Särsenbi, 18 Qazan 2017
Abay.tv 2185 1 pikir 3 Qazan, 2017 sağat 10:31

AQŞ-tağı qazaq student fil'm tüsirmek

Mwrat Esjan

- Osı küni kez-kelgen jobanı iske asıru üşin az bolsın, köp bolsın, qarjı kerek. AQŞ-ta bolsa, tipti de. Demek, bizdiñ jasağalı jatqan şort fil'mimiz turalı da “bwlar oğan aqşanı qaydan aladı” degen saual tuatını zañdı.
Şetelde, qazir bizge de kelip jatır, "crowdfunding" degen närse bar. Ideyañdı köpşiliktiñ qarjılandıruı. Arnayı sayttan paraqşa aşıp, “mınanday-mınanday närse jasağalı jatırmız, qızıqtırsa, kömek körsetiñiz” degen prezentaciyalıq video jäne öziñiz turalı aqparattar salasız. Wnatqan jwrt türli mölşerde aqşa salıp, ideyanıñ jüzege asuına järdem beredi. Paraqşañız bir ay aktiv bolıp twradı, bir ay işinde jinalğan aqşanıñ belgili bir mölşeri saytqa qaladı da, qalğanın siz alasız.

Biz de osı qoğamdıq qarjılandıru ädisine arqa süyegeli twrmız.

Bismilläh dep, ötkende aytqan, qazaqşalağanda "asar", ağılşınşalağanda "crowdfunding” şaramızdı bastadıq. Tömendegi siltemege ötseñizder, jobamız jaylı beyneroligimizdi tamaşalap, ideyamız turalı tolıqqandı aqparat ala alasızdar. Sayt ağılşınşa, biraq şama kelgenşe qazaqşa audarmasın sınalap sıydıruğa tırıstıq. Qalay bolğanda da, (eger qatelespesem) Indiegogo sındı alpauıt platformadağı twñğış qazaqstandıq häm işinde qazaq tilinde aqparatı bar kampaniya (kompaniya emes) bolıp twr.

Qısqası, bir ay merizim işinde Alaş pen AQŞ-qa sauın aytıp, fil'm tüsiruge kerekti qarajattı jinauımız qajet. Eger tömendegi joba-josparımız köñilden şığıp, eptesem, septesem degen niet tuıp jatsa, marxabat! Indiegogo-dağı paraqşamızdıñ esigi ärdayım aşıq. Ärine, kömektiñ ülken-kişisi bolmaydı. Kez-kelgen kölemge kepki şeşip, zor alğıs aytuğa dayınbız. Qwrğaq qasıq auız jırtadı deseñiz, salınğan somağa baylanıstı soñıra simvolikalıq qaytarımı da boladı. Saytta ol turalı da aqparat bar. Odan bölek, osı siltemeni äleumettik jelide bölisip, keñirek taraluına üles qossañız da bizdiñ jobağa ülken qoldau bildirgen bolasız. Endeşe, kettik!

Abai.kz

1 pikir
Тарихшы 2017-10-03 12:10:37
Мұраттың киносына үш рет Оскар алғ ан танымал продюсер Жанна Сю Мемел жетекшілік жасап әрі өзге де кино әлеміне танымал жандар өз үлестерін қосатын болса, онда мұндай іске қарапайым қазақтар ғана емес, бірінші кезекте Мәдениет министірлігі атсалысуы міндет. Өнер әлемінде осы іспеттес мүмкіндіктің реті келе бермейді. Елімізде режисер, сценарист, продюссерлер жетерлік, алайда АҚШ-тың Өнер Академиясында жоғарғы білім алып, американың кино индустриясында өтіп жатқан түрлі жобаларға қатысып, Оскар иелеріне өз туындысын /сценариін/ танытып, қолдауына ие болған жастарым жоқ. Әрі қай заманда болары белгісіз. Мұратты қазақ телеарналарындағы жүргізген хабарларынан танимын. Ол ұлттық пен адамзаттың, соның ішінде әлемдік киноиндустрияның көшін бастап, жөн сілтеп тұрған американың дұрыс құндылықтарын қатар игеріп, отандық кино саласына өз үлесін қосуды мақсат еткен жан. ҚР Мәдениет Миністірі Арыстанбек Мухамедиұлы және елжанды бай-бағландарымыз осы секілді елге де елім деген дарынды ерге пайдасы тиер іске өз үлестерін қосса екен.

Üzdik materialdar

Ruhani jañğıru

Qanat Äbilqayır. Qarız ben Parız

Abai.kz 7634
Qauip etkennen aytamın

Qazaqstanda jürgen qıtaylar kimge süyenedi? 

N.Qoşamanwlı 14855
Ätteñ...

Wltqa qarsı kez-kelgen azamattı «jarnamalau» kerek

Äkeş Baybatır 28930