Seysenbi, 22 Mamır 2018
Jañalıqtar 11068 1 pikir 28 Tamız, 2017 sağat 11:28

Qazaqstan halqı assambleyasınıñ investiciya tartudağı äleueti joğarı

Qazaqstan Respublikasınıñ Prezidenti Nwrswltan Nazarbaev investiciyalıq sayasatqa erekşe köñil böledi, sebebi investiciya – bwl  şetel investorların qızıqtıratın kez kelgen eldiñ sapalı damuın körsetetin memlekettiñ qozğauşı küşi.

Öñirde investiciyalıq ahualdı jaqsartu maqsatında 25 tamızda Petropavl qalasında «Green Park» tañdaulı baq-meymanhanasında investorlardı tartu boyınşa Öñirlik keñestiñ İİİ otırısı ötti. Mwnday is-şaranı ötkizu soltüstik qazaqstandıqtar men qatınasuşı investorlar üşin dästürge aynaldı. Jıl sayın türli elder ökilderi özerine innovaciyalıq-ekonomikalıq salanı damıtudıñ basım bağıttarın anıqtay otıra, oblısımızğa kelip qaytadı.

Söytip, bügin 7 elden kelgen 200 astam adam investorlar forumına qatıstı. Bağdarlama tolıqtığımen jäne biregeyligimen tañ qaldırdı, al resimdelui men Soltüstik Qazaqstan oblısınıñ tabiğatı is-şaranıñ biregey böligine aynaldı.

Investorlar forumı audandar jäne qala ökilderi dayındağan Soltüstik Qazaqstan oblısı käsiporındarınıñ azıq-tüligi men bwyımdarı körmesinen bastau aldı. Körme jeñil önerkäsip bwyımdarın, azıq tülikti, jılu almasu jäne energetikalıq qwral maketin, ekologiyalıq twrğıdan qauipsiz mineraldı keşendi tığaytqıştardı jäne basqaların qamtıdı.

Keyin forumnıñ negizgi böligi – «Ortalıq jäne öñirlik deñgeyde investiciyalıq sayasattı iske asıru» taqırıbında Soltüstik Qazaqstan oblısında investiciyalıq ahualdı jaqsartu jäne investorlardı tartu boyınşa Öñirlik keñestiñ otırısı boldı, onıñ ayasında oblıs äkimi   Qwmar Aqsaqalov, şetel memleketteriniñ ökilderi söz söyledi. Otırısta öñirdegi investiciyalıq ahual jayında oblıs äkiminiñ orınbasarı  Däuren Jandarbek aytıp, Qazaqstandı damıtudıñ zamanaui kezeñindegi investiciyalıq özara is-qimıldıñ mañızdılığın atadı.

Şekaralas jäne aymaqaralıq ıntımaqtastıqtı damıtu jöninde Qazaqstan Respublikasındağı Resey Federaciyasınıñ sauda ökili Aleksandr YAkovlev,  Ombı oblısı Ekonomika ministriniñ orınbasarı Denis Kuşner, QR Parlamenti Senatı IV, V şaqırılımınıñ deputatı, Jañğırtu jönindegi wlttıq komissiyanıñ müşesi, Qazaqstan halqı assambleyası keñesiniñ müşesi, ekonomika ğılımdarınıñ doktorı Anatoliy Başmakov bayandadı.

Sonımen qatar «Nwrlı jol – bolaşaqqa bastar jol» strategiyası jobaların jäne «Bir beldeu – bir jol» ükimetaralıq bağdarlamasın iske asıru ayasında käsiporındardıñ qızmeti jöninde «Tayınşa May» JŞS bas direktorı Fan Lunfey, «ShiYanDeRuiGongVfoCo. Ltd» kompaniyasınıñ bas direktorı Van Tiande aytıp ötti.

Soltüstik Qazaqstan oblısı aymağındağı şetel investorlarınıñ tabıstı ülgisi jayında «Sultan - EMMK» AQ bas direktorı, oblıstıq Qazaqstan halqı assambleyası «Türik mädenieti» qoğamdıq birlestiginiñ törağası Kartal Idris söz etti.

Intımaqtastıq turalı memorandumdarğa resmi qol qoyğannan keyin wyımdastıruşılar qatısuşılar men qonaqtarğa üş jinaqtamalı sessiya dayındadı: «Strategiyalıq şetel investorların tartudağı Qazaqstan halqı assambleyasınıñ röli», «Agroinvesticiya – agrarlıq sektordı damıtu äleueti», «Jañğırtılğan energiya közderi – bolaşaqtı damıtudıñ perspektivaları».

Qazaqstan halqı assambleyasınıñ qatısuımen jinaqtamalı sessiyağa erekşe röl berildi, etnomädeni birlestikterdiñ, Resey Federaciyasınıñ şekaralas öñirleri ökilderimen tığız ıntımaqtastıq baylanısta bola twra Qazaqstan halqı assambleyası memleketter arasında ekonomikalıq özara qatınastardı jaqsartuda järdemdesu, eki taraptıñ ökilderimen kelisim sözder jürgizu barısında senimdi taratuşı bolu mümkindigine ie.

Jinaqtamalı sessiyanıñ otırısına ükimettegi atqaruşı organdardıñ, qatınasuşı jäne äleuetti investorlardıñ ökilderi, taldauşılar, konsaltingtik kompaniya, qarjı instituttarınıñ qızmetkerleri, Resey Federaciyasınıñ şekaralas oblıstarı ökilderi, oblıstıq Qazaqstan halqı assambleyası etnomädeni birlestikteriniñ ökilderi,  respublikalıq jäne jergilikti BAQ qatıstı.

Otırıs äleuetti investorlardı tartudağı,  Qazaqstan halqı assambleyasınıñ, Soltüstik Qazaqstan oblısı memlekettik sektorınıñ ökilderimen beznes ortadağı özara is-ärekettestigindegi özekti mäselelerdi talqılauğa bağıttaldı.

Strategiyalıq şetel investorların tartudağı oblıstıq Qazaqstan halqı assambleyasınıñ röli turalı oblıstıq QHA hatşılığınıñ meñgeruşisi Nail' Salimov bayandadı.

Birneşe jıldar boyı Qazaqstan halqı assambleyası Resey Federaciyasınıñ şekaralas öñirlerimen ıntımaqtastıq tatu qatınastardı ornatu, saqtau jäne nığaytu boyınşa jüyeli jwmıs jürgizedi. Osılay Qorğan oblısınan Zaural'e qazaqtarınıñ öñirlik wlttıq-mädeni avtonomiyası basqarmasınıñ törağası Äset Biisov, Ombı oblısınan «Möldir» Sibir wlttıq qazaq mädeni ortalığınıñ basşısı Altınay Jünisova, Tümen oblısınan basqarma basşısınıñ orınbasarı, investiciyalıq sayasat jäne käsipkerlikti memlekettik qoldau böliminiñ bastığı Igor' Borisov  söz söyledi.

Sonımen birge seriktestik qatınastar Resey Federaciyasınıñ Tatarstan Respublikasımen ornatılğan. Ol jayında Qazaqstan Respublikasındağı Tatarstan Respublikası uäkiletti ökildiktiñ keñesşisi DaniyarTınımbaev aytıp qötti.

Soltüstik Qazaqstan oblıstıq Qazaqstan halqı assambleyası etnomädeni birlestikteriniñ törağaları jürgizetin investiciyalardı tartu salasındağı memlekettik sayasattı belsendi qoldaydı. Ayta ketsek, jinaqtamalı sessiyağa qatısıp otırğan etnomädeni ortalıqtardıñ ökilderi osı bağıtta jürgizilgen jwmıs jayında söz etti. «Qazaqstan käristeri qauımdastığı» qoğamdıq birlestigi filialınıñ törağası Evgeniy Han, «Argo» gruzin ortalığınıñ törağası Omari Harbediya Soltüstik Qazaqstan öñiriniñ aymağında öz käsiporındarınıñ qızmetin iske asıru barısındağı jağımdı mısaldardı keltirdi.

İs-şaranıñ soñında oblıstıq Qazaqstan halqı assambleyası Aqsaqaldar keñesiniñ törağası Fanis Litfullin söylep, sessiyanıñ qorıtındısın şığardı.

Söytip, wyımdastırılğan jinaqtamalı sessiya käsipkerler jäne äleuetti investorlar üşin bir-biriniñ qızıqtı wsınıstarı men mümkindikterin jan-jaqtı zertteuge ıqpal etetin dialog alañına aynaldı, sonday-aq önerkäsiptiñ perspektivalıq salalarındağı investiciyalıq jobalardı iske asıruğa arnalğan qosımşa türtki boldı.

Erğali Berikwlı

Abai.kz

1 pikir