Düysenbi, 20 Qaraşa 2017
«Soqır» Femida 1433 2 pikir 12 Qırküyek, 2017 sağat 07:16

Sud'ya Qayırov qazaq tilin nege qorlaydı?

?????????????????????????????????????????????????????????

Memlekettik qızmetkerlerdiñ swrauı joq pa?

Qazirgi kezde elimizde sıbaylas jemqorlıqpen küres qızu jürude. Künine bir emes, birneşe şeneunik para alıp, byudjet qarjısın talan-tarajğa salıp, qızmet babın asıra paydalanıp t.b.t.t. wstalıp, qamalıp, sottalıp jatadı. Oğan soñğı kezde boyımız da, etimiz de üyrene bastağanday. Ädette qoğam nazarı ministr, oblıs äkimi siyaqtı asa joğarı lauazım ieleri men qoğam qayratkerleriniñ, esimi elge belgili adamdardıñ isterine erekşe audarıladı da (S.Ahmetov, T.Jamanqwlov t.b.), al qatardağı jäy qızmetkerlerdiñ isine eşkim erekşe män bere qoymaydı. Al, olardıñ arasında müldem zañsız isti bolıp nemese qosaq arasında ketip jatqandar qanşama deseñizşi?! Oğan kündelikti qızmetimiz barısında özimiz, advokat retinde, talay märte kuä bolıp ta jürmiz. Qoğamdı bılay qoyayıq, qazir isti qaraytın sud'yalar da sıbaylas jemqorlıq babımen kelgen isterge bastarın auırtudı qoyğan. Aldarına kele me, kinäsi däleldensin, däleldenbesin sottap jiberedi de qarap otıradı. Artınan biz osınşama jemqordı qwrttıq dep esep beredi, key adamdar soğan qarap elimizde jemqorlıqpen şınımen küres jürip jatır degenge senedi...
Büginnen bastap, men öz basım tikeley kuäsi bolğan ister boyınşa qoğam aldında qolımdağı bar aqparatpen bölisip otıruğa bel budım. Maqsatım – qazaqtildi ortada köp eşkim kötere bermeytin osı taqırıpta qoğamdıq pikir qalıptastıru. Sebebi, sottalıp jatqan negizinen özimizdiñ qara közder. Al, orıstildi ortada müldem basqaşa, ärbir isti jurnalister de, blogerler de zañgerden beter taldap, talqılap jatadı. Zañ salasındağı forumdardıñ bäride orıstildi ortada. Bizdiñ ortadağı äñgime şamamen «E-e, wstalsa birdeñe büldirgen ğoy, jel twrmasa şöptiñ bası qimıldamaydı» degen bağıtta örbidi de qoyadı. Al, osında otırğan qanşamızdıñ tanısımız, tuısımız, aralas-qwralasımız sol memqızmette jür. Erteñ olardıñ basına osınday kün tusa ne istemeksiz?
Meniñ qazirgi qorğauımdağı azamat Şaripov Ermek – Qorğanıs Ministrliginiñ qızmetkeri. Äskeri sot Ükimimen 10 jılğa bas bostandığınan ayırılıp otır. Adam öltirgen joq, şeneunik bolıp, jemqor bolıp baylığı basınan asıp tögilip jatqan joq, ondağan jılğı qızmeti üşin küni keşe ğana baspanalı boldı, jataqhanadan päter berildi, odan basqa baylıqtan toqsan birdeñesinşi jılğı Toyota markalı eski avtoköligi ğana bar, boldı. Sot Ükimine säykes para alğanı üşin sottalıp otır, alayda alıp wstalğan basqa adam, ol adam da, bergen adam da Şaripovke qatıstı eşqanday qarsı jauap aytpağan. Özi tünde alañsız wyqıda jatqan jerinen qamalğan, sodan tergeu abaqtısında otır äli. Tergeu organdarı Şaripovtıñ artınan altı ay jasırın baqılau qoyadı (ATTA orısşası SORM - special'naya operativnaya rozısknaya meropriyatiya), yağni artınan añdidı, telefonı tıñdaladı t.b t.t. Alayda, ol eşqanday nätije bermeydi. Jauaptalğan 72 kuäniñ birde biri Şaripovke qarsı istiñ şetin körsetpeydi. Soğan qaramastan Şaripov on jılğa sottalıp otır, sot Ükimin oqısañ naqtı kimnen qanşa aqşa alğanı nemese almaqşı bolğanı da tüsiniksiz. Şaripovke qatıstı böliginde ol alğan nemese almaqşı bolğan paranıñ kölemi turalı bir auız söz joq!
Bwl jerde äñgime tek Şaripov turalı emes, men tek Şaripovtıñ isi arqılı osı kezge deyin jazıqsız sottalğan jäne bolaşaqta sottalatın (!) memqızmetşiler turalı äñgime qozğamaqpın. Öytkeni, elimizdegi jemqorlıqpen küres akciyası, şın mäninde küres emes, nauqanşıldıqqa wlasıp bara jatır.

Abzal Qwspan

Redakciyadan: Abai.kz aqparattıq portalı Ermek Şaripovtıñ qorğauşısı emes, biraq onıñ basındağı ahualdı qalıñ elge jetkizuge tolıq qaqılı. İs barısında bizdi qayran qılğan mäsele - sottaluşı Ermek Isawlınıñ Konstituciyalıq qwqığı ayaq astı bolıp, öz tilinde söyleuge sud'ya tarapınan qısımğa wşırauı der edik. Sud'ya Qayırov biluimizşe, Qazaqstannıñ azamatı boluı kerek. Äytse de ol isti qarau barısında sottaluşınıñ talabına qwlaq aspağan körinedi. Tömende Ermek Şaripovtıñ apellyaciyalıq şağımğa qosımşa sözin jariyalap otırmız. Jariyalay otırıp, sud'ya Qayırov Konstituciyamızda märtebesi "memlekettik til" dep äygilengen qazaq tilin nege qorladı degen saualğa tap boldıq. 

Qazaqstan Respublikası

Äskeri sotınıñ qılmıstıq

ister boyınşa apellyaciyalıq

sot alqasına

 

sottalğan Şaripov Ermek Isaeviçten

EC-166/1 MM

onıñ müddesine apellyaciyalıq alqada

äreket etuşi qorğauşı A.T.Qwspan

A P E L L YA C I YA L I Q      Ş A Ğ I M Ğ A

qosımşa

Bwdan bwrın men, Şaripov Ermek Isaeviç özim tañdağan, erkin meñgergen qazaq tilinde sot Ükimin uaqıtında ala almauım sebepti, alayda, apellyaciyalıq şağım beru merzimin ötkizip almau maqsatında asığıs dayındalğan küyinde apellyaciyalıq şağım bergen bolatınmın.

Ökinişke qaray, isti qarağan birinşi satıdağı sot (Sud'ya Qayrov) tarapınan meniñ Konstituciyalıq qwqığım ayaqqa taptalıp, osı kezge deyin sot Ükiminen basqa birde-bir (!) procestik qwjattıñ qazaq tilindegi köşirmesi berilgen joq! Mısalı, is boyınşa menen basqa sottalğan azamattar jäne olardıñ advokattarı tarapınan birneşe apellyaciyalıq şağımdar men ötinişter tüsti, alayda olardıñ eşqaysısınıñ mağan qazaq tiline audarılğan nwsqası wsınılğan emes, basqa, mağan tikeley qatısı bar, procestik qwjattardı atamağannıñ özinde!

Men özime tiesili qwjattardıñ qazaq tilindegi mätinimen, tergeudiñ basınan bastap, osı kezge deyin tanısa almauım sebepti, apellyaciyalıq alqada qazaq jäne orıs tilderine jetik advokattı jaldauıma tura keldi. Alayda, ekinşi satıdan iske kirisken qorğauşım, qılmıstıq istiñ zañsız, QR QPK-niñ 418 babınıñ, 1, 2 bölikteriniñ talaptarın bwza otırıp, yağni ne tanısuğa, ne apellyaciyalıq şağım beuge mümkindik bermesten, asığıs türde apellyaciyalıq alqağa joldanıp qoyğanın, keyinnen apellyaciyanıñ qarau merzimi 13.09.2017 j., tağayındalıp qoyğanın aytıp, ol uaqıtta istegi procestik qwjattardı audarıp, mağan mänin tüsindirmek tügili, sol is qwjattarımen tanısıp ta ülgermeytinin ayttı.

Al, sud'ya Qayrov iske audarmaşı retinde tartqan Nurgalievağa meniñ qazaq tilinde jazğandırımdı orıs tiline audarta twra, al basqa twlğalardıñ orıs tilinde jazğan qwjattarın mağan, qazaq tiline audartpay qoyğan.

Osınday körineu alalaudıñ nätijesinde, meniñ qolımda 77  tomnan asatın qılmıstıq is qwjattarınan tek qana, ayıptau aktisi men sot Ükiminen basqa, birde-bir (!) procestik qwjattıñ qazaq tilindegi köşirmesi joq!

Osınıñ saldarınan, özimniñ tergeu jäne sot tarapınan zañsız şektelgen mümkindigimdi paydalana otırıp, apellyaciyalıq şağımıma kelesi män-jaylardı qosımşa qabıldaularıñızdı swraymın:

QR QPK-niñ 433 babınıñ talaptarına säykes, qılmıstıq is boyınşa sot Ükimi kelesi jağdaylarda zañsız dep tanılıp, joyılatını nemese özgertiletini körsetilgen;

1) sot tergeuiniñ birjaqtılığı jäne tolıq emestigi;

2) sottıñ ükimde, qaulıda aytılğan tüyinderiniñ istiñ naqtı män-jaylarına säykes kelmeui;

3) qılmıstıq-procestik zañnıñ eleuli türde bwzıluı;

4) qılmıstıq zañnıñ dwrıs qoldanılmauı, birinşi satıdağı sot ükiminiñ küşin joyuğa ne onı özgertuge negiz bolıp tabıladı.

İste onday negizder bar. Birinşi satıdağı sot tarapınan materialdıq ta procestik te zañ normaların bwzuğa jol berilgen.

Atap aytqanda:

Procestik zañ bwzuşılıqtar boyınşa;

Men qılmıstıq iske tartılğan kezde, basınan bastap, özimniñ Konstituciyalıq qwqığımdı basşılıqqa ala otırıp, sot öndirisiniñ tili retinde qazaq tilin tañdağan bolatınmın. Tergeudiñ alğaşqı kezinen bastap, mağan tek qana osı üşin, yağni öz ana tilimde jauap berem degenim üşin qısımşılıq körsetu bastaldı. Ol qısım tergeu ayaqtalğan kezge deyin jalğastı. Men bar ümitimdi isimniñ aq qarasın şeşetin sotqa arttım. Alayda, birinşi satıdağı sot Qayrov tarapınan da meniñ qwqığım men zañdı müddelerim ayaqqa taptaldı.

Qılmıstıq is qwjattarında meniñ is materialdarın qazaq tilinde berudi swrağan ötinişterim bar, alayda ol ötinişterim tergeuşi tarapınan da, sot tarapınan da qanağattandırılmadı.

Nätijesinde, joğarıda atap körsetkenimdey, qazirgi tañda, meniñ qolımda ayıptau aktisi men sot Ükiminen basqa, birde-bir procestik qwjattıñ qazaq tilindegi köşirmesi joq.

Odan basqa, birinşi satıdağı sottıñ 03.07.2017 j. 03.08.2017 j. Qaulılarına säykes, audarmaşı Nurgalievağa audarma qızmeti üşin aqı tölengen. Atalğan qwjatqa sensek, Nurgalieva mağan sot procesin bastan-ayaq audarıp berip otırğan eken. Eger, process 3 sağat ötse 3 sağat, 7 sağatqa sozılsa 7 sağat jwmıs istegen dep körsetilgen. Bwl qıp-qızıl ötirik! Alğaşqı sot otırısı kezinde Nurgalieva birdi-ekili audarma jasağanımen, artınan eşqanday audarma jwmısın jürgizgen joq! Onı tekserudiñ eñ oñay jolı sot procesiniñ audio nwsqasın tıñdap körsede jetkilikti. Keyinnen sud'ya Qayrov esine tüsip ketken kezde, mağan bağıttap «bärin tüsinip jatqanımdı» swrap, men oğan basımdı izep jauap beruge mäjbür boldım, sebebi, basınan bastap meniñ bwl bağıtta bergen ötinişterim Qayrov tarapınan qanağattandırusız qaldırılğan bolatın. Alayda, men audarmaşığa jasamağan jwmısı üşin osınşama memleket qarjısı tölengenin, keyingi sot Qaulılarınan körip jağamdı wstap otırmın!

QR Konstituciyasınıñ 14 babınıñ  1 böligine säykes,  zañ men sot aldında jwrttıñ bäri teñ.

Atalğan baptıñ 2 böliginde; tegine, äleumettik, lauazımdıq jäne müliktik jağdayına, jınısına, näsiline, wltına, tiline, dinge közqarasına, nanımına, twrğılıqtı jerine baylanıstı nemese kez kelgen özge jağdayattar boyınşa eşkimdi eşqanday kemsituge bolmaydı delingen. Alayda meniñ jağdayımda Konstituciyanıñ ol baptarı tolığımen bwzılıp otır, men öz ana tilimdi tañdağanım üşin tergeu men sot tarapınan diskriminaciyağa wşırap otırmın!

Abai.kz

2 pikir
Арманшыл 2017-09-13 18:09:42
1985 жылға дейін судья, прокурорларың таза- ангел,әділ,білімді,білікті еді.Кәзіргілер үкім,қаулыны интернеттен көшіріп алады, ЧЕ армандама- судья болмадым деп,зато арың таза
Че 2017-09-13 01:03:50
Судья болғым келіп еді 100 мың долларым болмай қалды.

Üzdik materialdar

Ruhani jañğıru

Qanat Äbilqayır. Qarız ben Parız

Abai.kz 10108
Qauip etkennen aytamın

Qazaqstanda jürgen qıtaylar kimge süyenedi? 

N.Qoşamanwlı 18247
Ätteñ...

Wltqa qarsı kez-kelgen azamattı «jarnamalau» kerek

Äkeş Baybatır 31598