Biz ótkende Abai.kz saytyna osy mәseleni qozghap, maqala jazyp, Rudnyidaghy qalalyq mәslihat deptutaty Yuliya Karalash degen sylqymnyng jap-jas qyzdardy shetelderde jalaqysy mol júmysqa jiberemin dep, qúqyq qorghau organdarynyng qúryghyna týsip qalghandyghyn jazghanbyz. Endi biz de, oqyrmandar da múnyng arty ne bolyr eken dep taghatsyzdana kýtip otyrghandyghy aiqyn. Ázirge eshtenemen de quandyra almaymyz. Qayta kýn ótken sayyn kýdigimiz molayyp keledi.

Al Yuliyamyz da shalt qimyldyng adamy eken. Jaman aty baspasóz betine shyghar-shyqpastan jedel qimyldap, Rudnyy qalalyq mәslihatyna óz deputattyghyn merziminen búryn toqtatu turaly ótinish jazdy da jiberdi. Mәslihattyng jyldamdyghy da adam sýisinerlik eken. Ótinish týsken kýnnen keyin ýsh-aq kýnning ishinde apúl-ghúpyl kezekten tys sessiya ashyp jiberip, Yuliyamyzdyng ótinishin quana-quana qanaghattandyryp jiberdi. Moyyndarynan bir auyr jýk týskendey boldy-au, sirә.

- Múnday jaghday bizge de onay tiyip túrghan joq, - dep ózderinshe aqtalyp baghady osy Rudnyy qalalyq mәslihattyng hatshysy Valeriy Loshiniyn.

Múny estigende esimizden tana jazdadyq. Deputtardyng barlyghy da  jerge qaraghanday kýide. Múnyng ózi bizding bәrimizge de jaghylghan jәne jaqyn arada kete qoymas kýie boldy.

Hatshynyng sózine kýmәndana qong artyq bolar Alayda osy nebәri 25 jastaghy, búryn aty-jónin eshkim de bilmeytin, eshuaqytta halyqqa paydaly isimen kózge ilinbegen mýldem beytanys jannyng ayaq astynan byltyr deputat bolyp saylanyp ketkendigine múndaghylardyng barlyghy da an-tan. Halyqtyng narazylyghy kýnnen-kýnge kýsheyip keledi. Bireuler osy bir kelensiz iske oblystyq mәslihat tarapynan eshbir mәlimdeme jasalmay otyrghandyghyna mýldem týsinbeydi. Al sol oblystyq mәslihattyng hatshysy Saylaubek Esjanov myrza da oblystaghy deputattyq korpusta eleng eterlik eshtene bolmaghanday tym ýnsiz kýide.

Al endi әlgi jengeytamyz beldi mýshesi bolyp tabylatyn «Núr Otan» partiyasynyng oblystyq filialy da múnan mýldem habarsyz sekildi qalyp tanytyp otyr. Onyng tóraghasy, oblys әkimi Arhiymed Múhambetovting sirә múnday úsaq-týiek isterge qoly tiymey jatqan bolar. Nemese odan mýldem habarsyz otyrghanday sezinesiz. Áytpese ózi basshylyq jasaytyn partiyasynyng bir mýshesining jengetaylyq sekildi bylyqtarymen býkil elimizdi shulatyp jatqanda osy partiya mýshesine tiyisti jaza berudi óz orynbasary Janabay Ysmayylov myrzagha qatang tapsyrmauy da әrtýrli oigha jeteleydi. Óitpegen jaghdayda atalmysh partiyanyng Rudnyidaghy filialy óz betinshe eshtene tyndyratyn týri bayqalmaydy.

Múny az deseniz endi kezinde ózderi búl jaydy aiday әlemge jariya qylghan oblystyq ishki ister departamenti býginderi eshtene bolmaghanday tym ýn-týnsiz otyrghandyghyn qalay týsindik?

Jaybergen BOLATOV, Qostanay

Abai.kz