Düysenbi, 18 Jeltoqsan 2017
Talqı 1283 11 pikir 12 Qırküyek, 2017 sağat 09:13

Pavlodarlıq jastar latın älipbiine köşudi qoldaydı

Pavlodarlıq jastar latın älipbiine köşu bastamasın qoldau bildirdi. Bwl turalı «Nwr Otan» partiyası Törağasınıñ Birinşi orınbasarı Mwhtar Qwl-Mwhammedtiñ öñirge jasağan saparı barısında belgili boldı.

Pavlodar tüsti metallurgiya kolledjiniñ studentterimen kezdesken partiya Törağasınıñ birinşi orınbasarı zamana köşinen qalmau üşin latın älipbiiniñ mañızı joğarı ekenine erekşe nazar audardı.

«Biz latın qarpine köşu arqılı ağılşın tiline qaray integraciyalanamız. Älemdik örkenietke wmtılamız. Sondıqtan bwl mañızdı qadamnıñ ağılşın tilin üyrenu üşin de öte ülken mäni bar. Osı rette latın älipbii jastarımız üşin eşqanday qiındıq tudırmaydı degen oydamın. Sebebi, jas buın latın äripterin internet, wyalı telefon jäne komp'yuterdi qoldanu kezinde keñinen paydalanadı», – dedi Mwhtar Qwl-Mwhammed.

Öz kezeginde studentter de bwl bastamanı tolığımen qoldaytındarın aytıp, onıñ sätti jüzege asuına bar küş-jigerin jwmsaytındarın ayttı. Kolledjdiñ öndiristik oqıtu şeberi Serik Ibraev jastardıñ sapalı bilim aluı üşin biıl oqu korpusı janınan qwnı 580 mln. teñge bolatın Studentter üyi salınğanın ayttı. «Dual'di oqıtudıñ arqasında biıl kolledj bitirgen 163 tülektiñ 97 payızı twraqtı jwmısqa ornalastı», – deydi S.Ibraev.

Sonımen qatar, «Nwr Otan» partiyası Törağasınıñ Birinşi orınbasarı Pavlodar oblısında industrialdı-innovaciyalıq damu memlekettik bağdarlaması ayasında iske qosılğan käsiporındarda boldı. Atap aytqanda, qospalı alyuminiy önimderin dayındaytın «Gissenhauz» zauıtı men mineraldı tıñaytqıştar, ösimdikterdi qorğauğa arnalğan himiyalıq qospalar, şegirtkege qarsı biologiyalıq däri-därmekter öndiriletin «AgroHimProgress» zauıtına bardı. Bwl eki käsiporın da «Pavlodar» arnayı ekonomikalıq aymağında ornalasqan. Sonday-aq, Mwhtar Qwl-Mwhammed Pavlodar memlekettik pedagogikalıq institutı janındağı «Margulan center» ğılımi ortalığına «Ruhani jañğıru» bağdarlamasınıñ öñirde jüzege asu barısımen tanıstı.

«Elbasımızdıñ ayrıqşa qamqorlığınıñ arqasında Pavlodar oblısınıñ ekonomikalıq, äleumettik jäne ruhani damuında orasan zor örleu orın aluda. Tek industrialdı-innovaciyalıq damu bağdarlaması boyınşa öñirde 35 iri önerkäsip ornı aşılıp, oğan 1 trillion teñgeden astam qarajat bölindi. «Nwrlı jol» bağdarlaması boyınşa keyingi eki jılda ğana oblısqa 125 mlrd. teñge qarjı jwmsalğan. Mwnday qarqındı damu öñir tarihında bwrın-soñdı bolğan emes. Oblısta balabaqşa, mektep mäselesi de birjolata şeşilgen. Halqımızğa qazaq ğılımı men ädebietiniñ aytulı qayratkerlerin bergen öñirde «Ruhani jañğıru» boyınşa da köptegen jobalar jüzege asuda. Pavlodarlıqtar Elbasınıñ osı qamqorlığın bağalay bilui kerek», – dedi «Nwr Otan» partiyası Törağasınıñ Birinşi orınbasarı Mwhtar Qwl-Mwhammed.

Abai.kz

11 pikir