Jeksenbi, 17 Jeltoqsan 2017
Bäse... 10680 26 pikir 9 Qazan, 2017 sağat 18:01

Süyinşi, ıqtiyarhat dauı şeşimin taptı!

 

Cüyinşi, Qazaq eli! Süyinşi, elim dep jarğaq qwlağı jastıqqa timey 251 qandastıñ tağdırına alañdağan Abai.kz portalınıñ oqırmandarı!

Qıtaydan Tarihi Otanına oralıp, Jambıl oblısı, Taraz qalalıq Köşi-qon policiyasınan ıqtiyarhat alğan 250-dey etnikalıq qazaqtıñ mäselesi şeşildi.

Şekaradan şığarıp jiberip, Qıtaydıñ temir torınan «däm bwyıra ma» dep köz jası köl bolğan ağayınnıñ mäselesi tolıq şeşiletin boldı.

Bwl jöninde Abai.kz aqparattıq portalınıñ tilşisine Jambıl oblıstıq işki ister departamenti basşısınıñ orınbasarı Bäyisov Ruslan Äbdiğapparwlı habarladı.

Ol kisi qoğamda ülken dümpu tuğızıp, qazaq ziyalıların, deputattardı häm eldiñ belsendi azamattarın alañdatqan mäsele tüpkilikti şeşilip, bärine azamattıq beriletinin, ol üşin elimizdegi BAQ belsendilik tanıtıp, ıqtiyarhat alğanımen, qwziretti organğa baruğa jüreksinip otırğan barlıq azamattarğa ügit jürgizu kerektigin ayttı.

Olardıñ ärqaysısı Jambıl oblıstıq İİD-ne barıp, özderiniñ qwjattarın ötkizui tiis. Ol qwjattar tikeley QR işki ister ministrligine jiberiledi. Ministrlik barlıq qwjattı jinap, är qandastıñ qazir twrıp jatqan audanına jöneltedi. Qandastar endi sabılmay-aq özderi twratın eldimekennen azamattıqqa qwjat tapsıra alatın boldı.

Tipti, twraqtı tirkeu mäselesin de oñtaylı şeşudiñ jolı qarastırılıp jatqan körinedi.

Endi QR İİM mına mäselelerdi eskerui kerek. Qwjattan şataq şıqqanı sebepti Qıtayğa ötip ketken azamattardı şekaradan beri ötkizudiñ jolın qarastıruı kerek. Kedennen olardıñ Qazaqstanğa qayta keluine eski ıqtiyarhatpen jüzege asıruğa birjolğa mümkindik beru kerek.

Osı orayda bizdiñ portal "250 otbasınıñ tağdırın oyrandağalı otırğan joqpız ba, Sağıntaev mırza?!" dep maqala jazıp, qoğamğa belgili bir därejede qozğau salğanın, bwl jeñis bizdiñ de jeñis ekenin börikimizdi aspanğa atıp twrıp aytqımız keledi.

Biz bügin qırıqqa juıq qandasımızben birge Tarazda jürmiz. Süyinşi habardı estigen qandastardıñ quanışın auızben aytıp jetkizu mümkin emes.

Qazaqstan arnasındağa "Men – qazaqpın" jobasına qatısuşı, änşi Mwqatay Baymwhammed: "Men ne azamattığı, ne ıqtiyarhatı joq, ne Qıtayğa tiesili adam emes bola twra "Men – qazaqpın" jobasına qatısuğa şeşim qabıldap edim. Endi zañdı türde «Men – qazaqpın» dep aytuğa qwqıq aldım», - dedi quanışın jasıra almay. Birlik Qaster bolsa: «Äyelim ekeumiz neke kuäligin jasata almağandıqtan balam äyelimniñ tegine jazılıp edi. Endi öz äkesiniñ atımen atalatın boldı», -  dep şattana til qattı.

Bwl quanışqa jetude ""Nwr Otan" partiyasınıñ, sonday-aq,  qoğam qayratkeri, aqın Auıt Mwqibektiñ etken eñbegi ölşeusiz siñdi. Auıt sekildi ondağan adamnıñ kün-tün demey erikti türde jwmıs isteuiniñ arqasında qandastarımız elde qalatın boldı.

Emşektegi säbiler ananıñ qwşağınan ayrılmaytını üşin, otbasılardıñ oyranı şıqpaytındığı üşin bar qazaqtı qwttıqtauğa boladı.

Qwttı bolsın quanış!

Qanat Birlikwlı

Abai.kz

 

26 pikir