinen nasihattauğa arnalğan tıñ jobalar wsınılğanı belgili. Solardıñ tiimdi jüzege asuı men orındaluı «Nwr Otan» partiyasınıñ tikeley baqılauında. Osığan oray partiya Törağasınıñ Birinşi orınbasarı Mwhtar Qwl-Mwhammed Qızılorda oblısına arnayı barıp, öñir basşısı Qırımbek Köşerbaevpen birge «Qorqıt ata» memorialdı keşeninde boldı jäne ortağasırlıq Sığanaq qalasın qayta qalpına keltiru jwmıstarımen tanıstı.

Oblıstağı tarihi-mädeni jädigerlerdiñ eñ biregeyi «Qorqıt ata» memorialdı keşeni EHRO-2017 halıqaralıq körmesi ayasındağı turistik nısandardıñ tizimine engizilgen. Wlı oyşılğa arnalğan bwl tarihi eskertkişke qalpına keltiru jwmıstarı jürgizilip, 2014 jılı keşen qayta jañğırtıldı. Sapar ayasında «Nwr Otan» partiyası Törağasınıñ Birinşi orınbasarı atalğan memorialdı keşen, muzey jäne osı mañda ornalasqan etnoauılda bolıp, mwnday tarihi orındardıñ otanşıldıq pen wlttıq biregeylikti saqtap, nığaytuda mañızdı rölge ie ekenin ayttı.

«Täuelsiz elimiz şirek ğasır işinde qarıştap damıp, Qazaqstan älem tanığan abıroylı memleketke aynalğanda Elbasımız ruhani jañğıru bağdarlamasın wsındı. Onıñ maqsatı jas wrpaqtı babalar tarihınan tağılım alğan elin, jerin süyetin otanşıl ruhta tärbieleu. Sondıqtan «Nwr Otan» wlt ruhaniyatın tületuge arnalğan Elbası tapsırmasınıñ elimizdiñ barlıq öñirlerinde oydağıday jüzege asuın erekşe nazarda wstaytın boladı», – dedi partiya Törağasınıñ Birinşi orınbasarı Mwhtar Qwl-Mwhammed.

Sonımen qatar Mwhtar Qwl-Mwhammed Sır öñirindegi respublikalıq mañızğa ie tağı bir tarihi jädiger ortağasırlıq Sığanaq qalasına arnayı at basın bwrdı. Tarih twñğan bwl jädigerdi tıñğılıqtı zertteu jwmıstarı tek 2003 jılı «Mädeni mwra» bağdarlamasınıñ arqasında ğana qolğa alındı. Büginde arheolog-ğalımdar bir kezderi iri şahar bolğan orınnıñ qirağan üyindisin asqan ıjdahattılıqpen zerttep, qalanı qorşap twrğan qorğan qabırğanı, üylerdi jäne meşit-medreseni qalpına keltiru jwmıstarın qarqındı jürgizude. Jobanıñ bastı maqsatı – ortağasırlıq Sığanaq qalasınıñ ornın aşıq aspan astındağı muzeyge aynaldıru.

«Nwr Otan» partiyası Törağasınıñ Birinşi orınbasarı Sır öñirine jasağan saparı barısında Kişi Araldı qayta qalpına keltiru jwmıstarımen de tanıstı. Odan bölek, oblıstağı auıl şaruaşılığınıñ damu barısına da nazar audarıp, asıl twqımdı iri qara malın ösirumen aynalısatın «RZA» akcionerlik qoğamında boldı.

Memleket basşısınıñ wlttıq kodtı saqtap, ruhani qwndılıqtarımızdı däripteuge bağıttalğan bastamasın qoldap qana qoymay, onıñ jüzege asuın öz baqılauına alğan "Nwr Otan" partiyasınıñ bwl bastaması tolığımen qwptarlıq is ekeni sözsiz. Onıñ üstine wzaq jıl Mädeniet ministri bolğan Mwhtar Qwl-Mwhammedtiñ de bwl salağa jaqın ekeni belgili. Sondıqtan partiyanıñ bwl bastaması oñ nätije beredi dep senemiz.

Abai.kz

10 pikir
Үміт 2017-08-11 18:45:57
осы бастама жалғасын тауып барлық ұйымдар осылай әр өңірге аттанып, септіктерін тигізсе игі болар еді.
айбек 2017-08-11 18:45:42
Нұр Отан елдің беделді партиясының бірі ретінде белсенділік танытуы дұрыс, атына заты сай қызмет атқарып, елің нұрландыруға атсалысқандарын құптаймын.
Жарас 2017-08-11 18:45:29
Сығанақ қаласы қалпына келтіру жұмыстарын бір қадағалап өткені жөн болған, тарихи мәні бар қала ғой, тарих тірілгендей әсерде қалатын болармыз.
медина 2017-08-11 18:45:16
білесіздер ме, рухани жаңғыру осы отырған әрқайсымыздың бойымыздан бастау алатындығын, күнделікті жүріс тұрысымыздан бастап, ойымызға дейін сәулелендірсек жарар еді!
Қасым 2017-08-11 18:45:00
Бұл Рухани жаңғыру ешкімнің де назарынан тыс қалмауда, барлық Отандастар, Отандық ұйымдар осылай белсенділік танытып, үлестерін қосқандары жөн әрине.
Нұргүл 2017-08-10 19:31:28
Осындай жақсы бастамалардың оң нәтиже берері сөзсіз
Ардақ 2017-08-10 18:45:24
ұлттық құндылықты насихаттау, тарихи мұраларды жаңғырту еліміз үшін, болашағымыз үшін өте маңызды. Бұл жұмыстарды нұротандықтар абырой мен атқаратындығына сенімдімін
Патриот 2017-08-10 18:39:47
Көзқарастарға толы, маңызы зор, мәртебесі биік мақала қолдау табуға тиіс. Ұлы Дала елінің келешегіндегі рухани жаңғырудың жаңа дәуірдегі даңғыл жолының барлық тұстары айқындалған десек артық айтқандық емес.
Ғалымжан 2017-08-10 18:26:31
Рухани жаңғыруға жаңа тыныс керек. Сол тынысты ашатын идеологияның майталмандары... Іске сәт!
Ореке 2017-08-10 17:40:01
Елбасының осы бағадарламалық мақаласын ұлттық даму бағадарламасы етіп бекітіп алған дұрыс сияқты. Рухани жаңғыруға жалт қарамаған қазақ баласы жоқ деп білемін өз басым.

Üzdik materialdar

Ruhani jañğıru

Qanat Äbilqayır. Qarız ben Parız

Abai.kz 7520
Qauip etkennen aytamın

Qazaqstanda jürgen qıtaylar kimge süyenedi? 

N.Qoşamanwlı 14700
Ätteñ...

Wltqa qarsı kez-kelgen azamattı «jarnamalau» kerek

Äkeş Baybatır 28807