Särsenbi, 18 Qazan 2017
Bizdiñ şeneunik 1209 3 pikir 12 Qırküyek, 2017 sağat 11:05

"Prado" minbegen äkim - äkimderdiñ sorlısı

Bizdiñ Qostanaydıñ şeneunikterin kündiz külkiden, tünde wyqıdan qaldırıp jürgen bir jayt bar. Ol jañadan alğan maşinasın ärtürli sebeppen odan sayın jaña maşinağa ayırbastau. Dwrısı, byudjet aqşasın äkesinen qalğan baylıqtay esepsiz jwmsau. Olarda «qoy, bwl kölikti halıqtıñ aqşasına aldıq qoy. Äbden tozğanşa minip, sosın-aq alarmın dwrısın» deytin oy üş wyıqtasa da tüsine kirmeydi. Qayta tüsine keñsesiniñ esiginiñ aldında bılayğı jwrttıñ silekeyin şwbırtatatın kileñ bir su jaña temir twlparlar tizilip twrğanı kiredi. Al bir qızığı, osı tüstiñ köbine öñge aynalıp ketetindigin qaytersiñ.

Mäselen, oblıstıq energetika jäne kommunaldıq şaruaşılıq basqarması osıdan üş-aq jıl bwrın su jaña Ssang Yong köligin satıp alğan edi. Bastığına, ärine. Mwnı azsınğanday jaqında ğana biılğı jılı bir mıqtı krossover aluğa dep attay 8,8 million teñgeni byudjetke salıp qoyğan. Al paydalanğanı bas-ayağı üş jılğa jeter-jetpes maşina bastıqqa nege jaqpay qalğandığı müldem tüsiniksiz.

Mwnday mısaldar oblısımızda jetip artıladı. Maşina köp jürmese de «eskireñkirep qaldı» degen mıqtı sıltau tauıp alğan şeneunikterimiz osılayşa jappay jaña maşina satıp aludıñ op-oñay  ädisin äbden meñgergen. Özgelerden qalğısı kelmegen Rudnıy qalasınıñ äkimi 2013 jılı şıqqan eki birdey Kia Sorento maşinasınıñ ornına däl osınday markalı, alayda bağası 11million 460 mıñ twratın sılañdağan su jañaların satıp aldı. Bwğan osı äkim apparatınıñ jetekşisi Azamat Isqaqov bwrınğı  Kia Sorento maşinaları basqa memlekettik mekemelerge paydalanuğa berildi degen uäj aytadı. Däl osınday taptırmas täsildi Lisakov qalasınıñ äkimdigi de wtımdı paydalanıp otır. Mwndağı 2001 jılı şıqqan maşinanı memlekettik wyımğa itere saldı da, özderi 2015 jılı şıqqan Kia Optima köligine jayğastı. «Sınıqtan basqasınıñ bäri jwğadı» degen emes pe, odan endi oblıstıq bilim basqarması da qala qoymadı. Basqarmadağı 2010 jılı alınğan Toyota Kamry 2015 jılğı Kia Optima maşinasımen almastırıldı. Äbden tozğan dep eseptelinetin  Toyota bastıqtıñ orınbasarına bwyırdı.

Bayağıda bir qazaq «Äkesin sabağandı körip edik, alayda arbağa baylap qoyıp sabağandı birinşi köruimiz» degen eken. Sol sekildi jaña maşina aluda oblısımızdağı Äulieköl audanınıñ äkimi bärin de şañ qaptırıp ketti. Bastıq biıl jalpı qwnı 21 million 410 mıñ teñge twratın Toyota Land Cruiser Prado 120  markalı sılañdağan kölikti jambasqa bastı. Bwl biılğı jılğı maşinalardıñ işindegi eñ qımbattısı bolıp tabıladı. Ol 2007 jılı şıqqan däl osınday derlik Toyota Land Cruiser  djipti auıstırıp otır. Äkimimiz bir djipti ekinşisimen auıstırıp, şalqaya minip, şirenip otırğanda osı audandağı internattıñ tiri jetimekterine oblıstıq memlekettik mwrağattıñ 2004 jılı şıqqan, onıñ üstine Qıtayda şala-pwla qwrastıra salınğan, 400 000 kilometr jürip äbden şarşağanı sonşalıq, tozğandıq körsetkişi 100 payızğa jetken, yağni küni erteñ qoqısqa laqtırıp tastauğa äbden jarap qalğan dimkes Volkswagen Santana 3000 degen maşina degen atı ğana bar äbden qausağan birdeñeni bere salğan. Sonda deymiz-au, arğımaqtay oynaqtağan maşinanıñ jwmsaq orındığında otırğan äkim jetimekterdiñ saldır-salaq maşinasımaqpen bir jaqqa qaray ildalap bara jatqanın körip qalğanda jüregi bir şım etpey me eken?

Alayda tapqırlıqtıñ kökesin Qostanay oblıstıq densaulıq saqtau basqarmasınıñ basşısı Ermek Dauıtbaev tanıttı. Ol bwrınğı Toyota Kamry maşinasın äbden tozğan dep eseptep, özi basqaratın basqarmağa paydalanuğa berdi. Al özi bolsa qwnı 7 million 798 mıñ teñge twratın su jaña maşina alğalı otır. Sonda deymiz-au, özi äbden tozğan bolsa ol  basqarmağa paydalanuğa qalay jaraydı? Onı nege tenderge salıp, azğantay aqşağa bolsa da satıp jibermeske nemese birjolata esepten şığarmasqa. Älde ılği tek jaña maşinağa ğana taqım artuğa qwmar äkimderdiñ bwl oylap tapqan qulığı ma? Endi bwl jwmbaqtıñ şeşuin oqırmandarğa qaldırdıq. Şeşimi onşa qiın bola qoymas dep esepteymiz.

Aytpaqşı, Dauıtbaev mırzanıñ alayın dep otırğan jalğız maşinasınıñ qwnı halıqqa qızmet körsetetin sanitarlıq maşinanıñ ekeuine tatidı. Sirä halıqtıñ densaulığı bizdegi bastıqtardıñ qızmettik maşinasınıñ jartı qwnına da tatımaytın sekildi.

Medicinalıq qızmet degennen şığadı, eger şeneunikter özderiniñ onşa toza qoymağan kölikterin 4-5 jılda «eskirdi» degen sıltaumen mindetti türde auıstırıp twrsa, oblısımızdıñ medicinalıq mekemelerindegi maşinalardıñ basım böliginiñ orta jası 10-15 jıldan asıp ketken. Mine osıdan-aq şeneunikter aldımen neniñ jağdayın oylaytındarın taldap tüsindirip jatudıñ özi artıq şığar.

Bir qızığı, oblıstıq äkimdik audan men qala äkimderiniñ qanday maşina alıp jatqandığın müldem baqılamaydı. Öytkeni oğan şığatın qarjı sol audannıñ byudjetine engizilgen. YAğni bwl jerde özim bi, özim qoja. Endeşe nemenege wsaqtaladı. Aqşa öziniki emes, haliktiki. Al äkimder sol halıqqa öz kölikteri turalı aytuğa onşa qwlıqtı emes. Öytkeni ol sol halıqqa bağınbaydı, oğan esep bermeydi. Endeşe özi bağınıştı emes halıqqa kölik sekildi wsaq-tüyek äñgimeni qoqırsıtıp qaytedi. Kündiz-tüni bala-şağasın asıraudıñ qamımen jürgen qara qazaqtı mwnday tükke twrmaytın äñgimemen basın auırtpağanı dwrıs ta şığar. Al bizdiñ estigenimiz mınau. Biılğı jılı audan äkimderi jalpı qwnı 203,3 million teñge twratın 16 maşinanı jañartatın körinedi. Bwl äli de naqtı cifr emes. Öytkeni maşina auıstıru nauqanı--üzdiksiz jüretin, odan eş uaqıtta şi şıqpaytın mıqtı konveyer. Biletinderdiñ aytuına qarağanda jañağı su jaña köliktiñ işinde  Prado sekildi tım qımbat maşinalar da az kezdespeytin körinedi.

Äkimderdiñ qımbat maşinağa degen qwmarlığınıñ şekten şıqqandığı sonşalıq, bwl äñgime Parlamentke de jetken sıñaylı. Mäjilis deputatı Keñes Äbsatarov öziniñ elimizdiñ prem'er-ministrine joldağan deputattıq saualında memlekettik qızmetşilerdiñ asa qımbat şeteldik kölikterdi jappay satıp aluların sınadı. Halıq qalaulısınıñ mälimetine qarağanda biılğı jıldıñ basınan beri memlekettik qızmetşiler 400 şeteldik qımbat kölikterdi alğandığın, onıñ işinde  Land Cruiser 200 jäne  Land Cruiser Prado model'derdiñ, sonday-aq 100-den asa Toyota Kamry sekildi qımbat kölikterdi satıp alğandığın jetkizedi. Osı orayda deputat şeneunikterdiñ şeteldik maşinalardı satıp aluına zañ arqılı tiım salu kerektigin aytadı. Memlekettik qızmetşiler elimizde jasalğan maşinalarmen ğana jüruleri tiis. Äytpese elimizdegi maşina qwrastıru zauıttarına byudjetten sonşalıqtı qomaqtı qarjı böludiñ qajeti ne? Al eger älgi zauıttar sapasız dünieler şığarsa, onda birjolata jauıp tastau kerek şığar. Äytpese özimizdegi zauıttarğa qıruar qarjı jwmsaymız da, söyte twra şeteldik maşinağa añsarımız auıp twradı.

Bwl mäseleniñ aytıluınan kende emespiz. Prezidentimiz de ünemi nazar salıp otıradı. Statistikalıq derekterge qarağanda bizdegi de, Öskemendegi de maşina qwrastıru zauıttarı qarqındı jwmıs istep, maşinalardı toğıtıp-aq jatqan körinedi. Söyte twra äkimderiñ astınan neşe şeteldik kölikterdi köresiz. Sonda olar Elbasınıñ sözine de onşa män bermeydi-au degen oy keledi. Mümkin mwnday asıp-tasudı tek qana qatañ zañ küşimen ğana jönge salarmız. Äytpese bwl mäsele de «Bayağı jartas, bir jartas» küyinde qala bereri sözsiz.

Mwratbek Däurenwlı, Qostanay

Abai.kz

   

3 pikir
Сайран 2017-09-13 10:09:19
Шыныменде Мейрамбай деген адам дұрыс айтады. Тек енді, түйе арбамен жүргізбесін Тәңіріміз. Әйтпесе, өз еліміздің шенеуніктері мінетін экстра класс автомобильдің жоқтығынан әкімдер қандай көлік мінсе де - бәрібір. Өйткені, сол Прадо ол әкімдікі емес қой.
Мейрамбай 2017-09-13 10:04:52
"Прадо", "Тойота", "Мерседес" - деген басқада толып жатқан аса дамыған Буддалық немесе Христиандық әлем елдерінің жасап шығарған автомобильдерін мінгенде немесе мінбегенде тұрған не бар - өзінің атақты көлігі жоқ ҚАЗАҚҚА - айтыңдаршы???? Какая разница??? Ол әкім "Инфинити" мінеме немесе "Лексус" мінеме ия "Матис" пен "Шанс" - ты мінеме бәрібір ол авто сол әкімнің елінде жасалмаған көлік. Ең негізгі тұшымды мәселе осында!!!!!! Причем, воньючи бір әкім "Прадо" мінбесе заподло??????? Жоқ!!!!! Болды!!! На нет и суда нет дейді емес пе?! Ертең мұнай біткенде - ТҮЙЕ АРБАМЕН жүреміз. Ал, тақырып безпонтовый!!!!!!
Түңілген 2017-09-12 23:23:25
Президентке осындай бардак болғаны пайдалы болып тұр ғой.

Üzdik materialdar

Ruhani jañğıru

Qanat Äbilqayır. Qarız ben Parız

Abai.kz 7636
Qauip etkennen aytamın

Qazaqstanda jürgen qıtaylar kimge süyenedi? 

N.Qoşamanwlı 14856
Ätteñ...

Wltqa qarsı kez-kelgen azamattı «jarnamalau» kerek

Äkeş Baybatır 28931