Düysenbi, 18 Jeltoqsan 2017
Dep jatır 5710 17 pikir 6 Qırküyek, 2017 sağat 08:46

Qara Toqa Külekbaevtıñ isin qaytalauı kerek pe?

Atırau oblısı, Jıloy audanı 7 - auılda twratın bauırımız 24 jastağı Amandäuletov Toqtar, janama atı "Qara Toqa" (po kliçke "Çernıy Toka") qazaqtıñ jay, qara domalaq salmaqtı, biyazı balası. Asıra maqtağandıq emes, tua bitken şımır, mıqtı sport şeberi, birtuar azamat desek te boladı. Bwl bauırımızdıñ sport salasına da qosqan ülesi öte zor. Mwnday birtuar jigitterdiñ közin aşıp, ıntalandırıp, qol jetpes biik belesterge qanat jayıp wmtıluına jağday jasaudıñ, sebep boludıñ ornına bizdiñ İİ Bölimi qızmetkerleri onı sındırıp, odan wltaraq jasamaq.

Qazir mügedek bolsa da mügedekter aralıq jarıstarda birinşi orın alıp audannıñ abıroy-dañqın, atağın köterip otırğanın nege aytpasqa? Osı uaqıtqa deyin işine sırın bükken bauırımız küni keşe kelip (jastar jiılatın ordağa) işindegi bar sırın ortağa  aqtarıp saldı. "Bir künäniñ iesi bolsam bir säri, negizsiz artqa tüskennen asqan azap joq eken. Ne isteu qaldı, ne isteyin, men sınatın şını hrustal' emespin, aldım qwz da artım jar, Külekbaev qwsap tügel qıru kerek pe bwlardı?" dedi.

Bwl - lajı qalmağan aşulı jigittiñ soñğı wyğarımı eken. Osı mäselede qandayda bir jamanat orın alsa, bwğan kinäli, mwndayğa jol aşqan, sebepker qwzırlı orın qızmetkerleri bolıp qalmaq. Biz sabırlı boluğa şaqırdıq onı.

"Qara Toqanıñ" artına 2015 jıldan bastap İİ Bölimi qızmetkerleri şıraq alıp tüsipti. Daudıñ bası Dayrabaydıñ ala siırı degendey, jalğan närseni sıltau qılıp, şıbınnan pil jasau İİ Bölimine mızğımas qağida bolıp bekigen be? 2015 jılı, yağni Audandıq işki ister basqaraması İİ Bölim qızmetkerleri jala japqan kezde Toqtar baldaqpen jürgen mügedek edi. Sonday jügire almaytın mügedekke «sotka wrlap qaştıñ» dep jala jabuı, jalğan kuägerler jaldauı, Toqtardıñ atınan tüsinikteme, arız, qolhattar jazıp, onıñ qolın qoyuı barıp twrğan qılmıs emes pe, osınıñ bäri aqılğa siya ma?

Eki jıldıq dramanı bwl jerge sıyğızu mümkin emes, degenmen de naqtılanıp jazılıp jatır. Qorqıtıp moyındatu, qarumen qorqıtu, qaltağa narkotik-esirtki salu operaciyasınıñ barın jasap körgen, "ölmeytin qwlğa öli balıq kezigedi" degendey, äzirşe ondaylardan bauırımız din aman. Biraq, quğınşığa jarğa tirelgen hayuannıñ azuın aqsıytuı tabiği zañdılıq. Demek, qarsı taraptan ızğar, qauip bar. Hikaya aldağı uaqıtta tolıq jariyalanadı. Sondıqtan da, Toqanıñ artına tüsken "bandını quğan Hamitterge" aytarımız, is nasırğa şappay twrğanda beybit jağdayda isti toqtatularıñdı Jıloy jastarı atınan swraymız!

Jılıoy namıstı jastarı!

Abai.kz

17 pikir