Seysenbi, 19 Jeltoqsan 2017
Alañ 1700 3 pikir 11 Tamız, 2017 sağat 15:57

Jampozovtıñ balası işten tepkeni üşin isti bola ma?

 

Aqmola oblısı, Celinograd audanınıñ prokurorına qol jwmsadı dep pälege qalıp jatqan Asıljan Jampozovtıñ äreketine baylanıstı İİM-niñ ökili Almas Sädubaev mälimdeme jasadı.

İİM-niñ ökili Almas Sädubaevtıñ sözine qarağanda Asıljan Jampozov prokurordı işten tepken körinedi. Asıljannıñ aşu üstinde memlekettik qızmetkerge küş qoldanğanın tap sol kezde özge de memlekettik qızmetkerler körip qalıp, dereu kuä bolıp şığa kelgenge wqsaydı. Al prokurordı «wrıp jibergenin» Asıljannıñ özi de aytıp jür. «Men ol kezde özimdi özim wstay almay afekt jağdayında boldım», - deydi Asıljan Ömirbekwlı. Endi qaytsin, özine özi qol jwmsauğa jetkizgen qiın jağdaydan qwtıludıñ jolı baqi düniege attanu dep şeşim qabıldağan äkesi arıstay bolıp swlap jatsa, wlı qaraketsiz qarap otıra ala ma? Bwnday kezde işten tebu ğana emes, odan zorğısı da boluı mümkin. Tipti, şetin oqiğağa qatısı bardıñ bası jarılıp, közi şığıp, mürdemge ketui de ıqtimal. Alayda, Asıljan sol mezette özin sabırğa şaqırıp, prokurordan keşirim swraptı. Äytse de, jas Jampozovtıñ prokurordı işten tebui  dereu tirkelip, sol küni, yağni 20 şilde küni Aqmola oblısınıñ İşki ister departamentiniñ tergeu basqarmasına jöneltilip ülgeripti. Esteriñizge sala keteyik, sol küni Ömirbek Jampozov Celinograd audanındağı prokuratura qızmetkeri men policiya qızmetkerin atıp jaralap, soñınan özine qol jwmsağan bolatın.

İİM-niñ ökili Almas Sädubaev Asıljan Jampozovtıñ isi «Memlekettik qızmet ökiline  küş qoldanu» jäne «Sotqa deyingi tergeu isi men sottıñ şeşimine baylanıstı qorqıtıp-ürkitu, küş qoldanu» bolıp tabıladı dep otır. Alayda Asıljanğa qarsı qanday da bir is qozğalmağanğa wqsaydı. Rasında, äke ölimine janı küygen jigit prokurordı işten tepkeni üşin isti bola ma? Bolmaytın şığar.

Abai.kz   

3 pikir