Düysenbi, 18 Jeltoqsan 2017
Betbwrıs 2034 6 pikir 11 Qırküyek, 2017 sağat 17:08

Latın ärpi düniejüzindegi qazaq wltın twtastıratın mümkindikke ie

 

«Jebeu» respublikalıq qoğamdıq birlestigi latın alfavitine köşudi qoldaydı

Elbası jıl basındağı  halıqqa joldauında  Qazaqstannıñ üşinşi jañğıruı  bastalğanın jariyaladı. Sodan keyin 2017 jılı 12 säuirde «Bolaşaqqa bağdar: ruhani jañğıru» attı maqalasında  «qazaq tilin birtindep latın älipbiine köşiru jwmıstarın bastauımız kerkek» – dep atap ötti.  Elbasınıñ bwl wsınısı täuelsizdikten keyin sayasi, ekonomikalıq reformalar sätti jürgizilip, ırıs pen ıntımaqtıñ wyasına aynalğan Qazaqstan halqınıñ jüregine jol tauıp, qoldau taptı.

«Bir til, bir moral', bir memleket» degen wğımdardı mäñgilik eldiñ wstanımdarı dep qarasaq, täuelsizdikten keyin  Atamekenge tabanı tiip, mamırajay ömir sürip jatqan  millionğa tayau qandastarımız üşin bwl habar nağız aq tüyeniñ qarnı jarılıp, qwt ornağan merekeniñ özi boldı. Wlttıq memlekettiñ mañızdı qwndılıqtarı til men jazu bolsa, Altay men Atıraudıñ, Jetisay men Bayanauıldıñ arasında eş müdirmey dialektsiz söylesetin halqımız soñğı 80 jılda jazudıñ tauqımetiñ täuir-aq tarttı.

Älemdik  örkenietke qarap boy tüzeu, Biriken Wlttar Wyımına bir twtas wlttıq memleket bop kirgen  elimizdiñ kem- ketigin tolıqtap, strategiyalıq bağıtın ayqındau – Täuelsiz elimizdiñ, onıñ kemeñger köşbasşınıñ mañdayına jazılğan eken. El bolıp Elbasımızdı qoldayıq. Bwl – üş ğasırdan asqan bodandıq ajırğınıñ alınuı, ketken esemizdiñ, tögilgen qannıñ tölenui. Jüzden asqan wlt pen wlıstı ayranday wyıtıp otırğan keñ peyil, kesek minezimizge täñirdiñ tartqan sıyı dep bilemiz.

«Jebeu» respublikalıq qoğamdıq birlestigi 2014 jılı aqpannıñ 24 küni Almatı qalalıq wltıq baspasöz klubında wlt köşbasşısı Nwrswltan Äbişwlı Nazarbaevtıñ merziminen bwrın prezidenttik saylau ötkizuin qoldap, äri sol saylauğa Elbasınıñ qatısuın ötinip baspasöz maslihatın ötkizgen edi. Sonımen birge elge oralğan qandastarımızdı wlt köşbasşısına dauıs beruge şaqırğan-dı. 2017 jılı 26 qañtarda baspasöz ben qoğamdıq jelilerde  “Universiyadanı el bolıp qoldayıq” dep jar salğanbız.

Elimizdiñ erteñi üşin oylanıp, tolğanıp barıp şeşim qabıldaytın tağı bir sät tudı. Dili bir, dini bir türki memleketteriniñ basım böligi latın qaripine bet qoyıp jatır. Jastarımızdıñ bäri latın äripinen habardar. Ağa buınnıñ latınnan qol üzgeni küni keşe ğana. Ruhani dünielerimizdiñ deni osı latın qaripinde jazılğan. Demek, latınnıñ bizdiñ wlttıq sanamızdağı simvoldıq mäni men mazmwnı mülde joyılıp ketken joq. Tek onı sanamızda qayta jañğırtıp, tületuge tiispiz. Onıñ üstine latın qaripi düniejüzindegi qazaq wltın twtastıratın mümkindikke ie. Türkiya men Batıs memleketterindegi qandastarımız osı latın qaripin twtınadı.  Qandastarımız köp ornalasqan Özbekstan da latın qaripin qoldanısqa engizip aldı. Qıtay qazaqtarı üşin de latınnıñ tarihi tanımdıq mañızı zor, äri onıñ bügingi şınayı şart-jağdayı pisip jetilude. Qısqası, Qazaqstannıñ üşinşi jañğıru kezeñi bastaldı. Siz ben biz osı tarihi künderdiñ kuäsimiz äri osı bir tarihi kezeñde ömir sürip, ortaq igilikke üles qosuşı azamattar bolıp tabılamız. Ülken tarihtıñ, wlt tarihınıñ bir küni – osı, ardaqtı, ağayın!

Omaräli Ädilbekwlı,

«Jebeu» respublikalıq qoğamdıq birlestiginiñ törağası

Abai.kz

6 pikir