Senbi, 21 Qazan 2017
Mıñ bir mısal 2025 58 pikir 10 Qazan, 2017 sağat 08:33

Sağıntaev Atambaevqa jauap berdi

Qazaqstannıñ prem'er-ministri Baqıtjan Sağıntaev Qırğızstan Prezidenti Almazbek Atambaevtıñ pikirine qatıstı arnayı mälimdeme jasadı, - dep habarlaydı kaz.tengrinews.kz tilşisi.

Mälimdemeniñ tolıq mätini Primeminister.kz saytında jariyalandı.

"Biılğı 7 qazanda Qırğız Respublikasınıñ Prezidenti Almazbek Atambaev Qazaqstannıñ äleumettik-ekonomikalıq damuınıñ keybir aspektilerine qatıstı qate äri dostıqqa jatpaytın mälimdemeler jasadı. Qırğız Respublikasımen ekijaqtı qarım-qatınasınıñ damu bağıtı berik bolıp qaluın rastay otırıp, Qırğızstan Prezidentiniñ saylaualdı maqsattarında jasalğan arazdıq tuğızatın jalğan twjırımdarı talay ğasırdan bergi dostıq pen elder arasındağı özara kömekke ziyanın tigizbeui tiis dep senemin.

Osığan baylanıstı qırğız qauımdastığın Qazaqstannıñ ekonomikalıq damuı jaylı şın mälimettermen habardar etudi wyğardım. Täuelsizdik alğalı beri bizdiñ ekonomika 20 ese östi. 2012 jılı Qazaqstan ekonomikası älemniñ bäsekege qabiletti 50 eliniñ qatarına kirdi. Elde mıqtı wlttıq biznes qwrılğan. Doing Business  Düniejüzilik Bankiniñ reytinginde Qazaqstan 35-orında twr. Bügin 1,3 million käsipkerlik qwrılım jalpı wlttıq baylıqtıñ törtten bir böligin öndirip otır. Soñğı on jıldıñ işinde Memlekettik industrialdıq-innovaciyalıq damu bağdarlamasınıñ ayasında mıñnan asa jaña öndiris salındı, onıñ qatarında avtomobil', lokomotiv, vagon, tikwşaq jäne tağı da basqa öndirisi bar. Bizdiñ elde eşqaşan öndirilip körmegen önimniñ jaña 500 türin şığaru igerilgen. Qazaqstannıñ kölik infraqwrılımı tübegeyli jañarıp jatır. 25 jıl işinde on mıñ şaqırımnan asa avtojol salınıp, qayta jöndeldi. Tayau jıldarı bwğan qosa 8 000 şaqırımnan asa avtomobil' jolı modernizaciyalanadı. "Batıs Europa - Batıs Qıtay" transqwrlıqtıq magistraliniñ qazaqstandıq böliginiñ qwrılısın tolıqtay ayaqtadıq. 2,5 mıñ mıñ şaqırımnan asa jaña temirjol jolı salındı. Aqtau teñiz portınıñ infraqwrılımı keşendi türde modernizaciyalandı, Qwrıq jaña teñiz parom portı salındı. Kaspiydegi teñiz ötkizu qabileti 25 million tonnağa deyin köbeydi. Jıl sayın jaña äuejaylar men temirjol vokzaldarı paydalanuğa berilip jatır. Qazaqstan Täuelsizdik jıldarında 120 million şarşı metr baspana salıp, 1,1 million qazaqstandıq otbasını pätermen qamtamasız etti.

2017 jıldıñ segiz ayınıñ işinde "Nwrlı jol" memlekettik bağdarlamasınıñ ayasında 6,9 million şarşı metr jaña baspana salındı. Onıñ işinde 18,3 mıñ jeke üy bar. 61 mıñnan asa qazaqstandıq baspana jağdayın jaqsarttı. Twrğın üy qwrılısı belsendi türde damıp jatır. Osı jıldıñ özinde 10,1 million şarşı metr jaña baspana paydalanuğa berildi", - dep habarladı Sağıntaev.

QR Ükimet basşısınıñ mälimetinşe, elde äleumettik infraqwrılım belsendi damıp jatır. 1,3 mıñ jaña auruhana men emhana salınğan, 500 jaña balabaqşa men 1,4 mıñ mektep salındı.

"Qazaqstan Prezidenti Nwrswltan Äbişwlı Nazarbaevtıñ bastamasımen aşılğan "Bolaşaq" bağdarlaması arqılı 12,5 mıñnan asa el azamatı 35 eldiñ älemniñ üzdik 200 joğarı oqu ornında bilim aldı. Jıl sayın ortaşa eseppen 270 mıñ jaña jwmıs ornı aşıladı. Soñğı 15 jıl işinde Qazaqstanda ortaşa jalaqı men zeynetaqı 10 ese östi. Zeynetaqı jäne äleumettik qorlar halıqaralıq associaciyasınıñ resmi mälimeti boyınşa, Qazaqstanda minimaldıq jäne ortaşa zeynetaqı mölşeri Qırğızstandağı jağdayğa qarağanda bes jäne üş ese köp. Bizdiñ elde ortaşa ömir süru wzaqtığı 72,3 jılğa jetti", - dep atap ötti prem'er-ministr.

"Al qızmet tarifterine kelsek, qazirgi uaqıtta Qazaqstanda tabiği monopoliya men twtınuşılar sub'ektileriniñ müddelerin teñdikpen qamtamasız etudi esepke ala otırıp, negizgi qorlardı jañartu men modernizaciyalauğa arnalğan jaña mojdel' iske asırılıp jatqanın atap ötkim keledi. Gidroelektrstanciyaları şığaratın elektrenergiyasınıñ tarifteri qazba energiya qaynarközderin qoldanuda alınatın elektrenergiyanıñ tarifterine qarağanda tömen ekeni aydan anıq. Qazaqstan Respublikasınıñ Prezidenti Nwrswltan Nazarbaevtıñ strategiyalıq sayasatın jüzege asıruda jaña elordamız Astananı saldıq. Elordanıñ damuına 50 milliard AQŞ dollarınan asatın qarajat qwydıq. Büginde Astana halqı bir million adamnan astı", - delingen Sağıntaevtıñ mälimdemesinde.

Sağıntaev biıl Astanada TMD-da twñğış ret EKSPO-2017 "Bolaşaq energiyası" Düniejüzidik körmesi ötkenin eske saldı. Oğan 115 memleket pen 22 halıqaralıq wyım qatısqan. Körme kezinde 4 millionday turist kelgen.

"Memlekettiñ ekonomikalıq mıqtılığı, twraqtılığı men jaylı investiciyalıq klimat arqasında iri transwlttıq korporaciyalar Qazaqstan ekonomikasınıñ barlıq salasında jwmıs isteude. Tikeley şeteldik investiciyanıñ jalpı kölemi täuelsizdik jıldarı 265 milliard AQŞ dollarına jetti. 2000 jılı el prezidenti Qazaqstan Respublikasınıñ Wlttıq qorın qwrdı. Qazirgi tañda Wlttıq qor jäne Qazaqstannıñ altın men valyuta qorınıñ jalpı kölemi 91 milliard AQŞ dollarına juıq", - dep keltirdi mälimetterdi ol.

"Ekonomikanıñ twraqtı ösimi, el JİÖ-niñ ösimi Qazaqstanğa seriktes memleketterge barlıq kömek türin körsetuge mümkindik beredi. Qazaqstan Respublikası 1997 jıldıñ 8 säuirinen "Mäñgilik dostıq" jäne 2003 jıldıñ 25 jeltoqsanınan "Odaqtastıq" qarım-qatınas turalı kelisimge layıq Qırğız Respublikasımen bauırlas jäne tatu körşi bolu sayasatın jüzege asırıp keledi. Osı jıldardan beri Qazaqstan bauırlas qırğız halqımen birge, äsirese qiın-qıstau zamanda Qırğızstan biliginiñ ötinişterine tüsinikpen qarap, äleumettik-ekonomikalıq mäselelerdi şeşuge barınşa qoldau bildirip, aytarlıqtay gumanitarlıq kömek körsetken. Onıñ işinde quat tasımaldauşılar, azıq-tülik jäne özge de äleumettik mañızı bar tauarlardı jetkizu bar. Qırğızstannıñ Euraziyalıq ekonomikalıq odaqqa kiruiniñ ayasında Qazaqstan Respublikasınıñ prezidenti 100 million AQŞ dollar köleminde tehnikalıq kömek beru turalı şeşim qabıldağan bolatın. Qazirgi kezde tehnikalıq kömek beru Kelisimi Qazaqstan Respublikasınıñ Parlamentimen ratifikaciyalandı. Qırğızstanğa gumanitarlıq kömek beru boyınşa 20 million AQŞ dolları bölinip qoyılğan, Bişkek pen Oşta eki jalpı bilim beru mektebi salındı. Osığan baylanıstı mıñdağan qırğızstandıq jwmıspen qamtamassız etildi. Sonımen birge investiciya kölemi köbirek boluı da mümkin edi, alayda, onıñ ösui qazaqstandıq käsipkerlerge qatıstı jaysız investiciyalıq klimattı sol küyde qaldıradı", - delingen Sağıntaevtıñ mälimdemesinde.

Qazaqstanda 125 mıñ eñbek migrantı tirkelip, elimizde twrıp jatqanı belgili. Olar memleketimizdiñ tarapınan äleumettik jäne medicinalıq kepildendirumen tolıq qamtılğan.

"Qazaqstan Respublikasınıñ Prezidenti Nwrswltan Äbişwlı Nazarbaevtıñ wstanımınıñ arqasında qazirgi uaqıtta Qırğızstannıñ importtalğan keden bajdarınan ülesi Euraziyalıq ekonomikalıq qauımdastıqqa müşe elder arasında 1,9 payızdı qwraydı. Qırğızstan Euraziyalıq ekonomikalıq qauımdastıqqa kirgeli beri olardıñ byudjetteri birden köbeydi. Mısalı, 2016 jılı Qırğızstannıñ ülesi 187,4 million dollar boldı. Bwl Qırğızstan Euraziyalıq ekonomikalıq qauımdastıqqa kirmey twrğandağı körsetkişinen üş esege köp. Qazaqstan Respublikası men Qırğızstan Respublikası arasındağı temirjol kölikteri qızmetterin retteu turalı kelisimge säykes, Qırğız Respublikası 2017 jıldıñ 10 qañtarınan bastap birizdendirilgen temirjol tarifterin qoldanıp jatır. Biraq tariftiñ mezgilinen bwrın qoldanısqa engiziluine baylanıstı Qazaqstan 49 million dollar aqşa joğalttı. Bwl degenimiz Qırğızstan ekonomikası üşin payda bolıp otır.

"Qırğızstan tarapınıñ Euraziyalıq ekonomikalıq qauımdastıq talaptarına säykes, sanitarlıq, mal därigerlik jäne fitosanitarlıq jüyelerdi qoldanısqa engizu turalı mindetterdi öz moynına alğanın aytıp ketu kerek. Biraq ol mindetter äli orındalğan joq. Bwl qazaqstandıq narıqqa jäne integraciyalıq qauımdastıqqa ziyan keltiredi. Qazaqstandıq tarap bwğan qaramastan Qırğızstannıñ auıl şaruaşılıq önimderine degen qoljetimdilikti oñaylatu maqsatında keşendi şaralar jürgizdi. Qırğızstannan Reseyge Qazaqstan aumağınan tasımaldanatın tauarlardıñ sanı aytarlıqtay - 100 tauarğa östi. Tehnikalıq kömek ayasında Qazaqstannıñ aqşasına - 100 millon dollar kölemindegi aqşağa mal därigerlik jäne fitosanitarlıq beketter jabdıqtalıp, karantindik jäne mal därigerlik zerthanalar men mal därigerlik preparattardı tirkeytin ortalıqtar salındı. Qazaqstan Respublikasınıñ keden organdarı Qıtay Respublikasına qıtaylıq tauarlardıñ öte köp importtalğanın jäne Qazaqstanğa da Qırğız Respublikasınıñ qıtaylıq tauarlardıñ köp mölşerde äkelinip jatqanın tirkedi. Bwl kedendik äkimşiliktiñ tiimsizdigimen baylanıstı. Degenmen de qazaqstandıq tarap qırğız tauarlarına qanday da bir şekteu qoyıp jatqan joq.

Qırğızstannan keletin tauarlardı qıtaydan keletin reksport tauarlarınıñ deregi bar boluına qaramastan Qazaqstanğa erkin türde ötkizudi qamtamasız etu şaraları tolığımen iske asıp jatır. Boljammen EvrAzEs wyımına müşe elderdiñ şığını şamamen 100 million AQŞ dollar, sonımen qatar Qazaqstannıñ QQS şığındarı - 155,8 million AQŞ dolları. Sonımen qatar, biz Qırğızstan üşin keybir mañızdı tauarlarğa eksporttıq kedendi baj salığın almaymız, alayda biz osı tauarlardıñ (mwnay jäne mwnay önimderi, qara jäne tüsti metall, teri jäne januarlardıñ jüni jäne tağı basqa) Qırğızstannan reeksporttalu deregin bilemiz. Joğarıda atalğan zattardıñ barlığı eki eldiñ ıntımaqtastığın qwrudağı bir böligi ğana. Qorıtındılay kele Qırğızstan Prezidenti Almazbek Atambaevtıñ spekulyaciyalıq ündeulerine qaramastan, Qazaqstan Respublikasınıñ ükimeti qazaq-qırğız ıntımaqtastığın jäne strategiyalıq seriktestigin belsendi türde keñeytip, nığaytadı", - delingen Qazaqstan Ükimeti basşısınıñ mälimdemesinde.

Abai.kz

58 pikir
Бұлбұл 2017-10-12 11:36:44
Дұрыс айтасыз, адам өз эмоциясын басқарып үйренгені жөн. Жеке басының қамына халықты тұтас айдап салудың қажеті шамалы. Қазақтың басшысын сынауға, қырғызға ешкім ерік берген жоқ. Өз басшымыз өзімізге. Қазақ жалпы кең халық қой.
Арай 2017-10-12 11:29:55
Түбі бір түркілердің бір жағадан бас, бір жеңнен қол шығаратын кезінде, Атамбаевтың бұлай айтуы мүлдем дұрыс болмасын. Бұл бір туған қазақ-қырғыздың арасына жік салу. Өз эмоциясын басқара алмаған адам, халықты қалай басқарады?
Мейрамбек 2017-10-12 11:23:01
Тау таумен кездесепесе де, адам адаммен жүздеседі. Бір адамның көңіл күйі тұтас халыққа кері әсерін тигізбеуі тиіс. Тек жақсылыққа...
Мейрамбек 2017-10-12 11:22:59
Тау таумен кездесепесе де, адам адаммен жүздеседі. Бір адамның көңіл күйі тұтас халыққа кері әсерін тигізбеуі тиіс. Тек жақсылыққа...
Жұмамұрат Шәмші Кеңесұлы 2017-10-12 00:39:37
Өкінішке қарай, ҚР Премьер-министрі Бақытжан Сағынтаевтан Қырғыз Президентті ҚР әлеуметтік-экономикалық жағдайы туралы есеп бер дегені жоқ. Ол Назарбаевтың ҚР Президентіне үміткер Бабановты неге? қабылдағанына ашулы біріншіден, жас Президент керек дегеніне ызаланды. Әлі күні қазақ еместер басқарып отырғаны өтірік емес. Сондықтан салиқалы, сауатты жауап беретін бір қазақтың Үкіметте болмағаны адамды сан-саққа жетелейді. Көкем-ау, неге? мен сияқты бір адамды жұмысқа алмайды екен. Осындай кезде пайдаланбайсыздар ма? Бақытжан мырза.
Төре.1986 2017-10-11 09:53:56
Қырғыздар қазақ мемлекеттігіне əрқашанда сатқындық жасаған. Қазақстанда кімнің ұры өлмейтін жалмауыз екенін қырғыз айтпасада білеміз. Ел даурығып шулап жатқанда сатқын билік сататынын сатып жатыр екен.
Ақ пен қараны ашу керек қой 2017-10-11 02:06:37
Билік өкілдері бұрынғы генерал Мусаевтың ауыр айыптауларына неге жауап бере алмайды? Ақ пен қараны ашу керек қой.
жəй Қазақ қа 2017-10-11 01:59:54
Ішіп қойды, жеп қойды деп жағасынан сотқа сүйреп апарып қамай салатын Атамбаев оған пешка емес қой.
Сержан 2017-10-11 00:32:11
Бейшара Сағынтаев 2012 жылы 50 елдің қатарына кірдік дейді. Содан халық 50 тиын пайда көрді ме екен?!.Қазір 2017 жыл әлгі рейтинг бойынша Қазақстан 57 орында @-өтеннен кері кетіп бара жатырмыз.
жəй Қазақ 2017-10-10 22:51:53
Атамбаевқа жауап беретін Сағынтаевтың денгейі емес, əлде Мұрагер анықталған ба еді. Атамбаев Елбасына тигізіп айтқаны рас, жалпы Қазақты кінәлағана жоқ. Ал Ақсақалдың өзін қорғайтын шамасы жеткілікті.
Жаке 2017-10-10 22:48:51
1000 стастика айтсанда Кыргыз дурыс айтты. Кунде Жемкор курыкталады. Кормейсинбе соны? Мунайлы елде Бензин жок. 17 млё халыкты Бензинмен камтамасыз ете алмасан калай сойлейсин. Кымбатшылык Елде.
Түңілген 2017-10-10 19:16:46
Ойпыр-о-о-ой, статистиканы тізбектеген екен сабазың. Осы да жауап па? Атанбаев "Астанаң көмір жағып, қыс бойы түтінге тұмшаланып тұрады. Осы уақытқа дейін өзіңде бар газды бас қалаңа жеткізе алмасаң не бетіңмен ЭКСПО өткіздің" десе, не деп жауап берер еді.
Бақтияр 2017-10-10 19:02:01
Халық деген атпен берілген сөзге толық қосыламын. Ал одан кейінгі билікке көлгірсіген қысқа постардың барлығы Ақордадан ақша алып, күні үшін шындықты бұрмалаушылар. Осындай тролльдерді өрбітетін әдет кәзір билікті сынаған сайын қаптап шығады. Олар негізінен Сағадиев пен әпенді министрді сынағанда осындай постармен интернетте отырады. Бұл да халықты алдаудың біздің билік жете меңгерген бір жолы. Өтірік үстіне өтірк жамап, күн көріп отыр.
Маңқа қазақ 2017-10-10 18:16:25
Мына кісіден кім отчет сұрап отыр? "Ватсааптағы Атамбаевтың сөзін оқыған халық шулап жатыр, арты ушығып кетпесін, жауап дайындаңдар" деген установка түсті ме? Халық малғұн емес қой, Атамбаевты қойшы, бірдеңе қылып жауап бердіңдер. Ал ғаламторда қаптап жүрген видеоларға не айтасыңдар? Олардың қасында мына қырғыздың айтып отырғаны баланың ойыншығы емес пе?.. Сенген қойым сен болсаң...
Инабат 2017-10-10 18:11:26
көре алмаушылық пен ашкөздік не айтқызбайды..сол Атамбаевтың сөзіне түкіргенім бар, бізден асып бара жатқан түгі жоқ, пысқырмаймын да.
мүмин 2017-10-10 18:11:07
өзінің халқын жетістіріп алмай отырып бізде несі бар десеңші...
еркін 2017-10-10 18:10:30
міне біреудің сыртынан сөз айтып, өсектемей, осылай байыпты сөйлеу керек ер адам, саяси тұлға деген! Біздің шенеуіктерімізден үлгі алсын қырғыздың түк көрмегендері"
Сұрат 2017-10-10 16:53:19
Бізде зейнетақы 1,5 есе көп болғанымен, халық тұтынатын тауарлар қызғыздардікінен әлдеқайда қымбат емес пе? Нәтижесінде, біздегі зейнетақы олардікінен әлдеқайда аз болып шығады.
Мақтанамын деп өзіне өзі көр қазып алды. 2017-10-10 16:02:56
Бұл жауап жауап емес! Халқын, елін миллиардтаған долларларға қарызға отырғызып қойып, барлық шикізат байлықтарын санаулы жылдарда шет елдерге сатып тауысып, болашақ ұрпаққа түк қалдырмай сипанский қылып кетейін деп отырып "өйттік те бүйттік, отқа басын үйіттік" деп мақтанған кімге керек? Одан да Өтемұратов сияқты олигархтардың прихватизация жасамай, биліктегі лауазымын асыра пайдаланбай, президент Назарбаевтың кассирі атанбай, жеке қатынасын пайдаланбай қалай заңды жолмен байып миллиардер олигархтар болып жүргеніне жауап бергені дұрыс еді ғой. Қайта, жауап берем деп отырып "Елорданың дамуына 50 миллиард АҚШ долларынан асатын қаражат құйдық" деп Астананы салуға бюджеттен бір тиын да жұмсалмайды" деген сарындағы биліктің өтіріктерін әшкерелеп тастады.
Судың да сұрауы бар! 2017-10-10 15:37:21
Егер қазақстандықтардың орташа кірісі қырғызстандықтарың орташа кірісінен 10 есе көп болса, шынында онда неге қазақстандықтардың орташа зейнетақылары қырғызстандықтардың зейнетақыларының орташа мөлшерінен 1,5 есе ғана көп ???! Неге 10 есе көп емес???! Зейнетке шыққан қариялардың 70 жыл бойы маңдай терлерімен жасаған бар дүние мүліктерін бұл қылмыскер алаяқтар қызмет баптарын миллиард есе асыра пайдаланып, халықтың аманаттарына сұмдық қиянаттар жасап, санаулы ғана жылдарда түгін қалдырмай тонап алып Форбсқа мақтанышпен шығып отырғандары әлі де аз болып отыр ма? Жауап бергіштер осындай заңды сұрақтарға неге жауап бермейді???!
Атамбаев ақиқатты айтып отыр! 2017-10-10 15:23:24
Бұл жауап жауап емес! Халқын, елін миллиардтаған долларларға қарызға отырғызып қойып, барлық шикізат байлықтарын санаулы жылдарда шет елдерге сатып тауысып, болашақ ұрпаққа түк қалдырмай сипанский қылып кетейін деп отырып "өйттік те бүйттік, отқа басын үйіттік" деп мақтанған кімге керек? Одан да Өтембаев сияқты олигархтардың прихватизация жасамай, биліктегі лауазымын, Назарбаевпен жеке қатынасын пайдаланбай қалай заңды жолмен байып миллиардер олигархтар болып жүргеніне жауап берген дұрыс еді ғой. Қайта жауап берем деп отырып "Елорданың дамуына 50 миллиард АҚШ долларынан асатын қаражат құйдық" деп Астананы салуға бюджеттен бір тиын да жұмсалмайды" деген сарындағы биліктің өтіріктерін әшкерелеп тастады.
Түңілген 2017-10-10 14:36:14
Иә, бұл басы ғана! Әлі талай шындықтың беті ашылары хақ. Шындықты күнделікті қарапайым адамдар айтып жатыр ғой. Бірақ, өте жоғары лауазымды адамның айтқан сөзі қоғамда, әлемде үлкен дүрбелең туғыза алады. Қазір көшедегі әрбір қарапайым, тіпті қарабайыр қазақтардың телефондарында Атамбаев Алмазбектің айтқан видеосы жүр. Бір біріне көрсетіп, арқа-жарқа болып, айтылған шандыққа риза болып жүр. Тек қана жемқорлар мен халқын сатқан имансыздар ғана шындықтың терісін айналдырып, халықтың басын улауда. Негізі, Сағынтаев иманды жігіт сияқты. Бірақ, мына құдай атқан авторитарлы жүйенің айтқанына көнбесең, Серік Ахметов сияқты түрменің түбінен бірақ шығасың.
ХАЛЫҚ 2017-10-10 13:56:03
Ашынғанда шығады ащы дауыс Баяғыда бала күнімізде біздің ауылдың кәріқұлақ ақсақалдары «ашынғанда шығады ащы дауыс» деп айтып жататұғын. Ол кезде оның парқын онша түсінбейтінбіз. Өсе келе осы сөздің байыбын аңғара бастадық, яғни нақты мысал екі-үш күннен бері барлық әлеуметтік желі арқылы у-шу болып жатқан Қырғыз президенті Алмас Атамбаевтың Бішкек маңындағы Ала-Арча мемлекеттік сарайында ел азаматтарына мемлекеттік мәртебелер тапсыру рәсімінде сөйлеген сөзін талқылауда. 15.10.2017 ж. таяуда Қырғызстан Республикасының президент сайлауы өтпекші, соған байланысты сайлауға түсіп жатқан кандидаттарды сынай келе, қазіргі қазақ билігі туралы шындықты жайып салды. Қырғызстанның ішкі саясатына араласқан қазақ билігіне өкпесі қара қазандай екенін байқатты, тіпті «Если наши соседи не очухаются, не опомнятся, я буду говорить по-другому». Каждый народ должен выбирать своего правителя, и он заслуживает того, кого выберет. Я понимаю, почему нам хотят навязать своего кандидата казахская власть они любят Бакиева (экс-президента свергнутого во время цветной революций 2010 года). Я до сих пор слышу от официальных лиц Казахстана, что Бакиевы правильно делали, расстреливая мирных людей. Бакиевы до сих пор проводят в Казахстане праздники. Да, ВВП города Алматы в 5 раз больше, чем ВВП всего Киргизстана. А ВВП Казахстана больше ВВП Киргизстана в 20 раз. И валовый продукт Казахстана в доходах в 10 раз больше Киргизстана. Почему тогда пенсии Казахстана больше (киргизских) всего в 1,5 раза, а не 10 раз, а тарифы выше в 5 раз? Почему? Потому что разворовывают богатства в Казахстане». Бүгінге күнге дейін қазақтарды қазақ емес, осыдан 600 жыл бұрын сұлтан сайланған Шыңғысханның ұрпақтары басқарып отырғандай әсер қалдырады дегені А. Атамбаевтың не айтқысы келгенін екінің бірі түсіне бермейді. Оны түсіну үшін ерекше қабілет пен тарихтан хабары болғаны абзал. Біріншіден билікте ұзақ отыру мен оны монархиялық жолмен өз ұрпағына мұра етіп қалдыруға тырысудың халыққа қиянат екенін. Екіншіден қырғыздардың кезінде Кенесарының басын алғанын тағы бір мәрте ақтап алуға немесе қазақтардың соңғы ханының басын біз алғанбыз, бірінші президенті біз үшін түк емес. Үшіншіден қырғыздардың екі төңкеріспен екі президенттін елден жыраққа ит қосып қуғанын меңзеп «қазақпен салыстырғанда қырғыздар әлдеқашан халық билігін ұстанған, саяси оянғанын, бір адамның ұзақ жылдар бойы билеп—төстегеніне жол бермеген» деген ойды айтып отырған сияқты түйіледі. Назарбаев Ақордаға Қырғыз еліне үміткер Бабановты қабылдауы мүлдем дұрыс емес, ол бөтен елдің ішкі саясатына араласу болып табылады. Егер қырғыздар халықаралық сотқа шағым түсірсе сот алдында жауап беруге тура келеді. Елбасы ел ішіндегі мәселелер шаш—етектен екенін біле тұра, Қырғызстанға үкімін жүргізгісі келеді.«Ешкі мүйізін сұраймын деп жүріп, құлағынан айырылыпты» болып жүрмесін. «Атамбаев подает казахам «плохой» пример. Потому что, народ хочет справедливой власти. Правильно Назарбаев на встрече с Бабановым говорил о молодом президенте. Но, самый старший кандидат (в президенты Киргизии )на 20 лет моложе Назарбаева. А я—на 16 лет. И кому нужен молодой президент, нам или Казахстану? Я все равно проведу честные выборы. Я горжусь тем, что показал образец справедливой, чистой власти. В этом мне помогали кадры вроде Темира Жумакадырова (Таяуда белгісіз жағдайда көлік апатына ұшырап қайтыс болған Қырғызстан Үкіметі басшысының ел басшысын сайлауында жауапты орынбасары). Смерть забрала одного из нас, но нас больше шести миллионов. Дай бог после выборов унесу всю старую элиту, они никогда не вернутся. Потому что люди сейчас другие...Наш народ умеет различать людей. Не надо нас учить, мы нашли свой путь». Ғасырлар бойы ауылы—аралас, қойы—қоралас жатқан Қырғыз басшысының кенеттен ашуға мінгенін, сөйтіп, шыңғырған шындықты қарша боратып жатқанын алғашқыда түсінбей қалдық. Бұған дейін де бірнеше Алмас Атамбаевтың «ыстығы көтеріліп» қазақ билігіне қарата айтқаны есімізге түсірейік. «2010 жылы Бакиевті елден қуған кезде Қазақстан көмір бермей қойып, қырғыз халқы қатты қиналды»--деп еді. 2015 жылы Қазақстан мәдениет министрі Арыстанбек Мұхамедиұлының айтқан сөзіне жауап ретінде, Қазақстан Мәдениет министрінің Мәскеудің дәретханасын жуып жүрген қырғыз қыздарының деңгейімен бірдей ме?—деп кекеткені. Жуырда Назарбаев Қырғыз Президенттігіне үміткер Бабановты арнайы қабылдап, оң қабақ танытқаннан кейін Қырғызстанның Сыртқы істер министрлігі бұл әрекетке наразылығын білдіріп, дереу қарсылық нотасын жолдады. Кім біледі, алпыс екі айласы бар сұрқия сұм саясатты түсіну оңай емес, қазақ пен қырғыз арасына іріткі салып отырған солтүстіктегі аспанға ақырған аю ма? әлде шығыстағы алты басты аждаһар ма? немесе әлемді билеп—төсегісі келетін мұхиттың ар жағындағы 525 жыл бұрын Христафор Колумб ашқан құрлық па? «Естіген құлақта жазық жоқ»--дегендей, біз тек өз ойымызды ортаға салдық. Жұмамұрат Шәмші
Апашка 2017-10-10 12:07:15
Екі ел бауырлас халық, сондықтан арамыз ажырамасын. Тату болайық!
Бөкенбай 2017-10-10 12:06:14
Қырғыз халқына құдай қуат берсін, мынадай президенттен сақтасын
Эля 2017-10-10 12:04:55
Атамбаевтың түріне қарасам аянышты түрі, әңгімесі әйдік деп ойламаппын
Лорик 2017-10-10 12:01:45
Арманы тақтан таймау сияқты ғой Атамбаевтың
Аноним 2017-10-10 12:00:46
Атамбаев өз сөзіне жауап бере алады ма? Не болса соны айтып... тыныш жүрмей ма?
Че 2017-10-10 11:07:41
Қырғыздың қанында бар қазақтын басшыларына сатқындық жасау. Дəлел Кенесары ханың басы.
Кокс 2017-10-10 10:43:22
Өзі де президенттіке үміткер болған кезде Путинмен кездесті емеспе
Медет 2017-10-10 10:41:35
Басқа елдің жынына тигенше, өз елінің экономикасын көтермейме
Нуки 2017-10-10 10:39:57
Біздің елдің жетістігіктерін көре алмаудан ба деп қоям осы
Бека 2017-10-10 10:39:16
Президент болдым. Бәрін тындырдым, Ендігі қалғаны мені талқыға түсіретін зат қалдыру керек!-деген шығар
Ера 2017-10-10 10:36:00
Атамбаев кететін кезінде мұндайын күтпеп едім. Ренжідім
Нұрбақыт 2017-10-10 10:23:10
"Боламын деген баланың бетін қақпа белін бу"- деген аталы сөз бар. Бірін-бірі демеп жүру керек екі мемлекеттің ортасына Атамбаевтың сылдыр саясаты кедергі болмауы тиіс.
ауылдан 2017-10-10 10:18:27
Айтылған сөздің бәрі жақсы, тартымды, ал, бірақ, Атамбаевтың сөзінде жауабы жоқ шындық бар.
Еңілік 2017-10-10 10:16:53
Алма, арадан шыққан жау жаман деген осы болар. Иә, біз бауырлас елміз. Достығымызға ешкім сызат түсіре алмас!
Раушан 2017-10-10 10:15:13
Қырғыз елінің нөмірі бірінші азаматы бола тұра, айтқан сөздері өте ұятты(
Алма 2017-10-10 10:15:03
Өмірде барлығы болады. Бірақ Достықтың қадірін түсінбей сырттан оқ ату өте жаман қылық, Қанша жерден Атамбаев әрекет етсеңде елдің бірлігін бұза аламассың.
Ерсін 2017-10-10 10:13:36
Сіз қырғыздарға мәлімет жасайтын ол елдің премьері емессіз ғой оданда елде неге бензин тапшы, пенсия, зарплата неге төмен, үйсіз-күйсіз адамдар неге бар осыған жауап берсеңіз.
Клеопатра 2017-10-10 10:11:19
Осындай мәлімде жасайтындай біздің халық пен елбасы не істеп қойыпты саған Атамбаев-ау. Бәленің бәрі осылай шығады ғой
Несібе 2017-10-10 10:10:51
Міне нағыз айқын жауап. Атамбаев деп аттандап кеткендер енді басылған шығарсыңдар.
Гулшахар 2017-10-10 10:09:09
Үкімет басшымыздың мәлімдемесі нақ екен. Екі елдің ортасына от салмай Атамбаев атыңның басын тартып жүр.
Арал 2017-10-10 10:06:56
Мәселенің ақ пен қарасы ашылып жазылған екен. Атамбаевтың жалауын желбіретіп жүргендер енді естерін жиған шығар...
Нұрлан 2017-10-10 10:05:41
Біз қырғыз елі болсын, басқа болсын ылғи тек жақсылықпен қарсы алып, жақсы қарым-қатынас орнатуға тырыстық
Айнұр 2017-10-10 10:03:09
Еліміздің үкімет басшысы дұрыс мәлімдеме жасаған екен. Бір Атамбаевқа бола екі ел арасындағы достықты жоғалтып алуға болмайды. Былай қарап тұрсақ қаншама халық саудамен нанын тауып жүр.
Қайырбек 2017-10-10 10:03:09
Атамбаев не десең де, өзіңнің ауызың күйген. Тыныш отыруың керек еді өзгенің саясатына араласыпай
Данчик 2017-10-10 10:00:31
Басшы ретінде ол әрбір сөзіне абай болуы керек еді, енді ол осы қылығымен бүкіл қырғыз елінен сөйлегендей сол елді масқаралап отыр
Сара 2017-10-10 09:59:29
Осы жауап нақты жауап. Атамбаев өз сыйыңды құрттың, сайлауда жеңудің амалын осылай қарастырып отырсың ба?
Қазақ 2017-10-10 09:59:23
Менің ойымша, Атамбаев қара басының қамы үшін, елін ойламастан түк пайда әкелмейтін мәлімдеме жасаған.
Санек 2017-10-10 09:57:02
Басқаға сөз айтам деп, өзі ғана жаманатты болды. Басқа ешкімнің ештенесі кетпеді, себебі бәріне өзі кінәлі
Жамал 2017-10-10 09:56:25
Бауырмыз деп жүрген қырғыз ағайындармен арамыз үзілмес. Бірақ Атамабаев өзінің жаман тірлігін жасап кетті
Лейла 2017-10-10 09:55:00
Кезінде қол ұшын созып отырған қазақ еліне жағымсыз сөз келтіргені дұрыс болмапты...
Донча 2017-10-10 09:51:41
Өзінің сол сөздерімен Елбасыға да, тіпті қазақ халқына тіл тигізді. Бұндайды қалай ғана жасайды, біз бауырлас мемлекетпіз ғой!
Болашақ 2017-10-10 09:49:54
Жауап жақсы айтылған, бәрімізге де көкейеге түйіп жүретін мәліметтер. Ал Атамбаев енді өзгенің тірлігіне килікпей өз бетіңмен жүргейсің
Береке 2017-10-10 09:40:13
Охо, вот прикол. Это то ясно. Теперь бы понять зачем Атамбаеву нужно было так высказываться? Он же не может говорить за всех кыргызов
Жако 2017-10-10 09:30:29
Осындай толық айғақтармен барлық мәліметті алға қойып шығаратын мақалалар күшті. Енді біраз түсінікті болып қалды
Еркеш 2017-10-10 09:26:21
Шынымен күшті айтып салыпты ғой, білуіміз және ескеруіміз керек дүниелер екен. Атамбаевтың сөздерін қалай деуге болатының өздеріңіз де осылай ұғып қалған боларсыздар. Түк ұнамады

Üzdik materialdar

Ruhani jañğıru

Qanat Äbilqayır. Qarız ben Parız

Abai.kz 7852
Qauip etkennen aytamın

Qazaqstanda jürgen qıtaylar kimge süyenedi? 

N.Qoşamanwlı 15182
Ätteñ...

Wltqa qarsı kez-kelgen azamattı «jarnamalau» kerek

Äkeş Baybatır 29149