Särsenbi, 17 Qañtar 2018
Tarihtıñ bir küni 1522 9 pikir 11 Qırküyek, 2017 sağat 10:46

Qoş bol, qazaqtı älemge tanıtqan, EKSPO!

Elbası jiınğa qatısuşılar aldında söylegen sözinde Astana men elimizdiñ barlıq öñirleri küş jwmıldırğanınıñ arqasında «EKSPO-2017» körmesi tabıstı ötkenin ayttı, - dep habarlaydı Abay-aqparat Aqordanıñ baspasöz qızmetine silteme jasay otırıp.

Nwrswltan Nazarbaev körmeniñ Qazaqstan ekonomikasın damıtuğa mul'tiplikativtik twrğıdan oñ äser etkenin erekşe atap ötti.

– Şağın jäne orta biznestegi 1400-den astam käsiporın qwnı 640 milliard teñge bolatın tauarlardı jetkizuge jäne qızmet körsetuge tapsırıs aldı. Turistik sektor jandana tüsti. Turoperatorlardıñ qızmetine degen swranıs 1,8 ese arttı. Astanada käsipkerlik sub'ektileriniñ sanı 10 payızdan asa köbeydi. Elorda byudjetine qızmet körsetu salasınan tüsken salıq 1,2 ese östi. Qazaqstannıñ astanası bükil älemniñ nazarın özine audardı, – dedi Elbası.

Memleket basşısı körme ayasında ötken mädeni jäne halıqaralıq şaralarğa toqtaldı.

– Kün sayın elordamız törtkül dünieniñ tükpir-tükpirinen jetken türli mädeniettiñ äueni men naqışına bölenip twrdı. Bügingi saltanattı räsim Islam ıntımaqtastığı wyımınıñ ğılım jäne tehnologiyalar jönindegi sammitimen twspa-tws kelip otır. Onda islam älemindegi ğılımi-tehnikalıq damudıñ mañızdı mäseleleri talqılanuda. Jalpı, EKSPO ayasında 6 mıñnan astam türli is-şara ötkizildi, – dedi Nwrswltan Nazarbaev.

Qazaqstan Prezidenti elimizdiñ Euraziya öñirindegi qauipsiz äri qarqındı damıp kele jatqan memleket retindegi oñ imidjin nığayta tüskenin atap ötti.

Memleket basşısı «Bolaşaqtıñ energiyası» ayasında ozıq ideyalar men tehnologiyalardıñ damuına türtki bolğan jäne älemde ğılımnıñ özara ıqpaldastığın nığaytuğa septigin tigizgen körmeniñ birqatar jağımdı aspektilerine toqtaldı.

– EKSPO bükil älemniñ intellektualdıq jäne tehnologiyalıq äleuetin körsetuge zor mümkindik berdi. Mwnda jañartılatın energiya közderi salasındağı 140-qa juıq ğılımi jañalıq köpşilik nazarına wsınıldı, – dedi Nwrswltan Nazarbaev.

Sonımen qatar, Qazaqstan Prezidenti EKSPO ayasında qazirgi zamanğı energetikalıq sayasattıñ basımdıqtarı jöninde jahandıq dialog wyımdastırılğanın jäne energetika men ekologiya salasındağı zamanaui problemalardı şeşuge arnalğan wsınımdar äzirlengenin atap ötti.

– EKSPO körmesin ötkizu arqılı bizdiñ el «jasıl» tehnologiyalardı damıtu ideyasına berik ekenin tağı da däleldey tüsti. Jalpı, bizdiñ körme «taza energetikanı» jahandıq deñgeyde damıtuğa ayrıqşa üles qosatınına senimdimin, – dedi Memleket basşısı.

Sonımen birge, Nwrswltan Nazarbaev EKSPO infraqwrılımın körmeden keyin paydalanu josparı jöninde oy bölisti.

– «Nwr Älem» jäne körme taqırıbı körinis tapqan basqa da birqatar pavil'ondar «EKSPO mwrası» retinde saqtaladı. Körmeniñ ayaqtaluı birneşe auqımdı jaña jobalardı bastauğa mümkindik beredi. Eñ aldımen, mwnda «Astana» halıqaralıq qarjı ortalığı ornalasadı. Ol qarjı habına, investiciya tartatın ortalıqqa aynalıp, halıqaralıq qarjı jüyesinde layıqtı orınğa ie boluğa tiis, – dedi Qazaqstan Prezidenti.

Sonday-aq, Memleket basşısı «jasıl» tehnologiyalar men investiciyalardı damıtu jönindegi halıqaralıq ortalıqtı jäne İT-startaptar halıqaralıq tehnoparkin qwruğa arnalğan jobalarğa toqtaldı.

– «EKSPO» körme keşeni tolığımen innovaciyalıq jäne ornıqtı damudıñ maqsattarına odan äri qızmet etetin boladı. Barşañızdı jaña ortalıqtardıñ jwmısına belsendi atsalısuğa şaqıramın, – dedi Nwrswltan Nazarbaev.

Soñında Qazaqstan Prezidenti körmeni ötkizuge üles qosqandardıñ bärine alğıs aytıp, kelgen qonaqtarğa erekşe rizaşılığın bildirdi.

– Osımen halıqaralıq «EKSPO-2017» mamandandırılğan körmesin jabıq dep jariyalaymın! Onıñ ideyasınıñ tolığımen jüzege asuına qoldau körsetken Qazaqstan halqına rizaşılığımdı bildiremin. Körmeniñ sätti ötuine mıñdağan adam atsalısıp, eñbek etti. Barşañızğa Qazaq jerindegi aytulı şarağa belsene qatısqandarıñız üşin alğıs aytamın, – dedi Memleket basşısı.

Abai.kz

9 pikir