Särsenbi, 22 Qaraşa 2017
Qauip etkennen aytamın 1875 12 pikir 11 Qırküyek, 2017 sağat 09:26

Tek qazaq qonıstanğan öñirge katolik şirkeui nege kerek?

Bizdiñ Qwlsarı qalası – nağız qazaqı meken. 10 auıl, öñkey qazaq, kişi jüz, yağni 40 rudan qwralğan jer. Batıstıñ işindegi qazaqşılıqtıñ qaymağı bwzılmağan jer dese de boladı. Audanımızda 80 mıñnıñ üstinde halıq bar. Jalğız tüyir meşitimiz bar. Oğan jamağat sıymaydı. Meşit saldıruğa eşkim ıntalı emes jäne oğan rwqsat berilmeydi. Sebebi, vahabtar köbeyip ketedi-mis.

Biz eşkimdi jatırqamaytın, qonaqjay el bolğanımız sebepti elimizde boy kötergen katolik şirkeui de bar. Biraq, onıñ nemen aynalısıp jatqanın eşkim bilmeydi. Rasında da, bizdiñ Qwlsarığa katolik şirkeui qajet pe edi? Bwl qalay, qaşan, ne üşin, qanday mwqtajdıqpen boy kötergeninen eşkim beyhabar. Men biletin bwrınğı pobı polyak azamatı. Bwlar bizdiñ basşılarğa aqparat berip otıra ma eken? Bwlar jaylı ne üşin osı künge deyin audandıq «Keñ Jılıoy», «Qwlsarı» gazetteri belgili bir mağwlmattar bermegen? Bizdiñ audanda katolik dinin wstanatın adamdar bar ma? Onı tekseru qwzırlı orındardıñ qaysısına bekitilgen? Ne üşin halıq öz jerindegi özge din ökilderiniñ ne istep ne qoyıp jatqandığınan habarsız boluı kerek?

Bwl maqalanıñ jazılu sebebi de bar. Jaqında bolıp ötken qwrban aytımızdan 2-3 kün bwrın Qwlsarıdağı katolik şirkeuiniñ qasına batut qwrılıp, balalarğa tegin balmwzdaq ülestiripti. Qazir onday «jomartqol» amaldar sänge aynala bastadı. Bizdiñ qazekeñ «änşeyin zat» dese arın satatın bolğan ba, ol jerge 200-ge juıq halıq jinalıptı. Bwl neniñ qwrmeti degen swraqtarğa: «Bügin katolik şirkeuiniñ aşıq esik küni» degen jauaptar alıptı. Balmwzdaq jep rahattanğan, äli oñ-solın ayıra qoymağan oyın balaların sonday biyazılıqpen, qwrmetpen, qoşemetpen katolik şirkeuine kirgizipti. Ol jerden olar suretter salıp, änder aytıp, din turalı uağızdar estip, qısqası şirkeu jayında edäuir mağwlmattarğa qanıq bolıptı.

Bwl qaqpanğa jasırılğan may emes pe? Bizdiñ ermeli qazaqqa bwl bir keremet din bolıp körinui ğajap emes qoy. Sebebi, öz dinin wstansa vahabis degen atqa ie boladı. Malınıp hidjap kiyuine tura keledi. Mektepke barsa bitpeytin bir oramal dauı. Wzın saqal, qısqa balaqtan üreyi wşqan keybir orısqwl qazaqtarımız üşin islam dininiñ artında «terror» degen qwbıjıq jasırınğan sıñaylı. Al şetel seriyaldarına susındap toyınğan qazaqqa katolik dininen tınışı, sodan qayırlısı joq bolıp körinui äbden mümkin ğoy.

Bwl uaqıtqa deyin tıñşınıñ keypin somdağan şirkeu jan-jağına qarap halıqtıñ minez-qwlqı, ädet-ğwrpı, salt-sanası, barlıq anatomiyasın tübegeyli tekserip meñgergen alğan siyaqtı. Keyin, uaqıtı kelip, bas köterip, jwtpalı aydahar qwsap öz missiyasın bastap jatır ma degen oyğa da qaladı ekensiñ. Bwlardıñ mwnday tirlikterine jol bolsın! Bwl oylanatın jağday. Aldın alıp, keñesip pişken tonnan artığı joq. Kimniñ qalay oylaytını bizdi qızıqtırmaydı. Balalarıñdı özge dinge, sektağa kirip ketuinen saqtanıñdar, Jıloy halqı!

Twrar Şapqara

Abai.kz

12 pikir

Üzdik materialdar

Ruhani jañğıru

Qanat Äbilqayır. Qarız ben Parız

Abai.kz 10335
Qauip etkennen aytamın

Qazaqstanda jürgen qıtaylar kimge süyenedi? 

N.Qoşamanwlı 18547
Ätteñ...

Wltqa qarsı kez-kelgen azamattı «jarnamalau» kerek

Äkeş Baybatır 31839