Düysenbi, 18 Jeltoqsan 2017
615 3 pikir 11 Qırküyek, 2017 sağat 08:25

Aşhabadta qız-kelinşekter merekelik kiimmen köşe tazalaytın boladı

Aşhabadta Aziya oyındarı qarsañında köşe tazalauşılar jwmısqa endi merekelik jasıl tüsti kiimmen şığu kerek. Köşe tazalauşı äyelder bastarın şañnan qorğaytın oramal tağa almaydı.

Kommunaldı şaruaşılıq qızmetiniñ köşe tazalauşısı basşılıq jasıl tüsti matadan tigilgen jaña kiimge tapsırıs bergenin aytadı. Biraq onıñ qwnın eñbek aqılarınan wstap qaladı eken. Keybir jwmısşılar aqşanı ünemdeu üşin, matanı alıp, kiimdi özderi tigudi swraptı. Biraq basşılıq bas tartqan.

Onıñ üstine köşe tazalauşılardıñ jwmıs kestesi de özgergen. Olar tañğı sağat 7-den tüngi 3-ke deyin jwmıs isteytin boladı.

Jergilikti baqılauşılar köşe tazalaytın arnayı zamanaui tehnikalar bola twra, jwmısşılardı qolmen isteytin qara jwmısqa saladı deydi. Tipten qız-kelinşekter joldardı şüberekpen juadı eken.

Bwdan bölek köşeni tazalauğa da kelbetti, jası 30-dan aspağan äyelderdi tartadı eken.

Abai.kz

3 pikir