Düysenbi, 18 Jeltoqsan 2017
608 1 pikir 11 Qırküyek, 2017 sağat 08:34

Astanada Islam ıntımaqtastığı wyımınıñ sammiti ötip jatır

Astanada 10 qırküyekte älemniñ 14 eliniñ lideri men 80 memleket ökilderiniñ basın qosqan Islam ıntımaqtastığı wyımınıñ (IIW) sammiti ötip jatır. «Islam älemindegi ğılım, tehnologiya, innovaciya men modernizaciya» dep atalatın sammitte sayasi mälimdemeler de jasaldı.

Qazaqstan prezidenti Nwrswltan Nazarbaev islam äleminde ğılım, ekonomikanı damıtu üşin "Ülken jiırmalıq" (G20) sekildi IIW-ğa müşe 15 eldiñ basın qosatın biresmi top qwrudı wsındı. Ol sonımen birge islam älemi men batıstıñ aşıq dialogına jol aşatın basqosulardı jii ötkizip, "ğasırlar boyı qalıptasqan tüsinbestik tudıratın stereotiptik közqarastardan bas tartqan jön" dep atap ötti.

Prezident Nazarbaev M'yanmadağı janjalğa qatısuşı taraptardı zorlıq-zombılıqtı toqtatıp, BWW ayasında dialogtı jalğastıruğa şaqırdı.

M'yanmada zorlıq-zombılıq örşigennen keyin ol elden mıñdağan rohindja mwsılmandarı bas sauğalap körşi Bangladeşke qaşıp barğan edi. BWW bas hatşısı Antonio Guterriş BWW Qauipsizdik keñesine M'yanmadağı zorlıq-zombılıqtı toqtatu şaraların jasaudı wsınğan.

1969 jılı qırküyekte negizi qalanğan Islam ıntımaqtastığı wyımına qazirgi kezde 1,5 milliardqa juıq adamdı qamtitın 57 el enip otır. Qazaqstan 1995 jıldan beri halıqaralıq wyımnıñ tolıq qwqılı müşesi.

Abai.kz

1 pikir